الجزء 131 من كوزينة واش طيبتي اليوم - الصفحة 102

omomnia15 · 2015-05-25, 08:36

صباح النور على الغوالي
راهي النو اطيح تقول جانفي والبرررررررد غير تع عدس ولا مردود هذا ما يليق بلاك ندير حاجة فيهم كيما قالت ام ياسو نودع بيهم العام

wahibaazel · 2015-05-25, 08:40

ام تاج حنونتي علبالك واش معناها يؤبرني :يقبرني ،شفت السوريين دايما يقولو هذي الكلمة يؤبرني وهي معناها يقبرني ،شفت واش راه صاري فيهم مساكن ربي ينصرهم .لانه كاين ملائكة تؤمن .فهمت حنونتي .حتى وان كانت للمزاح .مازلنا نحتاجوك ههه.

اسمهان79 · 2015-05-25, 08:43

احلى صباح لاحلى لمة واحلى صحبة واحلى اخوات في هاذ المنتدى
تحياتي معطرة بالحب والود والاحترام للجميع

fadila34 · 2015-05-25, 08:49

صباح النور على اغلا الاحباب ويومكم موفق اناشاء الله احنا عندنا المطر نويت على لعدس ومطلوع القمح باذن الله نخلكم ربي يعونكم على اشغال البيت

أم محمد تاج · 2015-05-25, 08:56

احلى صباح وهيبة حنوووونة شفتي مساكن بصح كلامهم حلو وعندك الحق يالغالية ههههههههههه
صباحووووو اسمهان وفضيلة وكل الملتحقات الآن

omhadil · 2015-05-25, 08:59

صباح الورد والياسمين يا لغزلات

omhadil · 2015-05-25, 09:03

صباح الخير ام تاجو فضيلة وكل الاخوات
اختى اسمهان بوسيلى هذا القمر لى طل علينا البارح
ياعمرى ربى يحفضها ويسترها ماشاء الله عليها بوبية الله يبارك

أم ياسين الزهراء · 2015-05-25, 09:06

ام نور تاخرت عليك بصح الله غالب ندخل مزروبة ونخرج مزروبة

نقي الخضرة بطاطا فلفل طماطم وقليشة او جريوات نقيهم الكل واخويهم وذريلهم شوي ملح باش مايجوش سامطين واقليهم شوي برك ومن جهة حطي اللحم مرحي في مقلى فيها شوي زيت وبصل مقطع وثوم يطيبو وتبليهم بتتبيلتك وقطعي عليهم حبة طماطم ومعدنوس وزيتون مقطع ويطيب نص طياب برك لان راح يكمل في الفور وارمي عليهم الروز طايب وكرام فراش وطفي ومنبعد عمري الخضر انتاعك ونسيت نقلك الطماطم ماتقليهاش ومن جهة طيبي صوص طوماطم انا نرمي فيها بولات تاع اللحم مرحي وستفي الخضر وارمي عليهم الصوص وهديك كريمة الفرماج احنا مانحبوش البيشاميل ندر الحليب عيني ميزاني وشوي فرينة والفرماج يطيبو على النار مع تشوفيهم يبداو يخثارو ارميهم على الطبق وغطي بالألمنيوم والى الفور راهو مايديش وقت لان الكل طايب وبالصحة وماتنسايش ورقة رند في الصوص

omsalah · 2015-05-25, 09:07

صباح مشرق وسعيد لكل الحبيبات ام كاميلياانت دائما على بالى والله مانسيتك لحضةوهيبة تقبل الله منك صالح الاعمال وثبتنا الله على دينه

أم ياسين الزهراء · 2015-05-25, 09:08

ام نور باش ماتتقطعلكش عجينة المحاجب ماتكثريش الماء في العجين خليه شوي حاكم روحو وطبقي طبقة ومنبعد ديري الحشو وماتقطعيش عجينك في العجين

حبيباتي احلى صباح نوض نتوكل على ربي شوي برد

دائمة الحمد · 2015-05-25, 09:17

احلى صباح لكن جميعا يومكن سعيد مبارك
الجو راهو بارد غسلت الزور ولي كووات وزادو جبدوهم لازم نزيد نعاودهم
ام ماجد يهنيك ويوصلك لبيت مكة يارب
غدايا عدس ولدي اختصرلي كل مسافات التخمام وقالي توحشت لعدس نكمل كسرة رخساس اليوم راح نخبز خلاص تم الاضراب ههههه
ربي يعاونكم ويعاوني في الاشغال
نتلاقاو ا في كوزينة رفيف بحول الله

om kamilia · 2015-05-25, 09:23

آسفة كتبت رد طويل كل واحدة باسمها طار طار , المهم نهاركم موفق حبيباتي
ام يا سين سقسيتك البارح بصح نسيت

omsalah · 2015-05-25, 09:23

صباح الوفاء والحب والتقدير لريحانة المنتدى دائمة الحمد

om kamilia · 2015-05-25, 09:26

دائمة الحمد شفت البارح تحضيرات آسينات الله يبارك عليك , من فلك طريقة الفلفل جاتني هايلة

دائمة الحمد · 2015-05-25, 09:51

صباح الخيرات ام كميليا
ام صلاح الله يخليك حبيبتي ويحفظلك كل عزيز وغالي صباح المسك والعنبر
فضيلة صباحو حبيبتي نفس سؤال كميليا سالتيه البارح راح نجاوبكم ما تلوموش الله غالب راني هارجة وستريسي شوي
الفلفل نحلوه من النص ونملحوه ونقلوه في زيت جديد ما تخليشو يتحرق قطريه ولما يبرد نقطعوه سيور طوال +زيت زيتون +ملح +ثوم +زيتون اخضر مقطع دوائر وكل ساشي نعملوا فيها كمية ونحطوهم في الكونجيلاتور في بلا متباعدين لما يحكم روحو في بورت مونجي ونخلوه في الكونجيلاتور لحين الاستعمال
المرقد تاع القراعي هذي الطريقة

https://www.djelfa.info/vb/showthread.php?t=1281221