موضوع مميز ***اطباقي اليومية البسيطة *** - الصفحة 10

أم الحبايب 26 · 2015-10-28, 08:56

راكم شهتو فلمقروط ربي يحفاظلك ختك ربي يرازقها من حيث لتحتسب ام حمزة مشالله عليك على هذا نشاط ربي يحافظك واقلا نفتحو صافحا واحدوخرا نكتبو يها يوميات ام حمزة قلينا واش تقعدي دري كتنوظي على ثلاثا نتع صبح كما قالت ام هدول بلاك تعدينا ونواليو نظو كيفك انا نضت على زج ونص وهذا لاو رتفع ظغط دماوي نتعي روحت قبالا شربت ثوم ولقارص يوالي كلش يزغد فيا واحدو حمدلله راني صباحت مليحا بصح عينا شويا
عجبتني طريقة فلفل دريس جابلي زوج منو دارسو فلمهراز ندير طريقا نتعاك منبفاش ندرس كل واقت
سلامي ليكم كامل

ماريا.م · 2015-10-28, 09:01

صباح الخير عليكم...راكم تبكرو الله يبارك
يعطيك الصحة ام حمزة كي راكي تديريلهم الماكلة في الدار....عندك الحق اختي.....انا البارح خرجت وكليت بيتزا راني اليوم في حالة....ديما نقول مانزيدش ناكل برا بصح منين ذاك نغلط

حياة نور الدين · 2015-10-28, 09:02

اقتباس:

المشاركة الأصلية كتبت بواسطة أم الحبايب 26

راكم شهتو فلمقروط ربي يحفاظلك ختك ربي يرازقها من حيث لتحتسب ام حمزة مشالله عليك على هذا نشاط ربي يحافظك واقلا نفتحو صافحا واحدوخرا نكتبو يها يوميات ام حمزة قلينا واش تقعدي دري كتنوظي على ثلاثا نتع صبح كما قالت ام هدول بلاك تعدينا ونواليو نظو كيفك انا نضت على زج ونص وهذا لاو رتفع ظغط دماوي نتعي روحت قبالا شربت ثوم ولقارص يوالي كلش يزغد فيا واحدو حمدلله راني صباحت مليحا بصح عينا شويا
عجبتني طريقة فلفل دريس جابلي زوج منو دارسو فلمهراز ندير طريقا نتعاك منبفاش ندرس كل واقت
سلامي ليكم كامل

رظي بالك على روحك راه ارتفاع ضغط الدم وااااعر استحفظي على روحك قد ما تقدري ورىوحي للطبيب يقولك واش ديري انا مرت لوسي بعيد الشر عليبكم ارتفعتلها لا تونسيو ضربت لها الكلاوي مسكينة صغيرة ودير دياليز
لاباس عليك اختي

zaho207 · 2015-10-28, 09:04

صباح النور حيوتة حنونتي اسمحيلي صباح النور و الورد و الياسمين

ماريا.م · 2015-10-28, 09:08

هذا وين شفت الاطباق اللي ضفتيهم ام حمزة ، يعطيك الصحة يشهههههوووو
قوليلي برك،السردين ماتديريلوش الثوم؟؟؟ والجلبانة اليابسة ماتديريلهاش الكمون؟؟؟؟

أم الحبايب 26 · 2015-10-28, 09:32

الله يسالمك من كل شر حياة ربي يحفاظلك صحيحتك راني نشرب فدوا ونتبع فطبيب نتعي بصح مين ذاك تطلاعلي خصوص كنكون راقدا تقولي يجي واحد ويهازني الله يكتب علينا كتبت خير يعطيك اصحا حياة نور الدين

*بنت الاسلام* · 2015-10-28, 09:47

السلام عليكم راني حطيت رد غي اليوم الصباح يا أخوات بصح ما لقيتهش غلط في الطريق واقيلا هاهاها...
بغيت نشكر أم حمزة بزاف لزاف و جميع الأحوات اللي شاركو في الموضوع و عندي طلب و هو وصفة كيكة الشجرة اللر دارتها أم حمزة في العاشوراء

omjoujou · 2015-10-28, 09:58

صباح النور حبيبتي زاهو ام الحبايب ماريا بنت الاسلام
زاهو حنونتي وش ديري وقتاه عرسك؟؟؟؟
حيوتة حبيبتي والله ماراني ندير والو هاذ الساعة وشنو الوقت لي ندخل فيه انا لموضوع تاع غاليتي ام حمزة نلقاكم نتوما خرجتوا خخخخخخخ نولي نروح للكوزينةهههههه
ام لحبايب حبيبتي ربي يشفيك ومتفرطيش في دواك تاع لاطونسيون

zaho207 · 2015-10-28, 10:24

ام جوجو مزال عرسي راني غير مع توجاد كي نكمل قرايتي بقالي هذا العام ماما مسكينة راها مغ الصوف تغسل راني نوجد الحوف نتاع الصوف و البارح لقيت وحدة تخدم نتوع لوات ايا راني حابة كل كوفرولي نخدمو زوج و نتاع الصوف 8 و مخايدهم 16

*بنت الاسلام* · 2015-10-28, 10:36

بارك الله فيكم أخوات على الردود ولا مين راني جديدة حقرتوني . على كل حال الحمد لله راني لقيت الوصفة

omjoujou · 2015-10-28, 11:00

غدايا بكبوكة والسردين مزال مقليتوش

omjoujou · 2015-10-28, 11:05

اقتباس:

المشاركة الأصلية كتبت بواسطة zaho207

ام جوجو مزال عرسي راني غير مع توجاد كي نكمل قرايتي بقالي هذا العام ماما مسكينة راها مغ الصوف تغسل راني نوجد الحوف نتاع الصوف و البارح لقيت وحدة تخدم نتوع لوات ايا راني حابة كل كوفرولي نخدمو زوج و نتاع الصوف 8 و مخايدهم 16

ربي يعينك ويعين ماماك ياك رانا معروضين

اقتباس:

المشاركة الأصلية كتبت بواسطة *بنت الاسلام*

بارك الله فيكم أخوات على الردود ولا مين راني جديدة حقرتوني . على كل حال الحمد لله راني لقيت الوصفة

لالا حاشا حبيبتي محقرناكش كي عاد طلبتي الوصفة من ام حمزة قلت ذرك كي تدخل تحطهالك اكيد تكون مشغولة برك مديري والو حبيبتي في بالك راكي ختنا ورانا كامل نتعلمو لوكان ملقيتيهاش كنت نحوسلك عليها ونحطهالك
موااااااااح ليك باه يروحلك الزعل يا حلو يا جميل انت

أم أسرار · 2015-10-28, 12:16

السلام عليكم بنات واش راكم
أم حمزة بصحتك القاطو
بنات ألف شكر على الدعاء الله يحفضكم أمين يا رب

oum rahma · 2015-10-28, 12:17

السلام عليكم ونهاركم طيب بناويت
ان شاء الله راكم بخير
يعطبكم الصحة على طيباتكم
ام جوجو مممممم بكبوكة وعليها لكلام تسخف ، حنا ثاني نسموها بكبوكة بصح
مانعملوش فيها لبطاطا
******
حاولت لبارح نحمل ليفوطو بصح والو مهم مش راح ننيأس
مركز تحميل الجلفة كيفاه
اختي ام حمزة مشكورة على الرابط تاع التحميل ، لمشكلة يخرجولي روابط الصور برك
وكي قلت مالا نحط روابط جربتهم فاامساركة مايتحلوش وااااااااااااااع
مع اني مش اول مرة نحمل مالفة بهاذ لعفايس ،،،، زعما شاطرة ههههههههههههه
غدايا ليوم كسكسي بالدجاج ، لبارح ببتزا
بصحتكم لغدا وتحياتي للجميع

أم أسرار · 2015-10-28, 12:21

اقتباس:

المشاركة الأصلية كتبت بواسطة *بنت الاسلام*

بارك الله فيكم أخوات على الردود ولا مين راني جديدة حقرتوني . على كل حال الحمد لله راني لقيت الوصفة

بنت الإسلام ماتزيديش تعاودي مرحبا بيك ما عندناش فرق مرحبا بكل عضو جديد معنا

و سقسي واش حبيتي وهنا تصيبي كل ما تحتاجي بإذن الله وهذي هي الوصفة لي دارتها أم حمزة ، للتنبيه أختي ممكن أم حمزة معندهاش النت و لا راهي مشغولة ، تقبلي تحياتي