بداية يوم جديد

[hanamohamed]

[IMG][/IMG]

[ام متين]

اللهم تقبل دعاء الجميع في هذااليوم المبارك.

[arwa alaa]

امين رب العالمين

[ام مؤمن]

المشاركة الأصلية كتبت بواسطة oum sabrin

السلام عليكم
منذ ساعات و انا احاول بعث رد بدون دجدوى النت كارثة و خاصة في نهاية الاسبوع ولات تجيني ثقيلة بزلف
ام مؤمن الحمد لله لي زل عليك و يعطيك الصحة على التطبيقات راكي شاطرة و نص قوليلي لازم تكوني عضوة بالمدرسة باش تحطي تطبيقك للدرس او حتى ان ما تكونيش عضوة بها تقدري تحطي تطبيقاتك؟
اروى الاء الله يسلمك حنونة اشكرك على الاهتمام
ام هزار دعواتنا لوالدتك بالشفاء لا تتوقف ربي يشفيها و ان شاء الله تبدا حالتها في لاستقرار و التحسن امين يا رب
ام ابراهيم على سلامتك متشرفين بمعرفتك

السلام عليكم

جمعة مباركة للجميع و شكرا لكم على الادعية الرائعة تقبل الله منا و منكم صالح الاعمال

حبيبتي ام صابرين قوانين المدرسة بسيطة جدا مقارنة مع مدارس الطبخ الاخرى اللي في الفايس

اولا الدروس اختيارية يعني من كذا وصفة مطلوب تطبيق وصفة واحدة فقط اجبارية و اللي تحب تزيد لها الحرية

ثانيا الوقت مناسب اسبوع كامل يعني تقدري تطبقي الوصفة على مهلك متى سمحت لك الفرصة و الدروس توضع كل يوم احد

اما عن سؤالك فاظن نعم لازم تكوني عضوة بالمدرسة و يكفي انك تسجلي اسمك في موضوع المدرسة و تحطي تطبيقك في قسم التطبيقات ( انصحك بالانظمام لان شروط المشاركة بسيطة و ممكن الالتزام بها )

اما اذا كنت لست عضوة في المدرسة و لا تريدين الانظمام فممكن تطبقي الدروس عادي حسب ظروفك و وقتك و تحتفظي بتطبيقك لنفسك او تحطيه مع اطباقك في الكوزينة

اجمل حاجة في المدرسة ان الدروس متاحة للجميع حتى غير المشاركين لكن يبقى الاشتراك يحفز اكثر و يخلق جو منافسة و ابداع لانهم كل اسبوع يختارو احسن تطبيق مميز و مع الوقت ممكن تكون مسابقات او تنافس

ههه كتبتلك جريدة دودودوود راني ثرثارة بزاف

رايحة ندير قيلولة صغيرة تمنحني طاقة كبيرة للمساء سلام

[amel...]

مساء الخير عليكم يا زميلاتي .... ان شاء الله راكم ملاح و راهي العافية

شكرا لكل من شجتني على الطابلية ربي يحفظكم طلعتولي المورال

غزالة كوراك برك راه مبقاش بزاف تفكري برك الاجر لي رايحة تديه كي قمتي بضيافك و تهليتي فيهم هاداك هو الصح

ام مؤمن الحمد لله كي حسيتي روحك مليحة

ام صبرين الحمد لله على سلامت وليدك

ام متين و نسمة . الاءاروى هنا محمد ...... و كل الفراشات ربي يقدرنا و يقدركم ان شاء الله

حبيبة و ام تغاريد وين غاب حسكم ان شاء الله المانع خير

[amel...]

بالنسبة لتطبيقاتي في الامس ... تقيدت بشرب الماء و تجهزي في الصباح

طوال فترة العمل و التي امتدت حتى 3 مساءا تقيدت بالتفكير بايجابية و الحمد لله

في المساء كان لتطبيق خطوة في كل مشروع تصيب و عاودت وليت للكروشي باه نكمل لي ناب الصغار و ان شاء الله مع انتهاء الاسبوع المقبل رايحة نكمل لاسيري

اما الوقت لي بقالي قمت ببعض الاعمال في البيت ...

بقية التطبيقات نسيتها

فيما يخص تقييم الاسبوع ... هاد الاسبع كنت تهاونت فيه شوية بسبب التععب لي كنت نحس بيه

حققت فيه 50 بالمئة برك من مخططاتي ... الحمد لله

لي عودة

[ام براء عبيدة]

اهلا حبيباتي لقد عدت لاني كنت في بيت اهلي
عملت الروتين على الاجندة
اهدافي لهدا الاسبوع
نحاول نلتزم بما تعلمته في الدورة وخاصة الروتينات
راني نلم في الادوات باش نخدم بساط مع ندية الروح اللي تحب تشارك
حفظ حزب الرابع من سورة البقرة
يا رب اوفق لهذا واياكن
جمعة مليئة بالذكر

[ام اكرم31]

السلام عليكم حبيباتي واش راكم
اشتقت لكم كتيرا الضروف منعتني من التواصل معكم مع العلم اني استعمل الهاتف مرات نعجز نكتب
بالنسبة للتطبيقات غيرت جدول روتيني الاسبوعي واستعملت تع ام صبرين والحمد الله راه مساعدني كتيرا ربي يجازيك ام صبرين نا عندي مشكل مزال مرنيش محافضة على الصلاة الفجر نوض نصليه ونبدا نخدم في شغلي ولكن في الايام لي ميقراش فيها وليدي منوضش ومنبداش شغلي بكري والفجر نصليه متاخر خاصتا مع رضاعة تع الليل نحوسس غير وقتاش نرقد نريح
ام مؤمن ربي يشفيك انا تاني راني عضوة معاك فالمدرستين على الفيس وهنا لكني مزال مطبقت ان شاء الله من غدوة نبدا
نسمة ربي يرزقك الدرية الصالحة ويجازيك على مجهوداتك
ام متين ربي يسهلك ويوفقك
امال الطابلي تحفة تلبسيها بالصحة
غزالة عساكي بخير حبيبتي
حبييبة اين انت توحشناك

[oum sabrin]

مساء الانوار على حبيباتي
جمعتكن مباركة أم متين هناء محمد اروى الاء امال غزالة ام مؤمن راكم منورين الصفحة في هذا اليوم المبارك ربي يحفظكم و يتقبل جميع أدعيتكن في هذا اليوم امين يا رب
أمال الله يسلمك حنونة شكرا لك و ربي يوفقك لتحقيق اهدافك القادمة
أم مؤمن يعطيك الصحة حبيبتي على الشرح و الله راكي شجعتيني و سجلت نحاول نطبق غدوا حاجة من الدرس الاول و ابتداءا من الدرس الثاني نكون معاكم باذن الله. ربي يجازيك كل خير و انا نموت على الثرثرة ديالك

ام براء على سلامتك ربي يوفقك لتحقيق اهدافك ما شاء الله اهداف جميلة

ام اكرم هادي غيبة توحشناك ربي يوفقك لما يحبه و يرضاه صح الرضاعة تاع الليل متعبة كثيرا راني مجربتها و نحس بيك حاولي غير بلعقل حتى تتعودي و اذا ما قدرتيش تواصلي شغلك بعد الصلاة على الاقل نوضي صلي الفجر و عاودي ارقدي شويا و خاصة في عطلة نهاية الاسبوع ما تنهكيش صحتك حبيبتي و احتسبي اجر الرضاعة و التربية لله موفقة

[oum sabrin]

تقييم اداء الاسبوع الماضي
كان اسبوع حسن على العموم حققت معظم اهدافي لم تكن كثيرة النسبة كانت 70% لم اقم بتبريد النقاط الساخنة لي حددتها مع مرض وليدي تاخرت شويا .
التزمت فيه بجدولي التنظيفي الاسبوعي 10/10 اليوم الاختياري درت فيه تنظيف الكولواغ مع الهول و باب المدخل و الدروج
الجانب الدينني اكتفيت بالتسبيح و الاستغفار نظرا للعذر الشرعي
تحديد اهداف الاسبوع القادم مع قائمة الطعام سيتم لاحقا باذن الله
سلام لكل الفراشات الجميلات

[ام براهيم الخليل]

السلام عليكم و رحمة الله تعالى و بركاته جمعة مباركة الى كل الفراشات اتمنى انكم لم تنسو قراءة سورة الكهف و الصلاة على الحبيب المصطفى عليه افضل الصلاة و السلام و عدد ماذكره الذاكرون و غفل عنه الغافلون
واتمنى الشفاء العاجل الى ابن ام صابرين و دوام الصحة و العافية الى ام متين و ربي يشفي ام ام هزار ☺♥

[جهينة اليقين]

السلام عليكم حبيت برك نمسي عليكم ظروفي اقوى مني هذه الايام توحشتكم راني نحاول نكون فالمتابعة تحياتي

[ام اكرم31]

شكرا حبيبتي ام صبرين ربي يحفضك على النصيحة منكدبش عليك طوال الاسبوع وانتي في بالي خاصتا كي نكونن نططبق اعمالي الاسبوعية نقول ام صبرين تلني راهي تقوم بنفس العمل لي راني نقوم بيه ندير الكوراج بيك هههه ربي يحفضك راكي نافعتني بزاف لما نشوف تقاريرك ومدبيا نكتب فالاجندة تاعي واش راكي كاتبة بالحرف هههه

[ام حنين و رحمة]

ماشاء الله موضوع رائع

[نسمة صبح]

السلام عليكم حبيباتي

تقييمي للاسبوع الماضي.. الحمد لله حافظت بشكل كبير على التطبيقات ..و نظافة البيت بالاعمال الاسبوعية و المناطق الساخنة.

حفظ القران توقفت لتثبيت الحفظ.

الخياطة على الاٌقل تشجعت و رجعت

الصوم لم يتم كان زوجي حاضرا فالغيته خرجنا سويا

الرياضة ان شاء الله هذا الاسبوع



أنا أيضا أتشجع بكم

أم صابريين .. أروى .. شطاارة
امال عندما تتحدث عن الايجابية
أم متين تبكيرهااا و مشاريعهااا السرية هههههه
أم مؤمن و حيويتهااا
و فرراشات العمر اكيييد
و غزالتنا الحبيبة

و الكثيييرات

كل وحدة و بصمتها وانا واش بصمتي ؟؟؟