دورة الاستعداد لفصل الشّتاء بيتي مشرق كفصل الرّبيع - الصفحة 10

ام مؤمن · 2015-10-07, 14:24

اسعد الله مساؤكم حبيباتي

الله الله على الهمة و الحيوية و النشاط

حبيبتي ام صابرين ربي يكملك بعقلك ماشاء الله عليك يا انشط الفراشات يعطيك الصحة خزانتك ماشاء الله تشرح النفس هكذا خلينا دائما نتمتع بتطبيقاتك الرائعة

جارتي العزيزة امة الله كيف حالك ماشاء الله عليك راكي دايرة نظام رائع في بيتك ربي يوفقك في الحفظ و ايضا في العرض ربي ياجرك كل خير ان شاء الله تقريرك رائع بالتوفيق حبيبتي بالنسبة للنوم بعد صلاة الفجر هذه ليست عادة سيئة و انما هو سلوك يختلف من شخص لاخر انا مثلا ارجع للنوم فور انتهائي من الصلاة و قراءة اذكار الصباح و لما جربت مانرجعش للنوم و نقعد نقرا في المصحف حتى طلوع النهار نتعب في منتصف اليوم و يغلبني النوم خصوصا انني لا اخد قيلولة لان ابني لا ينام بعد الظهر و عندي انشغالات غالبا نعملهم بعد الظهر
اذا عندك فرصة لاخد قيلولة تقدري تنوضي بكري و اذا كان ساعات اليوم تكفيك لاشغالك فلا داعي للنهوض المبكر جدا لان اخدنا للوقت الكافي للنوم و الراحة يزودنا بالطاقة طيلة اليوم الا اذا كانت لديك ترتيبات و وقتك ضيق هنا لازمك تاخدي قيلولة صغيرة تعوضك عن الابكار ام تنامي مبكرا في الليل
رانا كلنا مع التنضيفات العميقة مانعرف علاش رانا نجريو ههههه بلاك خايفين من البرد و المطر

غاليتي ام تغاريد شكرا على اطرائك حبيبتي هذا من كرم اخلاقك
انا بالفعل من الاشخاص الذين ينجزون اعمال كثيرة في وقت قياسي و لا امل و لا اكل من العمل طالما النتائج ترضيني
و الشيء الذي يجعلني انجز الكثير في وقت قصير هو جدولة و تنظيم الاولويات و احيانا اظطر الى حمل ورقة و قلم و ادون فيها كل ما يخطر بفكري و كل اعمالي العالقة و نقسمها على الايام و بعدد الساعات و كي نبدا العمل مانتعطلش في التفكير او التردد يكون عملي متواصل الحمد الله ربي يديم علينا نعمة الصحة فقط

ماشاء الله على ترتيب خزانتك و طريقة وضع الصابون هايلة و حتى الحوض يلمع ماشاء الله بالتوفيق ان شاء الله

مراحب ام وسيم ربي يعينك حنونة

هنو ام ياسر · 2015-10-07, 14:28

url=https://up./][/url] i]

السلام عليكم بنات عندي مشكل في تحميل الصور المهم عندي بزاف صور لكن هذي برك الي بانت فقلت نحكي شوي معكم ونرجع نحمل الصور المتبقية ان شاء الله .
كيما حطيت في مشاركة فائتة الدرج الاول من التسريحة حطيت فيه خماراتي و لكن ما لقيتش وين نحط مواد التجميل لانه بعد ما قريت موضوع ام تغاريد عولت نخلي التسريحة شبه فارغة و نزينها فقط بازهار جميلة تظفي على الغرفة الجمال و الهدوء بدل الفوضى اذن حطيت كل ما كان على التسريحة في درجي الكوميدينة.
ارجو ان تعطوني اراءكم

ام مؤمن · 2015-10-07, 14:49

و هذا تقريري لنهار اليوم

نهضت على الساعة الخامسة صليت الفجر و قرات الاذكار و رجعت للنوم على الساعة السادسة

الصباح تاخرت في النوم لانني سهرت البارحة و ايضا اليوم بنتي ماقراتش موالفة ننوض على الساعة السابعة المفيد اول شيىء عملتوا غسلت وجهي و فرشيت اسناني و سرحت شعري زعما بديت نعتني بنفسي بمجرد النهوض من النوم توضيت و صليت ركعتي الضحى و ادعولي حبيباتي نلتزم بصلاة الضحى كانت من بين ماسطرته لنفسي من اولويات في الجانب الديني في الدورة السابقة ربي يتبثني على ادائها ان شاء الله
شغلت الغسالة كنت جهزتها في الليل و فطرت و فطرت اولادي و هزيت الفراش مسحت الغبار نتاع المابل و جوزت نشاف خفيف على كامل المنزل لاني درت تنظيف عميق من قبل للارضيات ونظفت الحمام و المرحاض
الساعة 1100 خرجت عندي قضية صغيرة و في طريقي شريت شوية بيتزا للاولاد رجعت على الساعة 1200 نشرت الغسيل و غديت اولادي و جبدت اللحم من المجمد للعشاء و صليت الظهر و جيت نطل عليكم

دخولي للمنتدى بمثابة فترة راحة صغيرة لي

الان خزانتي الحبيبة تنتظرني ساحاول ترتيب مااستطعت الى غاية الساعة الثالثة و النصف اتجه الى المطبخ لتحضير العشاء نحب دائما نحط العشاء يطيب بكري خصوصا اللحم يحب الوقت و نخليه على نار هادئة نقليه مليح و نصلي العصر و نشرب حليب المساء مع اولادي و نقرا اذكار المساء ثم ارجع للمطبخ اتفقد العشاء و اكمل مستلزماته اذا كان هناك قلي او سلطة اوووو بالنسبة للكسرة او المطلوع انا نخبز 5 او 6 خبزات و نخبي في المجمد و يوميا نطلعها قبل الوقت و عند العشاء نسخنها في الميرواوند او تحت شوية الفرن

لما نخلص من المطبخ نتجه فور الى الفرز و الترتيب و طبعا برنامج هذا الايام هو الخزانة و التسريحة

لاحظت انو ا كلنا نشترك في تطبيق التجهز 10 على 10 في نقطة واحدة و هي اننا لانطبقه 100 ب ال100 و لهذا ان شاء الله سنضع لاحقا جدول مخصص للعناية الشخصية و الجمالية و نمشي عليه ان شاء الله

امال ربي يعينك ان شاء الله

ذات النورين ربي يشفيك حنونة

سلام الى المساء

اولادي نور عيوني · 2015-10-07, 15:17

الحمد لله , اليوم خرجت من الخدمة على ال 10 ضبضبت المنزل شوية و جبدت شوية بوزلوف من الكونجيلاتور طايب كان بقالي ايام العيد خليتو يديكونجلا ووجدتلو شوية سلاطة خضراء و روحت مباشرة la commode تاع اولادي خملتها و خبيت les pent a court و الملابس الرقيقة لي sans manches و درت في كل قجر حاجة الاول فيه الملابس الداخلية و الثاني ملابس النوم و الثالث القمصان و تريكو والرابع السراول و الاخير درت فيه المئازر و القنادر تاع الجامع و بما اني هذ العام خدمت بلاكار في البيت تاعهم درت فيها حوايج الشتاء بعد ماغسلتهم الرف الاعلى خليت فيه الاغطية و حقيبة لي درت فيها حوايج الصيف و مبعذ نزيد ندير فيها لي بقاو ...مازال شوية الحال سخون ، اما الرف الثاني ندير فيه تريكوات تاع الصوف شوية يدو البلاص و في الاسفل راني دايرتها غارد روب باش يعلقو فيها لي فيست او الملابس لي تتعلق.
بعد مافطرنا غسلت الماعن و صليت الظهر و روحت مباشرة للخزانة بديت بالجهة تاعي درت الرف العلوي لملابس الشتاء و الثاني للملابس تاع الصيف مازلت نستعمل فيها و في الاسفل حطيت بعض الاغراض لي نستعمل فيها فالعمل تاعي
الغارد روب نظمتها و علقت الملابس لي تحتاج للتعليق و في الاسفل مسحتها مليح و حطيت فيها الساك تاوعي جاو منظمين و الخمارات انا دايما نحددهم و نعلقهم في سنتر تاع ملابس تاع اولاد صغار دايرتو سبيسيال ليهم هكذا كي نسحق واحد نلقاه واجد و محدد خيرمن يكون فيه مارات التطباق .
الان راني حبست باش نريح شوية و مبعد نمسح الدار و مازالت الخزانة الجهة تاع راجلي غدا ان شاء الله نكملها راني حقرتها اما التسريحة نخليها للجمعة ان شاء الله
اراكم لاحقا و ربي يكون في العون

آسيا 25 · 2015-10-07, 15:25

أم مؤمن اليوم إن شاء الله نبدا التطبيق معاكم و في عطلة الأسبوع نلتى بالخزانة و التسريحة بإذن الله راح نحاول نصورلكم تطبيقاتي و نشارككم بمقترحاتي بإذن الله أرجو أن تقبلوني معكم.

أم عبد الله ياسين2 · 2015-10-07, 16:14

السلام عليكم ، توحشتكم ، تطبيقي للحوض الحمد لله ، تطبيقي لتجهيزات الغد كي كنت خدامة كنت ماشية عليه روعة كي راني فدار اهملتو ، الخزانة ذا وين كملتها الصبح درت ميناج لدار عميقا الزجاج الغبار تنضيف الأرضيات داري كانت تبهدل ، مدرتش القيلولة و كملت الخزانة التسريحة يا سلااام عليها لوكان تبقى هكذا ، حبيت برك نذكركم بتطبيق 15 دقيقة راني مزالني ماشية عليه ، سلامي لكل وحدة فيكم

هنو ام ياسر · 2015-10-07, 16:52

السلام عليكم ها قد عدت مع صوري
كيما كنت قلتلكم ادوات التجميل و المشط و مساسيك الشعر ووو في درجي الكوميدينة كما توضح الصور

وهذا الدرج الثاني

هذا الزيت هو المفضل عندي زيت جوز الهند يا سلام على الرائحة استعمله لشعري و لبشرتي

واخيرا هكذا اصبحت التسريحة مع العلم مازال ما ستيكيتهاش بالورود

ارجو التقييم والله تعبوني الصور.

خوخة02 · 2015-10-07, 18:00

السلام عليكم واش راكم ماشاء الله راكم في القمة
ام تغاريد حبيبتي شكرا ليك صح كملت غرفة النوم ونسيت الثريا ااااااااااااااه لما طلعت راسي نشوف واش من غبرة بغيت نبكي شكرا فكرتيني نقول راجلي يعاوني فيها
وعلى الولادة ماوجدت والو ان شاء الله قلت نهار الاحد نخرج نشري حوايج خفاف ان شاء الله نسلك على خير

amel... · 2015-10-07, 18:16

مساء الخير عليكم ... راني نشوف في الحماس و النشاط ماشاء الله

ام ياسر يعطيك الصحة و لون الغرفة نتاعك يسخف ... ان شاء الله ربي يهنيك و يوفقك

انا راني كملت الجبة تع جارتنا و الحمد لله و ذرك رايحة نكمل تحظير عملي الخاص بالغد ... اليوم ماما هي دير في العشاء كيما لحقنيش الحال

و من بعد انا نظف المطبخ و الحوض باذن الله

لي عودة بعد قليل و ربي يعاونكم يا احلى فراشات و بوسة كبيرة لام مؤمن

أم تغاريد · 2015-10-07, 18:40

اقتباس:

المشاركة الأصلية كتبت بواسطة ذات النورين

مساء الانوار
ماشاء لله عليكم ياالفحلات ربي يدومها ان شاء الله
انا كنت مواظبلة مثلكن ولكن الله غالب المرض ومفاجاته راني مريضة بالضرسة وراسي يوجع منها لذلك والليت نقضي الشغل الباين ومثل السلحفاة في السرعة ادعيولي ربي يخفف عليا لاني صح تعبانة
دمتم في رعاية الله حبيباتي

مساء الخيرات أختي ذات النورين لاباس عليك طهور ان شاء الله
الالم تاع الضرسة واعر ماتستهزايش روحي للطبيب
ربي يشافيك وتولي لنشاط وحيويتك موفقة

أم تغاريد · 2015-10-07, 18:49

اقتباس:

المشاركة الأصلية كتبت بواسطة ام مؤمن

و هذا تقريري لنهار اليوم

نهضت على الساعة الخامسة صليت الفجر و قرات الاذكار و رجعت للنوم على الساعة السادسة

الصباح تاخرت في النوم لانني سهرت البارحة و ايضا اليوم بنتي ماقراتش موالفة ننوض على الساعة السابعة المفيد اول شيىء عملتوا غسلت وجهي و فرشيت اسناني و سرحت شعري زعما بديت نعتني بنفسي بمجرد النهوض من النوم توضيت و صليت ركعتي الضحى و ادعولي حبيباتي نلتزم بصلاة الضحى كانت من بين ماسطرته لنفسي من اولويات في الجانب الديني في الدورة السابقة ربي يتبثني على ادائها ان شاء الله
شغلت الغسالة كنت جهزتها في الليل و فطرت و فطرت اولادي و هزيت الفراش مسحت الغبار نتاع المابل و جوزت نشاف خفيف على كامل المنزل لاني درت تنظيف عميق من قبل للارضيات ونظفت الحمام و المرحاض
الساعة 1100 خرجت عندي قضية صغيرة و في طريقي شريت شوية بيتزا للاولاد رجعت على الساعة 1200 نشرت الغسيل و غديت اولادي و جبدت اللحم من المجمد للعشاء و صليت الظهر و جيت نطل عليكم

دخولي للمنتدى بمثابة فترة راحة صغيرة لي

الان خزانتي الحبيبة تنتظرني ساحاول ترتيب مااستطعت الى غاية الساعة الثالثة و النصف اتجه الى المطبخ لتحضير العشاء نحب دائما نحط العشاء يطيب بكري خصوصا اللحم يحب الوقت و نخليه على نار هادئة نقليه مليح و نصلي العصر و نشرب حليب المساء مع اولادي و نقرا اذكار المساء ثم ارجع للمطبخ اتفقد العشاء و اكمل مستلزماته اذا كان هناك قلي او سلطة اوووو بالنسبة للكسرة او المطلوع انا نخبز 5 او 6 خبزات و نخبي في المجمد و يوميا نطلعها قبل الوقت و عند العشاء نسخنها في الميرواوند او تحت شوية الفرن

لما نخلص من المطبخ نتجه فور الى الفرز و الترتيب و طبعا برنامج هذا الايام هو الخزانة و التسريحة

لاحظت انو ا كلنا نشترك في تطبيق التجهز 10 على 10 في نقطة واحدة و هي اننا لانطبقه 100 ب ال100 و لهذا ان شاء الله سنضع لاحقا جدول مخصص للعناية الشخصية و الجمالية و نمشي عليه ان شاء الله

امال ربي يعينك ان شاء الله

ذات النورين ربي يشفيك حنونة

سلام الى المساء

قضينا يوما رآئعا في بيتك أختي أم مؤمن
كالعادة إنجازات كثيرة في وقت قصير اللهمّ بارك وزد
ربي يعينك باش تكملي الخزانة والتسريحة
مليحة فكرة تجميد المطلوع هكدا تلقايه واجد
وعجبني ايضا تحضير العشاء في وقت باكر انا دوما نطيبو بعد المغرب لانو زوجي ياكل بعد العشاء
لكن راني حابة نبدل هاد النظام

بالنسبة لي :

انا ليوم كنت مبرمجة نكمل الخزانة نضت على 6 انشغلت بالردود صباحا ثم انطلقت في اشغال البيت اليومية رحت قصرت شوية مع مرت لوسي في حدود العاشرة والنصف جاني اتصال من والدتي تقول بلي رايحين يجو يفطرو عندي وانا في العادة غدائي حاجة خفيفة بما انو زوجي خدام
وليت نجري باش نحضر 3 اطباق في وقت قياسي والحمد لله لحقت في الوقت وجات الماكلة هايلة قعدو معايا حتى قريب العصر
كي راحو رقدت شوية كنت متعبة ومبعد رتبت الدار شوية ورحت عند عجوزتي
اليوم انتهى بقالي حق العشاء برك دوكا لكن قدر الله وما شاء فعل فيها خير
الحاجة لي استفدت منها اليوم هي فائدة النهوض باكرا في حالة جاك ضيف على غفلة تلتاي برك بتحضير الاكل ماشي يد في النشاف ويد في الكوزينة

أم تغاريد · 2015-10-07, 18:55

اقتباس:

المشاركة الأصلية كتبت بواسطة اولادي نور عيوني

الحمد لله , اليوم خرجت من الخدمة على ال 10 ضبضبت المنزل شوية و جبدت شوية بوزلوف من الكونجيلاتور طايب كان بقالي ايام العيد خليتو يديكونجلا ووجدتلو شوية سلاطة خضراء و روحت مباشرة la commode تاع اولادي خملتها و خبيت les pent a court و الملابس الرقيقة لي sans manches و درت في كل قجر حاجة الاول فيه الملابس الداخلية و الثاني ملابس النوم و الثالث القمصان و تريكو والرابع السراول و الاخير درت فيه المئازر و القنادر تاع الجامع و بما اني هذ العام خدمت بلاكار في البيت تاعهم درت فيها حوايج الشتاء بعد ماغسلتهم الرف الاعلى خليت فيه الاغطية و حقيبة لي درت فيها حوايج الصيف و مبعذ نزيد ندير فيها لي بقاو ...مازال شوية الحال سخون ، اما الرف الثاني ندير فيه تريكوات تاع الصوف شوية يدو البلاص و في الاسفل راني دايرتها غارد روب باش يعلقو فيها لي فيست او الملابس لي تتعلق.
بعد مافطرنا غسلت الماعن و صليت الظهر و روحت مباشرة للخزانة بديت بالجهة تاعي درت الرف العلوي لملابس الشتاء و الثاني للملابس تاع الصيف مازلت نستعمل فيها و في الاسفل حطيت بعض الاغراض لي نستعمل فيها فالعمل تاعي
الغارد روب نظمتها و علقت الملابس لي تحتاج للتعليق و في الاسفل مسحتها مليح و حطيت فيها الساك تاوعي جاو منظمين و الخمارات انا دايما نحددهم و نعلقهم في سنتر تاع ملابس تاع اولاد صغار دايرتو سبيسيال ليهم هكذا كي نسحق واحد نلقاه واجد و محدد خيرمن يكون فيه مارات التطباق .
الان راني حبست باش نريح شوية و مبعد نمسح الدار و مازالت الخزانة الجهة تاع راجلي غدا ان شاء الله نكملها راني حقرتها :d اما التسريحة نخليها للجمعة ان شاء الله
اراكم لاحقا و ربي يكون في العون

يعطيييييييك الصحة اختي أولادي نور عيوني
حقا الله يبارك نقولو قدرت تخملي تقريبا 2 خزاين في نهار
كملي الجهة تاع زوجك باش يبقالك وقت للتسريحة وهكدا تكوني حققت انجاز هاد الاسبوع
فكرة تعليق الخمارات محددين هايلة خاصة لي تخرج بزاف تربح بزاف وقت وجهد
فحلة ونص ربي يحفظك

أم تغاريد · 2015-10-07, 19:00

اقتباس:

المشاركة الأصلية كتبت بواسطة آسيا 25

أم مؤمن اليوم إن شاء الله نبدا التطبيق معاكم و في عطلة الأسبوع نلتى بالخزانة و التسريحة بإذن الله راح نحاول نصورلكم تطبيقاتي و نشارككم بمقترحاتي بإذن الله أرجو أن تقبلوني معكم.

أهلا وسهلا ومرحبا بك أختي آسيا
تقدري ان شاء الله تلتحقي بنا برمجنا ترتيب الخزانة والتسريحة
عندك تطبيقين يومين لازم اديريهم
1- تطبيق تلميع الحوض " مغسلة الأواني"
2-تطبيق تجهزي 10/10 عند الاستيقاظ من النوم

أي استفسار نحن هنا لنتعاون معا على ترتيب بيوتنا
مرحبا بك مرة أخرى

أم تغاريد · 2015-10-07, 19:59

اقتباس:

المشاركة الأصلية كتبت بواسطة أم عبد الله ياسين2

السلام عليكم ، توحشتكم ، تطبيقي للحوض الحمد لله ، تطبيقي لتجهيزات الغد كي كنت خدامة كنت ماشية عليه روعة كي راني فدار اهملتو ، الخزانة ذا وين كملتها الصبح درت ميناج لدار عميقا الزجاج الغبار تنضيف الأرضيات داري كانت تبهدل ، مدرتش القيلولة و كملت الخزانة التسريحة يا سلااام عليها لوكان تبقى هكذا ، حبيت برك نذكركم بتطبيق 15 دقيقة راني مزالني ماشية عليه ، سلامي لكل وحدة فيكم

وعليكم السلام ورحمة الله وبركاته
الله يبارك أم عبد الله كي قلت يا سلام عليها لو كان تبقى هكدا تصورت بلي راهي شابة بزاف
باش تبقى هكداك لازم المراقبة اليومية الحاجة لي ماشي في بلاصتها رجعيها لمكانها غير اطيح عينك عليها
أهنئــــــــــكِ على إتمام ترتيب الخزانة واصلي بهذا النشاط وبالعقل ان شاء الله نثبتو العادات الحسنة في يومنا

أم تغاريد · 2015-10-07, 20:14

اقتباس:

المشاركة الأصلية كتبت بواسطة هنو ام ياسر

السلام عليكم ها قد عدت مع صوري
كيما كنت قلتلكم ادوات التجميل و المشط و مساسيك الشعر ووو في درجي الكوميدينة كما توضح الصور

وهذا الدرج الثاني

هذا الزيت هو المفضل عندي زيت جوز الهند يا سلام على الرائحة استعمله لشعري و لبشرتي

واخيرا هكذا اصبحت التسريحة مع العلم مازال ما ستيكيتهاش بالورود

ارجو التقييم والله تعبوني الصور.

الله يبارك أختي أم ياسر غرفتك أنيـــــــقة
يعطيك الصحة ربي يبارك لك فيها
حبيبتي ممتازة في تطبيق فكرة العلب فقط اكسسوارات الشعر حاولي اديريهم وحدهم ماشي مع الكريمات وماشي مع المشاطي

الكوميدينة هي la table de nuit ؟ أو la commode ؟
هذه غرفة أميرة فدلّلي نفسك فيها ما استطعتِ!
أهدي لكِ هذه لتضعيها فوق تسريحتكِ

سلمت الأنامل الّتي أنجزت
ننتظر صور الخزانة أيضا غاليتي
بوركت