الجزء 30من واش طيبتي اليوم؟؟للفحلات تاع المنتدى - الصفحة 10

أم ماجد · 2013-10-02, 08:55

اهلا ناتاسا توحشتك لاه تغيبي علينا ؟
كيف حال ابنك الكبير مع الدراسة ؟
هاهو عشايا البارح رفيس هايل احنا من عاداتنا نحطوه نهار ايجيبوا النعاج للعروسة مع الشوا انا درته البارح باه يقدرني ربي ونجيب خروف العيد هههههههههه
تفاؤل بيه

وهنا سهرت البارح ل12 ليلا من اجل عيون الحمرا ههههههههه

وهاذي صورة قديمة للرفيس في العرس تاعنا
نفس التزيين عمل ايديا وحياة عينيا يمر العيد ونديرولكم موضوع بالتفصيل باه تحضروا من الان لزواج اولادكم ههههه

العدس راهو جهز الهام تتغداي الان قبل مانخرج ههههههه

oum ibrahim · 2013-10-02, 08:56

موااااااااااااحين ليك الهام ههههههه
خلاص كي عادت ما عجبتكش ماكان لاه واثقة من ذوقك

أم محمد تاج · 2013-10-02, 08:58

رووووووووووووووعة أم ماج وضرك نزيد الرفيس في قائمة الأكلات الاقتصادية ( تزيار العيد) هههههههههههههه

إلهام07 · 2013-10-02, 08:58

العدس كولوه انتوما بالاك مايكفيش للغداء ههههههههههههههههههههههههههه

حقة أم ماجد علاه ماتصبريش الطماطم هكذا راهي ماتديش بزاف المكان في الثلاجة ؟

الأمنيات · 2013-10-02, 09:05

السلام عليكم اسعد الله يومكم
غايا جلبانه

إلهام07 · 2013-10-02, 09:07

ام ماجد علاه تعرضي فيا على العدس والرفيس كاين
خليلي صحن مع كاس لبن للغداء ماتاكلوش كلش

حقة نسيت نقوللكم يعطيكم الصحة والله ماشفت حراير كيما انتوما ماشاء الله فحالة وهمة راجعت الأرسيف مالقيت لمن نحط تعليق كل شيء من يديكم متحوف ماشاء الله

إلهام07 · 2013-10-02, 09:09

صباح الخير أمنياتي
سخفتيني بكيكة التمر قوليلي كيفاش جاي طعمها وباين فيها طعم التمر ولا كيفاش وحلوة بزاف ولا لالا

أم محمد تاج · 2013-10-02, 09:10

حبيباتي نروح نسوج سوجة ونرجعلكم
لهووومة وراسك حطيلي رابط قاطو التاج راني شريت البارح لي مول ونشالله نديرووو للعيد على خاطر اقتصادي (تزيار العيد) خخخخخ
ورايحة نهبلك بالأسئلة وجدي روحك
شحال تقطعلك الكمية المكتوبة؟؟ وشحال دالك نواد كوكو؟؟؟؟ الخ لي عودة بعد السوجة

إلهام07 · 2013-10-02, 09:10

البنات اللي سألو على كريمة السميد نتاع ام كوثر نقوللهم هايلة وبنينة ومايبانش فيها طعم السميد
انا كي شفتها خلعت قلت أم كوثر نسات الفاني ، كي طبقتها لقيتها صح ريحتها مليحة ماتحتاجش فاني بصح أنا حطيت زيادة من عندي
ماتخافوش وصفات ام كوثر مضمونة 100/100

tokio hotel · 2013-10-02, 09:11

صباح الخير عليكم كامل اشاء الله تكونوبخير

أم ريمة* · 2013-10-02, 09:12

صباح الخير لبنات كيف الحال ؟؟ ام ماجد لاه تشوى الطماطم قبل وضعها فالمجمد ؟؟ وفاه تستعمليها؟؟انا نفشرها وننزعلها البذور ونقطعها فى لى بوات ونستعملها فى كل شىء شليطة بيتزا محاجب .......
رانا نستناو فالرفيس انتاعك باش نطبقوه الهام واش درتى البارح ؟؟كاش تطبيقات ؟؟؟

الأمنيات · 2013-10-02, 09:14

اقتباس:

المشاركة الأصلية كتبت بواسطة zahra30

مساء الخيير عليكم وصح عشاكم وربي يبارك في موائدكم ما شاء الله على اطباقكم وحلوياتكم
ليدي شكراا حنونة على الرابط بصح قوليلي على الطعم انتاعو كي عاد فيه كريمة بالسميد ؟؟؟؟؟
تعشينا بدل بطاطا كوكوت درت سلاطة بطاطا وكسرة والعنب والحمد لله

امنيات هاهم لي بينيي اللي سييتهم بصح لو كان يضحك واحد منكم يا ويلو

راني اول مرة نجربهم

تبارك الله اختي زهورة خرج مليح البنيي هاتي الوصفه نشوف بلاك نديره اليوم

اقتباس:

المشاركة الأصلية كتبت بواسطة omhadil

سلام رانى جيت نبارك لحبيبتنا الامنيات بالبركة النشاء الله
انا تانى جيت ويديا معمرين

هذا باش تشربو القهوة غدوة انشاء الله

اممممممممممممممممممممممممممم راه يشهي تبارك الله يعطيك الصحة راكي مخلطه السميد والفرينة ولا غير واحد فيهم

اقتباس:

المشاركة الأصلية كتبت بواسطة أنآحلُم

اختي الامنيات مجاوبتنيش كيفاش داير لمول لي خدمتي بيه

سمحي لي ما شفتش سؤالك درك نصوره لك ونحطه لك شريته جديد قلت نجرب بيه عاندت ام ماجد ههههههههههه

اقتباس:

المشاركة الأصلية كتبت بواسطة لمسة حنية

اهلين لبنات مبروكه كوزينة جديدة
منوره بصحابها وعامرة باذن الله

الله يسلمك راها منورا بالفحلات الطيبات تاع المنتدى

أم ماجد · 2013-10-02, 09:14

ام محمد والله رفيس ماهوش اقتصادي خلاص
زبيب وسكر وزبدة وتزيين ولبن بعدي عليه خير لك ههههههههه
الهام مافهمتش حكاية تصبير الطماطم كي نرجع
نتفاهموا خارجة الان وبسرعة نرجع باذن الله مانسوقش لكن ربي يخليلي ماجد مهنيني نور العين
اكم الغدا عدس واجد حار وجاهز
كون تخرج صلاة تتغدى قبل مانرجع
حفيظ من الفراش مباشرة جا يجري يصور معاه تعود ههههههههههه
مازال ماغسلش روحه هههههههههه يموت عليكم
الهام راهو بنين ام مرحبا

الأمنيات · 2013-10-02, 09:20

اقتباس:

المشاركة الأصلية كتبت بواسطة *أم كوثر*

صباح الخير على لحباب
عتبة مربوحة ان شاء الله
ربي يديم جمعتنا في الله هدي
وربي يجعل موائدكم دايما عامرة بالخير
راني شكرتكم كاااكل
وخلاصولي ايقونات الشكر
البقية راكم تسالوا
يوم موفق
غدايا بحول الله بركوكس حاااااااااار ادا مابدلتش رايي

اهلا بالزينة الشافه ديري البركوكس راح زين ومتغيريش الراي

اقتباس:

المشاركة الأصلية كتبت بواسطة natacabell

صباح الخير عليكم مبروك الكوزينة الجديدة ٠توحشتكم كااامل يووو القاءمة طويلة٠٠٠٠٠ان شاء الله تكونو كامل لاباس٠لي مريض ربي يشفيه٠و لي راح تزيد ربي يعطيها وقفا سهلة٠ولي معندهاش ربي يرزقها٠ان شاء الله٠
ان ليوم ندير بركوكس و بس٠ ولامونة تع حبيبتنا الوهرانية

واش راها حمى البركوكس راكم زوج ام كوثر وانتي هههههههههههههههه
كي طيبي هاتي نشوفوا

اقتباس:

المشاركة الأصلية كتبت بواسطة oum ibrahim

صباح الخيرات حبوبات كيف احوالكم لاباس
امنيات مبروك العتبة الجديدة
البارح خلاص الاشتراك نتاع النت اليوم فات عليا عام هههههه
الغدا ما نطيبش صايمة انا و سي السيد
بنات الي عندها رابط مربعات الشفلور تفيدني بيه بلاك نديرو للفطور

هداك يقولو له ادمان ههههههههههههههمنين يروح النت نهبلوا
ربي يتقبل صيامكم ادعيلنا معاك

الأمنيات · 2013-10-02, 09:23

اقتباس:

المشاركة الأصلية كتبت بواسطة إلهام07

صباح الخير أمنياتي

سخفتيني بكيكة التمر قوليلي كيفاش جاي طعمها وباين فيها طعم التمر ولا كيفاش وحلوة بزاف ولا لالا

شوفي الهام انا ولادي ما يحبوش تمر في القاطو ..........منين درته مع الحليب مكسيته مليح
وخلطته تحسبيها فيها شوكولا وماتجيش حلوة بزاف وخفيفة وطعمها مليح عجبتني صراحة ما كانش طعم التمر