الجزء29 من واش طيبتي اليوم؟ - الصفحة 102

أم ياسين الزهراء · 2013-10-01, 14:37

البنات ماننصحكمش بدواء الزيتون مضر للصحة ن

هدي طريقتي ترقاد الزيتون وعن تجربة 20 سنة واكثر هههههههههه زعمى جداتكم

جيبي الزيتون ونحي الاخضر وحدو والاحمر وحدو لان الاحمر يطيب ثم ثم ومايصبرش شلطيه بالموس اعملي زوج شلطات وحطوه في الماء وخلوه كل يومين بدلو الماء وهكى حتى كيتذوقوه تلقاوه تنحاتلو المرارة ديرو الماء والملح وخلوه يومين ولا 3 ايام ومنبعد نحولو هداك الماء وديرو ماء جديد معاه الخل والملح والرند والثوم والزرودية والبسباس واللفت والكرافس وفلفل حار ادا تحبوه حار اقسموه ولا كيما انا نخليه هكاك والقارص مقطع قطع واقفلو عليه بعد يومين حلو وذوقو كشما خصو ملح ولا خل زيدولو وبصحتكم

وهدا اللي يجيب كمية كبيرة احكمي الزيتون بلا ماتشقيه وديريه في بوادن الكمية اللي ناوية تاكليها وديري معاه كمية كبيرة ملح بزاف واقفلي عليه ونهار تحبي تاكلي منو اجبديه شلليه وشقيه وديريه في الماء واعملي الطريقة الاولى

أم ياسين الزهراء · 2013-10-01, 14:38

الاخت اللي سقساتني على البسبوسة ندير كيما ام رامي غير الصفار نضربو ب3 ملاعق عسل برك

sidali 2007 · 2013-10-01, 14:43

يعطيك الصحة ام ياسين علي نصيحة

إلهام07 · 2013-10-01, 14:43

اقتباس:

المشاركة الأصلية كتبت بواسطة أم ماجد

هههههه ممكن طيبتها اختك الهام

انا نزيدلها شوية خميرة باه اجي خفيفة

بلاك ماسخنش الطاجين مليح

اختك تعودت على الجو الجديد علابالك اكل دار مايشبه لدار

هههههههههههههه لالا ماداراتهاش أختي في وقتها كانت مازال مادخلتش

بصح ماجاوبتينيش ديروها كيما الرخسيس ؟

شفت نتاع ساندريلا عجبتني تبان مبسسة وطرقيقة وطرية

اقتباس:

المشاركة الأصلية كتبت بواسطة alison dilaurentis

السسسلام عليكم...

لاغيبة لاوالو اختي الهــآآم والله كنت مريضة في حالة ولليوم مزالني نعاني...وانتوما كي راكم كآآآمل..؟؟؟

انا جبتلكم معايا قاطو خفيف وساهل تتقهواو بيه..ههه

وجبتلكم تاني مسكوتشو بالجوز انا نمووت عليها ...

ربي يشافيك حنونة ويشافي ماري ويشافي كل مرضى المسلمين يارب
سخفتيني بجينواز الجوز بصح الموصيبة غالي وعععععععععععععع هاتي الوصفة نشوف
سخفت عليها من نهار شفتها في موضوع ليدي وحبيت نسقسيها عليها بصح هي ضرك راهي مشنفة علينا ماحبتش تدخل

tokio hotel · 2013-10-01, 14:43

اختى ام اسلام و اية غلطت ماشى مدربل متبل البادنجان نشوى البادنجان و نرحيه مع ثوم ومعدنوس و كمون و طحينة و قارص

anaris · 2013-10-01, 14:43

اقتباس:

المشاركة الأصلية كتبت بواسطة أم ياسين الزهراء

الاخت اللي سقساتني على البسبوسة ندير كيما ام رامي غير الصفار نضربو ب3 ملاعق عسل برك

مشكورة اختي يعني ديري كاس سكر وتزيدي 3ملاعق عسل

ladymillion · 2013-10-01, 14:46

هههههههههههه لالا الهام مانشنفش علاه نشنف يا ختشششششي هيا اسيدي تفضلي سقسي هذاك الجينواز يجي هايل بصراحة

ladymillion · 2013-10-01, 14:48

ام ياسو مشكورة وابعثيلي شوي زيتون يخي ؟؟؟

sidali دورك نحط شوي طياب هههههههه

إلهام07 · 2013-10-01, 14:51

وااااااااااااااااااااي جات ليدي
شوفي موضوعك نتاع الحلويات كي نجوع نحلو ونبقى غير نتفرج وكي نوصل للجينواز نتاع العسل والجوز مممممم نذوب
لاه ماكيش حاطة الوصفات يعني لازم تهرجينا على كل وحدة
نحوس نديرها بصح لاكان تدي بزاف جوز غير ماكلاه ههههههههههههههههههه شوفي أنا جد مبذرة بصح في المكسرات نتمشحح هههههههههههههههههههه

ياسو نستعرف بيك فحلة وباتنية حرة الطريقة الثانية مايعرفش من والى نتيريلك شابو

omhadil · 2013-10-01, 15:00

لبنات كرهت روحى من كثرت مارانى نحاول نرفع الصورة ما حبت تطلع رانى رايحة نكسر هاذ الميكرو
رغم انى تبعت الرابط تلع تحميل الصور

ladymillion · 2013-10-01, 15:01

هاذو شوي خلطات من المطبخ ههههههه اولا تحييكم هاذ الدجاجة ولا ديك مافهمتش درتها بصح عييت نفهم طومة قاتلي هذا ديك ايام طفولتو هههههههههههه

بربوشة بالقديد مممممم

وطبقت بطاطا نتاع الهام جات تهبل بنينة

قليان مع الكسرة

هاذي كسرة الشحمة

غراتان البروكلي

GATEAU RUSSE نتاع ام كوثر يذوب في الفم الله يبارك ماتو عليه وصراتلي كارثة هههههههههه باش نبرش العجينة لي نديرها من فوق درتو في الروبو و كان فيه الكريمة ورحع عجينة طبعتها وردات ونقذت منها شوي وبرشتها في الحق نطيب عجينة طبقة وحدها باش نفتتها من فوق معليش حكيتلكم قصة حياتي هيهيهيهيهيهيهييييي لكن جا هايل ولاول مرة نديرو

معكرونة دارتها طومة اليوم في المول

الحمد لله على النعم والخيرات

omhadil · 2013-10-01, 15:02

شفتو كيفاش راهم يطلعو ساعيدونى

ladymillion · 2013-10-01, 15:05

الهام راني حطيت معظم الوصفات في هذاك الموضوع في التعليقات تلقايهم و واحد الاخت ربي يذكرها بالخير دارتلي كتاب فيه هاذوك الوصفاااااااااات لي كتبتهمم انا ههههههههههههه دورك نبعثلك الرابط نتاعو

*زهرة اللوتس* · 2013-10-01, 15:07

سلام بناويت وشراكم ان شاء الله لاباس
أم ابراهيم شكرا على الرسالة هاي ليك وصفة الكاستال تاع ام كوثر بالصور ليك و لكل اللي طلباتو راني أرشيف كلش نخبيه ههههه
https://www.djelfa.info/vb/showthread.php?t=1430158

إلهام07 · 2013-10-01, 15:08

حقة ليدي واقيلا أم الهضاب في رمضان عطاتني وصفة نتاعك نتاع قاطو المحقن وراحتلي قاتلي طري يهبل
أنا حاباتو طري بصح مايكونش فيه النشاء وإذا كاي ماشي بزاف نكره طعمو في القطو جربت نتاع ام رامي يهبل وصلحلي بصح كون غير نلقى كيفو بصح بلا نشاء
عاودي اعطيني الوصفة نتاعك