~~واش طيبتي اليوم؟! الجزء 91 اهلًا اهلًا بالعيد~~ - الصفحة 100

*زهرة اللوتس* · 2014-10-04, 23:22

مساء اخير و صح عيدكم كامل وكل عام و انتم بالف خير
ام ماجد يعطيك الصحة و ربي يحفظك لأولادك و يحفظهم ليك و ربي يدوم عليك و علينا الافراح, كواليسك روووعة و خدمتك ماشاء الله عيدك مبارك و كل عام وانت و اسرتك بالف الف خير يا غالية مواااااح

أم ماجد · 2014-10-04, 23:25

اقتباس:

المشاركة الأصلية كتبت بواسطة x ام رحاب x

ام ماجد راني كنت نستنا في الكواليس راني نكتبلك ودموع في عينيا فكرتيني في دارنا والله تقول راني في دارنا الله يخليك لوليداتك دارنا كانو ايديرو كيما انتيا ايوجدو كلش في الليل باه ايطيبو بكري وتخرج يما الصدقة بكري الله لايحرمك من هاذ العادة الكريمة ربي يعطيك على حساب نيتك ويعطيك ماتتمناي ويعطيك صحتك وينجحلك بنتك العام الجاي تسلمي حبيبتي

اقتباس:

المشاركة الأصلية كتبت بواسطة nadia7888

مساء اخير و صح عيدكم كامل وكل عام و انتم بالف خير
ام ماجد يعطيك الصحة و ربي يحفظك لأولادك و يحفظهم ليك و ربي يدوم عليك و علينا الافراح, كواليسك روووعة و خدمتك ماشاء الله عيدك مبارك و كل عام وانت و اسرتك بالف الف خير يا غالية مواااااح

الحمد لله على الاقل نعرف بلي كاين اللي تستفاد كاين اللي تتفكر الماضي وكاين كاين

ربي يخليكم ليا يا احلى بنات وحرات

أم ريمة* · 2014-10-04, 23:26

عيدكم مبارك وكل عام وانتن بصحة جيدة هذا وين قعدت يوم شاق العمل والضياف داخلين خارجين يارب يقدرنا
ام ماجد يعطيك الصحة على الصور راكى تحمسى فاللحم حنا ثانى نديرو الكسكاس بنفس الطريقة ونزيدو معاه العصبان

ام ندى 87 · 2014-10-04, 23:27

ام ماجد ودي عايزه كلام راكي مزهيه الكوزينه
زدت جبتلكم هاد لي صابلي خدمتهم لماما تحبهم

أم ماجد · 2014-10-04, 23:36

ام ريمة ليك وحشة يا لعزيزة بوسيلي حفيدي الغالي
المبتدئة صابلي وعليه الكلام
طار عليا النوم كل عيد هكذا ههههههههههههههههههههه

khaoula90 · 2014-10-04, 23:38

صح عيدكم تعيدو بالصحة و الهنا كل عام و أنتم بخير

يعطيك الصحة أم ماجد ربي يخليك و يحفظك

<نَجْمَاتْ> · 2014-10-04, 23:39

عيدكم مبارك وكل عام وأنتن بخير والله غير هذا وين وباش خلصت الأشغال ام ماجد بارك الله فيك نفس طريقتي أنا فقط الطماطم منديرهاش حتى نديرها طيب في الفجر و نديرها

أم ريمة* · 2014-10-04, 23:44

ام ماجد يوصل ان شاء الله ربى يعطيك صحيحتك امين
المبتدئة القاطو يشهى ماكانش كيما بر الوالدين بارك الله فيك

nihale89 · 2014-10-04, 23:57

سلااااام حبيباتي
كملت غليت المصارن والكرشة وقصيتهم وحطيت الشحمة في الما باه ندير بولفاف
والجزرة قصيناها خلاص وسيقت الدار وغسلت اللاواني جوايه الساعة16كملت كلش ومنبعد رحت لدارنا وتعشيت ثما
راني صورتلكم كلش غدوة باذن الله نحطلكم الصور

x ام رحاب x · 2014-10-05, 00:06

مساء الخير عليكم للملتحقات وصحة عيدكم وتعيدو ودزيدو
نهال واش راكي وبصحتكم وربي يعاونك غدوة تكملي شغالات
ام ريمة كل عام وانت بالف خير في حياتك وحيات ولادك وزوجك
ام نور وجمانة ربي يعطيك صحيحتك حبيبتي
خولة صحة عيدك وكل عام وانت بالف خير
المبتدئة خرجلك صابلي هايل ربي يخليلك ميمتك

ام رجاء 09 · 2014-10-05, 00:06

بصحتكم كامل وربي يقدركم وصح عيدكم والله يوم اليوم العالمي للتعب اليوم ولينا شناوة اجري منا ومنا والحمد لله جاز ال مليح خفيف والاهم ربي يتقبل منا والله يغفرلنا

x ام رحاب x · 2014-10-05, 00:16

ام رجاء كل عام وانت بالف خير وربي يتقبل منا ومنك حبيبتي وربي يعطيك صحيحتك اختي
تصبحون على خير غدوة عندي الضياف لازم انوض بكري ربي يقدرني ان شاء الله

ام اريام · 2014-10-05, 04:03

صباح الخير بالصلاة على النبي محمد صلى الله عليه وسلم
ام ماجد بارك الله فيك وربي يعطيك صحتك ويحفظك لموالا بيتك ووليداتك
انا تاني نصبت لعشية نحيت غير الكتف لخاطر هنا الجزرات يغسلوهم ماينشفوش اليوم لحب ربي نقصوها
البارح جاتني ساشي مع الجزرة نحسب فيها الفاد تخيلو واش نهي الراس حرت والله لخاطر مش مالفين يمدوهلنا مت باافرحة نموت عليه خدمتو مازال ماطيبتوش .حسيت هذا العيد يشبه لتاع لبلاد والحمد لله .نزيد شوية ونوض نصلي ونحط الغداء يطيب باش نشم ريحت لبلاد
ري يعاونكم ويرزقنا كامل من حيث لا نحتسب

wahibaazel · 2014-10-05, 05:18

عيدكم مبروك. تقبل الله منا ومنكم، غفر الله لنا ولكم اكيد الكل وأهم نايضين ربي يعاونكم. شكر خاص للأخت ام ماجد ربي يحفظك لاولادك ولزوجك. ولمنتدي الجلفة

رياحين الجزائر · 2014-10-05, 06:03

صباحكم بالخير وكل عام وانتو بخير يا رب افوت الرد هدا النت اتعيف
غدايا راه اطيب بربوشة بالكتف الايمن لزوم العادات والتقاليد