اهلا بكن في الجزء 146 من كوزينتنا .اهلا وسهلا بيكم

[oum anas 69]

صحيتو لعذرات .. المهم راني متبعتكم وبصح مانتفكر والو الله غالب .. إيه تفكرت كيكة أم جوجو ممم خرجت هايلة بصحتها بنتك .. و غداء أم ساجد ماشاء الله قلشتي رويحتك مع بنيتك خخخ بصحتكم و لي راهي تستنى في مفاجأة زوجها .. وراسك كيما العام لي فات 3 جاجات بالريش خخخخخ..و أم و إبنة مانزعفش منكم حنونة رانا كامل هنا خيات نتقاسمو همومنا و أفراحنا و أحزانا و طيابنا طبعا
ليزا و حنان و أم سراج بوه عليكم بوووووه كيفاه ذهبتلكم على هذاك القاطو .. راهو باين طبعاتو بطابع دائري عالي ممبعد لصقت من فوق ورود بالمول السيليكون و دهنت لحواشي و دارت لوز إفيلي محمص .. ماقريتش الوصفة بصح إذا كان مايطيبش راني هكذا فهمتو من الصورة
ساجدة و أم سارة مممم أطباقكم تشهي
ساجدة ربي يعينك على التربية و يعينا جميعا .. سبحان الله الوقت صعاب و ضيق و الجيل هذا واعر و عنيد .. بكري كانت الصحة و البركة في الوقت و الرزق و أحنا عاقلين مع أنو أمهاتنا كانو مساكن يجيبو با 9 مثل أمي .. تخدمنا كلنا ... ضرك 1 تلقاي أمو حاصلة فيه
أم وسيم أصبري حنونة مابقاش و يكبرو و تريحي .. و هاذي هي الضنايا .. أمالا تشوفي هديل بنتي 13 شهر وزنها الطبيب البارح 6 كيلو و 180غ برك و عادي مانتقلق المهم صحيحة في عقلها و جسمها ...
أكثري الإستغفار بنية أنهم يعقالو .. و أطلبي ربي يعينك .. غير تحلي عينيك صباح أدعي ربي يعينك في تربيتهم .. و الله حتى أنا تعبانة مع أولادي و راني بالحمل و إن شاء الله مايكون غير الخير

[دائمة الحمد]

صحة عشاكم جميعا وبصحتكم الي طيبتوه وكلش 4444444444 ويهبل
ام انس ربي يسلكك على خير انا وين يجوني الدواعش كلش يحطوه في الارض
انا ربيت ولادي كلش في بلاصتو مالغري نخدم
ربي يكون في عونكم ويعطيكم القوة
رحت لدارنا تعدت عشية تهبل
وفت لاختي تسكن بحذاهم انا وام داعش واميرة وقصرنا وكلينا سفنج عاملاتو بنتها يهبل نرتاح مليح ونجربو ونعطيكم الوصفة
روحنا لقينا اسينات قدام الدار هي وبنتها تعشينا بيتزا دارتها اميرة انا لي شهيتها
ام ماجد رانا الكل في الانتظار انا العام لي فات لعبها نساني وقالي شفتي راهم قالو دواء السكر ينقص في الذاكرة وهو ايام طفولتو متذكرها بالحرف والكلمة
واش تحبي ربي يخليهملنا يحملونا ونحملوهم وخلاص

[البحر الصافي]

اهلا ام انس نورتي حتى انا خفت منك وجبت عشايا وجيت ربي يقدرنا على تربية وليدانا
لبنا ت الكل على بالي راكم فووور راني ما راجعت والو ما نيش قادرة خلاص ليوم كان نهار صعيب مع لولاد
دائمةالحمد الحمد لله انك بخير وبصحتك اللمة والتقصار

[ليال 22]

ولي يحب التمر يتفضل





امممم روائع كالعادة بصح ندي التمر نموت عليه.

[oum anas 69]

ربي يخليك عزيزتي دائمة الحمد و بصحتك القصرة عند الغوالي إن شاء الله تكون ريحت اللميمة الحنانة
كيما قلتي الجيل هذا يالطيف ربي يهديهم و يصلحهم مايرتاحوش حتى يخربو الدار كامل ولااازم يرجعو الأم على أعصابها حتى الراجل يولي يشك فيك بلي راكي مريضة عقليا خخخخخخ
و العيد ميلاد عادي عندي ماعندي حاجة في الحفلات و الهدايا وووو ... أنا عيد ميلادي نهار العيد خخخ 24 سبتمبر و كنت من قبل متعافرة مع زوجي أمالا جا هدر معايا و رضاني يوم عرفة يعني نهار 23 .. أمالا قتلو دير في بالك غدوة يوم 24 سبتمبر عيد ميلادي .. إيماجيني واش قالي خخخخخ ..خبط يدو على راسو و قالي لوكان نحسب هكذا راني خليت نرضيك نهار 25 سبتمبر خخخخخخ طاحتلي دمعة ماروكو خخخخخ

[um alaa]

ام انوس اهلين فكرتيني في كيكة ام جوجو تهبل
دائمة بصحتك اللمة
البحر الصافي بصحتك والله غير اكلك يشهي
ام وسيم ربي يحفضلك الدراري و ان شاء الله يبرو و تنساي كلش

[دائمة الحمد]

الله يخليك حبيبتي البحر الصافي
والتمر راه من ارقى الهدايا
ام ساجد التفيفحة موالف سي السيد كي يقضي يجيبها راح نفكرو بيها نموت عليها

[um alaa]

ام انوس اهلين فكرتيني في كيكة ام جوجو تهبل
دائمة بصحتك اللمة
البحر الصافي بصحتك والله غير اكلك يشهي
ام وسيم ربي يحفضلك الدراري و ان شاء الله يبرو و تنساي كلش

[دائمة الحمد]

حتى الرجال معذورين مساكن الوقت صعيب وضغوطات الحياة
ربي يطيب العشرة ويحنن القلوب على بعضها

[ساجده 82]

ههههههههه عجبتني دمعه ماروكو ام انس

[أم أماني وعبدو]

[باسم وبيسان]

عشايا بسم الله
[IMG]url=https://www.0zz0.com][/url][/IMG]
[IMG]rl=https://www.0zz0.com][/url][/IMG]
[IMG][/IMG]
[IMG]url=https://www.0zz0.com][/url][/IMG]

[أم أماني وعبدو]

خلاص راني يأست درت كل طريقة وما خرجلي والو

[دائمة الحمد]

بصحتكم ام باسم هايلة

[البحر الصافي]

ربي يخليك ام الاء وين يجي طيابيي قدام الفن لي راكي تحطي فيه
باسم ويسان البيتزا راهي تقتل تقول تاع برا
نسيت نقول لام ججو راهي التارت تهبل يعطيك الصحة شفتها الصباح لكن ما ادخلتش نهار كامل