الباك راح .... اللي قرا قرا من سبتمبر ( تم اضافة الأدب وباقي المواد )

[houda04]

mercciii bcp

[حوآء ^^]

[quote=طالب له هدف;3997411219]لا إفراط ولا تفريط اختي .... ممكن كي تكثري الافكار فوق اللازم .. تنسي كلش مع بعضاه ؟؟ ومن قال انك ستتذكرنيها كلها ؟؟ تفكري في الباك كي تدخلي تكون حافظة الاجتماعيات كلها والفلسفة والعلوم الشرعية ومخلصات المواد العلمية والافكار تاع المواد العلمية ,, الخ ... هذه وجهة نظري .. يعني صحيح يجب جمع افكار متنوعة لكن كل شيء في اطار معقول ... بصراحة بخصوص اضافاتك الفيزياء ( رايي بصراحة ) هذا كثير جدا يا اختي ليس لهاته الدرجة .. وانتي شوفي اللي يساعدك ...
طريقة مراجعة الوحدات السابقة ( قراءة الملخصات المميزة فقط ."لا تراجعي الدرس من الصفر .. حذاري" + .. الاطلاع على الافكار التي تم تدوينها لتترسخ في الذهن ... ( + اعادة رسم الرسومات بالنسبة للعلوم ... التاكد من معرفة الخرائط بالنسبة للتاريخ ... الخ ..) وزيدي حلي تمرين ولا 2 نموذجي في كل مادة ( مثلا في الفيزياء اختاري احدى البكالوريا - 2015 مثلا ) وروحي حلي تمارين الكهرباء كتابيا .. ) وهكذا مع الرياضيات ( اختاري احدى المواضيع وحلي تمرين الدالة الاسية والدالة اللوغاريتمية ) ؟؟؟ والعلوم مثلا اختاري احدى البكالوريات ( لانها هي التمارين النموذجية )وحلي تمرين تركيب البروتين مع الانزيمات ,... و هكذا ...
+ وقت مراجعة الوحداث - نصيحة - مادريش كل وحدة على حدى ,,,,راجعي وحدتين مع بعض كاقصى تقدير ... مثلا الدوال الاسية + الدوال اللوغارتمية مع بعض ( بالطريقة المذكورة اعلاه .,..) والعلوم ( تركيب البروتين + بنية البروتينات ) مع بعض ,... وهكذا ... منها ترجعلك ثقة بنفسك ومنها تحسي روحك متقدمة ....
بالتوفيق لك


نعم و الله معك حق
اظن خير الامور اوسطها كيما قال الرسول
بارك الله فيك على الاجابة
فقط ماجاوبتنيش على هاد السؤال

بالنسبة للاجتماعيات انا محتارة بين الوجيز و م عادل الكتاب الازرق ايهما افضل و اشمل ؟
ربي يجازيك كل خير

[الدكتورة الانيقة]

السلام عليكم
شكرا على هادا الموضوع الرائع وين كنت مخبي ههههه
بالنسبة لرياضيات والفيزياء هادا يكفي للحصول على العلامة الكاملة ولا نن
الحمد الله انا راني شوي متقدمة مي راح نتبع طريقتك
ادا عندك حساب فيس اعطيهولي نبعتلك حابة نسقسيك في اموور

[طالب له هدف]

المشاركة الأصلية كتبت بواسطة Aya Ya

شكرااااااااا باارك الله فيك .. يعني نفس المراجع تقريبا التي أعتمدها " بوريش + بن خريف " _ جزاهما الله الف خير _ فيما يخص كتاب المجتهد اين اجده ؟ وهل هو ضروري ؟( يعني لم يبق من الوقت الا القليييييل ) لذلك ساشرع في حل البكالوريات السابقة ( لكن اين اجد حلولها المفصلة ؟؟؟؟؟؟ )
.... جزااك الله خيراا ومزيداا من التفوق باذن الله

البكالوريا مع حلولها المفصلة تجدينها في موقع الدراسة الجزائري ...
+ قلت لكم ,,, وساعيدها حلول تمارين مادة العلوم الطبيعية تكون شفويا ... باستثناء التدرب على الرسومات فقط .... لذا لا تخافي اقراي التمارين الاضافية بــ عينيك فقط .. واذا لقيتي فكرة حديدة دونيها هذا مكان ...
بالنسبة لكتاب المجتهد ... برأيي هو مهم .. يعني تعرفي كيفاه في البكالوريا يجيبلك حوايح قريتيها في القسم ومن الكتاب المدرسي بشكل مختلف وقالب جديد ... وانتي حرة .. يعني شوفي اللي يساعدك ... بالتوفيق

المشاركة الأصلية كتبت بواسطة queen of heart

سلااااام
للأسف ماشفتش موضوعك بكري هادا وين شفتو
موضوع قمة روووووووووووووووووعة بارك الله فيك وربي يجازيك ويمدلك ما تتمنى ان شاء الله وييسرلك في كل امورك يااااا رب
برك راني نسقسي بزاف تحملني
ليام هادو قاع في ظروف صعبة بزاف وراني في 3 سمانات ماقريت والوووووووووو حاسة روحي ضعت
نجبد نقرا نلقا الدموع يطيحولي من الضغط تاع لقراية نتضغط بزااااااف عييت نفهم واش بيا
نقرا بدون تركيز نقرا نقرا نقرا غدوة هاداك نعاود نرجع للي قريتو نصيب روحي نسيت كلاااااااش
الاجتماعيات لدرك مزال ماحفظتش قاع حافظة التاريخ تاع عيد ميلادي برك والحدث تاعو ههههههههههههه المصطلحات العام اللي فات نحفظ نعاود المصطلح 50 مرة واكثر ونفهمو ندل للاختبار يطحطلي الموضوع نلقا روحي نسيت كلااااش نبقى متفكرة غير اسم المصطلح مدلي طريقة لحفظ المصطلحات
بزاف نصحوني مانحفظش من محمودي عادل والوجيز شايفاتو غير كاف ياخاه كلاستنا قاااااع تحفظ منو فالاختبار نفس العناصر الشيخ قالنا نقلتو قاع على بعضاكم هههههه مدرستنا قاع يحفظو م ن محمودي عادل لازم نتجنبو لا تعاود تصرا فالباك ويقولو نقلنا منين تنصحني نحفظ مرجع غير هادو في زوج
الشريعة راني حافظة من هردولي مرسلي جاني طويل والخرائط الذهنية نصحني بيهم استاذي فالاول وماسمعتش هدرتو رحت حفظت من هردولي درك ماتصلحش قاع نعاود نحفظ من هادي تاع فوزي غراب للعلم الشريعة الفصل 1 ديت 20 الاستاد قال اجابتك نموذجية بواش تنصحني نكمل بيه ولا نعاود نحفظ من ال0
الادب ماعلابالي بوالوووووووووووووووو وواحد يقولي اخدمي بالمراجعة النهائية وواحد اخر يقولي الموجه تلفتلي قاااااع
الفلسفة اوسي راح ندير تحليل نص قالولي تجنبيه مايمدوش عليه النقاط الفصل الأول حفظت م قالة الاستاد شهاب كانت اكيد طيحلنا مقارنة مشكلة واشكالية لانو الدرس الوحيد اللي قريناه حطيت مقالة شهاب ديت 19 الاستادة قاتلي ارسطو ههههههههههههه ماعنديش وقت نحفظ المقالات كيفاش ندير !!!!!!!!!! تحليل نص او لا للعلم اداراح نديرو اكيد ندرب عليه مع لي باك من 2008 ل 2017
اممممممم نورمالمون هادا واش في بالي
اهم سؤال تتجاوبني عليه كيفاش نتخلص من الضغط والتوتر
اسفة كترت عليك طبيعتي نسقسي بزاف ههههههههههه تندم على النهار اللي فتحت فيه الموضوع

وعليكم السلام
العفو ...
اختي بالنسبة لكل اسئلة تم الاجابة عنها في الموضوع
اطلعي على اخر ما كتب هنا https://www.djelfa.info/vb/showpost.p...6&postcount=15
و https://www.djelfa.info/vb/showpost.p...2&postcount=82
و https://www.djelfa.info/vb/showpost.p...&postcount=109

وبالنسبة للادب قدمت لكم كل نصائحي في الموضوع في الجزء الخاص به .. ( الملخصات وطريقة المراجعة والافكار )
وبالنسبة لاعادة الحفظ تاع تاع علوم شرعية .. انا لم اطلع على ملخصات هردولي ,, لذا لا يمكنني نصحك بشيء لم اجربه .. وبما انك جبتي 20 وقالك لك الأستاذ اجابتك نموذجية ,,, ,,,,,,,,,,,, يعني هنا .. طبقي واش خرج عليكـــ ..

المشاركة الأصلية كتبت بواسطة مريم المتفائلة

اخي احس بملل شديد وعدم اللرغبة في دراسة واللفت الفيس

هذا ما عالجته في مواضيعي وردودي ... و هذا المشكل بالذات يعاني منه اغلب الطلبة ,,, لا حل لكم .. سوى جهاد النفس مع عدم الزامها فوق طاقتها ..وقبل كل شيء ادعوا الله التسهيل والتيسير في دراستكم .... وفقك الله

[طالب له هدف]

المشاركة الأصلية كتبت بواسطة lara la rose

كلامك جد مشجع أين كنت في بداية السنة هههه
انا مترشحة حرة وراني خايفا ياسر لا منلحقش برايك نقدر نوصل لوين حابا مع اني هادا وان بديت وخايفا يكون راح الحال مع العلم عندي لمحة عن المواد الاساسية صافي باقيلي مراجعة وتمارين على الاكثر وتقريبا مخلصة العلوم الشرعية مي تاريخ مابديتهاش خلاه ومالقيتش منين نبداها وخاصة المصطلحات والتواريخ الانجلزية مانعرف فيها والو افرنسية نجيب روحي والفلسفة حابا تحليل نص مشكلتي الكبيرة مع المواد الادبية

كنت مع الجامعة ...
اختي كل مادة من المواد التي ذكرتيها قدم لكم في الموضوع ما تحتاجونه بالتفصيل .. مع طرق المراجعة + بعض الأفكـــار
وزيدي اطلعي على اخر ما كتب هنا https://www.djelfa.info/vb/showpost.p...6&postcount=15
و https://www.djelfa.info/vb/showpost.p...2&postcount=82
و https://www.djelfa.info/vb/showpost.p...&postcount=109

المشاركة الأصلية كتبت بواسطة houda04

mercciii bcp

العفو ,,, بالتوفيق للجميــع

[طالب له هدف]

المشاركة الأصلية كتبت بواسطة حوآء ^^

نعم و الله معك حق
اظن خير الامور اوسطها كيما قال الرسول
بارك الله فيك على الاجابة
فقط ماجاوبتنيش على هاد السؤال

بالنسبة للاجتماعيات انا محتارة بين الوجيز و م عادل الكتاب الازرق ايهما افضل و اشمل ؟
ربي يجازيك كل خير

من ناحية الملحقات ( التواريخ - المصطلحات - الشخصيات - الرسومات والخرائط ) محمودي عادل الازرق يكفي ... لكن من ناحية الدروس لايكفي صراحة - وقد ذكرت هذا في الموضوع -.. لازم تروحي للوجيز وتهزي منو برك العناصر الجديدة التي لاتتواجد في م, عادل الازرق .. وضيفاها في الكتاب على شكل اوراق صغيرة ولصقيها او اي طريقة اخرى .. + لازم تروحي للبكالوريا كاين اسئلة جديدة لاتوجد في اي مرجع ( تاع فهامة ) اكتبي التصحيحات النموذجية ( للبكالوريا تاع علمي فقط .. الموضوع الاول والثاني ) تاعها واحفظيها رايحة تفيدك ... وكاين اللي حفظ على الوجيز وماجابش النقطة وكاين للي حفظ عليه وجاب الامتياز .. وكاين لحفظ على م,عادل وخرج باقصى تقدير 11 ,, وكاين لي حفظ عليه وجاب نقطة عالية .... يعني كل شيء على حسب طريقة الاجابة وتجاوب على حسب موضوع السؤال .. مكاش تشوف اي كلمة ( مثلا الاتحاد السوفياتي ... تروح ترمي خبط عشواء اي عنصر يجيك في بالك ) ( ولا تقرا كلمة اقتصاد التنينات والنمور تروح تكتب برك ... لازم تكتب على الأقل 6 عناصر .. تصب في محتوى السؤال .. وهذا تتعليمها من التصحيحات النموجية للباك ...( لازم تو تروحوا للتصحيحات النموذجية للباك لانها هي الرسمي متخلوش كي يوصل ماي )
حاجة اخرى اغلب النقاط للطلاب تروح في الوضعيات الادماجية ..لذا احرصي على ان تكون المقدمة ( عليها 0,5 ) في سطرين , سطرين ونصف لااكثر .. هزي كلمات من الجملة قبل السؤال وكلمات من السؤال وكلمة ولا زوز من العناصر اللي رايحة تجاوب بيهم واربطي بيناتهم في سطر او سطرين .. العرض ....- عن نفسي .. وقالها لي العديد من الاساتذة .. في- التاريخ والجغرافيا .. لاتكتبي على شكل فقرة ’’متكتبيهاش فقرة ... اكتبي العرض كيما حفظتي... على شكل عناصر - مطات - تحت بعضاهم
ثم روحي للخاتمة مطوليش فيها .. سطرين على الاكثر

المشاركة الأصلية كتبت بواسطة الدكتورة الانيقة

السلام عليكم
شكرا على هادا الموضوع الرائع وين كنت مخبي ههههه
بالنسبة لرياضيات والفيزياء هادا يكفي للحصول على العلامة الكاملة ولا نن
الحمد الله انا راني شوي متقدمة مي راح نتبع طريقتك
ادا عندك حساب فيس اعطيهولي نبعتلك حابة نسقسيك في اموور

وعليكم السلام ...
كنت مع الجامعة ...
باذن الله .. نعم .. المراجع المذكورة في الموضوع تكفي وزيادة ...
فقط وكنصيحة وبما انك متقدمة في المراجعة .. متعاوديش من الصفر هذا اكيد,.. يعني هزي من الموضوع مايفيدك وينفعك - خاصة نصائحي في الأدب العربي -.. فلكل منا طريقته الخاصة في المراجعة ..
وفقك الله
-------------
اذا عندك استفسارات اخرى ,.. حطيها هنا أحسن ..

[طالب له هدف]

بالتوفيق للجميــــ،ع

[~QUeen Of Darkness ~]

أخي كم كانت معدلاتك في الفصول الثلاثة+ نقاطك -في البكالوريا؟

[أميرة النجاحْ]

السلام عليكم
هل اعادة حل انشطة الكتاب المدرسي في المراجعة لامتحان العلوم مضيعة للوقت ام مفيدة
و ماذا تنصحني كيف اراجع دروسي لامتحان العلوم مثلا اختبار هذا الفصل علي مراجعة الوحدة 4 و 5 فقط
عندي ملخص بن خريف و حلول انشطة من دروس بوالريش و ملخص عقريب و دروس القسم ارى ان هذه مصادر كثيرة و لا اعرف كيف استفيد منها كلها ؟
انا اعتمد على اعادة الدروس و حلول الانشطة من دروس بوالريش لكنني ارى احيانا ان هذا مضيع للوقت و في نفس الوقت اريد الالمام و الاستفادة بكل دروسه كلمة بكلمة
ارجو ان تنصحني في هذه المادة خاصة
بعد الاختبارت سأبدا بحل البكالوريات و تماربن بواريش وعقريب فقط للبكالوريا هل هذا كاف ؟ و انا لم اتقبل نوعا ما فكرتك حول حل التمارين شفويا ارجو ان تقنعني بها اكثر

[abir sweet]

انا فالرياضيات اعتمد على الكتاب المدرسي + فيزيا بكالوريا وتمارين ك م +خارجية +علوم بوالريش + بكالوريات
فلسفة اقرا مقالات السامي ادب باكالوريا ------هل انا على صواب لكنني دائما انسى في الاختبارات وكانني لم ادرس شئ نصائحك رجاءا

[المُعادلة الصّعبة]

سـلام خويا اذا عندك حساب فيس بوك قوللي عليه من فضلك نحتاجك شوية

[الدكتورة الانيقة]

اخي الفيسبوك احسن
اذا عندك ?????????????????

[houwirou]

الله يحفظك ويوفقك بارك الله فيك

[~ شُـمــــــوخٌ ~]

سلام اخي هل يمكنك ان تفيدنابنضائح لاستغلال عطلة الربيع
++ ماهي الاخطاء التي وقعت بها العام الماضي ؟؟

[المُعادلة الصّعبة]

خويا معليش نسقسيك علاش مدحت مجلة الاستاذ بن خريف لهذيك الدرجة وش فيها مليح ؟
انا شفتها ما جذبتنيش ياسر بانتلي عادية
تقدر تقوللي وش لي ميزها على بقية الملخصات ؟
وحط لينا رابط المجتهد تاع بودربالة هذاك لي حكيتي عليه قلبت عليه الدنيا فالنت ما لقيتوش