لنتعرف على singer 20u43 و ملحقاتها مع ...........سطايفيه - الصفحة 10

mestghanmiya · 2015-05-26, 21:54

شكرا اختي سطايفية مكانش طريقة نصنعها وحدي خاطر الوالد مزال مانقولو بلي خسرتلي و راني محتاجتها عرسي مور رمضان و راكي تعرفي قش العروسة بزااااف يلا تعرفي طريقة كيفاش نصنعها نحاول وحدي و يلا مكانش نقولو و خلاص

ام كندا · 2015-05-29, 17:19

اليوم طحت في نفس المشكل تاع اختتي مستغانمية ياريت كاين حل سهل

mestghanmiya · 2015-05-30, 13:27

السلام راني صنعت ماشينتي وحدي تبعتها غير بالعقل و لقيت الحل و راهي تخيط يويويويوووووويييييي
اخت ام كندا راني خارجة دروك لعشيا كي نجي نحاول نشرحلك بالصور

ام كندا · 2015-06-01, 22:25

السلام عليكم ياريت الحل بسرعة يااختي مستغانمية راني حاصلة

mestghanmiya · 2015-06-02, 15:27

السلام عليكم سمحيلي اختي طولت عليك راني كل يوم برا راكي عارفة قش التصديرة ما يخلاصش المهم اذا كان عندك نفس المشينة و نفس المشكل تبعي الصور مع الشرح
شوفي اختي هبطي الراس تاع المشينة تلقاي لبوات كانات فيها 3 براغي رخفيهم برك ماتحليهمش قاع راهم يبانو فالصورة
https://www.m5zn.com/newuploads/2015/...5e2334e692.jpg
غادي تولي لبوات كانيت مرخوفة تقدري تتحكمي فيها تطلع و تهود مبعد هبطي الابرة كامل وين يوصل حدها كي تكون فالبوات كي شغل راهي تخيط و دروك لازم غير بالعقل طلعي لبوات كانيت وهاد السنة تجي مور الابرة خاص ماتجي نيشان الابرة تكسرهالك ماتجي بعيدة ماتوليش تخيط
https://www.m5zn.com/newuploads/2015/...4e90de67e1.jpg
و جربيها و تبعيها غير بالعقل غادي تفهميها
و كي تريقليها ردي لبوات شويا قبل الابرة في نفس النيفو و زيري البراغي
نتمنى نكون عاونتك وعندي ملاحظة كي تحبي تسييها ديري حاجز بينك و بين الابرة لتفادي اي خطر اوكي كاش حاجا ولا راني هنا و سمحيلي مرة اخرى

ام كندا · 2015-06-02, 22:19

شكرا لك اختي على الاهتمام اخذت الماشينة للخدام هي الان مضبوطة لكن للاسف اصبحت تمشي شوية ويتقطع الخيط الماشينة تاعي سانجار البيضا وهي قديمة جدا حبيت نسال عن احسن رقم تاع لاطونسيو واللي نخيطو بيه

زوجة على · 2015-06-09, 18:14

جزاك الله خيرا اريد ان اعرف ما الفرق بين ابر الماشينة ؟ماذا اقول للبائع عندما اذهب لاشتري؟ وشكرا

دينى يعلمنى الوفاء · 2015-06-11, 14:39

ماشاء الله عليك اختى السطايفية شرح مفصصصل..انا ايضا عندى نفس الماكنة...وكنت متحيرة كيفاش ننقص من السرعة ربي يحفظك

fedwafifi · 2015-06-15, 23:43

السلام عليكم

arwa alaa · 2015-06-25, 16:29

واش راكي يا السطايفية ماما عندها سانجار القديمة هاديك الي عندها راس اكحل دايمن يتقطع الخيط كل ما تجي تخيط

الفرحوني الشاوي · 2015-06-26, 23:42

السلام عليكم بارك الله فيك اختي على الموضوع عندي ماشينة قولدن شريتها لكن ماعرفتش طريقة تركيب الخيط لاني ركبته والخيط من تحت مرة يجي مزير ومرة يجي مخبل مافهمتش وين الخلل بالضبط

wafa wawa · 2015-07-03, 12:27

مشكورة بارك الله فيك

لميس اميرة · 2015-07-22, 19:15

عيدك مبارك اختي سطايفية و شكرا على كل ما تقدمينه

الخروبية · 2015-07-27, 18:53

السلام عليكم
بارك الله فيك وفى والديك والله يعطيك قد ماشافو عينيك
ربي يعيشك قوليلي انا مشينتى كيما تاعك بصح عندى مشكل فى لطونسيو سعات تفسد
قالولى خليها فى لخياطة او الطرزمتبدليش وش تنصحينى نخليها طول فى لخياطة ونشرى واحدة اخرى
ولا نخدم بيها طرز وخياطة
والف تحية من لخروب الغالى الى سطيف العالى سلام

امولة بوسعادة · 2015-07-29, 15:57

بارك الله فيك