الجزء73 من واش طيبتي؟ابداااااع فحلات الجلفة - الصفحة 101

أم ياسين الزهراء · 2014-05-11, 15:53

اهلا بالجميع النت كانت مقطوعة والحمد لله وليدي خلصها وراني جيت

تغدينا لابيري بالجاج والحمد لله

الهام فكرتيني في جنg وما هههههههههههههههه تعرفيها راني نستنى في النتائج خاصة للمكشردين هههههههههههههه

لبنات بصحتكم واش حطيتو

درت بريوش للقهوة

ام اناس نحلفلك بربي اول مرة تصرالي حبة بيض ماعندي قوليلي الكيكة مليحة باش نجربها

zahra30 · 2014-05-11, 16:02

مساء الخييير وصح غداكم وقهوتكم وان شاء الله تكونو كامل بخيييير
درت ميناج كبييير وبردت قلبي هههههه ودرت غدى خفيف سلاطة بطاطا وزودية وووو وخبز مشري امبعد جاني ضييف على غفلة ومن بعيييد واعععع
زدنا اشرينا من الريستو هههه وعصييير و فواكه وياؤورت وعاد غدى ثقييل خخخخخخ ياك تعرفو الضيف يجي يجيب معاه الخييير هههههه
نراجع شوية ونرجع

lyzzabel · 2014-05-11, 16:08

ام يس بصحتك الجاج و لا بيري و البريوش
زهرة مممممم فطور ضيف الغفلة راه يشهي بصحته و بصحتكم حبيبتي

بنات شكون تدبر لي العشا لي قلتلكم

استغفر الله و أتوب اليه

أم ياسين الزهراء · 2014-05-11, 16:12

اممممممممممممممم زهرة بصحتكم وربي يعينك

ليزابيل تعيشي حنونة حقى الله يبارك في مرت باباك ربي يحفظها قلشاتك وبصحتكم الببليوتاك

مرام 1987 · 2014-05-11, 16:15

اقتباس:

المشاركة الأصلية كتبت بواسطة lyzzabel

ام يس بصحتك الجاج و لا بيري و البريوش
زهرة مممممم فطور ضيف الغفلة راه يشهي بصحته و بصحتكم حبيبتي

بنات شكون تدبر لي العشا لي قلتلكم

استغفر الله و أتوب اليه

حبيبتي ربي يعينك وان شاء الله يفيدوك البنات
عاونوها يا نسااااااء عونوا خوكم
أستغفر الله أستغفر الله أستغفر الله

الأمنيات · 2014-05-11, 16:17

اهلا ايزابيل ومصحتكم بيبليوتاك
العشا ادا بزاف يسلكها غير طعام ولا رقاق
وادا شوي ديري شربه ولا حريرة مع دجاج محمر والشونبيو وحميس وسلاطه نوعي
ام ياسين مصحتك لبيري

zahra30 · 2014-05-11, 16:24

ما شاء الله راجعت شوية وقفتني ليزابال مرت بابك يعطيها الصحة وليلو ثاني اداتلي كامل الايونات نصلي العصر ونزيد نشوووف ونرجع
حقى روحت عند جارتي القيت عندها هذو صورتهم

ام طيري الجنة · 2014-05-11, 16:26

اقتباس:

المشاركة الأصلية كتبت بواسطة lyzzabel

بناااااات هذا وين كملت المراااااااااااااجعة ههههه الله يعطيكم الصحة كل وحدة باسمها والله راكم قااااع فور رو ماشاء الله عليكم لوكان نبدأ نسمي غادي ننسى علابالي خاطرش راكم الله يبارك بزاف و الأرشيف طويل
للفطور درت التليتلي و نزيد سلاطة و الحمد لله
المازة ههههه يجيبلك النو لقيتها تاع الصح هههه والله غير راني كيفها الله يجيب الخير

بغيت نشكر كل حبيباتي على المجاملات و تعليقاتكم على طياباتي ربي يخليكم و يدوم لمتنا و المحبة
اسال الله العظيم رب العرش العظيم ان يشفي كل المرضى سارة،ام ميتا،ندوشة الغالية،بنت ام اماني،بنت ام آلاء الصغيرة،ماري،السعيدة بجدارة ،ام اسلام و أية داءمة الحمد ،ام الهضاب شفاءا عاجلا ليس بعده سقم
و ربي يجيب سويعة ساهلة لام برهوم ،باتيلا،ام انووووستي،طاطايا ام انووووس،سارة،اسينات،ام زاكو و كل الحوامل لي معانا و لي مشي معانا و يقوم هم بالسلامة يااااا رب
و ربي يرجع لي راهم غائبين على خير و ينجح قاع التلاميذ و الطلبة لي عندهم الامتحانات
و ربي يرجع كل المغتربين لي معانا و لي مشي معانا الى ارض الوطن سالمين غانمين و يونسهم في غربتهم
و نشكر حبيبتي الغالية ام اماني على استضافتنا في كوزينتها و نقوللها ربي يخليك لينا دايما كريمة و طيبة و متواضعة و معطاءة كما عهدناك داءما

اللهم صل و سلم و بارك على سيدنا محمد و على اله و أصحابه الطاهرين الطيبين

وقفت المراجعة هنا باش نقولك اممممممممممممممممممممممممممممممممموااااااااااااااا اااااااااااااااااح على هذ الكلام الزين الموزون يا الزينونة

أم إناس · 2014-05-11, 16:41

السلام عليكم اخواتي ويعطيكم الصحه معلى كلش والله يسترك من العين ماشاء الله فحلات
ام ياسين الكيكه لي درته جاءت مليح وعجبتهم. وزيد والله تسلك الوحد من من ورطه. ودرتله قشور الليمون والفاني وجات مليحه
ليلو الفحله
ام طيري الجنه امممممواح
اليزبل حنونه
نخله ماشاء الله والله يسهلك يارب
زهرة حنونه اممممواح
الامنيات مساء النور

lyzzabel · 2014-05-11, 16:42

اقتباس:

المشاركة الأصلية كتبت بواسطة الأمنيات

اهلا ايزابيل ومصحتكم بيبليوتاك
العشا ادا بزاف يسلكها غير طعام ولا رقاق
وادا شوي ديري شربه ولا حريرة مع دجاج محمر والشونبيو وحميس وسلاطه نوعي
ام ياسين مصحتك لبيري

امنياتي شكرا على المساعدة بصح هذا عشا تاع ضياف ليلة وحدة ولا زوج هههه ،،انا راني نطيب وحدي راهي حماتي نافسة عندنا و راهم غاشيها ملمومين يعني ديري حسابك حتى تروح لدارها باش يتفركتو يا ميمتي شا يقدني وانا ديجا ما قدييييييتش خخخخخخ

و الطعام نهار لي درته هلكت و حرمت نعاوده حتى يروحو

يا عمري حبيبتي ام طيري الجنة نتيا لي رزينة و كلامك يدي العقل الله يحفظك حبيبتي

ام يس ماري زهرة الله يسلمكم و ربي يخليكم

ام انووووستي العميرة مواااااح و بصحتك الكيكة جات فيييييييييلم كالعادة و نزيدك موااااااح

omomnia15 · 2014-05-11, 16:56

مساء النور عليكم وصح قهوتكم ليزابال ديريلهم قدرة عدس ولا لوبيا هذاك ما يلمهم وعلاش ميطيبوش هوماو الله بزاف عليك نخلة الله الله عليك يعطيك الصحة بشرئ الصابلي امممممممممم

عطرالذهب · 2014-05-11, 16:57

لبنات صح قهيوتكم
يعطيكم الصحة على الابداعات والطيابات راكم 4444444
اشكون مولات الكوزينة الجديدة ملينا من الانتضار

omomnia15 · 2014-05-11, 17:01

:sdرراني رايحة نسييي الزلابية واستر يا ستار اول مرة نشالله تنجحلي راني نحطها يا سبع يا ضبع يخي رانا نتعلمو هههههههههههه ضحكة خوف

lyzzabel · 2014-05-11, 17:11

هههههه ام أمنية العدس و اللوبيا نديرهم غير فالفطور ما نديرهش فالعشا عااااادة من بكري و يااااربي تنجحلك الزلابية انا ما نبغيهاش و دار زوجي ن ع تاني ما عندهم حاجة فيها يجيبوها في رمضان تقعد بالسمانة :d بالتوفيييييق

نزيييد نستنى بالاك كاش وحدة تعطيني فكرة راني هنا لاصقة اليوم ههههههه

نخله. · 2014-05-11, 17:14

مساااااااااااااء الانواااااااااااااار

راكم مع النباتات؟؟؟ حقا شكون حطت صور نباتاتها تعطيلي الرابط راني نموت عليهم وذرك نجيبلكم صور نباتاتي