الجزء 20من واش طيبتي في رمضان المبارك شاركونا موائدكم

[souma.f]

اليوم زوجي توحم على بربوشة برقبة تاع الخروف راح يشري اللحم باه نديرها و ندير شربة بيضاء و كسرة رخسيس و ماسيدوان و الصلاة على النبي

[*أم كوثر*]

السلام عليكم
نهاركم طيب
اماني السلام يعطيك الصحة هديك هي وصفة الكريستال

[الأمنيات]

الله يسلمك سومه واش راح ديري فطورك

[أم ياسين الزهراء]

مبروك الكوزينا بعدا راكم في 10 صفحات

الامنيات الله يبارك كوزينا شابة ونضيفة والكوزينيار الله يبارك هايلة وعلى قول الحبيبة ام ماجد ماكانش وين نحطها ربي يوسع علينا بصح هدوك القنافد ماتخافيهمش يييييييييييييييييييييييييييييييييي

ام ماجد على سلامتك وبصحتكم بصح انا ضدك مانحبش البنات يدورو بالطاجين مساكن صغار في الشتاء خير وانا لكان نقوللهم الكسرة للولاد تنوضلي مضاهرات واحتجاجات ويدخلولي حقوق المراة وحق الاكل هههههههههههههههه

راهي تخلطتلي كل يوم نقول ندير هدا ونبطل على هدا القاطو مازال ماقررتش بصح في بالي قاطو بان ديبيس شفتو في منتدى اخر راهو في لائحة المترشحين

حنان الله يبارك نعمة دايمة كل يوم تزهينا بالطابلة انتاعك ربي يديم عليك الخير بصح انا كيالامنيات نهار اللحم ماكانش الحوت هدا طبعا بقرار البيطري زوجي هههههههههههههههههه

[أم ياسين الزهراء]

اليوم بنتي سلمى سخفت على بربوشة قاليلي ديريها تاع الجزاير بيصا باللحم والقليشة والحميصة راح نديرها وبنتي الزهراء دير بيتزا ام كوثر ومانعجنش السخانة قتلتني ربي يقدرنا والحمد لله

[الأمنيات]

اهلا ام ياسين واش راكي

[أم ماجد]

ليك وحشة ام ياسين
القاطو كل يوم نبدل في القائمة هههههههههههههه
على حساب الحطة الوقت يفوت وماندير والو مع الحرارة زادت ارتفعت ماقدرتش واععععععععععععععع
المهم ابو ماجد رمضن على السردين كل يوم يجيب منه والله غير كرهته

[أم أسماء 2]

اختي الامنيات كوزينتك تفتح النفس وانا نقول هذا الطياب مين راكي تجيبه هههههههه ربي يبارك

[oum ibrahim]

صباح الخيرات حراير
امنيات كوزينتك مشرحة وواسعة تتهناي فيها انشاء الله تشبه نوعا ما لكوزينتي ههههه
ام ماجد على سلامتك يا الغالية و الله غير ضحكت و فرحت كي شفت البنات يطيبو المطلوع ضحكت لانها نفس تقنياتي كي بديت نطيب المطلوع كنت نقلبو بمغرفة نتاع الحطب ههههه وفرحت لانو عرفت بلي ماشاء الله رايحين يخرجو فحلات ما ينخافش عليهم
ام ياسين عاش من شافك
اماني ماشاء الله فطورك يشهيييي بصحتكم
حنان مايدة راااائعة كل يوم تسخفينا ههه
امنيات كلشي هايل خاصة الخبز الله يبارك
والله راني حاصلة واش ندير قاتو المقروط و البقلاوة هاذو لازم واش نزيد مازال ما خممتش بلاك قاتو النيسلي نتاع ام اياد ربي يذكرها على خير و راني نخمم في التشاراك نتاع ام اماني و مازال القائمة مفتوحة و متغيرة ههه

[الأمنيات]

ام ماجد انا توحشت السردين هنا ما يجيش عندنا وعععععععععععع
ام اسماء نورتي الكوزنه ربي يسعدك

[الحطاب سهام]

المشاركة الأصلية كتبت بواسطة أم ماجد

سهام هاهو رابط لكسرة مجربة
https://www.djelfa.info/vb/showthread...t=%df%d3%d1%c9




اماني السلام سخفتيني بالكسرة اليابسة واعععععععععع رانا مطلوع مطلوع مطلوع
اليوم ان شاء الله نديرها

الف الف شكرربي يخليك

[touta2010]

امنيات طلبتي مني الرابط تاع حلوة الكريستال مقدرتش الرابط ميطلعش معلبليش عندي مشكل معاه المهم راني كاتبتها
رطل زبدة +كاس سكر مرحي+فاني+قشور ليمون نخلط اليد ملييييييح +رطل كوكاو +2مغ ك كاكاو نخلط مليييييح +نص خميرة حلوة +فرينة قطعيها مربعات ولسقي كل اثنن بالكريمة
الكريمة
خلطي نص لتر حليب +2مغ ك فرينة+صفار بيضة +كاس سكر مرحي +فاني +مغ ك نشا ملييييح ثم وضعيه فوق نار هادية حتى يثقل مع تحريك نحيه وخليه يبرد
طلعي باكي زبدة ثم ضفيها للكريمة دفعات وطلعي حتى تتحصلي على كريمة روعة

غمسي الحلوة في شكولا وزينيها بخطوط
وكلوها بالصحة

[أم ماجد]

امنيات حبيبتي ارواحي ادي الحوت
المجمدراهو تعمر واعطني شوية فواكه نموت عليها في السخانة
لبنات رايحة نقلي الان سردين لحفيظ وصلاة اليوم فاطرة
من بعد نرجع تحبوا انجيب الصور ؟ههههههههههههههه

[sirina_angel]

صبااااااااااااااااااااااااااااااااااااااحو

[sirina_angel]

المشاركة الأصلية كتبت بواسطة أم ماجد

امنيات حبيبتي ارواحي ادي الحوت
المجمدراهو تعمر واعطني شوية فواكه نموت عليها في السخانة
لبنات رايحة نقلي الان سردين لحفيظ وصلاة اليوم فاطرة
من بعد نرجع تحبوا انجيب الصور ؟ههههههههههههههه

اهلا اهلا بام ماجد اخيرا شرفتينا البنات كاااااامل توحشوك