الجزء 137 من كوزينة واش طيبتي اليوم ((كوزينة النجاح في الدارين ))

[أم ماجد]

ام تاجو يعطيك الصحة على الوصفة
امنيات منورة الكوزينة
كاكي سنيك يهبل ماشاء الله وسلامي لام برهوم للاسف الرسائل مانقدرش نبعث؟
قمورة بصحتكم العيد الزاهي
ام وابنة ربي يعينك

[أم محمد تاج]

صباحوووو سميناتي الحلوااااات
الامنيات صح عيدك يا طيبة وبارك الله فيك
ام ابنة اللهم آمين ونشالله يفيدوك لبنات على خاطر تاع الدار ماجربتهاش
ام الجووووووووود انت الاروع حنووووونة
روووووعة كاكي سنيوتك روووووووووووعة
حبيباتي راني رايحة عند عجوزتي اليوم نديرو الغريبية والقريوش وخلاااااااااص
سلاماتي ليكم كامل كامل

[ام افنان48]

ربي يخليك يا اخت ام تاج على الوصفة تاع لمخاخ هائلة الله يعطيك الصحة

[idron0]

المشاركة الأصلية كتبت بواسطة الأمنيات

chahra tiaret الحمد لله الي راكي بخير حاولي ترجعي المود باس توحشناك ياومرا راهم كامل يسولو عليك
تحيه خاصه للاخت idrono وصح عيدك احبك في الله يا اخت
نشيطات الكوزنه وعميداتها ليزا ام ماجد ام ياسين ام تاج ام طيري قبلاتي الخاصه لكن
البقيه كامل تحيه شكر لكم اموااااااااااااح

بارك الله فيك اختي احبك الله اللدي احببتني فيه اللهم ظلنا بظلك يوم لا ظل الا ظلك امممممممممممممممين
عيدك مبارك انت كدلك و لكل افراد العائلة وتقبل الله منا الصيام و القيام و اعاد رمضان علينا اعواما عديدة

[زينب 83]

مساء الخير حبيباتي ان شاء الله تكونو عديتو العيد بخير يا رب

زوروني حبيباتي ضيافتكم عندي



https://www.djelfa.info/vb/showthread...post3993895136

[ام احمد وصال]

صحة عيدكم البنات وكل عام وانتم بخير هدي الطابلة تاعي تاع العيد اتفضلو

[ام و ابنة]

السلام عليكن
قمر ربي يعينك و يعطيك الصحة كي فرحتي عجوزتك انا ثاني عجوزتي فرحت بزاف بالقاطو تع العيد خلعت في الكمية اللي اديتهالها
الامنيات يعطيك الصحة اختي
كاكينوفا و ام احمد يعطيكم الصحة كلش متحوف و يشهي ما شاء الله
ام كاميليا بالعكس كيكة بنتك شابة ما خصها والو ربي يحفظهالك بصح قوليلي كيفاش كليتوها و هي فيها نشا ماشي طايب؟؟؟
ام محمد تاج ربي يقدركم و يعينكم
كل البنات حاضرات و غايبات سلامي لكن جميعا دون استثناء

[زهرة الريف*]

السلام عليكم ورحمة الله وبركاته
رفيقات الخير واش راكم توحشتكم وليت منصبرش على فراقكم والنت كانت مقطوعة عندي نسى زوجي مسلكهاش
حطيتوا خير الله يبارك ربي يدوم الرزق والخير
راني مستعجلة رايحة لدارنا نغافرلهم ونقعد يامات قلت ندخل نسلم عليكم بالوحدة وراكم في قلبي
أم نسرين كوزينتك كانت هايلة بطيبتك وكلامك الحلو
الغاليات ربي يدوم لمتنا

[أم ياسين الزهراء]

صباح الانوار

لبنات مريضة شوي بلاك غدوة نروح لطبيبتي تاع القلب وقيلة كبرت هههههههههه والحمد لله

ام ماجد حتى تكمل الزهراء التسجيلات باش نقعد على خاطري

كاكي الله يبارك سنيوة بلطبع سلامي لام برهوم والله زدت تقلقت عليها الله يفرج عليها
ام احمد الله يبارك ربي يسلكك على خير انت وام نهال

كل الاخوات ماتلومونيش من بكري شاطرة وزدت شوي الكل ربي يبارك فيكم

ام محمد ربي يعينك السخانة والقواطو

[أم هبوبة]

سلام وا ش راكم
كل عام و انتم بخير و صح عيدكم للمرة الف ان شاء الله ينعاد عليكم بالخير و الهنى
ما شاء الله على السنيوات القهوة تهبل و يعطي الصحة لماليها
ام ياسين الف لاباس عليك
ام و ابنة الف مبروك عيد الميلاد لبنتك اظن و ان شاء الله التورتة رايحة تخرجيها تحفة لانك فحلة
ام محمد تاج ربي يعاونك الحمل و السخانة و القاطو و تحضيرات العرس ربي يكون معاك و يعطيك القوة و الجهد
ان شاء الله نسمعوا اخبار عن ام ابراهيم و الله يفرج عليها
نخليكم راني نوجد السميد نتاع التقنة نحمص فيها و نوجد التحضيرات نتاع القاطو و سلو لامي باش تديهم معاها غدوة ان شاء الله مقلعة لعند اختي اطلب ربي معايا يروحوا و يولوا بخير

[oumhadjer]

saha aidkom nchallah takablouni m3akom rani haba nt3alem menkom ya khiyati la3zaz

[*زهرة اللوتس*]

سلام لبنات صحة عيدكم رة اخرى تعيدو وتزيدو بالصحة والهنا
يعطيكم الصحة كامل اللي حطيتو قاطواتكم ماشاء الله تاكلوهم بالصحة ان شاء لله
ام وابنة انا ثاني بنتي عيد ميلادها الأول بعد يومين نهار الثلاثاء ومازال ماقررتش واش نخدملها عيد ميلاد سعيد لابنك وبنتي وكل عتم وهوما بخير وصحة
ام محمد ووصال الطابلة تاعك تهبل والصالون تاعك روعة ربي يهنيك ويفرحك وبغيت نغتنم الفرصة باش نشكر على موضوعك اللي حطيتي فيه وصفات ام محمد تاج بارك الله فيك
ام انس كلش من يديك غير، رووووووووعة كالعادة استفدت منك بزاف ربي يجازيك بصح اليوم ماخليتيش فيا بالشخشوخة تاعك والله نقعد نقعد ونروح نتفرج فيها مت بالسخفة اول مرة تصرالي مالغري جامي تشهيت حاجة في الحمل او بلا حمل ، عندي الفتات او الفطير غدو ان شاء الله نديرلو المرقة بالطريقة تاعك ونسقيه كيما سقيتيه ههههه هي نفسها اللي ندرروها الفرق هو احنا نديروها بالخضرة و مانسقيوهاش بزاف ومانحطوش الدبشة من فوق يعطيك الصحة وكل عام وانت بخير

ام ياسو طهور ان شاء الله ربي يشفيك ويعافيك ويحفظك من كل سوء يارب
ام محمد تاج ، قمر وام هبوبة ربي يعينكم ويتقبل منكم
بنات اكوزينة كامل كل وحدة باسمها يعطيكم الصحة تحية ليكم ودمتم في حفظ الرحمن

[oum islem]

السلام عليكم
وشراكم لبنات ان شاء الله تكونو بخير

ام ياسين ربي يشفيك عاجلا يا رب اكيد تعبتي ياسر

ام هبوبة ربي يعينك اختي ويجعلها صدقة مقبولة وباذن الله يروحو ويرجعو بخير وعلى خير

الريفية نتمنالك عطلة ممتعة وسعيدة

ام وابنة وزهرة اللوتس ربي يخليلكم وليداتكم ويفرحكم بيهم

ام هاجر حضورك ينور الكوزينة مرحبا بك فيها واكيد تستمتعين وتتعلمين من حرايرها

ام احمد وصال ما شاء الله عليك ربي يديم عليكم النعم ويسلكك على خير

كاكينوفا الله يبارك على سنيوتك خسارة ما نعرفش الدار

ايدرونو ام ماجد ام محمد تاج ام افنان زينب ام كاميليا
عيدكم مبارك وكل عام وانتم واهلكم ووليداتكم وكل احبابكم بكامل الصحة والعافية

[oum islem]

ام نسرين عيدك مبارك سعيد وكل عام وانت واحبابك بخير وعافية
كوزينتك كانت من اروع الكوزينات مليئة بالزغاريد والاخبار السارة وتهاني العيد
ربي يدوم لمتنا وافرحنا ويسلك الحوامل على خير ويشفي المرضى
ويفرج على كل المهمومين والمكروبين كل واحد عندو شدة ربي يفرج عليه امين يا رب العالمين



سلام للجمييييييييع

[ام عبدو و ملاك]

عيدكم مبارك كامل و كل عام وانتم بخير و ربي يسعد ايامكم