عجوزتي و ماما.....مبرووووووووك

[صاحب الامل]

وينتهي الوقت المخصص للمسابقة


في انتظار وضع اعمال

المشاركات معنا

****************

المشتركات اللي سلمو الهدية
ممكن يقولولنا ردود افعال
المستلمين

[ام ورود]

المشاركة الأصلية كتبت بواسطة amel...

بالتوفيق للجميع ... انا بسبب الضروف لي كانو عندي مقدرت ندير والو

سلام امولة واش راكي تحشناك.......المهم كراكي معانا من جديد

[crono]

الجمعة مباركة

ربي يعاونكم و يقدركم حبيباتي في انتضار ابداعاتكم

بالتوفيق للجميع.

[fatma1977]

المشاركة الأصلية كتبت بواسطة صاحب الامل

وينتهي الوقت المخصص للمسابقة


في انتظار وضع اعمال

المشاركات معنا

****************

المشتركات اللي سلمو الهدية
ممكن يقولولنا ردود افعال
المستلمين

السلام عليكم ورحمة الله وبركاته جمعة مباركة للجميع
صاحب الامل بارك الله فيك على هذه المبادرة لولاك لما فكرنا فى الخياطة لعجايزنا أن دائما نقدم ليها الهدايا بالصح نعتمد على الشراء من السوق على خاطر نعمل على بنتها خياطة هى اللى تعرفلها ذوقها والله كى بعثت بنتى باه تجيبلى قياسها فرحت وقالتلها ماما ك تخيطلى وهذا زاد شجعنى باه نخيط وفرحت أكثر كى شافت الروبة مزينة بالقالون المروكى وخبات الروبة لعرس الجارة نتاعها ههههه أما ماما ذوقها صعيب لازم نروح نسلمها بيدى باه تقيس وتشوف الفصالة نتمنى تعجبها ما نقدرش نروح ليها حتى يجى زوجى من السفر المهم بالتوفيق للجميع هذا آخر الاصداء لمشاركتى وبعد تسليم جزئى للهدية آه حقه رانى بعثت معاها بلغة نتاع دار
حبيباتى واش قدمتو هداياكم ولا مازال أم حمزة إذا رحتى لداركم كنكتى من عندهم ربى معاك .

[stayfiya]

صبااح النووور يوم جميل مشرق للجميع اليوم الجمعه تروحو تسلمو الهدايا فاطمه خلاص مديتيها ما صبرتيش ههه يعطيكم الصحة
نحوسو نشوفو الابداعات. و صبر الأراء تاع الامهات و الامهات ما نحبش نقول لعجايز هههههه هيا وريولنا الاعمال

[جلفااوية]

صباح الخير جمعة مباركة على الجميع واش راكم ان شاء الله بخير
شكون الي يحط الاعمال انتاعنا احنا و لا المشرف

[جلفااوية]

هههههههه شحال فرحت ماما راهي طايرة بالفرحة و قاتلي نخبيها للعرس انتاع وليد خالي و راهي الي يجي عندها تقولوا شوف واش خيطتلي بنتي خخخخ بالاخص اني اول مرة نخيط و مازالني نتعلم اما عجوزتي فمازال ما رحتش عندها في الصيف ان شاء الله نقولكم على ردة فعلها مع انه كي حكيتلها في الهاتف طارت من الفرحة و راهي تستنى على نااااااااااااااار هههههه ربي يقدرنا وتعجبها هي تاني ان شاء الله
بارك الله فيك الاخ المشرف على هذه الالتفاتة الرائعة و جعل فرحة الوالدات في ميزان حسناتك ان شاء الله

[ام حمزة22]

االسلام عليكم
ان شاء الله تكونوا بالف خير
شكرا للغالية كرونو والغالية سطايفية على التشجيع ان شاء الله تشوفوا اعمالنا وتعجبكم
انا ما خيطتش فندورة لان والدتي ما تحبش لقنادر قليل وين تلبسهم غير كي تكون تخدم شغل البيت هي في المساء تلبس كاساكات وجيبات وفي لعراس تلبس قويطات او بدارن انا متعودة نخيطلها بصح هي لي تشري لقماش وهاد المرة انا لي خيرت لقماش وشريتهولها وان شاء الله المودال يعجبها في المساء نديلها الهدية راني متشوقة نشوفها بيه وادا قدرت اختي فاطمة نكونكتي من قلب الحدت لان امي ماتحبنيش نكونكتي قدامها تقولي جيتي تقصري ولا جيتي تكونكتي راح نحاول ونشوف
وصاحب الامل راح يشبع دعاوي الخير من امهاتنا وان شاء الله تكون مبادرة اخرى للي ما قدرش يسجل المرة الاولى هاكدا كل عضوات المنتدى تفرح الامهات نتاعها
تحيااااااااتي للجميع

[fatma1977]

المشاركة الأصلية كتبت بواسطة stayfiya

صبااح النووور يوم جميل مشرق للجميع اليوم الجمعه تروحو تسلمو الهدايا فاطمه خلاص مديتيها ما صبرتيش ههه يعطيكم الصحة
نحوسو نشوفو الابداعات. و صبر الأراء تاع الامهات و الامهات ما نحبش نقول لعجايز هههههه هيا وريولنا الاعمال

الشمس شرقت يا عين صباحك ورد ونور وفل واش أحوالك ياك على بالك ما عنديش الصبر حتى قالى راجلى خلى حتان نشريلها بلغة وريحة قتلو واو عندى بلغة شريتها بالاربعاء مازال ما لبستهاش بعثتهلها مع صابون لوكس فى الباكى نتاع الهدية وخلاص وراهى مخبيتها للعرس والله ما كنت نتوقع هذ الفرحة والقبول للهدية ربى يفرح صاحب الامل ويعطيه واش يتمنى اللهم آمين فى هذه الجمعة المباركة ربى يتقبل جميع الطاعات

[rachaz]

السلام
صباح الفل والانوار وجمعة مباركة للجميع
راني مدية غير تاع عجوزتي مافهمت والوا وفرحت بزاف رغم انها خياطة ماهرة الله يبارك
اما ماما مازال لانها بعيدة عليا

[*ام عبد الكريم*]

السلام عليكم انا مازلت راهم بعاد عليا حتى نروح كاش ويكاند و نديهم ...انا مولفة نخيطلهم ماما تخيط غير عندي قنادرها دائما سمبل
اما عجوزتي يا تخيطلها بنت سلفتي يا انا و الاكثر انا على خاطر نخيطهم لها عراض و هي هذا واش تبغي قنادر سامبل و مباحبحين
على كل حال ربي يجازي الاخ عمر كل خير و تحياتي لكم

[صاحب الامل]

صاح النور للجميع

وجمعة مباركة

*******************

هذا المساء سيتم وضع الاعمال الخاصة بكم

[صاحب الامل]

نتائج مسابقةعجوزتي وماما ***

الحبّ ...العطاء.. الحنان ...والتّضحية، وهي أنهار لا تنضب ولا تجفّ ولا تتعب

متدفّقة دائماً بالكثير من العطف الذي لا ينتهي، وهي الصّدر الحنون الّذي تلقي عليه رأسك وتشكو إليه همومك ومتاعبك


هي الأم

هي التي تعطي بدون مقابل
مهما حاولت ان تقدم لها فلن ترد جميلها
هي سبب تواجدك بالحياة
هي الامل
هي النجاح
هي التضحية
هي الصحة


فاكيد اعظم ما تتفوه به الشفاه البشرية

هي كلمة


***امي***

[صاحب الامل]

.. سهرت وتعبت وتوجعت وتألمت ولاقت ما لاقت ..
وهن على وهن ..
حتى تنجب طفلا نسيت برؤيته آلامها ..
سهرت ، أرضعت ، مرضت ، ربت ، ولربما ابتلاها الله بزوج أكمل على ما ينقصها من آلام وتعب ..
أعدت له الطعام ، علمت ، وجهت ، خافت عليه من الضياع ..
أصبح يافعا ، ما زالت وراءه تسدي له النصائح والدعوات ..
فرحت لتخرجه ، فرحت لتوظفه ، تنتظر فرحته الكبرى ..
بحثت له عن زوجة تسكنه ويسكنها ، تحبه ويحبها ، تخاف الله فيه وفي والديه ويخاف الله فيها وفي أهلها..
وجدتك انتي ..
أهدتك ولدها الذي ربته أعواما وأعوام ..
زفتي إلى وليدها ..
تأبط يدك يده ..
كنتي في أوج فرحك وبهجتك وأنسك ..
وسعادتك


أم الزوج


.. سراج منير للعائله
؛ فلتحافظن عليها كأم لكم جميعاً .. فقد وهبتك فلذة كبدها لتصبحي جزء...من عائلتها وأم لأحفادها ..
وإن أحبها إبنها وقدم لها شئ فليس لك وله فضل في ذلك فقد أمره الله بذلك وقرن الله عبادته بطاعتها ووضع الجنة تحت قدمها
فإن لم يكن لزوجك خير في أمه فاعلمي أنه لن يكن له خير فيك..
فهي أمه كما أنت أم أولادك وهي سبب وجوده في الدنيا وفي بيتك بعد الله فلا خيرلك بدونها إن حبك لها هو نابع من حبك لزوجك..
وتذكري بأنك يوماً ما ستصبحين مكانها أم زوج..

[صاحب الامل]

حفظ الله الام وام الزوج إن كانت على قيد الحياة
ورحم الله الأم و أم الزوج إن كانت متوفاة..