موضوع مميز التحدي الرابع من مسابقة ابداعي في التزيين*** صنع مئزر مطبخ *** - الصفحة 10

nourfa · 2014-03-29, 19:23

اين اضع اعمالي اريد المشاركة

farawla01 · 2014-03-29, 19:49

لبنات واش راكم شوفو هدو لقيتهم اختي نهال واش راك ربي يحفظك على المساعدات

farawla01 · 2014-03-29, 19:58

farawla01 · 2014-03-30, 08:03

وين راكم ياك لاباس راني اندور اهنا غير وحدي ام مهدي كي دارو اولادك موجوجو كيراه بنتك سمراء الدنيا ولدك لاباس

نسائم الصباح · 2014-03-30, 09:29

السلام عليكم وصباحكم عسل .يا شطورات

أعتدر مرة أخرة على غيابي .أنا في الويكاند مانقدرش نذخل خلاص
وشراكم ووش راكم عملين فيها
أنا بكل صراحة حكمني برود مش عرفة لانقدر نكمل ولا لا .أصلا المفرش كملت بسيف .وزدت لقيت تصويت هو لخر .تشوكيت بكل صراحة .لأني درت فيه مجهود كبير .غرزة الظل مهيش سهلة والخدمة على لفوال تانيك مهيش سهلة .والخدمة هذه نادرة في الجزائر والفكرة أنك تقدري تخب فيه صولحك بش مايترموش في أي جيهة
وزاد عملي مع جميع أنواع الأثات ومودال الصالونات

المهم ميهمش البركة أني تعرفة على أحلى بنات كيما نتم

أختي جوجو وأم مهدي وسمراء ربي يشفيلكم بناتكم ويحفظهم من كل مكروه
بارك الله في كل أخت حطت مودال هنا .خاصتا نهال

فرولة الموديلات لي حطيتيهم يليقوا غوب سواري ههههههههههههه .حبه ندير وحدة كيفهم

نسائم الصباح · 2014-03-30, 09:42

فيفي هذا عمل أختى أم أثري

farawla01 · 2014-03-30, 12:03

واش راك اختي نسائم مابقاش بزاف غير شجعي روحك صح التصويت راه يفشل بصح كي نشوف واش خدمت يعجبني او نتشجع باه نخدم راني نستفيد لوكان غير متخلاصش المسابقة با ش انديرو القلب او نخدمو

OM AYA · 2014-03-30, 14:18

اقتباس:

المشاركة الأصلية كتبت بواسطة نسائم الصباح

السلام عليكم وصباحكم عسل .يا شطورات

أعتدر مرة أخرة على غيابي .أنا في الويكاند مانقدرش نذخل خلاص
وشراكم ووش راكم عملين فيها
أنا بكل صراحة حكمني برود مش عرفة لانقدر نكمل ولا لا .أصلا المفرش كملت بسيف .وزدت لقيت تصويت هو لخر .تشوكيت بكل صراحة .لأني درت فيه مجهود كبير .غرزة الظل مهيش سهلة والخدمة على لفوال تانيك مهيش سهلة .والخدمة هذه نادرة في الجزائر والفكرة أنك تقدري تخب فيه صولحك بش مايترموش في أي جيهة
وزاد عملي مع جميع أنواع الأثات ومودال الصالونات

المهم ميهمش البركة أني تعرفة على أحلى بنات كيما نتم

أختي جوجو وأم مهدي وسمراء ربي يشفيلكم بناتكم ويحفظهم من كل مكروه
بارك الله في كل أخت حطت مودال هنا .خاصتا نهال

فرولة الموديلات لي حطيتيهم يليقوا غوب سواري ههههههههههههه .حبه ندير وحدة كيفهم

نسائم وش راكي كنت راح نطل ونهرب بصح كي قريت حبيت نقولك ما تشوفيش في التصويت لانو عمرو ما مثل قيمة العمل حقيقية اخدمي كيما انا لنفسي باه نبرهن لروحي بلي راني قادرة نخدم وننتج و نكون عنصر مفيد مش طفيلي يعيش على تعب الاخرين لازم نثبت بلي قادرة نعتمد على نفسي رغم اني صدقيني انا في غنا عن كل هذي المشقة قادرة نشري الواجد و تعب البيت يكفي و وقتي كللو للاولادي بصح نحاول قدر الامكان نخلي مساحة وقت للابداع

رغم اني ما نخبيش عليك بعد الناب خاصة تاع الكروشي اللي ما حبستش طوول وانا نخدم فيه بوقت قياسي صرا فيا الباطل وليت نوقف نطيح من الاجهاد و لله الحمد و زدت فشلت شوية كي سمعت بالتحدي الفاصل لاني كنت راح نخصص نهاية العطلة و بداية الدراسة للمراجعة مع الاولاد

بصح العزيمة وحب التحدي و حب التعلم و عشق الانجاز خلاوني نقرر نكمل للاخير شريت لي زومبول باه نرفد روحي ادعولي ربي يشفيني و يقويني طالبة الشفاء من رب العالمين قولوا امين

ام فاروق... · 2014-03-30, 14:22

[COLOR="RoyalBlue"][SIZE="6"]السلام عليكم

مرحبا البنات اسمحولي كنت غايبة كنت في سطيف عند يما المهم كي رجعت لقيت لكونكسيو راحت حتى البارح باش رجعت
المهم واش راكم ربي يشفي كل مريض و يسهل كل ما هو صعب
المودلات التي اقترحتموها كلها رائعة
انا كنت حطيت مودال في المنتدى لطابلية بالطرز بالستان

OM AYA · 2014-03-30, 14:36

اسمحولي لبنات سلامي لكن كل وحدة باسمها نعرفكم كامل برك باه ما ننسى حتى وحدة وحتى وحدة ما تزعف عليا

لحن الحياة. · 2014-03-30, 14:53

السلام عليكم بنات وشهاذ المورال الهابط!!!!
التصويت لايهم ....و زيد انا تكلاصيت التالية في التحدي التاني و جاتني عادي ......هي اجواء تنافسية فقط نعيشوها مع بعض و ممكن ما تتكررش الفرصة لبعض العضوات باش نتلاقاو في لمة كيما هاك

نسائم الصباح · 2014-03-30, 15:01

اقتباس:

المشاركة الأصلية كتبت بواسطة farawla01

واش راك اختي نسائم مابقاش بزاف غير شجعي روحك صح التصويت راه يفشل بصح كي نشوف واش خدمت يعجبني او نتشجع باه نخدم راني نستفيد لوكان غير متخلاصش المسابقة با ش انديرو القلب او نخدمو

لاباس عيشك أختي فرولة .أصلا كنت مكورجة بعملك .بكل صراحة بزاف شباب بصح التصويت عليه ضعيف .
شكرا على التشجيع حنونة ربي يخليك ويخليلك يديك الزينين

اقتباس:

المشاركة الأصلية كتبت بواسطة OM AYA

نسائم وش راكي كنت راح نطل ونهرب بصح كي قريت حبيت نقولك ما تشوفيش في التصويت لانو عمرو ما مثل قيمة العمل حقيقية اخدمي كيما انا لنفسي باه نبرهن لروحي بلي راني قادرة نخدم وننتج و نكون عنصر مفيد مش طفيلي يعيش على تعب الاخرين لازم نثبت بلي قادرة نعتمد على نفسي رغم اني صدقيني انا في غنا عن كل هذي المشقة قادرة نشري الواجد و تعب البيت يكفي و وقتي كللو للاولادي بصح نحاول قدر الامكان نخلي مساحة وقت للابداع

رغم اني ما نخبيش عليك بعد الناب خاصة تاع الكروشي اللي ما حبستش طوول وانا نخدم فيه بوقت قياسي صرا فيا الباطل وليت نوقف نطيح من الاجهاد و لله الحمد و زدت فشلت شوية كي سمعت بالتحدي الفاصل لاني كنت راح نخصص نهاية العطلة و بداية الدراسة للمراجعة مع الاولاد

بصح العزيمة وحب التحدي و حب التعلم و عشق الانجاز خلاوني نقرر نكمل للاخير شريت لي زومبول باه نرفد روحي ادعولي ربي يشفيني و يقويني طالبة الشفاء من رب العالمين قولوا امين

الحمد لله ام أية والله كلامك .طلعلي المورال شوية .انا أصلا كنت تعبانة نفسين الأيام لي فاتوا .كي محضرتش عرس ختي ..يعني كنت نخدم مخي وهو كان يدور في العرس .هذا التركيز يسببلي ضغط .ونولي ضعيفة .مع اني معروفة بقوة شخصيتي .بصح ساعات العبد يولي كي الطفل الصغير حساس .ويحب كلمة حلوى
كلامك شجعني حنونة ربي يخليك وينجحك ويبركلك في بناتك ويديك

وش من تحدى أخير .

حبستيلي قلبي

نسائم الصباح · 2014-03-30, 15:06

أهلا جيل حنونة وشراك .ماتقوليش حتى نت مورالك حابط

وش راكي ديرا فيها

نينانينا · 2014-03-30, 15:06

السلام عليكم
اعتدر التحدي الثالث مقدرتش ندخل لانو كنت عيانة و كنت في دارنا
الحمل تعبني رحت ريحت في دارنا البارح برك لي جيت
حبيت نسقسي ايلا نقدر ندخل فهاد التحدي ولا لالا

نسائم الصباح · 2014-03-30, 15:09

نهال ولا كرون ولا الأخت لي تعرف تعطيني كيفاش تتفصل الثنورة التحتانيا تاع الطبلية كيما هذه .اليوم لا قدرتوا

ختكم خالية في التفصيل