اليك sabouha 14 و لكن اخواتي الميلفاي من مطبخي ماتزيدوش تشروه

[مرام 92]

المشاركة الأصلية كتبت بواسطة oum anas 69

البسملة1

واش حوالكم ان شاء الله لاباس
بطلب من الاخت sabouha 14 لي كانت طلبت وصفة الميلفاي ، اليوم جبت شوية عجينة عندي و لبيتلها الرغبة نتاعها قلت قبل مايجو جماعة نستلي هههههه و يدوني للتحقيق
و انتوما تاني اخواتي العزيزات حبيتكم تعطوني رايكم
راه ساهل ماهل و مافيه والو

ادعيولي ربي يشفيهم مراض بالزكام آآآآآآه سوفريت معاهم
فقط اريد ان اقول ان اول ميلفاي درتو كان نتاع الاخت رماضنة الله يذكرها بالخير و نتمنالها النجاح في دراستها و في حياتها كامل
اولا
المقاديرهي :
العجين المورق
كريمة باتسييرو فوندون و شيكولة هدا ما كان



نحلوالعجين المورق رقيق و نضعه على ظهر الصينية باش يجي مستوي اثقبي جيدا ثم ضعي فوقها صينية اخرى باش يجو مستوى واحد و ماتتنفخش اثناء الطهي
انا هنا عندي كمية قليلة طيبت ب 2 و بقات 1 طيبتها و حدها









كي تشوفيهم طابو وتحمرو من تحت اقلبوهم يكملو الطياب و ابدا تشعلوا من الفوق خطرش يتحرقو و تجي فيهم بنة ميش مليحة عن تجربة اوكي
الكريم باتسيير كاين بزاف طرق و اسهلها لي راني معتمدتها :
1/2 لتر حليب ، 100 غ سكر عادي، 40غ مايزينة او فرينة ، 2 بيض كاملين ، فانيليا او ليمون
الطريقة راه معروفة:
خلطي بالمضرب البيض +السكر + الفانيليا ثم اضيفي المايزينة مغربلة و خلطي +الحليب الساخن مع الخلط المتواصل رجعيها للطاوة على نار هادئة مع الخلط المتواصل بالمضرب حتى تعقد خليها تبرد





هنا كملو الطياب لازم يجوا في هذا اللون كيما لي تتباع خطرش بنتها كي تكون قاندة


اقسمي الكريمة الى قسمين اطلي فوق قطعة العجين زيدي القسم الثاني كيفكيف و حطي قطعة العجين الاخير بصح الجهة الملساء هي من الفوق





ممبعد جيبي سنيوة حطيها فوقوا و ابداي تظغطي بأطراف صباعك اليدين في زوج انا يدي لخرى كنت نصور بيها هههههه
لاحظي كيفاه باش مايبقاش فراغ و اكريمة تلصق مليح و تتوزع و تجي مستوية كيما لتتباع


الفوندون عينك ميزانك ول اشري لي يتباع و ذوبيه انا درت;
كمية من السكر الارطب مغربل +قطرات عصير ليمون +الحليب ديري غير بالشوية حتي تتحصلي على هذا القوام


فرغيه و سويه و اعملي خطوط من الشيكولة و زخرفيه





خليه ينشف شوية و سويه من الحواشي و قطعيه لازم تمسحي السكين في كل مرة تقطعي فيها باش تجي الخدمة نظيفة و قدميه لعائلتك بالصحة و الراحة







و الله غير خير من المشري و زاكي و البنة مايتشبعش و زيد نظيف و مافيهش الغش ههههه
تعرفو شحال يدير هنا في فرنسا50. 2 اورو يعني 40 الف للحبة و ماعلبالناش بواش يخدموه



واش قولتوا ماشي خير ماتشروه الحبة ب 30 دج و هو ما فيه والوووووو
هههه راحت على صحاب الباتيسري انا جامي نشريه خطرش هنا الا مادروش الجيلاتين يديرو الكحول
علابالي كثرت الصور بصح ماتنساوش كاين مبتدئات راهم يتعلمو ربي يوفقهم

بارك الله فيك وجعله الله في ميزان حسناتك

[اغادير]

واااااااااااااااااااااااااااو 44444444 الف شكر ليك... وبارك الله فيك

[raihana rihene]

hayla w tchahi barak lah fik

[S-KISHK-B]

شككككككككككككككككككككككككككككككككررررررررررررررررر ررررر

[couscousa]

merci okhti

[ام سوهيل]

الله يبارك و سلمو يديك ربي يشفي أوليداتك

[faryal zahira]

جزاك الله خير الجزاء
بوركتي اختي

[وفية للذكريات]

بارك الله فيك

[minaflower]

وصفة صح مميزة ، بارك الله فيك ام انس
ربي يحفظك حنونة

[ismahan185]

merci rabi ya3ychak

[sousouhd]

يعطيك الصحة يهبل وشكرااااااااااااااااا

[عليلي نوال]

شكر جاوكهايلين وربي يشفى اولادك

[سالوني]

شكرا على هذا الملفاي الهايل
الحقيقة أني نحب الملفاي و نتمنى ناكلوا ديمة
وسبقلي أني عملت وجاني مليح
Mais عجينة La patte Feuilleté تعّب بزاف
وتحب الصبر والممارسة
وخدمت بيها حتى لمحاجب اللي في الفور
جات روووووووعة
وكذلك درت بيها "كرواسون" و"البيتزا"
يعني لا غنى عنها في الذوق والشكل
بصحتكم

[اعذب كلامي]

شششششششششششششششكرا

[حياة مليزي]

رابي يحفضك الله يبارك شحال جاك مليح