وصفات من حراير مطبخ وش طيبتي اليوم

[ام ساجد]

وصفتي تاع السيڤار ** الامنيات**
كاس شاي زيت وكاس شاي سكر وزوج بيض وزاست تاع برتقال ولا قارص ولا فاني وملعقه جلجلان مقلي هادي اضافه من عندي تجي بنينه وذوق
وحده خماره وتلمي بالفرينه وتشكلي صبيعات صغار وتقليدفي زيت يكون سخون ومن بعد تنقصي على النار وتقليه مليح

[ام سراج وملاك]

تارت التفاح

العجينة : 250غ فرينة+150غ مرغرين + 2 مك سكر ناعم + فانيليا +رشة ملح + اجمعي العجينة بصفار البيض + خليها ترتاح +ثم حليها في مول التارت وخليها بجيه بلا ما

طيبيها .

الكريمة : 2 كيسان حليب + 3 مك سكر + 2حبات بيض + 2 مك مايزينة + فاني +ديري كامل المكونات في الكاسرونة فوق نار هادئة مع الخلط المستمر حتى تثقال فرغيها

مباشرة

فوق العجينة وزينيها من الفوق بالشرائح التفاح و دخليها الى الفرن في الاول شعليلها من الاسفل و مبعد شعليلها من الفوق وكيتخرجيها ادهنيها من الفوق بالعسل .

[idron0]

البتي فور jia-smile

الوصفة
400 غ فرينة +100غ مايزينة +حبة بيض+ربع كاس زيت+250غ مارغارين+150غ سكر قلاصي+عطر الفراولة.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[rafik-12]

مشكورين ربي يبارك فيكم

[idron0]

جينواز ام محمد تاج

جينوازتي: 6بيضات مفصولين وكاس سكر نصو مع الصفار ونصو مع البياض طلعيه كالثلج ورشة فاني ورشة ملح وزوج مغارف كبار زيت ونص كاس نشا وكاس فرينة وباكي خميرة
نطلع بياض البيض مع نص كاس سكر وخليه بجيهة ونخبط الصفار مع النص الباقي والملح والفاني حتان يبياض الخليط ونضيف الفرينة ونخلط بالفووي راح تيبس ماتخلعيش وابداي ضيفي البياض من اسفل الى الاعلى وحطيها طيب وخلالالالالاص .

[idron0]

تارت الكراميل المبتدئة

اولا درت 2 بيسكوي هايليك الوصفه اواي وصفة تحبي https://www.djelfa.info/vb/showthread...362108&page=86
تكرري العمليه مرتين
تقطعي ورقتي البيسكوي على شكل قلب باه تشكلي طبقتين والطبقه الثالثه تشكليها من البواقي وتحطيها فالوسط باه ماتبانش انا هنا مازال ما رتبتهمش


إضغط هنا لرؤية الصورة بحجمها الطبيعي.


عملت كراميل هايليك فموضوع لهومه لبات بريزي
تعملي كريمه شانتي او زبده تحطيها بين طبقات وتغلفي بيها انا زدتلها مغرفه ك كراميل لي تتباع وقطعت بين الطبقات الموز اممممممم روعه والله





والتزيين نتي وذوقك
هادي تان خدمتها بنفس الطريقه


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[onedzone]

بارك الله فيك

[idron0]

طمينة اللوز almazalina22

3كيلات لوز مرحي غبرة وتقدري تعوضي بالكوكاو +كيلة ناقصة زوج اصابع سكر +3/4كيلة زبدة ذايبة +نص كاس حليب +نص كاس مزهر وفاني ونحطها في كوكوط مغسولة مليح وعلى نار هادئة جدا على الطابونة ونحرك مليييييييييييييييييييح حتى تولي تتنحى من الكوكوط ونفرش الصنية بالسكر رطب مليييح ونحطها وبسرعة نسويها ونزيد السكر رطب من فوق مليييييح ونخليها تبات بلا ما نحركها من مكانها وفي الغد نقطعها وتحبي حتى تكونجليها ووقت الحاجة تجبديها تحمر الوجه وغير مكلفة خاصة كي تكون بالكوكاو شوفي انا باش كيلت وخرجت العلو حوالي 1.5سم يعني مليحة
هاهي التكملة كيفاش كيلت نحط اللوز ناشف ونشوف ودايما كي تتخدم راهي تنقص يعني تهبط ديرو مليح الكيل وهذا واش صورت

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

معجون السرفجل oum radja


كانت ماما بكري تنقيه وتقطعه ودير عليه السكر و الما ودير شوية من القشور والبذور في شاش وتخليه يطيب مليح حتى يحمار ومن بعد ترجيه وتخليه يعقد هاذا ماكان
وانا المرة لي فاتت درته يفور فوق الما فيه القشور و البذور ومن بعد ريحيته ودرت عليه سكر وخليته فوق النار يعني كيما يديرو معجون التباسا
وهذاك الما درت بيه لاجولي خبيت نصها و النص لاخر زدته على السفرجل لي كنت طيبته مع السكر جاني روعة .

[lehna]

بارك الله فيكم

[rajaha2010]

السلام عليكم اخواتــــــــــــــــــي
هذه اول مشاركة لي في قسمي المفضل ، ارجوا ان ينال اعجابكم هذا الطبق الاقتصادي و السهلللللللللللللللللللللللللللللللللللللللللل
https://www.youtube.com/watch?v=bZkl3...em-subs_digest

[idron0]

قراتان الارز ام هبوبة

تحضري الكفة نتاعك درت حبة بصل مقطعة رقيقة مع الزيت الملح و الحرور و سكين جبير و القسبر و المعنوس و فلفة حمرة و تقلي كل شيئ بعد دلك ظفت الكفتة و زوج معالق طماطم العلبة كونسوتري و الوصفة تقولك الي حبت تزيد الشومبيون ديره انا ما كانش عندي ما درتهش و تخلي الكل يطيب

تحظري صلصة البشاميل
خديت الارز و فايضته و قطرته مليح ظفتله ملعقة زبدة و اربعة ملاعق بيشاميل و حبة بيض مظربو و خلطت و خرته بجيه

في مول الفرن مدهون بالزبدة و تفرغي فيه شوية بيشاميل ثم فرغي الارز نتاعك و تخوي فوقه صوص البشاميل المتبقية قمر انا جاني شوية ناشف من الاخل بصح عرفت روحي ما كثرلهش البشاميل نظن ما لحقتش للوسط المهم من بعد تفرغي فوقها هاديك الكفتة بالصوص و ترابي فرماج احمر و دخليه للفرن البنة مليحة قتلك جا ني شوية ناشف من الداخل .



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[moonkamar]

ماشاء الله عليكم الله ينور عليكم مثل ما نورتو على العباد في ميزان حسناتكم ربي يحفظكم امين

[idron0]

ترقاد الزيتون ام سراج و ملاك

نعطيك الكمية لي ديريها مثلا في بدون 5 لترات اولا تشد حبات الزيتون تحلهم بالموس ثلاث جوانب او اربعة كل واحد كيفاه يحل الحبات تحطهم وين رايحة ترقدهم تعمرهم بالماء وتقفل وكل 3 ايام تبدل الماء حتان يصفا الماء تهز حبة وتذوق شوي منها تلقاها حلوة قلها متكليهاش تشوف اذا تنحاتلها لمرارة تعمرها بماء جديد ودوزنو دير 3 حبات جزر + 4 ورقات رند + 4 حبات ثوم تقطعو شرائح + نصف حبة قارص + راس فلفل حار اذا يحبو الحار تقطعو دوائر كبار شوي واذا ميحبوش الحار تحط الراس نتاع فلفل مجمول + ملح حوالي نصف مغرف كبيرة ومبعد تزيد تذوق لحبت تزيد الملح تزيد خطراه كاين لي ميحبش الملح + وربع كاس خل اذا حباتو حامض تزيد شوي خل وتقفل عليه حتان يوجد راهي طبعا تحل عليه وتذوق الحبة وتشوفو اذا طاب تاكلو بالصحة والهنا .

[أم ماجد]

جمعة مباركة
هذي وصفة البريوش الوردة الي كانت طلبتها أم محمد تاج و أخت قمر و راح نحط المراحل بالصور باش تتوضح فكرة تشكيل الوردة
ملاحضة أصل الوصفة كانت أعطاتها ضيفة في حلقة شميشة ثم إنتشرت في المدونات المغربية و هي وصفة فعلا رائعة .


المقادير
500غ فرينة , 4إلى 6ملاعق سكر , كأس متوسط زيت ملعقة كبيرة و نصف خميرة خبز, ملعقة ملح, حليب دافئ , زبدة مذابة للدهن
حبيبات الشكولا, بيضة للتزيين , جلجلان محمص
نخلط الفرينة مع الزيت مليح و نزيد السكر و الخميرة ثم نلمها بالحليب الدافي المنحل فيه الملح حتى نتحصل على عجينة لينة ندلكها و نتركها ترتاح 10د

نقسم العجينة إلى كرات و ندهنها بالزيت

نحل كل كرة رقيقة و ندهنها بالزبدة (الزبدة تخلي البريوش يتورق ) ثم نلويها حتى نتحصل على سيقار





نصنع 6 أو 7 (باش ترتاح العجينة ) و نبدأ نشكل فيهم


نأخذ سيقار و نشكل عقدة

نكمل نلف الجهة الطويلة داخل العقدة حتى توصلي للطرف الاول


ندهنها بالبيض و الجلجلان و نتركها تخمر



نخليها تخمر مليح و منبعد ندخلها على فرن ساخن جدا على 240د


وهي ساخنة نحط شكولا على شكل قرص في وسط الحبة


مممممممممم روعة ذوق و شكل




راني عارفة طولت لكن باش للي ياخذ الوصفة يكون فاهم كل المراحل
ملاحضة في العجينة مكاش البيض
دعوة خير لوالديا و أهلي