المهمة الثالثة..............للفوج الاول..... - الصفحة 10

ابداع جزائرية · 2014-01-20, 11:57

بنات بديتو ديجا
سمورة ديري روبة كورت
ولا سالوبات
سطوفة بدلي الاشخاص كل مرة اسرقي الواحد باه مايفيقوش هههه
فريولة ونبض وفطومة وجوري
انا لقيت الدجيييييييييييييييييييييييييييييييييييييييييييييي يييينز
ههههههههههههه
الحمد لله ماتصدقتش بيه
كنت مخبياته ليمّا راح تسدّي بيه البساطات
بر الوالدين من المنجيات
هههههههههههه

شكرا للبنات المشجعات
يعطيكم الصحة والله
نورتونا

سمراء الدنيا · 2014-01-20, 14:37

ربي يفرحك يا اخت ابداع كلامك كلو عسل
من الصباح نطلب من جيراني جينز قديم ما لقيتش قريب نندم في هاذوك للي مديتهم ................عندي جينز نتاع مهدي ولدي الصغير بلاك نهجم عليه ههههههههه

في انتظار ابداعاتكم يا الشاطرات ... ما تخيبوناش .......... يكفينا شرف المشاركة ههههههههه زعم نسبقليكم لا خرجت نوميني ههههههههه

الف شكر لكل للي راهم يشجعو فينا و يتابعونا بارك الله فيكم

فريولة ابتسام · 2014-01-20, 15:27

لبنات واش احوالكم لاباس واش راهي الخدمة لقيتو سروال انا لقيت واحد عند اللي يبيع اوكازيو شريتو 15الف ايا اللي مالقاتش ماعليها غير تروح للشيفون ههههههههه

rosa sd · 2014-01-20, 17:40

بنات الفوج الأول بالتوفيق ان شاء الله ,الفوج الثالث مازال مابان عليه حتى خبر

صاحب الامل · 2014-01-20, 18:50

فيما يخص ارسال المهمة

كل من تاخر عن ارسالها في الموعد المحدد يعتبر مقصي نهائيا من المسابقة

LAMIA TEFFAL · 2014-01-20, 22:18

السلام عليكم
انا مافهمتش وين راهي مواضيع المسابقة وين نحط الموضوع ؟؟؟؟؟؟ هده اول مرة ندخل المسابقة ومانيش عارفة الا اسمي مكتوب ولا لا ههههههه
يا جماعة انا اسمي مكتوب

stayfiya · 2014-01-21, 06:56

صباحكم بالخير و السرووور واش صبحتو واش درتو فيها. لاميه شوفي حنا تالمون ولينا عايله راه تخلط الفوج الاول مع الثاني و ضك يلحق الثالث هههههه الهمه تاعكم مزال مامدهالكمش اصبري و جماعتك فووور هههه حتى حنا ماعندك ماتقولي
انا والله مزال مابديت التطبيق تاعي خلصت خدمه كانت عندي البارح و اليوم حكمت نص نهار باه كشما ندير
وين راكم لبنات فريوله جوري سمراء ام انيس نبض فطووم واش درتو فيها ..؟؟! اعطيونا اخباركم الفنيه هههههه

نبض الفؤاد · 2014-01-21, 07:23

صباح الخير سطايفية...الله يبارك فيك....يا الشاطرة.....ما شاء الله عليك.....راكي انت شريان المجموعة.......

انا لانه كنت مشغولة البارح(ضياف)...راني بديت مورا الفجر....الله يقدر

stayfiya · 2014-01-21, 07:46

وهاااذي نبض من عين المكان سجلت الحضوور ادخلي قربي اهلا و سهلا والباقي وينكم. يا كسولات. ههههههه
هيا اصبحنا و اصبح الملك لله

سمراء الدنيا · 2014-01-21, 08:08

يصبحكم الله بالخير و الربح و النشاط و الحيوية
الو الو سطايفية ...نبض الفؤاد ..........حول ...........
الحمد لله تم انجاز المهمة بنجاح ...............ملاك لبست الروبة و حلفت ما تنحيها ههههههههههه.......
بصح المشكل لكبير من البارح نحاول نحط الصور ؟؟؟؟؟؟؟؟؟؟؟؟
ما فهمتش طول عمري نحط الصور بسهولة كي جات في المسابقة ما بغاوش يخرجو في الميكرو يخرجلي دوسي و ما يتفتحش غيرت لي كارت ميموار والو نظن المشكل في الميكرو .............يا ربي واش هاذ الحصلة .............
سطايفية ربي يعطيك ما تتمناي درت نصيحتك و وجد علبة ايباري و كل ما تتكسر وحدة ونلقا اخرى نديعيلك لاني خدمت في الليل ما نقدرشنشري

باقي لبنات واش اخباركم ربي يوفقكم

ام مهدي 03 · 2014-01-21, 08:12

والله جو ما شاء الله.تمنيت انى نعرف الخياطة باش نكون معاكم.بالتوفيق للجميع

ام مهدي 03 · 2014-01-21, 08:14

رانا نستناو ابداعاتكم كيما فى الطابلية. كنتو هايلين

LAMIA TEFFAL · 2014-01-21, 08:17

صباخ الخير لبنات
على حساب الشوفة راكم مبكرين انا راني خايفة تبدوا وتخلوني وكل شوية نطل
مهمة الفوج الاول كانت تحويل قميص رجالي
والمهمة الفوج التاني شايلة ؟؟؟؟؟؟؟؟؟؟؟؟؟؟

rosa sd · 2014-01-21, 08:30

اقتباس:

المشاركة الأصلية كتبت بواسطة lamia teffal

صباخ الخير لبنات
على حساب الشوفة راكم مبكرين انا راني خايفة تبدوا وتخلوني وكل شوية نطل
مهمة الفوج الاول كانت تحويل قميص رجالي
والمهمة الفوج التاني شايلة ؟؟؟؟؟؟؟؟؟؟؟؟؟؟

صباح الخير لامية
ادخلي وين مكتوب (تجديد القديم,,,,,,,الفوج الثاني )تلقاي أخبارنا ,المهمة الأولى تاعنا تحويل القميص الى كوغساج ,لازم نكملو غدوة ان شاء الله(الاربعاء)
مهمة الفوج الثالث مازل مابداتش واستناي وين تلقاي مثبت وقدامو الفوج الثالث هناك تعرفي اخباركم ,ونظن اليوم يعطيلكم المهمة الأولى

سمراء الدنيا · 2014-01-21, 08:21

صباح الخير ام مهدي و لامية .........مهمة الفوج الثاني كورساج على ما أظن .........