صدر كروشي بالكريستال من ابنة الجزائر25 - الصفحة 10

مخلوفي مريم · 2012-04-22, 08:38

صباح الخير . تأكدي مدام راكي ديري في الخير أكيد ربي يفتح عليك ان شالله تعودي مثلي متزوجة وعندي ثلاث ولاد اااااااامين أما الرقبة راني خدمتها بخيط خشين جاتني الفراغات كبار يعني لازم كرستال كبير ومالقيتش الكمية اللي تكفيني عند البائع خبيتو ممكن كي يسخن الحال يجيبوه وماتنسا يش كي يفتح عليك ربي تقوليلي راكي في بالي ( عسى أن تكرهوا شيئا وهو خير لكم ) سامحيني كثرت عليك الهدرة

مخلوفي مريم · 2012-04-22, 18:41

شكرا ليك اختي على الدعاء ولك بالمثل ان شاء الله أما الرقبة كي نكملها ان شالله نحاول نحطها راني مانعرفش نحط الصور في المنتدى

ابنة الجزائر25 · 2012-04-24, 20:24

اقتباس:

المشاركة الأصلية كتبت بواسطة مخلوفي مريم

شكرا ليك اختي على الدعاء ولك بالمثل ان شاء الله أما الرقبة كي نكملها ان شالله نحاول نحطها راني مانعرفش نحط الصور في المنتدى

العفو اخت مريم جزاك الله الف خير

اقتباس:

المشاركة الأصلية كتبت بواسطة البية ام فارس

مه معنى ماتشبحيش

اقتباس:

المشاركة الأصلية كتبت بواسطة البية ام فارس

مساء النور.............المجلة لي خدمت منها هدا الموديل عندي..........وعجبوني الروبات قصدي الفصالة ادا سمحت الاخت وادا كان مفيهاش اي احراج حابة نشوف لفصالة باه تشوفها ماما وتخدملي عليهم..................البارح فتحت الصدر اللي قتلك جاني مستطيل....وراني نتبع في نصيحتك خطوة خطوة كي نكملو نوريلكم .............متنساوش لفصالة......وكاش اخت تعرف فصالة سيرتو الفورم ........تفيدنا

مانشبحش معناها كى نعود نخيط الكريستال فى الرقبة مانشبحش و نجبدش الخيط حتى يتكمشو لى كريستال فى بعضهم
و بالنسبة للفصالة مانعرفش نفصل ان شاء الله تلقاى اللى يفيدك

البية ام فارس · 2012-04-22, 19:26

مه معنى ماتشبحيش

البية ام فارس · 2012-04-23, 13:03

مساء النور.............المجلة لي خدمت منها هدا الموديل عندي..........وعجبوني الروبات قصدي الفصالة ادا سمحت الاخت وادا كان مفيهاش اي احراج حابة نشوف لفصالة باه تشوفها ماما وتخدملي عليهم..................البارح فتحت الصدر اللي قتلك جاني مستطيل....وراني نتبع في نصيحتك خطوة خطوة كي نكملو نوريلكم .............متنساوش لفصالة......وكاش اخت تعرف فصالة سيرتو الفورم ........تفيدنا

فرح العمر · 2012-04-29, 16:45

اختى انا خدمت واحد باابيض و الاسود و حتى حرجتو و كملتو باه فقت بانو مستطيل تعبنى بزاف و ما لقيت كيفاش نديرلو اذا عندك كاش دباره نديرهالو و شكرا مسبقا

ابنة الجزائر25 · 2012-05-01, 21:42

اقتباس:

المشاركة الأصلية كتبت بواسطة فرح العمر

اختى انا خدمت واحد باابيض و الاسود و حتى حرجتو و كملتو باه فقت بانو مستطيل تعبنى بزاف و ما لقيت كيفاش نديرلو اذا عندك كاش دباره نديرهالو و شكرا مسبقا

انا من رايى تنحى الكريستال فى 3السطور الاولى و تاعودى تركبيهم و تشبحي الخيط باش تتعدل الرقبة و كى ديرى feston حاولى تشبحيه باش الدائرة اللى منين الرقبة تتشبح و تتعدل