ȌỒ بستان الفراشات ❀ تعلم الخياطة ① الباترونات ỐŐ - الصفحة 10

بعيدة المنال · 2015-08-12, 14:11

مساء الخير أستاذة أنا آسفة على التأخر الذي كان بسبب غيابي في البداية ثم لما رجعت فسدلي البورتابل باه نصور تطبيقي
هاهو التطبيق وإذا لازم نكتب الحسابات على الباترون نعاود خدمتي راني بديت بالسهل وهو باترون طفلة 10سنوات وإذا نجحت فيه ندير واحد لبنتي الكبيرة

بعيدة المنال · 2015-08-12, 14:17

وهذا الفستان جربت نستعجل الأحداث ونطبق الباترون :

وفاء الياسمين · 2015-08-12, 17:42

ماشاء الله روعة الفستان
و الباترون صحيح
لكن ملاحظة فقط
انحناءة اليدين لما تكون فستان للكبار راح تكون انحى من هذا يجب ضبطها جيدا
لاحظي في الرسومات في الصفحة الاولى كيفاش تكون الانحناءة
في الكبار تبان اكثر من الصغار
ماشاء الله عليك بالتوفيق حبيبتي عن قريب نزيد نحط درس اليدين بإذن الله لكن قبل نشوفوا تفاعل الاخوات

غزالة1 · 2015-08-12, 18:26

السلام عليكم
بارك الله فيك يا ام نسيبة راكي عملتي خير كبير في النساء و منهم انا فهدا احد احلامي ان اتعلم الخياطة و اتقنها ان شاء الله سانظم اليكم عندما تسمح لي الفرصة
بعيدة المنال لقد باركت لك في موضوع حبيبة على الباك و اعيدها هنا و ازيد عليها مبروك اخرى راكي خياطة و نص انا نمدلك الدبلوم سلمت يداك يا الفحلة
سلام العصابة تناديني

وفاء الياسمين · 2015-08-12, 19:55

و عليكم السلام و رحمة الله و بركاته
أهلا أهلا أهلا غيبة طويلة عاش من شاف اسمك غزالة المنتدى
تشرفت جدا بمرورك
بالتوفيق و اي استفسار انا في الخدمة

بعيدة المنال · 2015-08-12, 21:32

الله يبارك فيك يا حبيبتي يا غزالة المنتدى والعقوبة لأحبابك ـ وينا مستوى يقراو وليداتك ـ ؟

بعيدة المنال · 2015-08-12, 21:34

أما عن الخياطة راني في أول الدرج نددش ومابانتش عيوبي فيها لأن الفستان صغير الحكم الحقيقي وفريهلي في فستان الكبيرة

بعيدة المنال · 2015-08-12, 21:45

[quote]شكرا لك يا أستاذتي رأيك شجعني أكثر مع علمي بالنقائص الكثيرة في عملي لكن سأعتبرها البداية التي أتمنى أن تأخذي فيها بيدي للوصول الى الاتقان إن شاء الله
سآخذ ملاحظتك القيمة في البترون القادم والذي سأخصصه لنموذج كبير كي أتمكن من الالمام بالتفاصيل الدقيقة ولك مني دعيوة خير من قلبي

وفاء الياسمين · 2015-08-13, 06:43

ربي يبارك فيك حنونة بالتوفيق
وفقنا الله

غزالة1 · 2015-08-13, 18:11

السلام عليكم
سلامي الحار للجميع
ردا لك يا ام منال ان عندي ولدان في المتوسط ( مهبليني بسلامتهم )و بنت في الابتدائي و اخرى في الروضة و الاخير يجري معايا في الدار وين نروح لاحقني هههههههه
ربي يقدرنا و يصلح حالنا و كل بلاد المسلمين
نروح لا تجي عجوزتي هي ماتحبش نغيب عليها
سلام

إيمانDZ · 2015-08-14, 08:06

ربي يجازيك كل خير اختي أم نسيبة....
و الله...مشكوووووووووووورة على التفاصيل الدقيقة...
خاصة les emmanchures ...أنا دايما عندي مشكل في تطابقها مع les manches.....بصح..مع الشرح اديالك...ان شاء الله...راح نجيبها سواسوا.....ههههه....
بوووووووووركت اختي.....
في ميزان حسناتك ان شاء الله....

sarita22 · 2015-08-14, 13:41

يعطيك الصحة اختي رايحه نهبل على لخياطة راجلي كسرتلو راسه حبيت نروح نتعلمها ونحبس الخدمة ونرجع خياطة
نربي بنتي قدامي تعلمتها كي كان عمري 17 سنه عند جارتي الله يذكرها بالخير مي دوك نسيت لازم نعاود نتعلمها
مي لازم تسعفينا راسي خفيف مي مش كيما تتعلمي قدام الشخص من الانترنت صعيبة شوية ربي يوفقنا ان شاء الله
نتعلمو على بركة الله

حبي لأمي · 2015-08-14, 17:31

غير زيديلنا الدروس انا وحدة من الناس راني متابعة في صمت
المشكل ما عنديش باه نصور على ذاك راني نحاول بالشوي

وفاء الياسمين · 2015-08-14, 21:35

السلام عليكم
مرحبا بالوافدات الجديدات تشرفت بانظمامكم للدورة
اقراو الدر الاول مليح و دونو استفساراتكم و ارسمو الباترون و من بعد ربي يفتح
بالتوفيق

أم تغاريد · 2015-08-15, 15:47

بارك الله فيك أختي أم نسيبة
ربي يوفقكن أخواتي
رووووعة سألتحق بكن إن شاء الله لكني أحتاج مساعدة ضروري باش نشري ماشينةhttps://www.djelfa.info/vb/showthread...post3994107271
ردو علي ربي يجازيكم خير