أفضل حل لإعفاء 2010 وأصحاب 30سنة

[jobobo2008]

انا 31 سنة
ليسانس حقوق 2011
كابا 2012
معنديش لا كارت ومتزوج
وين راه الحل

[bilel0522]

[QUOTE=libanarim;1052279274]الله يهديك ، تتهمنا بالنفاق والعياذ بالله ، ربي وكيلك
أتكلم بعقلك وليس العاطفة
ربي عدل بين الرجل والمرأة ولم يساوي بينهم
اذا عاجباتك اسرائيل روح عيش عندهم ، شكون حاكمك
بالنسبة للنساء لي في الجيش والشرطة وووو
واحد ما حتم عليهم يروحو تم ، نتحداك تبعث بواحدة من العائلة نتاعك للجيش ولا الشرطة

السلام عليكم
قبل ما تجاوب واحد أقرا مليح يرحم والديك .....و مقتلكش قولي بلي ربي عدل بين المرأة و الرجل مانيش محتاج تعلمني حاجة نعرفها و زيد راك تتسرع برك و لكان تقرا مليح تفهم بلي راني نعرف هذا الشيء و نتا تلعب فيها فاهم .....راك المهم جاوبت و خلاص أقرا مليح ياخي حالة أنا راني مع المساواة ؟؟؟؟ أنا قلت راني مع النساء في الشرطة والله راح تنطقني ....و الناس كامل سكتت غي نتا قافز زعما..... يخي عائلتك ميروحوش للشرطة و العسكر علاه تجاوب .......الي يحب يجاوب على واحد يقرا مليح رانا نكتبو بالعربية أنا هدرت واش كاين في راسي و بالخصوص على أشباه الرجال الي تجرأ واحد فيهم في مرة من المرات قالي رانا في 2012 المرأة تقدر تدير القضاء يعني الدين حاشا ربي تاعنا قديم حسبو هو.

[bilel0522]

المشاركة الأصلية كتبت بواسطة libanarim

مكتوب حد ما يديه حد
راني معاك ، لكن الحل ماشي تمشي أختي وأختك وزوجتي وزوجتك لعامين عسكر.
خمم براسك ماشي بقلبك يا مواطن

لا حياة لمن تنادي راهو يقولك الي تحوس تخدم مع الرجالة لا زم تعقب الخدمة الوطنية و لو -مدنية-

[salim blida]

خاوتي احنا اختلفنا في نقطة ومكنتش حاب الأمور توصل لحد الرشق على العموم احنا قضيتنا باينة وانا قلت ومسؤول على كلامي أنو نسبة نجاح الإناث في مسابقات التوظيف أعلى مقارنة مع الذكور ودليل موجود وانا قلت على سبيل المقارنة انو مدام تفرضت على شباب الخدمة الوطنية فتوجد للنساء خدمة للوطن منقلوش خدمة وطنية نقدروا نقولوا خدمة مدنية ديرها البنت للبلادها الي قراتها كما قراتنا حنا ادا رجعنا للواجبات وادا نرجعوا للحقوق فنحن نطالب بالإعفاء من لخدمة الوطنية كما تم كان عفو قبل سنوات من2002-2009 هدي باش تكون عدالة اجتماعية ...خاوتي احنا ولاد فامليا ومنرضوش لخياتنا واش يرضوها ناس اخرين على كل حال كل واحد حر في نفسو ...احنا قضيتنا باينة هدا منبر باش نعبروا على هدا لمشكل ونحاولوا نلقاو حل وكل واحد يعطينا الحل الي يشوفوا ممكن وبارك لله فيكم

[libanarim]

اذا ما ترضاوش نردو عليكم ماكاش مشكل
حابين ردود على المقاس نتاعكم
آخر رد لي في هذا الموضوع
دمتم في رعاية الله
سلام

[bilel0522]

و عليكم السلام

[brahimpop]

غدا 16 أفريل ان شاء الله يخطب بوتفليقة

ويعطي للمسنين الإعفاء (31 /30)

[bilel0522]

واش راح تدير بالإعفاء بعدما تجاوزت سن الثلاثين ؟؟؟؟ لا زم حل لجميع الشباب منبقاوش نخمموا غي على جماعة الثلاثين

[turisme2]

المشاركة الأصلية كتبت بواسطة brahimpop

غدا 16 أفريل ان شاء الله يخطب بوتفليقة

ويعطي للمسنين الإعفاء (31 /30)

راني خوك هذا خبر رسمي ؟؟؟؟ جاوبني رحمة على الوالدين

[brahimpop]

المشاركة الأصلية كتبت بواسطة turisme2

راني خوك هذا خبر رسمي ؟؟؟؟ جاوبني رحمة على الوالدين

لا موالف الرئيس يخطب يوم العلم فهي أمنيتي فقط، وأمنية الكهول والشيوخ
قول آمين

[turisme2]

المشاركة الأصلية كتبت بواسطة brahimpop

لا موالف الرئيس يخطب يوم العلم فهي أمنيتي فقط، وأمنية الكهول والشيوخ
قول آمين

امين
ان شاء الله
رانا كبرنا

[/center]

[salim blida]

خاوتي ان شاء لله يكون خير ولله كي نشوف واحد عمروا فوق30سنة وميخدمش بسبب بطاقة الخدمة لوطنية ولله نتأسف للحالة الي وصلنا ليها خاوتي نقللكم بلي كامل لبنات الي قراو معيا أغلبيتهم موظفات وعندهم سيارات واحنا مزالنا نحوسوا على بطاقة الخدمة الوطنية ولا نستناو في الإعفاء ولله تحير ربي يهدي لمسؤولين انتعنا وفيما يخص خطاب الرئيس انتعنا نتمناو نلقاو الجديد نتفائلوا خير وخلاص

[salim blida]

المشاركة الأصلية كتبت بواسطة brahimpop

غدا 16 أفريل ان شاء الله يخطب بوتفليقة

ويعطي للمسنين الإعفاء (31 /30)

خويا ربي يكون في عونك وحبيت نقلك بلي اصحاب 30سنة ان شاء لله يخرج الإعفاء انتعهم متقلقش برك

[salim blida]

مفارقة غريبة العفو عن المجرمين والمفسدين والقتلة والتضييق على الشباب همهم الوحيد يلقاو مناصب شغل لا تتعجب فأنت في بلاد العجائب

[salim blida]

أنا نظن جريدة النهار أشرف جريدة لأنها لمحت للمشكل انتعنا