الجزء161 من كوزينة واش طيبتي اليوم .....فعلا يا حراير الكوزينة اثبتن محبتكن واخوتكن الخالصة

[حياة نور الدين]

اهلاااااا ام كاميليا هادي غيبة
التحلية والمادلان رووووووعة حللي وناقشي

[omhadil]

السلام عليكم اخواتى رانى جيت ولحقت على الكوزينة تاع ام حبوبة
توحشتكم بزاف
ان شاء الله تكونو لباس

[x ام رحاب x]

السلام عليكم ورحمة الله وبركاته
كي اصبحتو حبيباتي ان شاء الله راكم بالف خير توحشتكم كامل
ام حبوبة كوزينتك فيها البركة مزال ماخلاصتش هههههههههههههه

[ام عبدو و ملاك]

ام حبوبة كوزينتك كانت روعة وما حسيناش بيها شكرا على حسن الضيافة

[جازيا ام البنات]

صباحكم سعيد وعودة ميمونة لمقاعد الدراسة

[Oum Habouba]

السلام عليكم ورحمة الله وبركاته
صباح الخيرااااات وعودة ميمونة للدراسة بالتوفيق لوليداتنا
اليوم فطوري ان شاء الله لوبيا طارت في خاطري ونعجن المطلوع
يومكم موفق وسعييييييد

[ام ساجد]

صباح الخير ويومموفق

عودة ميمونة لاولادنا وربي ينجحهم ويفرحنا بيهم

ام رحاب اب عسللمتك حبيبتي واشهم الاهل وميمتم ولش راهي

[ام ساجد]

المشاركة الأصلية كتبت بواسطة ام عبدو و ملاك

سلام لبنات صح عشاكم
هاذا عشايا تطبيقي لبوراك ام ساجد يهبل وما يشربش الزيت يعطيك الصحة يا ام ساجد

يعطيك الصحة حبيبتي خرجولك خير من تاعي بصحتكم

حبيبتي وشكرا على الثقة وربي يفرحك

[ام ساجد]

بصحتكم الاطايب اخواتي رزيقة وسيدرة وحيوتة وام كاميليا

[oum islem]

السلام عليكم ورحمة الله
صباح موفق وسعيد لكل الأحبة الحاضرات والملتحقات
بالتوفيق لكل المتمدرسين ولكل الحراير في كوزيناتهم
ام حبوبة شكرا اختي على هذا الجزء وننتظر منك الاعادة بالافراح والمسرات
الفحلات لي تحب تفتح الكوزينة الجديدة ترفد المشعل وتتوكل على الله
غدانا على الاغلب شريبة ومقالي وخبز الخباز
لي عودة بعد الاشغال المتراكمة
في امان الرحمن وحفظه
اللهم ما أصبح بي من نعمة او بأحد من خلقك فمنك وحدك لا شريك لك فلك الحمد ولك الشكر

[omhadil]

صباحكم سعيد اخواتى ويومكم موفق
وعودة دراسية موفقة للجميع

[om kamilia]

السلام عليكم ورحمة الله وبركاته
نهاركم مبروووك عودة موفقة لاولادنا وان شاء نتائج مرضية و لعاقبة نفرحو بنتائج نهائية للامتحانات الرسمية
ام ساجد , ام اسلام , ام هديل وكل الملتحقات نهاركم مبروووك و يومكن موفق
ام حبوبة بصحتك اللوبيا و المطلوع, راني جربت قريوش تاعك آمممم بصح بكمية قليلة جزاكي الله خير قولي لي برك شحال من خطرة تورقيه في الآلة
حويتة الغالية سمحيلي على البارح صرى لي تدخل و التحلية من عيوني وهي تحلية الفلون لاستاذتنا ام اماني فقط الجينوز درتها انا وتعديلات شوية دوك نحطهالك

[omjoujou]

السلام عليكم ورحمة الله وبركاته
عودة ميمونة للدراسة وربي يوفق وينجح كل التلاميذ
ام رحاب مراحب عزيزتي ان شاء الله جوزتي اوقات سعيدة مع الاهل
ام ساجد عندي مدة متلاقيتش معاك وش ديري حبيبة نتمنى راكي بخير ومشكورة على الوصفات لي حطيتهوملنا
ام حبوبة ام اسلام المعلمة ام هديل ام كاميليا صباحكم سعيد
غدايا غراتان الشفلور على طريقة ام تاجوووو
يوم موفق للجميع
سلاااااااااااام

[Oum Habouba]

نشكر كل وحدة شرفتني في كوزينتي وقدمت اطباقها ودخلتنا لكزينتها وحطت خيرها وكل وحدة حطت تعليقاتها وكل وحدة حطت وصفاتها الله يجعلها في ميزان حسناتكم وكل وحدة شاركت لابغات غي بكلمة طيبة او بتشجيع لبعضانا
نتمنى نعاود نلقاكم بخير وعلى خير يا احلى اخوات نتمنى لكم الهنا والخير وبالتوفيق في حياتكم

[om kamilia]

حياة هايليك
تحلية الفلون وجينواز
الجينواز هي خليط درتو للمادلين ويصلح للكيك برك نضيفو لو الفرينة باه يثقال شوية
ضربت 3 بياض يض مع رشة ملح ونص كاس سكر حتىى اصبح كالمورنغ خليتو بجهة, زدت ضربت صفار مع نص كاس السكر الباقي حتى بيض الخليط برك هنا السكر ( كاس سكر تقدري تنقصي منو 2 مغارف , هذا الا زينتوه بالحلو اكثر باه يجي معتدل الحلاوه)
نضيفو كاس زيت مش معمر على شكل خيط مع نص كاس حليب ونص كاس عير الليمون و فانيلا وزاست الليمون ونضيفو كاس معمر فرينة و 3 ملاعق كبار فرينة مع كيس خميرة كميائية ونخلط و لآ تستخدموه لخليط الكيك ضيفو شوية فرينة تقريبا المقدار 2 كيسان
نضيفو بياض البيض على دفعات
انا فرغت في المول طبقة خفيفة من الخليط باه ما يجيش عالي و الاخر درت بيه المادلان
كي طابت الجينواز وبردت سقيتها بشربات خفيفة ( كاس ماء مع 4 مغارف سكر بعد 10 دقائق طفيت لها وضفت منكه الفرولة)
درت فلان فرولة مع نص لتر حليب و1 كبيرةمايزينة وطيبتو عادي كي بدى يعقد اضفت لو منكه الفرولة
فيي هذي المرحلة يبرد شوية باه نفرغو على جينوز كنت حابة نضيف فريز مقطعة مع الفلون
مادرتهاش
خليتوو برد مليح زينتو بالشانتي و الفرولة وبصحتك