اقتباس:
المشاركة الأصلية كتبت بواسطة اريج المسك
السلام عليكم و رحمة الله تعالى و بركاته
اولا نحب نعتذر منكم اني مامشيتش معاكم راهو البرنامج الي في راسي حبيت نكملو و هاو ليكم التفصيل
طبعا امس في الليل قمت بالتنظيف اليومي تاع لم الغرفة و جوز بالية
نضت الصباح على 5:30 صليت و طيبت الفطور حطيت فطرت مع رب البيت هو راح للعمل و انا راجعت 20 آية من سورة الكهف كنت حافظتهم من قبل لقيت روحي شوية ناسيتهم عاودتهم 5 مرات ما استوعبتهمش مليح قلت نخليهم للمساء هاداك هو ولات ال 7 دخلت لكوزينتي
"حق لبنات ما نوضتهمش راهم المعلمين مضربين" قلتلكم دخلت لكوزينتي نحيت الورد و نحيت الكادر و حوايج اخرين علقين و نظفت الحيوط صارو يشعلو طبعا نظفتهم بخليطي السحري غير الضار باليدين و الأنف و العينين و هو فنجان خل ابيض فنجان فيسال نص فنجان جافيل و مغرف كربونات و فنجان او فنجانين ماء هذا الخليط ميزته انه ينظف و يلمع و يطهر من الميكروبات
ماجيت نكمل و انا نطلع و نهبط ناضو البنات حوالي 8:30 صلاو و فطرو و نظفو بيتهم زعم باش يبداو في اللعب قلتلهم استغلو الفرصة للحفظ
و انا خطفت ركعتين تاع الضحى و رجعت لكوزينتي نظفت البلاكارات و جبدت الماء السايح وش نقولكم جهدي طاح من الجبيد بالفروطوار و مسحت الدار كامل و رجعت للكوزينة رجعت المواعين للبلاكارت و رجعت الورد و كل وش كان لاصق في الحيط
شفت للساعة لقيتها مازال الحال رحت للدوش غسلت الريدو تاع الكوزينة و شوية مناشف و رنخت زوج زور
و رحت لغرفتي زدت خبيت شوية قش تاع الشتاء و خبيت فراشات غرفة الجلوس تاع الشتاء درتلهم الصابون مقصوص طراف و الفائدة الي نقلهالكم انكم توضعو الخزامة في شاش او في ايبا و تحطوها في وسط الفراش او القش المخبي لأن الخزامة معقمة فما تخليش الغريشة تعشش في الحوايج
ايا و رجعت للدوش غسلت الزور و زدت غسلت كووات
وش نقلكم تعبببببببببببببببببت و يدي يحرقو فيا من الصوابين
المهم راهي تقريبا ال12 الا ربع سخنت بربوشة بالسلق عندي من قبل سقيتها و كليناها بصحة و راحة و جيت قريت وش كتبتو و قلتلكم وش درت
و راني رايحة للدوش باش نهتم بالجمالي و في المساء نكمللكم الحكاية
صليحة نحبك تعطيني النقطة بعد التعب الي راني تاعباتو
اختنا الدزيرية صاحبة الرياضة حبيت نبهكم لأمر مهم و خطير جدا و هو قبل البدء في الرياضة يلزم التسخين و الا راح تنظر العضلات على هك ارجو انك تحطي بعض التسخينات السهلة مثل المشي في نفس المكان رمي الكرة للحائط و التقاطها ...... و لك الخط في اختيار المناسب
|
قلتهالك مرة ما نعيو نجرو وراك ما نلحقوكش ... يا لالة علامتك كاملة
بصح راكي تعبي روحك و يولي عليك خدمي غير بالعقل و قسمي الشغل
راكي داخلة في الرياضة ؟ ...انا راني خايفة منها هههه
( تقرير عن مشاركة سيئة )، و الموجودة أسفل كل مشاركة .
2013-04-15, 09:56
العرض العادي
