دورة " ربات بيوت واثقااااااات"

[رندة.]

ماتنساوش :
صلاة الضحى
الصلاة على النبي محمد صلى الله عليه وسلم
قراءة سورة الكهف
الإكثار من الاستغفار وترقب ساعة استجابة الدعاء
جمعة مباركة للجميع ان شاء الله

[ام شمسو محمد]

السلام عليكم فرااااشاااااات ...جمعة الطاعات و الكهف و الصلاة على النبي و التطهر و التطيب و الدعاء المستجاب ....جعلنا الله من الفائزين ..في الدارين

اللهم صل و سلم على نبينا نحمد

[حياتي كلها امل]

شكرا لك رندا وربي يوفقك انت ايضا في كل الاهداف الي راكي مسطرتها انت وكل الاخوات يارب

[ام شمسو محمد]

اصبحنا و اصبح المبك لله رب العالمين ....لا اله الا الله وحده لا شريك له له الملك و له الحمد و هو على كل شيء قدير...

[حياتي كلها امل]

اللهم مااصبح بي من نعمة فمنك وحدك فلك ااحمد ولك الشكر
صباحكم طيب
صباح الخير ام شمسو

[ام شمسو محمد]

المشاركة الأصلية كتبت بواسطة حياتي كلها امل

السلام عليكم شكرا ليك رندا والله اهدافنا كلها واحدة وهي الرقي لربات بيوت متالقات وحبيت انقول انو اي شيء تحبي تعمليلو تخطيط في حياتك استعيني والورقة والقلم وهذي عن تجربة مهما كان بسيط لانو راح يخليك منظما وماتنسايش ولا شيء
انا مشكلتي انو دائما انحس نفسي مقصرا في اي مجال البيت الاطفال الجانب الديني الجمالي حتى وانو كاين اشخاص يشكروني ويمدحو عملي في بعض هذه الميادين لكن ماعرفتش الحل كيفاش

ام هاجر كنت حابة نرد على هذي المشاركة و الوقت ما ساعفنيش في ما سبق و لكن بقات تدور في راسي ...اعتقد انو احباطك اللي تكلمتي عليه نابع فقط من رغبتك في الكمال ...ننبهك بلي باش تعيشي حياة سليمة و مافيهاش ضغوطات و تقدري تقدمي فيها اداء عالي المستوى ...لازم مايكونش عندك هذاك الاحساس بالتقصير او التاخر ..لانو غير حقيقي ...نقولك يا ام هاجر منين جاك هذا الاحساس ...راكي حابة تكوني ام مثالية تقدم واجبات مكثفة لاولادها ..تنظيفهم و اطعامهم و تدريسهم و السهر على صحتهم و سلامتهم العاطفية و التاكد من شخصياتهم و علاقاتهم و تصرفاتهم ..و ضبط اوقاتهم و برامجهم و صداقاتهم ..يعني ببساطة تسيري كل لحظة في حياة كل طفل من اطفالك ..ثانيا من اهدافك...رعاية زوجك و تحقيق حسن التبعل بكل وجوهو المتعددة اللي نعرفوها ولا مجال لذكرها هنا ...ثالثا ...تحققي واش رانا كامل نحبو ..العناية التامة بمظهرنا و الحصول على هذيك الفتاة الجميلة اللي تبقى تعيش دائما في اذهاننا ...رابعا تحبي تكوني ربة بيت مميزة ...البيت النظيف على مدار الساعة ..و الترتيب التام و الدائم و الوجبات المنوعة و اللي ترضي كل الاطراف ...و ..و ...و اعمال البيت ماتنتهيش ...و فوق هذا عندك التزامات اجتماعية و تعبدية لا تحصى لازم تاديها ...

شفتي شحال القائمة طوييييييييييييييييييييييييييييييييييييييييييلة ......هذا اللي حبيت نقولو ام هاجر ...مش انتي اللي مقصرة ...بل قائمتك اللي طويلة بزااااااااااااااااف ...و الحالة المثالية اللي تحوسي توصلي ليها عمرو واحد ماوصل ليها هني روحك ماكيش وحدك ...رانا كامل كيف كيف ...لذلك باش تخرجي من الاحباط ...راقبي قائمتك و خليها معقولة و منطقية ...فقط ماتديريش قائمة مثالية ...ماعليهش ماتكونيش مثالية ...في النهاية واحد ماهو مثالي ...يكفي انك تتقدمي في حياتك و تحسي بلي راكي افضل ..

الحرص على المثالية يعيقناعلى التقدم و يخلينا في نقطة الاحباط و نقد الذات لاننا ماقدرناش نحققوا الاهداف العظيمة اللي سطرناها او حالة الكمال اللي مانرضاوش غيرها ...كاينين نساء يحبو يكملو الشغل اللي بداو فيه و مايرضاوش الا بالكمال و الشغل هذاك يدي ساعات طويلة ..و احنا والله ماعندنا الوقت ....هنا يقع التقصير في جوانب اخرى ...لذلك قلتها و نكررها المثالية و الكمال يعيقونا و مايخلوناش نتقدمو في حياتنا ....

انتي ام هاجر ديري قائمة اهداف معقولة تتناسب مع وقتك و مسؤولياتك المتعددة ...يعني كي تبداي حاجة مثلا ماعليهش اذا ماكملتيهاش اليوم ..غدا باذن الله تكمليها ..الواجبات بزاف و الوقت ما يكفيش و اذا كل حاجة نقضيوها على اكمل وجه مانلحقوش بحتى حاجة ...هذا من جهة ...و من جهة اخرى احصلي على الراحة و دللي نفسك ...هذا يساعدك في التجدد و الانطلاق و يعطيك دفع و يخليك دائما سعيدة ....لذلك نكررلك ام هاجر ...راكي رااائعة ...ماكيش كااااملة ...و لكنك تتقدمين في انجازاتك في كل يوم ....فقط اعتني بنفسك و اريحيها و دلليها لكي تستطيعي الاستمرار....

[رندة.]

صباح الخير فراشات
اهلا ام هاجر وام شمسو، عطلة نهاية أسبوع سعيدة وموفقة لكن

ام شمسو استفدت من نصائحك لام هاجر، رانا كامل في نفس الحالة، والنصائح هاذيك تعنينا كامل، ربي يقدرنا على مسؤولياتنا المتنوعة والمتعددة.

[حياتي كلها امل]

شكرا ام شمسو والله صدقي كلامك ريح بالي وطمني
اليوم درت الساعة الاسبوعية ماشي كلها وغدا انكملها وعملت العناية الشخصية لان السبت نلقى شكون يقعد مع بنتي وندخل للدوش مرتاحة
ام محمد وين راكي طولت الغيبة والبقية كامل باه انشطو بعضانا

[arwa alaa]

السلام عليكم فراشات
ارجو منك الدعاء بالشفاء لولدي لاني محتاجا دعاءكم في هذا اليوم

[حياتي كلها امل]

اهلا اروى فرحت كي شفت اسمك يارب يشفي وليدك وتشوفيه في صحة عافية يارب

[ام متين]

مساءكم طيب يافراشات ان شاء الله راكم كامل بالف صحة وعافية
اروى ربي يشفي وليدك وينولك ربي واش تحبي
ام شمسو كلامك صحيح في ردك على ام هاجر وانا كذلك يجيني نفس الشعور وعدم الرضى عن نفسي واعمالي ونحس بحسرة كبيرة لما ينتهي الاسبوع ونلقى خاصة ان الاولاد مادرسوش كما ينبغي او بالاصح كما اريد انا
المهم ان شاء الله نعملو بنصائحك ونزيحو هذا الشعور المحبط من اذهاننا
انا في اليوم السابق رحت لمعرض الكتاب الجو كان مليح والاقبال متوسط وليس كالاعوام السابقة ربما هي البداية فقط شريت بعض المراجع للاولاد وبعض الكتب للشيخ محمود المصري يوم في الجنة وحكايات عمي محمود وحكايات للاطفال عند النوم يعني حتى في التسوق نتاعنا رانا نخمو في اولادنا ربي يقدرنا ويجعلهم من الذرية الصالحة
ولما رجعت جاومعايا الضيوف وباتوعندي وبعد الغدا روحو المهم ريحت شوية وجيت نطل عليكم المهم الاولاد راني دوشتهم يوم الخميس وغسلت حوايجهم .

[شهد نوراليقين]

السلام عليكم كيف حالكم إن شاء الله راكم لاباس
و منكم نستفيد ربي يجازيكم كل خير يوميا ندخل و نتفقد الردود
الحمد لله روتيناتي ماشية كل يوم بيومو ماعدتش نكتب ردودي الطويلة ههه تفاديا للملل يعني باش ماتملوش منها ...
يوم السبت عندي هو يوم الخروجات زوجي مايخدمش نقضي صوالحي أو نزور الأهل
تسوقت الصباح و الحمد لله كنت التزمت اني نحارب حب الشراء الاقتناء و نجحت في المهمة لأول مرة في حياتي مانشريش حوايج بزاف و زايدين الحاجة اللي نهزها نقول لواش نحتاجها و وين نحطها شريت غير واش نحتاج بالنسبة ليا إنجاز هههه أول مرة ماتغلبنيش نفسي في الشراء
و من بين مشترياتي بعض المواد الطبيعية التجميلية باش نرفع التحدي الجمالي و نهتم بنفسي قليلا لاني مقصرة في هذا الجانب
بداية أسبوع موفقة للجميع
تصبحون على خير

[ام متين]

اصبحنا واصبح الملك لله والحمد لله اللهم اعنا على ذكرك وشكرك وحسن محبتك

[ام متين]

يوم موفق للجميع

[ام شمسو محمد]

السلام عليكم ...صباح الخير فرااااااااااااشااااااات ...

صباحك صحة و زين ام متين ....بصحتك التحواسة في معرض الكتاب ...ماصابني من سكان العاصمة ..و نحي على خاطري بهذي الفعاليات الثقافية و الادبية المنوعة ...احنا هذا النوع من الفعاليات يكون محدود و غير منظم ...يعني يقلقك ماينحيش على الخاطر ...