الجزء184 من واش طيبتي اليوم.... كوزينة التألق و النجاح

[طيور الجنان]

مريومة بصحتكم العيش اممممم عندي بزاف مادرتوش يعطيك الصحة.
ملاك بصحتكم التريدة حتى هي عندي بزاف مادرتهاش السيد مايحبش لعجين بزاف و ربي يدوم المحبة بيناتكم.
امنية بصحتكم الرشتة تشهي يعطيك الصحة يالفحلة و اكيد دوك نشترك قبيل عييت نحوس مالقيتش القناة .
ام هدول بصحتكم لغرايف يشهيو مع البرد يامي يامي .
ميمي اختي الطابع تاع المقروط كاين اللي تشريه نفس الطابع فيه شحال من نقش يعني يخرجلك المقروط منوع.

[طيور الجنان]

غدايا كان مسفوف مع اللبن طبعا تفضلو

[طيور الجنان]

ملاك طريقة في تفوير الجاجة.
نحكم الجاجة اكيد نقيها مليها و نشوطها و نغسلها ونخليها تقطر ملييييح و ديريلها ثقوب بالموس و دخلي فيها الثوم. نوجد التتبيلة تاعها ندير: لاموطارد+ عصير ليمونة+ مغرفة طماطم مصبرة+ ثوم مرحي + مغرفة صغيرة عسل+ شوية زيت + معدنوس مقطع+ التوابل ملح كثري علابالك الجاج المحمر يحب الملح .فلفل اسود.فلفل عكري.زنجبيل.كركم.ثوم بودر و زعيترة خلطي مليح مليح و امسحي الجاجة مليح مليح من داخل و من برا حاولي ديري حتى تحت الجلد و خليها مدة تتبل مليح و كي تجي رايحة طيبيها اذا حبيتي تعمريها بالروز او تخليها هكذاك عاودي ديريلها التتبيلة لانها تبقالك و حطيها في ورق الطهي ثم في ورق المنيوم غلفيها ملييييح و حطيها تفور في الكسكاس كي طيب حطيها في بلاطو و دهنيها بالزبدة و دخليها تتحمر و بصحتكم احلى بطبوطة ههههه
واكيد التوابل و كل شي على خساب الجاجة اذا كبيرة اوصغيرة

[أم رقية نسرين]

بلا مزية امونتي
ملوكة عندك الحق كي تروحي لداركم ابسطي رجليك و اشبعي رقاد وبصحتك غداك مخرجتليش بصح فهمت من ام هدول بلي تريدة يعطيك الصحة يا الفحلة و صح الجمعة لااااازم البرمة و الكسكاس خخخخ
ام هدول يعيشك وبعقلك على الوصفة حتى تتعدل النت انا تاني عندي ثقيلة مصورتش العيش العشا إن شاء الله نصورو
وبصحتك القرصة خسارة مخرجوليش الصور
سعيدة يعطيك الصحة على الوصفة حاجة جديدة عليا نجربهاإن شاء الله

[amira19]

مبارك افتتاح الكوزينة تاع حبيبتي و اختي ف الله نهال ربي يدوم هاد اللمة الطيبة مممممم شهيتونا باطايبكم ربي يدومها نعمة يا رب
انا باذن الله راح نشارككم باطباقي منا وجاي ههههه(خفت لا تقولو اميرة لا علاقة بالكوزينة هههه)

قبلاتي الحارة لكن لي نعرفها و لي ما نعرفهاش ان شاء الله معرفة خير نستفادو من بعضانا

[وردة الرمال43]

اه اهاه سلالالالالالالالام راني فالماراطون تاع الويكاند يامحاينكم مايخلصش هههههههه
جمعة مباركة للجميع وربي يوفقكم ويكون معاكم وربي يتقبل دعواكم

غذايا لوبيا وعشايا عند اهلي راني رايحةنفوت ايامات عندهم قداه مارحتش ونرتح شوية هههههه ولا واش قلتي يا ملوكة ومريم هههههههههه
والله هذا وين قعدت قلت نطل عليكم ونروح نصلي ونقرا سورة الكهف ونكمل نخبز الكسرة لراجلي نديرلو العولة
من بعد اني ندخل على راحتي ونكومونتي
صح عشاكم وجمعة مباركة وربي يدوم اللم
اللهم صل وسلم على نبينا محمد

[amira19]

غدانا كان دوارة ههههه ماصورتش العشا ان شاء الله حوت نصورلكم .
بصحتكم جميعا
سعيدة حبيت نسقسيك على الجاجة شحال تدي وقت باه تطيب و تجي بنينة كيما تاع الكوشة؟ انا جامي فورتها

[حياة نور الدين]

السلام عليكن وجمعة مباركة نعلق منبعد نحط فطوري طعام بالخضرة طبعاااا والحمد لله

سعيدة حبيبتي قتلتيني بهديك الدجاجة الله يبارك وبصحتكم شكرااا على سؤالك يا اختي النت ومرات الوقت يخونا
ويعطيك الصحة على الوصفة حبيبتي

مريومة امممم التارت والقاطو يشهو يعطيك ابصحة وبصحتكم وشكراا على كلامك
وبصحتك البركوكس حنونة انا ثان كما انت متوحشة البغرير هههه واحدة فينا ديروا وتذوق لخرا ولا هيا نهجموا الكل على ام هدول راه حطت الخير والخمير

وردة يعطيك الصحة حبيبتي على كبلامك
وتروحي وترجعي بخير سلمينا على الوالدة وبصحتك اللوبيا وعولة الخبز لراجلك

سحابة قتلتيني بالضحك على نشطحوا في العرس شامية هههههههه وجوازك يشهي هداك ما نحب مع قرن حار اممم

ام هدوول توحشششششتك مراناش نتلاقاو كامل بصحتك الكوكا مع اللوبيا حنونة وانا مرجعتش بسبة النت هبلتني
وبصحتكم البغرير ومتفكرينيش في الدروس الخصوصية وااااع انا نديرها بصح بالعياط والمطرق خخخخ لي يغلط يخلص
ربي ينجحهم ان شاء الله وبوسيلي يدين مولات التينة ربي يحفظها

ملووووكتي اهلاااا اهلااا ارشيفك يقتل وجديدك يذبح راكي درتي مجزرة بطيابك يا محاينك ماشاء الله وانا درت الفاكسان لمهدي تع 4 اشهر جاتو غير شوية حمى وشربتوا الدوا والحمد الله ونهار الثلاثاء ان شاء الله يديىر تع 6 اشهر
ويعطيك الصحة على الحاجة السخونة في اببرد هههه وشكرااا لاطرائك حبيبتي
وعلى وليدك اقفزي انت ثان ههههه انا مهدي نزيد نخطبلوا ياك الشرع حلل 4 هههههه8

ام اسلام اهلااا وبصحتكم الطعام وشكرااا على الخبر الجميل ربي يزهي ايامك في انتظار اطباقك وتطبيقاتك

رجاء المولى شكرااا على الرابط

ام رحاب اهلااا حبيبتي واش راكي توحشننناك وكنت حابة نراسلك ومقدرتش معرفتش المشكل لخاطر عندي رسالة لك من عند ام ياسين واطباقك كالعادة روووعة حقا البنات حبوا وصفة الخرشف بالزيتون انا قلتلهم فكرتك ودرت تحريفاتي مالا كي تكوني حطيلهم وصفتك لانه رووووعة

نهال بصحتك حبيبتي الملوي واللوبيا اممم وشكرااا لك على كلامك الزين يا الزينة

اميييييييرة واش راكيب حنونة هيا شمري على يديك توحشنلا طيابك ومشاركاتك وراني نسنى في الحوت ان شاء الله وبصحتكم واش فطرتوا

[حياة نور الدين]

امنية بصحتكم الوبيا اختي والرشتة نموت عليها
وربي يخليك دائما سباقة للخير حبيبتي وانا نشارك نهار ناكتيفي ان شاء الله لخاطر نخدم ب 3g وقريب تخلاص ميتحليش YouTube

سعيدة كنتي سقسيتيني البارح على الطبق الي مع الخبز غراتان الشوفلور حبيبتي ومعها سوب الخضر

[mimi_belle]

اهلا صديقاتي الجديدات و نشكركم على حفاوة الاستقبال
سمعت منكم بلي ام اماني الغنية عن التعريف فتحت قناة عييت فاليوتوب ما خرجتليش و هاذيك تارت التفاح تشهي يا ريت مولاتها تحطلنا الوصفة .امسية سعيدة

[ملاك ملاكي]

كشرودات حااااولت باه ندخل وقت القهيوة ولكن للاسف الوقت داهمني كان اسرع مني هاهاهاها....... جبتلكم كروكي ناوية تشربو بيه قهيوة الجمعة والعصر مي الله غاااالب موش في وقته مي ايا حاجتكم اسربو بيه كاس جي
روحت نطل على ماماتي لقيت اختي ميش امي حنتي اختي التوام نتاعي موش توام حقيقي هاهاهاها دارت كروكي قتله هااااتي ندي للمجاهدين نتاعي ياااا وليكم ديرو شنووووفة نقصر برك
اتفضلوا ذوقو الملح هاهاهاها نتاع اختي وادعولها دعوة خييييير ربيىيتمم لها فيما ناوياته ياااارب

[ملاك ملاكي]

المشاركة الأصلية كتبت بواسطة حياة نور الدين

امنية بصحتكم الوبيا اختي والرشتة نموت عليها
وربي يخليك دائما سباقة للخير حبيبتي وانا نشارك نهار ناكتيفي ان شاء الله لخاطر نخدم ب 3g وقريب تخلاص ميتحليش youtube

سعيدة كنتي سقسيتيني البارح على الطبق الي مع الخبز غراتان الشوفلور حبيبتي ومعها سوب الخضر

يعطييييك الخير والخميييير ااااا مصيبة والله وشهيتيني في القراتان امممم روعة من زيه بااااين اممممم ياااامي يااامي
بالصحة والهناء حبيبتي........ وربي يسهل ويفرج عليك بسكن خاااااص باه نجيو نباركو ان شاء الله ونزغردو ونديرو وليمة وهذاك هو ولما نعملوا طهارة سي السيد باه نزوجوه هاهاهاها ربي يحفظه ويخليه عمارة الدار

[ملاك ملاكي]

المشاركة الأصلية كتبت بواسطة حياة نور الدين

السلام عليكن وجمعة مباركة نعلق منبعد نحط فطوري طعام بالخضرة طبعاااا والحمد لله

سعيدة حبيبتي قتلتيني بهديك الدجاجة الله يبارك وبصحتكم شكرااا على سؤالك يا اختي النت ومرات الوقت يخونا
ويعطيك الصحة على الوصفة حبيبتي

مريومة امممم التارت والقاطو يشهو يعطيك ابصحة وبصحتكم وشكراا على كلامك
وبصحتك البركوكس حنونة انا ثان كما انت متوحشة البغرير هههه واحدة فينا ديروا وتذوق لخرا ولا هيا نهجموا الكل على ام هدول راه حطت الخير والخمير

وردة يعطيك الصحة حبيبتي على كبلامك
وتروحي وترجعي بخير سلمينا على الوالدة وبصحتك اللوبيا وعولة الخبز لراجلك

سحابة قتلتيني بالضحك على نشطحوا في العرس شامية هههههههه وجوازك يشهي هداك ما نحب مع قرن حار اممم

ام هدوول توحشششششتك مراناش نتلاقاو كامل بصحتك الكوكا مع اللوبيا حنونة وانا مرجعتش بسبة النت هبلتني
وبصحتكم البغرير ومتفكرينيش في الدروس الخصوصية وااااع انا نديرها بصح بالعياط والمطرق خخخخ لي يغلط يخلص
ربي ينجحهم ان شاء الله وبوسيلي يدين مولات التينة ربي يحفظها

ملووووكتي اهلاااا اهلااا ارشيفك يقتل وجديدك يذبح راكي درتي مجزرة بطيابك يا محاينك ماشاء الله وانا درت الفاكسان لمهدي تع 4 اشهر جاتو غير شوية حمى وشربتوا الدوا والحمد الله ونهار الثلاثاء ان شاء الله يديىر تع 6 اشهر
ويعطيك الصحة على الحاجة السخونة في اببرد هههه وشكرااا لاطرائك حبيبتي
وعلى وليدك اقفزي انت ثان ههههه انا مهدي نزيد نخطبلوا ياك الشرع حلل 4 هههههه8

ام اسلام اهلااا وبصحتكم الطعام وشكرااا على الخبر الجميل ربي يزهي ايامك في انتظار اطباقك وتطبيقاتك

رجاء المولى شكرااا على الرابط

ام رحاب اهلااا حبيبتي واش راكي توحشننناك وكنت حابة نراسلك ومقدرتش معرفتش المشكل لخاطر عندي رسالة لك من عند ام ياسين واطباقك كالعادة روووعة حقا البنات حبوا وصفة الخرشف بالزيتون انا قلتلهم فكرتك ودرت تحريفاتي مالا كي تكوني حطيلهم وصفتك لانه رووووعة

نهال بصحتك حبيبتي الملوي واللوبيا اممم وشكرااا لك على كلامك الزين يا الزينة

اميييييييرة واش راكيب حنونة هيا شمري على يديك توحشنلا طيابك ومشاركاتك وراني نسنى في الحوت ان شاء الله وبصحتكم واش فطرتوا

اااااا خااااااه والله العظيم اااااا مخلوقة ربي فركستيني بالضحك بكلمة مجزرة الله يعطيك الخير.... والله من لطفك وعيونك الحلوة..... احممم احمممم زاد قرادي لانه شهادتك نعتز بها والله لانك فناااانة والله بلا مجاملة ربي يعطيك صحتك
بالصحة ليه والعقوبة للفاكسان الجاية وان شاء الله مايكون الا الخير..... ربي يكبره في حضنك وحناتك وتفرحي بيه كي اليوم
واش اسمه الدواء الله يستركةباه ندير احتياطي؟!

[Fifilondon]

السلام عليكم وجمعة مباركة على الجميع جبتلكم فطوري

[ملاك ملاكي]

المشاركة الأصلية كتبت بواسطة amira19

غدانا كان دوارة ههههه ماصورتش العشا ان شاء الله حوت نصورلكم .
بصحتكم جميعا
سعيدة حبيت نسقسيك على الجاجة شحال تدي وقت باه تطيب و تجي بنينة كيما تاع الكوشة؟ انا جامي فورتها

مرحبا أميرة والله شرفتينا ونورتينا ياااا قمر والله فرحت بانضمامك لينا ياااا مراااحب يااااا مراحب ان شاء تلقاي راحتك وتفيدي وتستفيدي بحالنا كل
بالصحة والعافية على قلبك..... والله وفكرتيني في دوارتي هاهاهاها بقالي شوي في الكونجيلاتور لانه ملاكي واااااع مايحملهاش بربيةنجبدهاةنديرها اصلاةسخفتيني ليها هاها
اممممنن اعملي حسابي راني صادمة عليك راه الحوت ياااامي ياااامي انا هي القطة هاهاهاها نقز حتى على الحيوط غلى جاله هاهاهاها.... بالصحة حبيبتي