الجزء 137 من كوزينة واش طيبتي اليوم ((كوزينة النجاح في الدارين ))

[melissat]

صح عيدكم كل عام وانتم بخير

[أم محمد تاج]

مساؤووووووووو يا بطاتي
الله يخليكم عيونكم الحلوة

حبيباتي الغاليات السمينات لي حبو طريقة لمخاخ نشالله نروح نحطهلكم من عيوووووووني راني مازال عند عجوزتي

[ام و ابنة]

سلام الله عليكن يالفحلات
و تحية خاصة لأخواتنا المغتربات ربي يخفف عليهم و يجمعهم بالصحبة الصالحة اللي تونسهم
باذن الله ابتداء من يوم الغد نبدأ نعاود نستقر شويا و باذن الله نحملكم صور حلوياتي المتواضعة من العلب لاني ما حطيتش السينية ما عيدتش في الدار ما يجيني حتى واحد

البنات طلب خاااص و مهمممممم جدا عيد ميلاد وليدي بعد يومين و حبيت نعملو الكيكة في البيت بعجينة السكر و قريت بلي تع بره تنشف بزاف و تيبس و انو احسن واحدة اللي تتعمل في البيت بالمارشمالو فرجاااااااااااااء اللي عندها معلومة او تجربة او نصيحة ما تبخلش عليا

[om kamilia]

السلام عليكم ورحمة الله وبركاته
صح عيدكم كامل لبنات ان شاء الله العام الجاي
ام وابنة دخلت على ىسؤالك ولآ مزالكي نجاوبك

[أم ماجد]

ام ياسو صح عيدك واش ماكيش مقلعة للعاصمة؟
اام انس اممممممممممم الشخشوخة تنطق والله

[أم محمد تاج]

سلامووووووووو

لعيونكم حبيباتي وصفة لمخاخ
4 كيلات فرينة و كيلة ايدام وزوج مغارف سكر قلاصي ورشة ملح ونعجن بماء الزهر تجي عجينتها كيما الباقلاوة نخليها ترتاح ثم نحلها بالقنوووط رقيقة ونروليها على القصبات ونقليها ونحشيها بالكريمة التالية
الكريمة:
نصف لتر حليب وخمس مغارف سكر وزوج بيضات وزوج مغارف كبار نشاء او فرينة نحطهم على النار حتان تعقد وفي الاخير نضيف الفاني
وبالصحة ولهنا يارب

[أم محمد تاج]

صح عيدك ام كاميليا حنوووونة

ام وابنة انا خدمت لي تارت تاع عيد ميلاد تاج بعجينة السكر المشرية الصراحة تهبل ضرك نحطلك الرابط اضربي طلة

[أم محمد تاج]

https://www.djelfa.info/vb/showthread.php?t=1754186

ام وابنة اضربي طلة بالاك يفيدوك
بالتوفيق وسنة حلوة لابنك العمر كله يارب

[ام و ابنة]

ام محمد تاج يعطيك الصحة
رووووعة سبونج بوب شوية و ينطق
راكي فنانة مااااااهرة
انا شريت المارشمالو بش نعملها في البيت و نشوف ماعنديش اللي يشريلي و زوجي خلاص اليوم رجع للخدمة ما يعرفش يشريلي و ما عندوش الوقت
بصح استفدت من افكارك في التزيين ربي يعطيك وقفة ساهلة و يجعلو ذرية صالحة معافاة

ام كاميليا وش راكي عزيزتي
كتبت سوالي و خرجت بصح لوكان غير خليتيلي الجواب و كي دخلت كنت نلقاه

في انتظارك انت و باقي البنات

[الأمنيات]

السلام عليكم وصح عيدكم جميعا وربي يتقبل منا ومنكم صالح الاعمال
نتمنى تكونوا كامل بخير وعيدتوا مليح
بلا ذكر الاسماء كل وحده يعطيها الصحه على المجهودات الي قامت بيها حتى تنور الكوزنه بالاطباق والحلويات
ولها الاجر هنا وفي دارها ان شاء الله

[الأمنيات]

chahra tiaret الحمد لله الي راكي بخير حاولي ترجعي المود باس توحشناك ياومرا راهم كامل يسولو عليك
تحيه خاصه للاخت idrono وصح عيدك احبك في الله يا اخت
نشيطات الكوزنه وعميداتها ليزا ام ماجد ام ياسين ام تاج ام طيري قبلاتي الخاصه لكن
البقيه كامل تحيه شكر لكم اموااااااااااااح

[قمر 77]

البنات سلامو كااااااامل و عيدكم مبارك مرة اخرى
جيت غير البارح فالليل لداري عيدنا عند عجوزتي مسكينة الفرحة مش رافدتها و اليوم راني ميتة و لازم درك نخرج ما علاباليش كيفاش ربي يقدرنا
يعطيكم الصحة قع وش حطيتو كاااااااامل الله غالب راح عليا الحال مووووووووووووووووووووووواحات كبيييييييييرة للكل
سلاااااااااااام حبيبيباتي

[kakinova]

صباح الخير عليكم نساوين بناويت و صحا عيدكم


ان شاء الله تكونو كامل بخير و على خير كامل كامل و كاينة وحدة قلبي محروق عليها لانها في محنة هي ام ابراهيم و الاخرى غايبة عندها مدة ام نجمو حبيباتي ان شاء الله تكونو بخير و في خير ان شاء الله تدخلو تطمنونا عليكم و لو بكلمة

هذي حلوياتي للعيد




































[/QUOTE]

[om kamilia]

صباح نور عليكم كامل وصح عيدكم الكل

راكو طولتو الغيبة ربي يعاونكم


ام وابنة سمحيلي حنونة , برك حشمت لانها درتها بصح بامكانيات بسيطة ,درت بياض بيضة , لافاني و (سكر مع ماء درت بيه سيرو عاقد )) غير شوية منو وخلطت مع سكر ناعم ونشاء وعجنت العجينة ولآ تحبي تلونيها بصح تروحيلها بلعقل كي تفرديها هذا ولا ماعندك والو
ولآ تديري سكر غلوكوز يعني تعوضي سيرو ثقيل بالغلجوز هذا ماكان وربي يطول في عمر وليدك وتشوفيه في اعلى المراتب

[om kamilia]

ام وابنة هذا واش درت بالعجينة سكر ديالي لبنتي


https://www.djelfa.info/vb/showthread.php?t=1703977