الجزء 144 من واش طيبتي اليوم ( تجهيزااتنا للعيد الاضحى بادن الله - الصفحة 101

ام عبدو و ملاك · 2015-09-20, 13:35

ام وابنة ربي يجيبلك الشفاء بصح على حساب هدرتك لازمك طبيب ما تستهونيش في روحك

ام و ابنة · 2015-09-20, 13:36

سماح افتحي الكوزينة عزيزتي بصح ما تغيبيش علينا بزاف

المعلمة ارفدي الرابط المباشر ماشي كود المنتديات

دايمة الشكر و الله فعلا البنيان مليييح و نعمة بصح يخليييييي انا الحمد لله كملنا البنيان و عايشين مستورين و الحمد لله ما يخصنا والو بصح مزيرة الحالة مقارنة بزمان لانو كلالنا اللي قدامنا و اللي مورانا خخخخ

دائمة الشكر · 2015-09-20, 13:37

ربي يكون معاك اختي ام وابنة
احنا ثاني الحوانيت بعاد عليا نروح نمشي ساعة باه نشري قشور الرمان ولا العرعار عند العشاب
كيما يقولي راجلي بلاد ميكي معندنا والو يبيعو غير مواد غذائية
حاجات وحداخرين تتعذبي باه تلقايهم

عطرالذهب · 2015-09-20, 13:37

دائمة الشكر على بالي قلال بالصح راني ناكل بين الوجبات مشتقات الحليب والفواكه بكثرة
ام وابنة اذا ماعندكش رحيوة هرسيهم في المهراس راهم ساهلين سيرتو النعناع حتى بين يديك يترحى

دائمة الشكر · 2015-09-20, 13:38

ام وابنة بصحتكم البنيان المهم دار مستورة تريحي فيها
واحنا ثاني أكلا اللي قدام واللي مور واللي فالجنب ههههه ربي ورحمتو والحمد لله المهم الصحة

ام و ابنة · 2015-09-20, 13:42

ربي يحفظكم غاليات انا الطبيب ما نحبش نروح غير في حالة الضرورة القصوى و حتى اولادي ربيتهم نااااااااااااادرا نديهم للطبيب لاني مقتنعة انو الدوا يداوي حاجة و يمرض حاجة و نحب الجسم يعتمد على نفسو في الدفاع على روحو من الامراض بش مناعتو تتقوى ممكن نعاون بالاشياء الطبيعية نعم اما الطبيب و الدواء فناااااااااااااااااااااادرا و حتى يما راني مقتنعة بانو اللي هلكها كثرة الطبيب و الدواء و كذلك عجوزتي و لواساتي و و و و
عطر الذهب راح الحال عليا عملت اومليت ليا و لبنتي ما حبتش تاكلها و حتى انا ما عندي حاجة فيها و ضرك راني معاكم بكاس كوكا في يدي و هي راهي زعما تسرق في الكاوكا و تاكل خخخخ
كنت خارجة نجيب وليدي عيطلي راجلي قالي ضرك نجوز نجيبو و الله فرحت كنت عجزانة بصح ما زال ما نحبش نخليه كامل النهار حتى الرابعة و نص بزااااااف

هندة 74 · 2015-09-20, 13:42

يسعد مساكم حباباتي بكل خير

اليوم غدايا كان شكشوكة وفريت كان عندي ميناج وفرزة كبيرة هههههههههه

بصحتكم كامل واش طيبت الايام الي فات درت صابلي وكعك وقريوش

الريحة في البيت روعة مبن نقععد نزللكم الصور بحول الله

ودرت تاني الكالدي بالعجينة السحرية خرجتلي تهبل

دائمة الحمد · 2015-09-20, 13:48

صحة غداكم والصايمات صحة فطوركم تقبل الله صالح الاعمال
اليوم الغدى بح انا وولدي حبوبي صايمين يقلي ما تصوميش وحدك
سي السيدما يروحش للغدى
اميرة راهي سخت لي بقى من فطور البارح
اليوم بديت في قاطو العيد بديت اول حاجة بالكروكي لانو القاطو المفضل عند سي السيد ونخدم منو بكميات كبيرة
اليوم الجو يهبل نخرج انا واميرة نبيش ليها
ونشري حوايج لزوم العيد

ام و ابنة · 2015-09-20, 13:52

دايمة الشكر يعني الحال من بعضو

عطر الذهب ربي يكمل لك و يسهل لك عزيزتي ضرك نروح نجرب نحك الزعتر بين يديا ما عنديش مهراس خخخ

دايمة الحمد روووعة الكروكي بصحتكم و بصحتكم القضيان

هندة هذي غيبة و بانتظار الصور بصح وشنو الكالدي بالعجينة السحرية عييت نفهم والو

عطرالذهب · 2015-09-20, 13:52

اشرقت انوارك يا دائمة الحمد وربي يتقبل منا ومنكم الطاعات يارب
وبصحتك لكروكي يشهي سيرتو الصباح من قهوة حليب اممممممم
هند بصحتك الحلويات في انتظار صورك

عطرالذهب · 2015-09-20, 13:55

امين اختي ام وابنة وباذن الله ترتاحي في اقرب وقت
لبنات راني هربت بصحن لكروكي ماقدرتش نقاومو نخبيه ونروح نتكى

ام سارة18 · 2015-09-20, 13:57

ام وابنة يعطيك الصحة مريضة وراكي تجري وتخممي على كل شىء في ان واحد الصح كنت كيما انت دوكا والله ماعلابالي بيها طابت ولا تحرقت
ام اماني وعبدو انا جامي عندي مشكل الصور من اول محاولة نجحت وانا نستعمل مركز مخزن
هندة بصحتك الشكشوكة
داىمة الشكر هادو كامل صح اللي يخلص 10ملاين وما يكفوهش ربي يرزق ان شاء الله الحلوى شوفي كاين الاقتصادية
دايمة الحمد بصحتك حتى انا راني نخمم فيه
سماح رانا نستناو باه دخلينا قبل لا حنان تقفل كوزنتها وتخلينا برا نتمسخر حنان ناس ملاح

Mizou123 · 2015-09-20, 13:59

السلام عليكم، اموااااااااااح كبييييرة لكل وحدة فيكم توحشششششتكم بزاف بزاااااااااااااااااااااف

دائمة الحمد · 2015-09-20, 14:08

تسلمن غالياتي
عطوري راهي سينية كاملة ما بانتش في الصور اديها بالشفاء ليك

دائمة الحمد · 2015-09-20, 14:10

لبنات ونحن في ايام كريمة ومباركة ارجو منكن تدعولي بالشفاء لشخص عزيز وغالي على قلبي فدعوة المؤمن لاخية بظهر الغيب مجابة
ما تنسونيش