وصفات من حراير مطبخ وش طيبتي اليوم

[عازفة الناي]

بسبوسة jia-smile

عازفة الناي اكيييد من عيوني اتفضلي وصفتي للبسبوسة
4 بيضات
كاس زيت
كاس حليب
نصف كاس سكر او اقل ممكن تقللي من سكر
مبشور الليمون
كاس شابلير او خبز يابس مرحي
كاس ونصف سميد
2 خمارة
نخفقو البيض +السكر ثم نضيفو الزيت ونخفقو ونضيفو الحليب ونخفقو ثم الشالبير والخمارة ونخفقو فالاخير نضيف السميد ونخلط الكل بملعقة
ندهنو المول بالزبدة ونفرغة الخليط والي الفرن 180 درجة مسخن مسبقا وطيب حوالي 30د
نوجدو الشاربات الي نسقو بيه البسبوسة
لتر ماء +400غ سكر ادا حبيتي السيرو خفيف وادا حبيتيه ثقيل شوية لتر ماء+500غ سكر وكي يغلي ضيفيلو قطعة ليمون وخليه يغلي حتى يثقال شوية
بمجرد انك تخرجي البسبوسة من الفرن تسقسها فورا بالسيرو الي يكون بارد و على دفعات
وخليها تشرب مليح وتبرد ممبعد قطعيها وبالصحة ولهنا

[yasmalak]

بيتزا لزينب 83 اممممممممممممممممممممممممممممممممممممممممممممممممم ممممممممم



ربي يخليك اختي حنان هذا من حسن ذوقك ، شرف لي انك تسأليني راك شاف ما شاء الله
عجينة البيتزا تاعي عادية نخدم بيها ملي كنت مراهقة : كاس حليب+ كاس حمود بيضاء او اي ماء طبيعي غازي + 2 مغارف خميرة خبز + قرصة خميرة القاطو+ ملعقة سكر + ملعقة لحظة تخليهم حتى تخمر الخميرة بعدها تنشفي بالفرينة و قرصة الملح تحت تولي لعجينة كيما تاع المسمن نزيدلها مغرف زيت زيتون انا ندير مارغرين نص ملعقة ، والفوز تاني عندو دور لأنو لي عندو مروحة راه يطيب المعجنات روعة و جي طرية ، ممكن تتعوض المروحة بشوي ماء ينحط داخل الفور لما يتبخر راح يندي الفور و يطري المعجنات ، وقيله هدأت بزاف

[scorpionoir]

zahra30

و الوصفة انتاع التارت راهي بسيطة ونشكر بزاااف ام سهام هي اللي فيقتني للقكرة هذي


المقادير
4 بيضات + 4 مغارف ك سكر + 4 م ك زيت + 1 خميرة + 1 فاتي + فرينة حتى تتحصلي على خليط ماهو ثقيل وماهو خفيف يعني متوسط ( عينك ميزانك )
الطريقة
تاخذي بلا تفرشيه بورق الزبدة وتصبي فوقو الخليط والى الفرن يكون مسخن من قبل وتشعلي من تحت في الاول امبعد 10 د تشعلي من فوق كي تشوفيه يبدا اللون يتبدل تبغي تحمار نحيها وسقيها بشوية شربات وحطي فوقها شرائح التفاح وادهنيهم بالزبدة و حطي فوقهم السكر ورجعيهم للفرن وشعليه من فوق برك باش يتكرمل التفاح حتى يبدا يسمار ونحيه انا ادهنتو بمعجون مميه بشوية ماء الزهر والاضافات واش تحبي و واش عندك انا درت رمان وشكولا

[scorpionoir]

طير الرحمة

بريوش الذيذ
المقادير
نص كيلوا دقيق+200 مل حليب دافي انا كيلت بقارورة مشروب فيها 200 مل
+100 مل زيت+ملعقة خميرة الخبز+ملعقة صغيرة بكن بودر+ بيضة+ ملح +ملعقتانا كبار سكر
الطريقة
نخلط السوائل مع الخميرة والسكر ثم نضيف الدقيق والملح اذا جاتك طرية هلبا زيديلها شويدقيق ونخليها ترتاح 10 دقائق
تكون العجينة طرية نطرح بالدقيق مثل الصور نرش الدقيق ونحلها وندهن بشوي زبدة ونطويها على 4 ومن بعد نعاود نحل ونعمل مثل الشكل الي بالصورة ونحطها فالطاجين تخمر مدة 10 دقائق وندهنها بالبيض والى الفرن و لما تخرج ونرش عليها سكر ناعم وتقدم صحتين

[ام سراج وملاك]

شفلور في مول السليكون ام ساجد

شفلور في مول السليكون
نظف الشيفلور ونغسلو ونحطو يفور
ثم نحط في صحن ونضيف عليه 3ملاعق شابلير وبيضتين و2او اكثر جبن مثلثات وقطعة صدر دجاج طايب ومرحي ومغرفة صغيرة راس حانوت ومغرفة صغيرة كمون وثوم مرحي و مكعب مرق دجاج ومعدنوس ونخلط الكل ثم ناخد مغرفة من الخليط ونحطها في لشابلير ونكورها ثمىنحطهاذفي مول السيليكون اي شكل تحبي بعد ما نحط فيه شوي شابلير باش ما يلصقش ونحطها في فرن ساخن على رجة 180 لمدة ربع ساعة وبالصحة

[ام سراج وملاك]

تحلية الموز taza

2حبات بنان علي حسب افراد العائلة

ملعقة زبدة

2ملاعق سكر عادي

فاني بيضة ك20سل

كريم فراش كريمة الطازجة

نقطع لبنان الي نصفين ونقليه مع ملعقة زبدة لي يخذ لون ذهبي ما طوليش عليه راه تم تم يحمار

ومن جيهة نخلط كريم فريش مع السكر والبيضة والفاني ونخلطهم مليح

ناخذ المول انا ستعملت صغار

ونحط فيه لبنان وندر عليه الخليط نتاع البيض ولكريمة وندخلو للفرن حوالي ربع ساعة حتي يتحمر

مع العلم هذي كمية صغيرة

[ROSELUISE]

معذرة معذرررررررررررة الف مرة لقد استفدت الكثير منهذا وذلك لااعرف كيف اضع موضوعا وفي بعض الاحيان ينقطع التواصل بسببالمنتدى المبارككان بامكاني المشاركة ولو باعمال اخرى غير الطبخ وعندي منها الكثيرة ولكن ما باليد حييلةسرقة كابل التلفون مرارا وتكرارا اااااااااااااسفة الف مرة ومعذرة مرة اخرى اذا كانت اخطاء في الكتابة وذلك ليس لدي كلافي بالعربيةواذا كان بامكانكن ارسال لي كيفية وضع موضوع في منتدنا الرائع وافيد كما استفدتوشكر شكرا ومعذرة بنتي العزيزةidron0 هيا ابتسمي المسامح كريم اليوم هنا وغدوة لهيه اااااااااااااسفة

[moonkamar]

ماشاء الله عليكم الله ينور عليكم مثل ما نورتو على العباد في ميزان حسناتكم ربي يحفظكم امين

[idron0]

معجون السفرجل nihale89

شوفي الطريقة
قشريه وحطي قدامك حاجة كبيرة فيها الماء واعصري فيها القارص
وقصي الي بقا من القارص
قشريه وقصيه مربعات
ولمي الزريعة وحافظي عليها في كومبراس واغلقي عليها ملييييحمع الكومبراس نتاع الزريعة كي يطيب نحيه والماء خلي فيه الكومبراس وماتبدليهش خليه يغلي ولوحي السكر
انا في كيلو درت 700 غ سكر
خلي السكر والماء والزيعة حتان يعقدو شوي كيما السيرو
ولوحي السفرجل ونقصي وخليه حتان يخثار وماتنشفيهش من الما بزااااف
راهو يدي شوي قت في الطياب خاطر يطيب على مهلو
ديريه الصباح وخليه
وشهية طيبة .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[ام سراج وملاك]

دجاج محشي محمر في الككوطة لينا11

الي طلبت طريقة تحمار دجاجة ساهلة خلاص تعلمتها على عجوزتي ربي يبارك في عمرها بنينة تهبل تقولي العظم وناكلو خخخخخخخخخخخخخخخخ

الدجاجة تتبليها مليح وتكثري لها الملح تجي بنينة
اذا حبيتيها محشية وجدي حشو تاعك (هذي درت فيها الروز طيبتو تقريبا مليح وتبلتو مليح وزدت لو براج قارص ورند وحشيت بيها دجاجة وخيطتها باش حشو مايخرجليش ومن الخارج استعملت توابل ماجي (الي يجو فالكيس ماجي لانهم متوفرين عندي) الي معندهاش دير فلفل اسود وراس الحانوت وفلفل عكري وملح وتحك مليح الدجاجة من خارج وتخليها نص ساعة تشرب نكهة توابل هذوك
في حين تجهز كوكوت تعمرها بحوالي كاس ونص زيت وتخليه يسخن مليح مليح وبحذر تحط دجاجة تاعها تحمرها على كل جوانب مليح مليح (ماتحرقيهاش برك خخخخخ)
من بعد تقفل عليها بالغطاء تاع كوكوت وتنقص نار قليلة خلاص وتخليها حوالي ساعة ومافوق (حسب حجم دجاجة تاعك )
ومن بعد باش تعرف لا طابت تحاول تدخل الموس وتشوف
من بعد تحاول تخرجها بلعقل وتستمتع بيها

[ام نور الهدى 2014]

ماشاء الله عليكم ياسيدات و يا بنات المنتدى كل شيء جميل و رائع و دايما متجدد ربي يجازيكم كل خير و ان شاء اله ننضم ليكم بوصفاتي وقت المستطاع

[ام سراج وملاك]

طريقة جديدة لتشكيل البيتزا ام هبوبة



م سراج ما صورت الخطوات بصح بقاتلي شوية العجينة رايحة نوصفلك و نوصلك الفكرة
اول شيئ تعملي دائرة من العجينة



تعملي فتحة من جهة اليمنى و اليسرى



في الوسط تعملي صلصة البيتزا و الحشو الي بغيتي



و في الاخير الجهة اليمنى ترديها على اليسرى و اليسرى على اليمنى و الحشو يبقة في الوسط

[ام سراج وملاك]

فلفل مرقد لينا11

نقي مليح فلفل تاعك ونحيلو زريعة وديريه فالروبو يترحى شوية برك
وديريه في صحن غامق
زيدي قشري زرودية وارحيها بلاغاب وزيديها للفلفل
وزيدي عليه زيتون دينوايوتي
وخلطي كل شيء مع بعض مليح
وجدي بوكال تاع زجاج من الافضل وبداي تعمري فيه خلي المكان للسوائل
يعني لادرتي كمية كبيرة قسميه على عدة زجاجات
وديري نص خل ونص ماء وصبيه على الفلفل وزيدي سنينات ثوم من فوق وشوية زيت وقفلي عليها مليح
خليها في مكان بعيد عن ضوء مدة 10الى 15يوم ومبعدها تمتعي باحلى فلفل مرقد
وبمدح الحكومة وخلي بلارات لضيوف الغفلة وخبيلي واحد معاك خخخخخخخخخخخ

[انتصار فاطنة]

كنت وعدتكم نحط ليكم الطريقة لي نحافظ بيها على المعدنوس والدبشة والكرافس والنعناع لمدة تصل حتى20 يوم
راح نحطها وان شاء الله ما تروحش النت لانها كل يوم تعملها بينا

نجيب ربطة الحشيش ما نغسلهاش واذا كان مندية نحطها تشيح شوي في مكان مهوي وما نطولش باش ما يذبالو ش الاوراق
نفرزها ونحي لي ما يصلحش
نعملها ربطات صغار كل ربطة وحدها وكل نوع نفزو وحدو
نجيب بورت مونجي نفرشها بالبلاستيك لي نعملوه للي طابل والسينيات
ونحط طبقة من نوع تاع حشيش ونغطي بالبلاستيك ونزيد طبقة حشيش ونغطي وهكذا حتى نكمل ونكوفر بالبلاستيك نقفل البورت مونجي والى الثلاجة
كي نحب نستعملو نجيب ربيطة ونغسلها ونقطعها ونستعمله
كي تعودي تفرزي فيه قبل ماتخبيه ما تستعمليش الموس خلاص لانو يكحل الحشيش
وها الصور علابالي تحبو بالصور وراه يبقى جديد

[oum batoul]

ارجوكم مسا عدتى لا استطيع تصفح كل الملف فالصفحات تتوقف فى الصفحة 76