الدورة الخامسة "الرقي لمدبرة منزل مثالية"

[sondse1]

المشاركة الأصلية كتبت بواسطة souhir69

ياحنونتي يا لعزيزة ديالي تالموا لي تبغيني تزعفي ما نحب حتى وحدا تزعف حنا رانا لبعضياتنا وربي يكملينا صداقتنا

راني رسلت ليكم كاملين غنية على كثرة ما نحبكم من تلحين خلود و اخراج سهير خخخخخخخخخخخخخخ

راهم يبوسوك راهم يقراو معايا الردود و فرحانين كي رجعت ليكم لخاطرش راهم متابعينا خطوة بخطوة سلام

يا عمري والله حاستكم عايلتي الثانية
و نحب وليداتكم و بنياتكم
و نحس بلي كامل راكم معايا
وسورتو انا عندي اخت وحدة برك و الحمد لله عوضني ربي بخيات هنا و ربي يحفضكم ليا و لكامل اللي يحبوكم

بوسيلي البنيات

[souhir69]

صباح الخيرات على احلى خواتات

حكمممممممممممة الييييييييييييييييييوم

بيت الزوجية هو مملكة المراة و مجتمعها الصغير

[Lili Rose]

مساء الخيرممزؤج
بآيات القرآن
تحفظكم وتنور
دربكم بأمر
الرحمن♥



وش راكم يالفحلات

[ام امجد14]

سندس و سهير و هدهد العضو الجديد و ام مريم نشكرك بزااااااااااااااف على السؤال و على الدعوات ربى يخليكم ليا وما يحرمنيش منكم
اليوم تدخلت للمطبخ رانى نحاول باش نعملو التنضيف العميق لقيتو فى حاااااااالة لانى كنت لاهية مع زوجى
وماكانش عندى الوقت و حتى المورال للتنضيف و كنت نخدم خدمة خفيفة بدون اتقان و اليوم رانى نحاول نضم المطبخ و البيت ومع بنتى الصغيرة و عمرها 6 شهور كانت زمان تحوس غير على الحليب و الان ولات تحوس على القعاد فى الحجر و اللعب معايا و دائما تبكى علي واش نقوللكم ربى يعاونى فقط

[ام امجد14]

حبيت نسالك اختى ام مريم
هل هناك فرق بين تربية الاولاد و البنات
كيما راكى عارفة انا جبت 3اولاد ومن بعد جبت 2بنات صدقينى ما عندى اى خبرة فى تربية البنات
حتى بنتى تقلد اخواتها فى كلشى يريت تفيدينى

[souhir69]

المشاركة الأصلية كتبت بواسطة ام امجد14

حبيت نسالك اختى ام مريم
هل هناك فرق بين تربية الاولاد و البنات
كيما راكى عارفة انا جبت 3اولاد ومن بعد جبت 2بنات صدقينى ما عندى اى خبرة فى تربية البنات
حتى بنتى تقلد اخواتها فى كلشى يريت تفيدينى

يا اختي يا ام امجد لياه كاين فرق ما بين تربية الاولاد و البنات حسب معلوماتي التربية تخلقها الام

وعلى هذا ما عنديش معلومات اكثر اتمنى ان تفيدنا حبيبتنا ام مريم بلاك مستقبلا حتى انا يرزقني ربي ذكر ان شاء الله

[زهرة الهضاب 19]

المشاركة الأصلية كتبت بواسطة حبييبة

أهلا أهلا و مئة مرحبا بزهرة الهضاب
اهلا بيك لحبيبة
بالطبع ممكن تلتحقي بينا
راكي فوق الراس و العين حبيبتي
راكي بين احباباتك و اخواتاتك
ان شاء الله تكوني راضية و مرتاحة بيناتنا

شكرا لك على الترحيب .....أردت أن أعرف هل لازم ندخلو كل يوم نقولو واش درنا و لا كيفاه ؟؟؟؟

شكرا ...

دمتم ....

[ام امجد14]

السلام عليك اختى ام سهير
انا عارفة بلى التربية هي التربية لكن تختلف
ربما نكون مخطئة لكن حبت نزيد نتاكد
يقولو البنت اذا دللتيها ماعليش لكن الولد لا لا يعنى اشياء من هذا القبيل
ان شاء الله تكونى فهمتينى

[ام مريم الجزائرية]

السلام عليكم حباباتي كلكن باه ماتزعفش كاش وحدة
حبيبتي ام امجد انا عندي غير البنات ربي يحفظهن ولكن عندي خبرة فالذكور بحكم اولاد اخوتي
شوفي الدلال ماهو مليح لا للبنت لا للولد كوني نص نص لا ترخي لا تزيري هذا الوقت راه شين لازم تكوني عند روحك بما انك عندك الله يبارك مراهق وهنا دور زوجك شرعا لازم يصاحب وليدو ويديه معاه للمسجد ويحادثو والبنات صغارت الرضيعة رضعيها نقيها وخليها الصح في تاع 3 سنين لازم تجبديها ليك وتعامليها بالحسنى ماشي غير الضرب والزقا وعادي تلعب معى خاوتها بصح ماتخليهاش بزاف راح ترجع كيما هما لعبي معاها انت صنعيلها دار ودمية ووريلها كيفاه تلعب خليها معاك تمدلك حوايج اختها و حتى المطبخ تمدلك الخضر ووووو
انا درت غلطة كنت نضرب بزاف بناتي لانه كان عندي ضغططططط كبير من اهل زوجي ربي يغفرلي ويهديني على بناتي ويهديهم الحمد لله راني نتدارك فيهم قبل لا تطفر ان شاء الله افدتك
ملاحظة لازم الولد دايما تهدري معاه على اساس راجل ماشي صغير راح يتعلم امور الرجولة من صغره ومايكونش يخاف ولا تضعاف شخصيتو

[souhir69]

مساء الانوار واش راكم

يوميات برنامجي للايام الماضية
سبقتوا قدامكم ياخي ماعليش
يوم السبت 17-03-2012 الصالوننضت بكري اديت صلاتي و قريت القران وجدت الفطور على زوج لزوجي لعزيز و بناتي و لاخر اختي كانت في المستشفى

رجعت للصالون رفدت كامل الفراش نحيت المخاد من التعميرة و تلاميط من المطارح ورحت شغلت الغسا لة ونحيت الكاش ريدوا و

كنست الصالون في تمام السابعة نوضت زوجي و حطيتلوا كل ما يلزم و رحت للمستشفى رجعت على الثامنة و نصف نوضت بناتي فطروا و دوزنت الغداء و خليتوا يطيب رحنا كملنا الصالون راديناه يشعل

رحنا كملنا الميناج كامل لتمسح الغبرة و لي تلمع الزجاج يا سلام على البنات

رجعنا للمطبخ حتى هو رديناه يشعل كملت الفطور

الغسالة و شحال غادتني غسلة مورا غسلا بصح خير من اليد خخخخخخخخخخخ

يوم الاحد 18-03-2012 نفس الشئ المستشفى + الميناج + الكنطرولات

يوم الاثنين 19-03-2012 صباح عطلة بصح المنوض بكري اكيد نفس الشئ المستشفى+ الميناج + الطي الملابس + الكي

في المساء فرحتنا بزيادة المزيزد لعقبة لكل واحدة و نشكر اخواتي لباركولي

يوم الثلاثاء 20-03-2012 –مستشفى + الميناج + الفطور و رحت خرجت اختي من المستشفى و الى بيتها

كنت ديجا قريت لبنات و هيئتكم لهذا العمل –رعاية الكتكوتة + يتهلاو في بباهم + البيت الله يحفظهم سهلوا عليا المهمة

كل يوم من بعد ما نديرلهم العشاء و نحطلهم روح عند اختي تسكن حدايا

نبات بارمنوس عاى وليدها يخي صغيرة و ما تقدرش

نولي الصباح معى السابعة و نخليها مع عزوجتها نوض زوجي لعزيز و نفطروا و يروح للخدمة بابتسامة عريضة

و نوجد لفطور و نخلي المهمة لسهير و خلود و نرجع لعندها حتى المساء

كل يوم نفس الروتين حتى كملنا معاها السبوع كان عقلي ديما معاكم يا لغاليات على قلبي

و رجعت نكمل معاكم البرنامج ربي يخليلنا حبيبتنا حبيبة الغالية و نتوما كاملين

اختي راحت ديتها لدارنا تقعد عندهم و راني روح نطل عليهم مرة مرة

يا خي عجبكم مسلسل ديالي قولوا واه و لا لالالالالالالالالالا

ربي يخلينا ديما لبعضنا و ما يفرقنا

دمتم في رعاية الله

[ام مريم الجزائرية]

المشاركة الأصلية كتبت بواسطة ام امجد14

السلام عليك اختى ام سهير
انا عارفة بلى التربية هي التربية لكن تختلف
ربما نكون مخطئة لكن حبت نزيد نتاكد
يقولو البنت اذا دللتيها ماعليش لكن الولد لا لا يعنى اشياء من هذا القبيل
ان شاء الله تكونى فهمتينى

قلت لك كوني وسط نحكيلك بنت حماتي الاولى دللت بنتها وماخلاتهاش تخدم شغل وتدخل الكوزينة جاوها الخطابة وقبلو راهي حايرة مين تبداها التعلام وحماتي الاخرى تربي ماشاء الله بنتها تحطيها في عرس وماتخافيش الله يبارك وعندهم نفس السن

[souhir69]

المشاركة الأصلية كتبت بواسطة ام مريم الجزائرية

قلت لك كوني وسط نحكيلك بنت حماتي الاولى دللت بنتها وماخلاتهاش تخدم شغل وتدخل الكوزينة جاوها الخطابة وقبلو راهي حايرة مين تبداها التعلام وحماتي الاخرى تربي ماشاء الله بنتها تحطيها في عرس وماتخافيش الله يبارك وعندهم نفس السن

يا سلام على الكلام المعقول بالطبع حبيبتي ما لازمش على الام الدلع الزيادة سيرتوا للبنت كي ما يقولوا ---اكفي القدرة على فمها تطلع البنت لامها---
لازم تعلمها المسؤولية من الصغر و تروحي معاها غير بالعقل

ونقولك ما تشدي ما ترخفي

[houdehoud]

ام مريم الجزائرية 7abibti
ana 3ndi tafla wa7da lina rbi ya7fedhali wach ngoulek des fois nel3b m3aha w nchrilha les joué mais mochklti eni ki neklek soit men zawji wla ahlou nrej3 fiha ze3af dok 3ndha 3amine w ness ma7btche tn7i la couche derte m3aha kolche mais 7aja manef3te w ki neg3d m3a slafati ykherjouli guelbi b te3lik 3la had chi w zid malgré wa7da w 3ziza tghire foug el7ak men louled w lbnet seghar mafhemtche li7d alan wa3lah mada bik tens7ini

[ام مرية]

السلام عليكم
انا اليوم نضت بكري لانوعندي الماصو لازم نوض قبل ما يجي نقر ش رحتللكوزينة بعد الصلاة والاذكار طيبت القهوة وقاطو وحطيتهم في سنيوة على جيه وزدت طيبت قهوة ليا انا وشهريار وخملت الصالو رفعت كامل الفراش و الزرابا ولي تابي باش ما يتوسخوش وزدت خملت ماعن والصوالح الي ممكن يتكسرو ولا يتغبرو ورحت لبيت الغسيل لانو العمل فيها خرجت الماشينة وسلة الغسيل وكل البيادن نتاع الماء ديتهم للدوش يعني فرغتها تماما وليت خملت البيوت كي العادة وغرفة نومي ورحت كملت واش خاص في التروسو ديال السموكس ومن بعدو كملت عملي في التطريز حتى خرج الماصو ايا وليت عملت فطور ماحبش الماصو يفطر ما نعرف علاه وغسلت السيتيرنا اي الصهريج نتاع الماء الكبير غسلتها مليح مي عذبتني وديتها انا وراجلي للبالكو ونقيت مدربها وغسلت الحيوط والارضية ولات تشعل عمرت الماء كي جات العين ورحت فطرت وغسلت الماعن ونقيت الحالة كانت فوضة حتى رجع الماصو للعمل نتاعو انا رحت لعملي اليدوي بعد ما طيبتلو قهو ة وحطيتلو عصير وكي راح جواهي 8 نتاع الليل عملت عشى خفيف ونقيت المطبخ وسقمت فراش رجالي وين يرقد على فكرة انا متعودة دائما في الليل نعاود نسقم اغطية السرير ونبخرو والمخايد تان والغطى ونمسح القاعة ونحط معطر جو هاد الالتفاتة يموت عليها راجلي ايا ودرك راني نقرعج نورمالمو راني في حلقة الحفظ ولكن ما قدرتش ندخل ما عرفت علاه والله غير راهو المورال 00000000000000000000000

[ام مرية]

المشاركة الأصلية كتبت بواسطة houdehoud

ام مريم الجزائرية 7abibti
ana 3ndi tafla wa7da lina rbi ya7fedhali wach ngoulek des fois nel3b m3aha w nchrilha les joué mais mochklti eni ki neklek soit men zawji wla ahlou nrej3 fiha ze3af dok 3ndha 3amine w ness ma7btche tn7i la couche derte m3aha kolche mais 7aja manef3te w ki neg3d m3a slafati ykherjouli guelbi b te3lik 3la had chi w zid malgré wa7da w 3ziza tghire foug el7ak men louled w lbnet seghar mafhemtche li7d alan wa3lah mada bik tens7ini

حبيبتي انا تاني مين نزعف نخرج فيها الزعاف مي انا هي الي تزعفني طوايششية بزاف وتبوجي نحط منا نصيبها لهيك مي نحيتلها ليكوش مين كان في عمرها عام و3 شهور ولا 4 صح عييت معاها حاك تبول في الفراش في الارض في حوايجها وما تعرفش تقول فيسي حششاكم تعبت نتاع الصح وراجلي قالي كرهت مين نجي نهزها ولا نلعب معاها نصيبها مسخة وهو يدير ليكوش منا وانا غير يغفل نحيهملها بعد 4 شهور من المعانات ولات كي تقتليها ما ديرش ليكوش وزيد كي نكونو مسافرين ما تحبش اديرهم والله غير شحال من مرة نحبسولها في التريق تقضي حاجتها ههههههههههطولي بالك عليها وغير بالعقل تنساهم وكلام الناس ارميه مور ضهرك وكل واحد يلهى بشغالو