موضوع مميز مسابقة ادارة السجون 2013 (إعلان النتائج) - الصفحة 100

traductrice · 2013-07-01, 12:33

اقتباس:

المشاركة الأصلية كتبت بواسطة وهيبة بسكرة

تعيشي اختي قوليلي كفاش عرفتي نتيجة

يا الاخت وهيبة انا راني مشاركة في الضباط عندي واحد سمانة ملي عرفت بلي راني مانجحتش شافلي واحد يخدم تم لقا اسمي مكانش فلاليست .
بالنسبة ليكم نورمالمو لنجح راهو تسلم ديجا تيليغرام ولا سمانة هادي باه يلحقو والعلم لله.
ماتقلقوش رواحكم وتعيطولهم ام يليكيديوكم باي هدرة ولا يخليوكم en attente واحد مايقلق روحو ويشوفلك ,لمعندكش شكون يشوفلك اصبري اسناي تيليغرام وخلاص ربي ورحمتو.
بالتوفيق لك

وهيبة بسكرة · 2013-07-01, 13:07

ربي يخليك اختي على التوضيح انا مشاركة في الاعوان ماشي الضباط ضنيتك تحكي على الاعوان

sassah · 2013-07-01, 13:34

makan walou ana 3ayet sebah lemsila galouli mazal

sassah · 2013-07-01, 13:35

rana kerahena wehouma mayechabe3ounach hadera

sassah · 2013-07-01, 13:36

kache jedid goulouna

وهيبة بسكرة · 2013-07-01, 13:39

قالولي لعشية او غدوة صباح تبان

moussa007 · 2013-07-01, 13:40

خاوتي.. النتائج نتاع الاعوان خدموها. و راهم بداو يبعثوا التيليغرام. لي يوصلو التيليغرام راه ناجح.
انا قداش من مرة نعيطلهم و كل مرة يليكيديوني بهدرة ..( قريب..مزال شوية.. هاد السمانة .. غدوة ....)
المهم ما تقلقوش رواحكم و تعيطولهم على خاطر يطيحولك غير المورال.
اصبروا 3 ايام .. لي يوصلوا التيليغرام راه ناجح . و الدخول في التربص مور رمضان.
علابالي كل واحد راه مقلق و مديقوتي. الله غالب هذه هي بلاد ميكي. الشدة في ربي سبحانه.

ربي يوفق الجميع .. اخوكم من سور الغزلان.

بولطيف · 2013-07-01, 15:14

[QUOTE=moussa007;1053348478][font=arial]خاوتي.. النتائج نتاع الاعوان خدموها. و راهم بداو يبعثوا التيليغرام. لي يوصلو التيليغرام راه ناجح.
انا قداش من مرة نعيطلهم و كل مرة يليكيديوني بهدرة ..( قريب..مزال شوية.. هاد السمانة .. غدوة ....)
المهم ما تقلقوش رواحكم و تعيطولهم على خاطر يطيحولك غير المورال.
اصبروا 3 ايام .. لي يوصلوا التيليغرام راه ناجح . و الدخول في التربص مور رمضان.
علابالي كل واحد راه مقلق و مديقوتي. الله غالب هذه هي بلاد ميكي. الشدة في ربي سبحانه.

ربي يوفق الجميع .. اخوكم من سور الغزلان.[/font
مشكور أخي الكريم على المعلومة بغيت نضيف في ما يخص زمن وصول التيلغرام قد تصل أسبوع أو أكثر حسب مكان الإقامة باش ما يتقلقوش خاوتنا . أما فيما يخص المكالمات في التيليفون فأضن أنها غير مجدية إلا فيما يخص الإستعلامات والإستفسار هاذا إذا ردوا على المكالمة أصلا
فما بالك يقولك أنت ناجح وأنت لالا ماراهيش راح تكمل وما يزيدوش خدمة لرواحم .الشفافية لا توجد ولوكان بغاو يسهلوها راهم نشروها على الأنترنات كيما الباك و البيام وينحيو علينا وعليهم تكسار الراس والسلام عليكم .