الجزء 72 من واش طيبتي اليوم???? - الصفحة 10

دائمة الحمد · 2014-04-30, 20:21

تعيشي ليزابيل نحنا في النهار الحال سخون بالصح في الليل باردة
الله يكون في عونك السخانة ماتتحملش

أم ياسين الزهراء · 2014-04-30, 20:30

بروقة جيتي للجرح ونوضتيه اه يازلابية بوفاريك اه

هديك تبان بنت عم الزلابية ههههههههههههههههه يصطيك الصحة

دائمة فكرتيني في دارنا احنا نقولو نبدل القش في 15 ماي زعمى كالعسكر خويا كان يجي يدي لاتوني الكرام ههههههههههههههه

بصحتكم واش تعشيتو والحمد لله

ام محمد وين راكي وام ماجد ربي يجيب الشفاء على بالي وحتى ولو مراض نوضو نوضو الله يعينا

2014-04-30, 20:33

ليزا الي سماتك عسلاية مغلطتش ربي يخليك يا احلى غالية قبلااااااااااااااااااااااااااااتي
اختي الحزينة بجدارة حنونة ربي يشافيك ويخفف عليك والله ربي كريم وقادر على كل شيء اكثري الدعاء واسمك بدليه هههه خليك تفاؤل وشوفي الدنيا بشكل احلى والعقوبة نهار تفرحينا يااااااااااااااارب صدقيني الخيرة فيما اختاره الله

استغفر الله واتوب اليه

أم ياسين الزهراء · 2014-04-30, 20:36

ام يسرا بصحتك

اختي الحزينة الله يجيب الشفاء

ادراري وانا ماتحبينيش ههههههههههههههههه ربي يشافي وليدك وتشوفيه ناجح يارب

لبنات راكم تشكرو في تارت عقروبة ماخرجلي والو قتلني التقرعيج الله غالب ههههههههههههه

رياض مبروك عليك الفرينة السوداء هههههههههههههه كوليها رخساس قبل مايلحق رمضان

fatalim · 2014-04-30, 20:36

اهلا بكن عندي غيبة على المنتدى كنت مشغولة الخدمة والدار الان انتهت السنة الدراسية ونبدا بالطياب حبيت نسقسي على باتيلا واش اخبارها

*أم ثازيري* · 2014-04-30, 20:54

اقتباس:

المشاركة الأصلية كتبت بواسطة fatalim

اهلا بكن عندي غيبة على المنتدى كنت مشغولة الخدمة والدار الان انتهت السنة الدراسية ونبدا بالطياب حبيت نسقسي على باتيلا واش اخبارها

اهلا بجماعه رمضان العام لي فات هههههههههههههه
واش راكي ؟
انا تاني كنت غايبه عن المنتدى رجعت غير السمانه لي فاتت
يسقسي عليك الخير حنونتي
راني الحمد لله اليوم درت الفاكسا رجلي قتلتني و نحس بالفشله والتعب
شمري على يديك و ابداي التلباز و التخلاط على مقوله الهاااااااااااااااااااام ههههههههه

lilouchaf · 2014-04-30, 20:39

صح عشآكم ليزآ دآئمه آلحمد آم ريآض و آلبقيه

أم ياسين الزهراء · 2014-04-30, 20:39

منال عندي مشكل في صورك كبار ويقعد قرن باش يخرجو وادا خرجو مايبانوليش نستنى وليدي كيجي من الجزاير يلقالي حل سينو تهردت عليه هههههههههههههههه هبلتو بالمنتدى مين يجي نقلو شوف واش صرالي هههههههههههه

دائمة صح النهار السخانة تقتل والليل شوي عندي اكثر من 20 يوم الفورنو فيوزة

انتصار فاطنة · 2014-04-30, 20:43

شكرا اخواتي lyzabel ام يسرا riad على الدعاء وربي يشفي الجميع وراني متمنية نوقف على رجليا وندخل الكوزينة راني توحشتها موت هذو قريب 5 سنوات وانا في الفراش وبالكاد نقدر نلوح الخطوة ولكن الحمد لله عل كل حال وراني نعرفكم وحدة وحدة من طيابكم واصبحت مدمنة ونحلم بطيابكم ربي يوفقكم ولكل من دعا لي

lilouchaf · 2014-04-30, 20:46

و عشآيآ سوب آلخضر
هدا مكآن مآنقدرش نوقف بزآف

2014-04-30, 20:49

كي اليووووووووووووووووووم يا غالية ربي يشافيك ويقدرك وتدخلي الكوزينة تجري ربي كريم حبيبتي السعيدة بجدارة شفتي اسمي خير ربي يسعد ايامك ياااارب
ام رياض يسلملي الحلو انا قبلاااااااااااااااااااااااااااتي
ليلوش منووووووووووووووووورة وينهي الوليمة خخخخخخ بصحتك العشا انت والاولاد بي يحفظهم
ام ياسين الله يسلمك

سبحانك اللهم وبحمدك نشهد ان لا اله الا انت ونتوب اليك

بريق الامل& · 2014-04-30, 20:49

كملت لعشا وغسلت لماعن و سيقت الكوزييييييييييييينة واي واي درت طعام بالدجاج مممممممممممم
وكسرت كاس خخخخخ

بريق الامل& · 2014-04-30, 20:50

ربي يشفيك اختي وبدلي اسمك تفاءلي خيرا تجديه
طهور ان شاء الله

*أم ثازيري* · 2014-04-30, 20:51

علاه يعني علاه حملت الصور و من بعد راحو وعععععععع ماعليش نعاود في خاطركم
الف مبروك الكوزينه الجديده
هاو ليكم الباروك بصح من الارشيف كولو حلال عليكم بصح كشما يصرالكم انا خاطيه ياو راهو بيريمي ههههههه

انتصار فاطنة · 2014-04-30, 20:55

شكرا عزيزاتي ان شاء الله يتبدل الحال وعد اول يوم ندخل للكوزينة نحطلكم صورة اول طبخة نعملها حتى ولو كانت بيض مشرشم ونقدر نفيدك من وراء الميكرو باشياء كثيرة سواء في المطبخ او تدابير ..........