موضوع مميز ♥ الجزء10 ♥ من واش طيبتي اليوم - الصفحة 10

أم ماجد · 2013-05-28, 01:09

خليوني نبرد قلبي اليوم ههههههههههه
هاذ الايام في النهار دودودودو
ماتخليوليش الدالة خلاص
المهم راني معاكم ههه اقصد مع روحي وناكل في تحلية روزا بعد ماحطيت واحدة في المجمد تهبل تهبل يا بروقة
بصراحة جربت تقريبا جميع تحلياتك هذه في نظري احسنهم وبسيطة ايضا
تنوض صباح روزا تتقلق تحب كي تدير حاجة هي اللي تفرق ههههههههههههههه

أم ماجد · 2013-05-28, 01:47

ماجانيش النوم خلاص بصح لازم نحكم فراشي بردت
الى اللقاء الى الغد

om anous · 2013-05-28, 02:37

اقتباس:

المشاركة الأصلية كتبت بواسطة أم ماجد

ماجانيش النوم خلاص بصح لازم نحكم فراشي بردت
الى اللقاء الى الغد

بالسلامة تصبحي بخير حنونة

om anous · 2013-05-28, 02:41

اقتباس:

المشاركة الأصلية كتبت بواسطة أم إياد أحمد أمين

أم أنوس حنونة غدوة غن شاء الله وكنا من الحيين نبعثلك الطريقة في رسالة مفصلة وبالصور على خاطر عيونك حنونة

يا عمري ربي يخليك رايحة نستنى الرسالة ..ارسليها كي انوض تاني نكون راقدة وما تلحقش

بارك الله فيك

أم ايهاب 2013 · 2013-05-28, 06:56

دادو كوزينتك تهبل راني نشوف ونعاود ماشاء الله انا نموت ونشوف كوزينة ام ماجد

ساندي 28 · 2013-05-28, 07:10

صباح الخير بنات راني من 4 نتاع الصباح وانا قاعده البيبي حكماتو الحمه كنت نهبطلو فيها والحمد لله هبطتلو ودركي راه راقد مسكين وانا طار عليا النوم رحت على 5 نتاع الصباح درت كسره مبسسه ولحليب وقهوه فطرت وشويه ميناج ودركي قلت نشوف البنات ناضو ولا مزال واش هدا الخمول ايا نوضو مشبعتوش نوم اليوم نهار جديد ان شاء الله يكوون فاتحه خير علينا يارب

سعيدة8888 · 2013-05-28, 07:19

صبح الانوار ياحلوين
يا ام نجم البنات بايتين قاعدين سهرو البارح بزاف على بيها راهم رقود درك
احنا بايت الامطار و الرعود و البرق دايرة حالة قولت لزوجي تصبح فياضانات ولكن الحمد لله صبحت شميسة باهية مي بارد الحال بزاف

أم ياسين الزهراء · 2013-05-28, 07:19

صباح النور

حظ موفق لولادنا وربي يثبتهم

صبح الجو بارد وباين راح تصب ربي يجيب الخير

ام نجم بالشفا على البيبي ردي بالك الحمى واعرة

أم ماجد · 2013-05-28, 07:20

صباح الخير ام ياسين حظ موفق لسلمى ولكل اطفالنا لكن المجتهدين فقط ههههههههههه

أم ياسين الزهراء · 2013-05-28, 07:21

حتى انا مارقدتش البرح بصح عجزت نجي للميكرو وليدي ركب القطار مع الفجر روح للجزاير راح يبدا الامتحانات ربي يوفقو وخفت نرقد مانوضش لبنتي تجوز السيزيام ههههههههههههه تتهرد علي

أم ياسين الزهراء · 2013-05-28, 07:23

الله يسلمك اختي ام ماجد وربي يوفق صلاة راني غير نستنى يفوت هذا اليوم على خير ويتهناو تعبو بزاف في القراية ربي يثبتهم

أم ياسين الزهراء · 2013-05-28, 07:26

دودو راح نهبلك قوليلي وين تحطو المواعن يقطرو كيتغسلوهم شفت مالقيتش السلة ههههههههههههههههههههه

ساندي 28 · 2013-05-28, 07:28

صباح الخير على الي ناضو بالتوفيق لسلمي وصلاه ربي ينجحهملكم وتفرحو بيهم يارب
اختي سعيده اهلا بيك حنونه حنا تاني المطر البارح والريح دارت حاله اما اليوم جو هايل ومشمس .البارح مرقدتش 1 ونضت بكري بصح تعبانه بزاف من السهر
ام الزهراء شكرا حبيبتي راهي هبطتلو الحمد لله شكرا ليك على الا هتمام
جبتلكم تحليه مع الصباح تحبو تاكلو دركي ولا تخلوها لمبعد

سعيدة8888 · 2013-05-28, 07:28

دادو وجدتلك الباروك البارح ( درتلك فلان الطبقا ت باش نحطولك في الكوزينا باروك ) لكن لللأسف تطبيق فاشل 100ب 100
غير درت الطبقة الثانية تخلطت مع الاولى
بايتين دايرين عليا فرجة زوجي و ابني
يقولي ابني ماما اعطينا لي اخدمتيه بالحليب يقعد راجلي يضحك ويقولو استنى شوية درك ماما تجيب الديسير تبهدلت معاهم ههههههههه
بصح ماعليهش اليوم نعاودو وينجح ان شاء الله
ياريت تفهموني كيفاه ندير باه تبقى كل طبقة وحدهاو مايتخلطوش

أم ماجد · 2013-05-28, 07:31

شكرا حبيبتي ام نجم على التحلية
ام ياسين الله يكون في العون

لبنات صلاة تطلب دعواتكم وقالت لكم الى اللقاء

روزا صلاة حملتني رسالة قاتلك تحليتك هههههههههههههههههههههه
راهي قرات موضوعك الصباح وانت راقدة