عجينة بريزي بالزيت & وصفات تورتات روووووعة - الصفحة 10

besbes · 2014-03-23, 09:46

بارك الله فيك ويعطيك واش تتمناي

khaoula90 · 2014-03-23, 10:59

يعطيك الصحة على الموضوع الرائع و الوصفات كامل

ممممممم يشهيوووو

أميرة النجاحْ · 2014-03-23, 12:20

شكرا جزيلا

أم درصاف · 2014-03-23, 16:27

هايل احتي بارك الله فيكي

chanez1866 · 2014-03-23, 16:48

انت مبدعة ياالهام امنا معجبة جدا بطبخك .ان شاء الله رايحة نجربها ونديرها تطبيق ..

أسية24 · 2014-03-23, 18:21

شكرا جزيلا أختي تبان هايلة سرقة موفقة هههههههههه هل ممكن نستعملها في لي كيش؟

miramer · 2014-03-23, 21:17

بارك الله فيك

أم أسامة 07 · 2014-03-23, 21:58

بوعنينبة · 2014-03-24, 10:41

يعطيك الصحة

إلهام07 · 2014-03-24, 13:20

ماشاء الله غبت ايام قليلة لقيت عرام نتاع الرددود
أسعدني مروركن أخواتي وعطرت كلماتكن صفحتي

اقتباس:

المشاركة الأصلية كتبت بواسطة أسية24

شكرا جزيلا أختي تبان هايلة سرقة موفقة هههههههههه هل ممكن نستعملها في لي كيش؟

نعم اكيد راهي بات بريزي عادية تنفع للمالح والحلو عادي فقط ماديريش فيها سكر

اقتباس:

المشاركة الأصلية كتبت بواسطة chanez1866

انت مبدعة ياالهام امنا معجبة جدا بطبخك .ان شاء الله رايحة نجربها ونديرها تطبيق ..

ربي يخليك أختي شانيز ، شكرا

اقتباس:

المشاركة الأصلية كتبت بواسطة princesse assil

rani jerbteha jat hayla berk ana lemiteha bil halib merci bbbbbbbbbbbbbbbbbbcp

فرحتيني كي جربتيها ونجحتي فيها بصحتكم ومشكورة على الثقة

اقتباس:

المشاركة الأصلية كتبت بواسطة omhadil

رووووووووووووووووووووووووعة
حيرت واش نقول يا الهام دائمة متالقة بواصفاتك
الف الف شكر

ربي يخليك ام هديل فرحت كي شفت اسمك توحشتك بزاااااااااااااف

اقتباس:

المشاركة الأصلية كتبت بواسطة جيجلية

ما شاء الله

رووووعة وسهلة واقتصادية يا عيني نديرها كل يوم

يعطيك الصحة صح إلهام اسم على مسمى

ربي يخليك اختي جيجلية وشكرا على متابعتي في كل مواضيعي وتشجيعي
في انتظار نشوف التارت تناعك

اقتباس:

المشاركة الأصلية كتبت بواسطة اماني البتول

بارك الله فيك ويعطيك الصحة ربي خليك ويرزقك ابولد لحلال رني شفت الطريقة البارح وجربتها اليوم الصباح درتها طارط بالموز ولا صوص التوفي الي قدمتيها جات هيلة والعجينة امبسة وطرية وتترمل في الفم خي من لا باتبريزي الي بازبدة ولصوص التوفي جاتني هيلة ولكان نعرف امهز الصور من الهاتف كنت ورتهملك ريس خليك لينا وزيد اسرقي ياك سرقة في صلاحنا واذا حكموك رنا هنا وقفين امعاك ربي خليك ويحفضك امين يارب

هههههههههههههه على بالي لو كان يحكموني تهربو وتخليوني

فرحتيني كي جربتيها وعجبتاك ونجحتلك

مشكورة على الثقة وشكرا جزيلا على الدعوة

بصحتكم التورتات

اقتباس:

المشاركة الأصلية كتبت بواسطة ساندي 28

هدا النوع بالذات نحبو بزاف خاصه كي نعمل تارت بيه اممممممممم سلم ايديكي لهومه توحشتك مووووووووووواح يا القاطعه

هههههههههههه واش من قاطعة

والله هارجة بزاف بصح والله توحشتك

اقتباس:

المشاركة الأصلية كتبت بواسطة meryoma.arabica19

هاذي هي السرقة و لاخلينا وصلتي حتى لانجليز يادرى المرة الجاية وين تدينا ههههههههههه ، ربي يعطيك ما تتمناي حبيبتي و الله نموت عليك و على سرقاتك و على كل ما يتعلق بيك حبيبتي إنت يا لهومة .ربي يرزقك الزوج الصالح عاجلا غير آجلا آمين يا رب العالمين

ربي يحفظك مريومة ، راني نخمم نحبس في انجلترا نخاف نتكشف الحالة ثمةماشي ساهلة كيما هنا

اقتباس:

المشاركة الأصلية كتبت بواسطة nounou1977

الله يبارك ماشاء الله
الهام حنونة نسقسيك واسمو الفور تاعك انا عندي eniem شريتو العام لي فات كان مليح و درك ولا ما يشعلش ملفوق كامل و ملتحت يشعل بصح كون نقصلو يطفى حابة نبدلو ماعرفتش واش نشري يمة عندها arture martin ماشي كامل مليح
شكرا حنونة على جميع المسروقات رانا نستمتعو معاك ههههه

أنا عندي ENIEM كيما انت كويزينيار هبلتني كيما شريتها مع انها جديدة وحتى اختي عندها كيفها وعندها نفس المشكل كيما انت وهي ثاني جديدة
راهم يجيو فيهم ديفو جيبولها الخدام فقط كاينة فيها بياسة لازم تتبدل انا نتاعي بدلتها وصلحت بصح نتاع اختي واقيلا الخدام ماعرفلهاش مازالت في نفس المشكل معاها

اقتباس:

المشاركة الأصلية كتبت بواسطة meriem hanin

شكرا ليك و ربي يبارك و يطيلك الي تتمنايها يبا سنجووووووووووووووووبة
و الله راني نتعلم منك بزااااف و ديما نتشجع بيك باش نجرب و نولي هامستر كيفك ههه
شكرااااااااااااااااااا

شكرا عزيزتي على المرور بصح ماعرفتش شكون أنت ، كي قلتي هامستر قلت بلاك تكوني صديقت هي اللي تعيطلي هامستر

اقتباس:

المشاركة الأصلية كتبت بواسطة inessou

يعطيك الصحة وصفة هايلة وسرقة في محلها

حبيت نسقسيك طيفها ديري قاناش الشوكولا

عزيزتي قاناش الشكلاطة ولا أسهل :
تكسري الشكلاطة ومن الأحسن تقطعيها شوية صغيرة وتذوبيها في حمام مائي ماشي مباشرة فوق النار وتكوني حطيتي معاها شوية حليب او غذا عندك أحسن تحطي شوية كرام فراش للبنة
وتخليها تذوب على مهل ثم تحركيها وتشوفي إذا تحتاج تزيدي شوية نتاع حليب ولا مليحة خلاص تستعمليها مباشرة
انا نستعمل ديما شكلاطة منى السوداء راهي لامعة وبنينة ولونها قاتم وثقيلة وتنشف فوق الحلويات بسرعة
أي اسئلة أنا في الخدمة

اقتباس:

المشاركة الأصلية كتبت بواسطة حسيبة2010

كل مانشوف موضوع تاعك نوجد روحي باش ندوخ

والله مواضيعك تحفة للمنتدى 444444444444444
ربي يعطيك الخير و يخليك لينا
سلااااااااااااااااااااام

ربي يخليك اختي حسيبة ، شكرا جزيلا على الكلمات الرقيقة

اقتباس:

المشاركة الأصلية كتبت بواسطة أمة الله-2

شكرا لهومة على الرد عندي بعض الاسئلة
هذي العجينة تنفع ندير بيها الموالح؟
في الكيش لازم البيشاميل و الكرام فراش ولا نقدر نبدل بحاجة أخرى لأني ما نحبش طعم الحليب؟
نقدر ندير كمية من هذي العجينة ونخبيها في المجمد؟ قداه من وقت ممكن نخبيها؟
ساامحيني كثرت عليك الاسئلة

مافيها والو رانا كامل هنا باش نتعلمو من بعضانا :
* نعم تنفع للموالح أصلا الوصفة مافيهاش سكر أنا اللي حطيت فيها السكر
- في الكيش كاين اللي يدرو كريمة جبن مليحة وكاين اللي يديرو ثاني مخفوق البيض مع شوية كرام فراش او حليب أو ياوورت طبيعي مايبانش طعم الحليب بصح بالياوورت يبان شوية
- هي المفروض العجينة تتخبى عادي في المجمد وراني هزيت شوية خبيتها بصح مازال ماستعملتها بصح المفروض مايصرالها والو بصح هي أصلا ساهلة علاه جمديها والله في 5د تكوني خلصتيها لانو تحطي كل المكونات وتجمعي وحتى ماتتعجنش يعني توجد في دقيقة

أنا أصلا مانحبش نجمد العجينة او القاطو ووووو لانو كي تنحيهم يجي فيهم ريحة وطعم ماشي ملاح
بصح المفروض تجمد عادي لأنو راهي تتباع أصلا العجينة البريزي مجمدة

اقتباس:

المشاركة الأصلية كتبت بواسطة -رودينا-

ههههههههههههههه الهام موالفة تسرقي سرقوك يوم لك ويوم عليك
راكي كما انا وخضوني في البورتابل+الكات مموار

مي انا جامي سرقت ههههههههههه
صراحة انت وصفاتك تحفة ماشاء الله تبارك الرحمان
رايحة نجرب لابات بريزي ديالك لاخطرش عجبتني بالزيت موالفة نستعمل الزبدة

ههههههههه يسمى حبيتي تقوليلي كي سرقت سرقوني سلكت السرقة ولا كيفاش

عزيزتي بالزيت أخف وأسهل في العمل وأسرع وحتى اقتصادية اكثر تخليك ماتتكاسلين على التارت تقلولي كل يوم نديرهم

أم عائشة · 2014-03-24, 17:19

شكرا اختى جربتها وجات هايلة

ام ملاك. · 2014-03-24, 17:28

لهومة سقسيتك ومارديايش علي درك نبكي واع واع واع واع

ahla tita · 2014-03-24, 20:54

444444444444444 يالهومة يعطيك الصحة هنيتيني من المارغرين شوية ههههههههه ايا دوكا غير الزيت ولقدام منخمش خلاص

أمة الله-2 · 2014-03-24, 22:19

شكرا إلهام راني جربت تاع الليمون وذوقها هايل
حبيت نسقسيك العجينة تفخت ياسر في الفور كاين حبات ماقدرتش ندير فيهم الحشو
قلت المرة الجاية نديرها بلا خميرة زعمة تصلح؟
شكرا لك مرة أخرى ورب يجعلها في ميزان حسناتك

soussoudarine · 2014-03-24, 23:46

لك جزيل الشكر على مشاركتنا هذه الوصفات بارك الله فيك