موضوع مميز الجزءال15من واش طيبتي اليوم ....شاركونا موائدكم الرمضانية - الصفحة 10

إلهام07 · 2013-07-10, 10:19

اقتباس:

المشاركة الأصلية كتبت بواسطة الأمنيات

السلام عليكم وصح رمضانكم تصوموا بالصحة
الهام هاداك هو الرابط وراه يخرج مليح الكمية تاع المثلجات انا درت ذوق شوكولا

iوعليكم السلام
هيه دارتلي بزاف :

بصح أنا درت غير ذوق فاني ماحطيتش الكمية رايحة جي كبيرة هكذا وزيد خفت ماتصلحش ما حبيتش تخلط فيها بزاف ونخسر الحوايج قلت كي تصلح نتفنن هههههههه

اميرة في دنيا حقيرة · 2013-07-10, 10:21

صباح الفل والورد والياسمين راني دخلت بالزربة و خارجة راني نهاوش في الدار
ام ماجد لهومتي ام كوثر ام محمد تاج مغرقتيش ههههه صح رمضانكم و الكل الكل صح رمضانكم لهومتي درك نجرب المثلجات نهار لي تكون عندي عرضية هههههه و سرافة تع الفراشة جربتها بعد نحطها ههههههه جات نحلة ماشي فراشة خخخخخخ

هيا مال باي حقا راح ندير جاري فريك و كمونية تع كبدة و سلاطة وفلان وكسرة مطلوع و دسار و فرات والحمد لله بعد راني نرجع نهبلكم شوي مدامكم صايمين راني عاقلة درك على خاطر ام كوثر هنا ههههههههه كي تروح درك تشوفوا خاصة قطوستي خخ

إلهام07 · 2013-07-10, 10:22

اقتباس:

المشاركة الأصلية كتبت بواسطة أم ماجد

صباح الخير لبنات
ناوية ان شاء الله على المطلوع والشربة وسلاطة ريش وحدها ماياكلوليش السلاطة في رمضان
وكاين لبن مخضته في الليل والدلاع وصلاة ادير لفلان يحبوه
ممكن نزيد بيتزا لو حسب مزاج الشيخ حتان ينوض واش يقول ممكن في اخر ساعة تاع اليوم يتبدل البرنامج ادعيولي يقدرني ربي وادعيوا لخويا رايح يدخل اليوم للمستشفى في سطيف ربي يشفيه ويخفف عليه
الهام عجباتك الكوزينة لكن ماقرعجتيش بزاف ولا حكمك رمضان ؟هههههههههههه
كنت متوقعتها هكذا ؟
نحب الالوان الزاهية انا اللي خيرت الالوان حبا في بلادي جزائرنا الخضراء ربي يحفظهالنا ويسلمها

ههههههههههه ام ماجد ماهيش كيما شفتها في لمنام هههههههههههههه

بصح والله تشبهلك أما التقرعيج ندور في وجهي على الشاشة ونقول اللهم إني صائم اللهم إني صائم ....هههههههههه

مرام 1987 · 2013-07-10, 10:23

زيدو أعطيونا أفكار للفطور .
احنا على حساب واش يقلب رمضان على خويا هو لي يقضي ساعات يقلب عليه رمضان العقبة وساعات في الحدور . كيما قالت ام ماجد في آخر ساعة قادر يتبدل menu
انا راني حتى متبهدلة من روحي الناس الكل صايمة غير انا صبحت نشرب في الدوا. حتى غايضتني روحي نقرا في القرآن ونبكي.
دعواتكم ربي يحفظكم.

اميرة في دنيا حقيرة · 2013-07-10, 10:24

اقتباس:

المشاركة الأصلية كتبت بواسطة mary1987

زيدو أعطيونا أفكار للفطور .
احنا على حساب واش يقلب رمضان على خويا هو لي يقضي ساعات يقلب عليه رمضان العقبة وساعات في الحدور . كيما قالت ام ماجد في آخر ساعة قادر يتبدل

menu
انا راني حتى متبهدلة من روحي الناس الكل صايمة غير انا صبحت نشرب في الدوا.

حتى غايضتني روحي نقرا في القرآن ونبكي.
دعواتكم ربي يحفظكم.

ماري حبوبتي واش راكي يا لعزيزة توحشتك حبوبتي

imene mimicha 05 · 2013-07-10, 10:25

صباح الخير يا لبنات ربي يقدرنا على صياموا يا ربي...........ام ماجد ربي يشفيلك اخوك يا رب

إلهام07 · 2013-07-10, 10:26

ههههههههههه ام ماجد ياخي الكذب حرام
كي شفت صور الكوزينة بقيت نخمم في وحد السؤال عندو مدة محيرني وخفت تغضبي ز
علاه كل شيء عندك ملفوف بالألمينوم قداش راكي تستعملي منو في الشهر
أكيد أبو ماجد هبل من كل يوم خارج : "أبو ماجد جيب معاك رولو ورق ألمنيوم" وهو مسكين حاير واش راهي دير بيه المخلوقة هذي

ساندي 28 · 2013-07-10, 10:27

صباح الخير رمضان كريم عليكم يارب
راني هارجه مع البيبي ناض مع الصباح ويحب غير نرفدو تعبت وزاد من الصباح وهو يرضع قضالي على الي كليتو في السحور ههههه
بنات باركولي نقصت 10 كغ واي واي كي رحت لدارنا بابا خلع كي شافني قالي واش بيك مكيش تاكلي قتلو لو تعرف نهار كامل وانا نطبق وناكل ههههه بصح ميبانش وزيد دايما لاتونسيو دايما هابطتلي وذركي احوالي متطمنش ربي يقدرني
بنات نوريلكم عشائي البارح ولا لا نخاف نسخفكم ههههه درت بيتزا حبوبتى ام كوثر ربي يحفظها ان شاء الله طيبتها في المول الجديد وزدت فريت وسلاطه وعجنت الكسرة خمير واسكالوب ودلاع وقازوز
من بعد نحطلكم صور البيتزا

إلهام07 · 2013-07-10, 10:28

اقتباس:

المشاركة الأصلية كتبت بواسطة mary1987

زيدو أعطيونا أفكار للفطور .
احنا على حساب واش يقلب رمضان على خويا هو لي يقضي ساعات يقلب عليه رمضان العقبة وساعات في الحدور . كيما قالت ام ماجد في آخر ساعة قادر يتبدل

menu
انا راني حتى متبهدلة من روحي الناس الكل صايمة غير انا صبحت نشرب في الدوا.

حتى غايضتني روحي نقرا في القرآن ونبكي.
دعواتكم ربي يحفظكم.

مري حبيبتي كوراج راهو شهر الرحمة أصبري واعدي والله ربي فرج عليا همي في وحد المشكل كبير من قيام ليل رمضان والدعاء بإخلاص وقبول القضاء
أكيد ندعيولك كمل بإذن الله
حقة واش كي جبتي العكازات كاش جديد في العلاج ؟

mélina lina · 2013-07-10, 10:29

الله يبارك ان شاء الله جوزي رمضان بالصحة و الهناء و يجوز خفيف ظريف

ام رزيقة · 2013-07-10, 10:30

اقتباس:

المشاركة الأصلية كتبت بواسطة إلهام07

صباح الأنوار حبيبتي ، صبحو عينيا خارجين من 3.00 وانا قاعدة واش ندير

المهم سامحيني برك مانيش لاهية بيك والله هارجة خلاص

اهلا بيك أم رزيقة رمضانك مبارك

شاركينا طيابك

وبيك اهلا اختي الهام انشاء الله حريرة وسلاطة منوعة وطاجين زيتون وديسار ومشروبات وصح رمضانكم

إلهام07 · 2013-07-10, 10:32

حقة أم ماجد عجبني بزاف هذاك البراس نتاعك منين شريتيه في الشارع ماشفتهومش يتباعو وبقاه ؟
عجبتني حاجة حتى الباسينة اللي تغسلي الماعن راهي خضراء ههههههههههههه

اللهم إني صائم على التقرعيج .............اللهم إني صائم .................الهلم إني صائم

أم ماجد · 2013-07-10, 10:33

اقتباس:

المشاركة الأصلية كتبت بواسطة إلهام07

ههههههههههه ام ماجد ياخي الكذب حرام

كي شفت صور الكوزينة بقيت نخمم في وحد السؤال عندو مدة محيرني وخفت تغضبي ز
علاه كل شيء عندك ملفوف بالألمينوم

قداش راكي تستعملي منو في الشهر

أكيد أبو ماجد هبل من كل يوم خارج : "أبو ماجد جيب معاك رولو ورق ألمنيوم" وهو مسكين حاير

واش راهي دير بيه المخلوقة هذي

لالا الالمنيوم نشريه وحدي

محال هو يجيبه

رولو كبير نشريه ب 100 الف على مااظن ويحكم مدة طويلة

والله غير صح انا لاه نحبه

لكن بعد ماحطيت الصور نبهتني الاخت منال من العلمة الى ورق يباع يغلفوا بيه الكويزينيار انا بصراحو ماشفتوش لكن ضرك نشريه
كي عدت مانخرجش بزاف ماعلابالي بوالو

ابوماجد عليه الضروري فقط والباقي علي

المهم ربي يخليه تاج فوق روسنا معليش مايجيب والو

إلهام07 · 2013-07-10, 10:33

اقتباس:

المشاركة الأصلية كتبت بواسطة mélina lina

الله يبارك ان شاء الله جوزي رمضان بالصحة و الهناء و يجوز خفيف ظريف

أهلا بيك أختي شاركينا طيابك ورمضانك مبارك

samar89 · 2013-07-10, 10:33

رجاءا اعطوني المقادير تاع قلب اللوز راني حابة نخدمو...............