الجزء 180 من الكوزينة (رمضانكم كريم )

[wahibaazel]

دعاء خاص لزيكا
اللهم ارزق اختنا رزيقة ذرية صالحة تقر بها عينها

[انا هي رزيقة]

المشاركة الأصلية كتبت بواسطة wahibaazel

السلام عليكم اخواتي وغالياتي ،كيف الاحوال ادعو الله عز وجل ان تكن بخير .رمضان مبارك
حبيبتي ام وسيم مبارك عليكم العتبة الجديدة وباذن الله تتهناو فيها .اللهم لك الحمد فرحة الدار وحدها ربي يهنيك
حبيباتي كامل ماشاء الله عليكم
حياة حبيبتي نبارلك على المزيود الجديد واسمحيلي جات متأخرة والعقوبة لي مازال .
سلامي لكل الغاليات .

يا عمري تلاقيت مع وهيبة على سلامتك حبيبة و صح رمضانك و الله خليتينا حتى توحشناك ......مجبتيلنا والو معاك من اطايبك الزينة .......خخخخخ

[انا هي رزيقة]

المشاركة الأصلية كتبت بواسطة wahibaazel

دعاء خاص لزيكا
اللهم ارزق اختنا رزيقة ذرية صالحة تقر بها عينها

يا عمري على اختي الف الف شكرا يا طيبة ربي يجعل دعواتك كلها مقبولة في هذا الشهر الكريم امين يا رب العالمين

[انا هي رزيقة]

انا هذ ليامات منيش نصور ... حتى البارح وين درت فطيرة محشية بالدجاج و الجبن و الجزر مبشور و بصل قلت نصورها لعيونكم الحلوين... رافقناها بحساء الخضر و فلفل مقلي مع طماطم و الحمد لله حمدا كثيرا مباركا فيه و هذا جزء من طاولة فطور امس مزال محطيت السوب لانو حتى نصليو باه نعمر ليبول و نبداو ناكلو تم تم علابيها ننسى نصور.... خخخخ الطبسي راهو في خاطر حبيبتي ميري مورا لي عجبوها طباسا تاعي و الله عيونك الحلوين حنونة .... و اختي ام الووء خاطرش يشبه طاقم الاواني الجميل تاعها

[انا هي رزيقة]

و هذا لزوم الانتعاش ... في الحقيقة انا منحبش السكريات بزاف نخاف على لاطاي ....... خخخخخ يعني لا قلب اللوز و لا زلابية و لا كريمات و لا تحليات .....مع انه اكيد لوكان واحدة فيكم تجيبلي تحلية جميلة و مغرية اكيد منقولش لالا و ناكلها .......... خخخخخخ

[عازفة الناي]

مبارك عليكم الشهر 😍😍😍😍😍توحشتكم بزااااف وتوحشت المنتدى ولمت الكوزينة 🤗🤗🤗اطباقكم راهي تشهي وتسيل اللعاب ربي يدوم نعمتكم تقبلو تحيات عزوووووووفة 😙😙😙😙😙

[حياة نور الدين]

اهلااا اهلاااا بالغاليات

رزيقة توحشتك بنت خالتي الكوزينة بلا بك يخصها حاجة ويسمحولي خياتي لانه رزيقة تزيدها الوان وحيوية وانتعاش
بصحتكم حبيبتي كلشي يشهي

وهيبة اهلاااا اهلااا واش راكي واش راه بنتك تفكرتك نهار فتحت ام وسيم الكوزينة لانه كنت داءما تتخلطلي في راسي انت وياها
المهم راكي بخير وربي يبارك فيك حنونة المهم طليتي روطار ولا في الوقت

عزوووووفة اهلااا حنونة توحشنااااااااك هنا بزااااف رمضان كريم

[رقوشة]

صحا فطوركم حبيباتي ربي يتقبل يا حراير
دعولي ننجح الباك ونفرح الوالدين

[أمنية غفران]

السلام عليكم و رحمة الله تعالى و بركاته أخواتي الكريمات العضوات و الزائرات

رمضان كريم و كل عام و انتم بألف خير و صحة و عافية

عتبة مربوحة و بالصحة و الهنا و الراحة عليك اختي ام وسيم الحمد لله الصابر ديما ينال و عاقبة لحوايج اخريين ان شاء الله و ربي يرزق كل مومن باش متمني يا رب

أخواتي راني مريضة بصح راكم ديما في بالي ادعيولي ربي يشافيني و زيدو كملو خيركم و ادعيولي في هادا الشهر المبارك ربي يرزقني بذرية صالحة تقر بيها عيني يا رب ياكريم

.................................................. ............................

حبيباتي ما جيتش بيديا فارغيين جبت ليكم عفسة كنت شفتها و جربتها و عجبنتي قلت لازم نوركم بيها

كامل علابالي كاين في العايلة الي ما يكلوش لوبيا ماشطو امالا هاوليكم هاد الوصفة كيفاه تكلخولهم خاصة الصغار ما يفيقوش خلاص بيها

الطريقة ساهلة ماهلة نتمنى طبقوها في هاد الكوزينة و تردولي الخبر

لوبيا ماشطو بحلة جديدة



الطريقة الاولى

حكمت لوبيا ماشطو اكيد بعد غسلها قطعنها و فورتها لازم تفوريها و من جهة ارحي نصف صدر دجاج و كي تفور هاديك اللوبيا زيدي ارحيها كيما ارحيتي الدجاج و من بعد خلطيهم مع بعض يعني الدجاج و اللوبيا و ضيفي توابل كيما فلفل اسود و ملح طبعا و كمون و زيدي شوية زنجبيل و مغيرفة صغيرة زيت و شوية ثوم مرابي وخلطي حتى تتجانس جميع المكونات

ملاحظة: لازم تكون كمية اللوبيا اكثر من الدجاج

و هنايا غطسي يدك في الزيت و اعملي كويرات و دخليهم للثلاجة مدة صغيرة ادا حبيبتي و من بعد مرمديهم في الفرينة ثم البيض و من بعد في شابليير و تكوني موجدة مقلة الزيت فوق النار مافيهاش زيت بزاف و اقليهم وحطيهم فوق ورق ماص

من جهة وجدي صوص من عظم هاداك الصدر مع بصلة صغيرة مرابية و سنينات ثوم و شوية و ضيفي شوية فلفل اكحل و ملح وقلي مليح و من بعد مرقي و ضيفي وريقة رند و خلي طيب شوية راهي ما طولش

و من بعد حطي هادوك الكويرات في مول الكوشة و ضيفي ليه الصوص و غطي المول و دخليه للكوشة قيس ما تحسيه طاب الدجاج ما يطولش نحي الغطاء خليه دقائق و خرجيه من الكوشة و بصحتكم

الطريقة الثانية

هي فكرة اني وضعتهم في لي غامكا باش ما يزعفوش مني اخواتي نقصد هادوك طويجينات الصغيرونين نتاع كل فرد في العائلة

نفس العملية فقط الكويرات فوريهم قبل ما تقليهم حطيهم في كسكاس بعد ما تدهنيه بالزيت و تفوريهم ما يشدوش الوقت باش نضمنو برك الدجاج يكون طاب و من بعد هنايا قليهم في زيت قليل بـــــدون ما ديريهم في الفرينة و البيض و شابلير
و حضري هادوك الطويجينات ديري فيهم كل وحدة شرائح طماطم في القاعدة و حطي فوقهم على الاقل ثلاث كويرات ديجا هاداك واش يهزو ههههههههههه

و من بعد فرغي عليهم خليط الي متكون من ياوورت طبيعي مخلط مع البيض فيه شوية ملح و فلفل اكحل ادا حبيبتي و دخليهم للفرن قيس ما تشوفي شد روحو و ادا حبيتي فقصي حبة بيض في كل طويجن و زينيه بعرف معدنوس و رجعيهم للفرن يطيب
و بصحتكم





ان شاء الله تكون عجبتكم هاد الوصفة

تحياتي

[حياة نور الدين]

صح فطوركم الزينات
اليوم فطوري كان حريرة وماسيدوان وبريك وبقاتلي جلبانة من البارح وبما انه شعارنا لا للتبذير درتلها تعديلات وشوية ماكياج ههههه
وفلان شكولا وموس الليمون تحففففففة
ودرت خبز روووووعة لحبيبتنا ام انس ربي يخليها



















حبيبتي امنية منورة ولك وحشة وربي يشفيك ويفرج عليك ويرزقك بالدرية الصالحة حنونتي وشكرااا على الوصفة

اختي رقوشة اهلااا وربي ينجحك ان شاء الله

[أم يوسف2]

صح سحوركم حبيباتي

[x ام رحاب x]

السلام عليكم ورحمة الله وبركاته
بصحتكم موائدكم اتشهي تسلم ايديكم انحطلكم دعاء يوم السابع مانقدرش انعلق عليكم راني انموت من ليستومة والضرسة دارو فيا حالة ادعولي حبيباتي

[x ام رحاب x]

دعاء اليوم السابع

اَللّهُمَّ اَعِنّي فيهِ عَلى صِيامِهِ وَ قِيامِهِ ، وَ جَنِّبني فيهِ مِن هَفَواتِهِ وَاثامِهِ ، وَ ارْزُقني فيهِ ذِكْرَكَ بِدَوامِهِ ، بِتَوْفيقِكَ يا هادِيَ المُضِّلينَ .

[merry_mora]

السلام عليكم وجمعة مباركة ان شاء الله

واش راكم ان شاء الله بخيير

رزيقة حنونتي اهلا بيك والله كيما قالت الاخت حياة الكوزينه صامطة بلا بيك الحمد لله لي راكي بخير وتفرح بيك الجنة وربي يعطيك على حساب قلبك الفطيرة راهي تشهي بصحتكم اختي


امينة غفران الله يشافيك ويرفد اعليك وشكرا على التدبيرة حتى انا نحير واش ندير بيها من غير جواز


اختي حياة ان شاء الله راكي بخير وكلشي مبروك ع المزيود والله ماعاابالي يتربى في عزك وعز باباه وربي معاك والاطباق روعة والخبز يهبل جااااك فوور بصحتكم

[merry_mora]

ام رحاب بالشفا عليك اختي والله الضرسة كي نتفكرها لحمي تشوك