الجزء 77 من واش طيبتي اليوم سيدتي **تحضيرات شعبان لإستقبال رمضان**

[om mita]

اولادي راهي تجي بالعجينة المورقة احسن لانها هشوشة بزاف ومقرمشة
مقلتليش شكون مولات الكوزينة الجديدة

[awladi]

شكرا على التوضيح
الكوزينة مابنتش مولاتها اذا راكي حابة تحليها راسلي المشرفات فورا باش تحليها

[شاوية حرة 05]

اليزابيل ام امنية اولادي طيابتكم اممممممممممممممممم ربي يبارك فيكم

[شاوية حرة 05]

ام هنيدة حنونتي المعجون ما تحطيلوش الماء خليه على نار قليلة قيس ما يذوب المشماش ونحيه ارحيه وزيدي عليه السكر وعاودي رجعيه يطيب اذا مافهمتيش كاش حاجة قوليلي نعاود واذا حبيتي العصير تاني نقولك مكاش مشكل

[lyzzabel]

روضة الحلوة سلامها وصل ربي يطوللها في عمرها و يحسن عون ماماك راهي قريبة تتهنى ،، و ام ماجد واش أخبارها ماراهيش قاع تبان من نهار لي قالت عندي حملة النيتواياج ،، حقا بصحتك الفطور

ام ميتا ربي يخليك و يسلمك حبيبتي شكرا على الرسالة و ربي يعاونك فالخدمة الداخل و برا

ام أمنية خلاص شفت الصور بصحتك حبيبتي كلشي يشهي ،، وانا في بلاصتك هاذيك الفلوسة مسكينة ما نذبحهاش نوكلها و نشربها و نربيها ههههه يغيضوني مساكين

اولادي الله يسلمك حبيبتي و ربي يفرحك بوليداتك نتيا تاني
اليسون شكرا على التوضيح حتى انا ما كنتش مقتنعة بلي قاتو القبعة بصح فييييييلم

اللهم اني أسالك العفو و العافية في الدنيا و الآخرة

[شاوية حرة 05]

اليزابيل حنونتي هذا وين تولهت اللللللللللللللللللللللللللللف مبرررررررررررررررروك ولعقوبة كي تشوفيه عريسسسسسسسسسسسسسسس يارب راني شمرت على يديا باه نجي نعاونك ونكول طبعا ههههههههههههههههههههههههههه

[شاوية حرة 05]

النت راهي كاااااااااااااااااارثة

[lyzzabel]

المشاركة الأصلية كتبت بواسطة mary1987

ليزابيل حبيبتي ربي يكون في عونك على التحضيرات تاع الختان والله صح لي ما عندوش لي يعاونو صعيبة شوي بصح المهم كلشي يفوت وتبقى الأفراح والذكريات
مبروك عليكم مرة ثانية ولعقوبة لزواجو

الله يسلمك حبيبتي ماري و يبارك فيك ،، صح مين تكون الأفراح ننسو التعب و كلشي يهون
الله يحفظك و يشفيك و يعافيك و تنوضي توقفي على رجليك من جديد و أحسن من قبل يااااارب و نفرحو بيك كيما اليوم قولي أمين

اللهم رب الناس اذهب البأس أشفي انت الشافي لا شفاء الا شفاؤك شفاءا لا يغادر سقما

[ام سارة 1]

اليسون يا اليسون واش درتي فيا الله يبارك فيك ويعطيك ما تتمناي كل شيء من يديك قمة في الابداع والرقى ،قداه وأنا نستنى فيك تدخلي للمنتدى حبيت نسقسيك على قاطو السيقار ما فهمتش الحشو كيفاه المقادير وكمية الشانتي هدا من جهة ومن جهة أخرى ماعنك منين رآك تشري فيهم والله لبارح رحت لدبي ونحوس ونقول وين حانوت ره تشري منو جاوبتني عيشك ما تبخليش علي وربي يعطيك صحتك

[lyzzabel]

ام هنيدة بصحتكم الشكشوكة و الحوت حبيبتي
شاوية الله يسلمك و يبارك فيك حبيبتي ربي يخليييييييك والله يوم المنى و الهنا يجو عندي حباباتي و يوقفو معايا ههههه، ، ربي يحفظك و يفرج عليك و يرزقك بوليد الحلال لي يستاهلك و نفرحو بيك نتيا و كامل البنات لي معانا ياااارب

[lyzzabel]

حبيباتي بغيتكم تشوفو معايا حوايج لي قاتو جابهملي قبيلا ،، مازال خصني حلوة الترك ما لقاليش تاع الميزان و الملون الأبيض تاني ماكانش تاع الميزان

[natacabell]

كلشي مبروك ليزا لعقوبة لزواجو هاذو تأويل الحلوى واش راح تخدمي دي سيدتي ولا مازال.?انا طهرت وليدي رمضان الي فات انا درت كفتة تع ام اسلام و فلة درت مخبز ام أماني اختي دارتلي بقلاوة و مقروط اللوز و اختي اخرى دارتلي قاطو شوكولا مرمد في القوفريط و قريوش وزدت غريبية و لتارت هايلين تع لاتاي ل ام اياد و خلاصلي كلش مصحلي والو كنت حطيت الصور خسارة راحولي
حقاً نسيتي لعسل

السلام عليكم
مع دخلت لقيت الغالية ليزا وحوايج القاطو يا الف الف الف مباااااااااارك للغالي يا عمري عليه ربي يحفظو والعقوبة نهار تشوفيه عريس يااااااااااااااااااااارب
ربي يفرحك بيه ويكون من الصالحين يااااااااااااااااارب
قوليلي منيش ندخل بزاااف واش قررتي تديري يمكن نعاندك في العيد خخخخخ

اليوم صايمين الايام البيض الحمد لله ربي يتقبل منا وكل الصايمين ياااارب
الفطور درت شربة دويدة ومطلوع ونزيد كاش حاجة و السلطة والفواكه والحمد لله

ريهام الغالية درت الفلفل بطريقتك اممممممممممممممممممم ربي يجازيك عنا كل خير يااااارب في هذه الايام المباركة
خلاص درك طريقتك وطريقة نينا اعتمدتهم ربي يفرحك بالزوج الصالح وربي يشافي الغالية نينا ويرزقها الذرية الصالحة يااااارب

اللهم بلغنا رمضان

[lyzzabel]

الله يسلمك و يبارك فيك حبيبتي نتقبل ،، و لي قاتو راني معولة على لي زاموندين بلا موغانغ و صابلي زوج انواع و التشاراك هاذو أكيد و مازال نزيد نقرر بين الترافل تاع حفيظة و المقروظ و البحلاوة ،،،،، وبالاك يزيد يبانلي كاش مودال ولا زوج هههههه مين نبدأ نخدم نتفكر
و كلشي مبروك على وليدك روطار بصح ماعليش mieux vaut tard que jamais هههههه و الله يعطيهم الصحة خواتاتك عاونوك والله المعاونة مليحة بالبزاف ربي يخليكم لبعضكم
حقا العسل راه بين العلبة تاع النسلي و المربى على يمين الصورة هههه مشكوووووورة على المساعدة

[مرام 1987]

المشاركة الأصلية كتبت بواسطة lyzzabel

الله يسلمك و يبارك فيك حبيبتي نتقبل ،، و لي قاتو راني معولة على لي زاموندين بلا موغانغ و صابلي زوج انواع و التشاراك هاذو أكيد و مازال نزيد نقرر بين الترافل تاع حفيظة و المقروظ و البحلاوة ،،،،، وبالاك يزيد يبانلي كاش مودال ولا زوج هههههه مين نبدأ نخدم نتفكر :d
و كلشي مبروك على وليدك روطار بصح ماعليش mieux vaut tard que jamais هههههه و الله يعطيهم الصحة خواتاتك عاونوك والله المعاونة مليحة بالبزاف ربي يخليكم لبعضكم
حقا العسل راه بين العلبة تاع النسلي و المربى على يمين الصورة هههه مشكوووووورة على المساعدة

ووين هي الفرينة
مشكورة حبيبتي على الدعاء ربي يجازيك