الكوزينة 43 من واش طيبتي و ابدعتي اليوم / كواليس ** كواليس حصريا لفحلات الجلفة - الصفحة 10

princesse raja · 2013-12-03, 08:44

ما شاء الله يعطيكم الصحة0وان شاء الله البيبي يترب في عزكم
وبناتك يهبلو
بصح قوليلي شكون الحادقة اللي غسلت لماعن

أم محمد تاج · 2013-12-03, 08:45

من عيوني برووووقة
بوراك لاكرام فراش
قلي بصلة صغيرة مع شوي لحم مرحي وملح وفلفل أسود كي يطيبو لوحي عليهم شوي معدنوس وخليهم بجيهة
ومن جهة أخرى غلي حبة بطاطا وملحيها كي طيب صفيها مليح من الماء تاعها وأرحيها غير بالفرشيطة ضيفيلها أربع فرماجات ومعدنوس نموت عليه في البوراك وبيضة وملح وفلفل أسود ونص كاس كرام فراش راح يجيك الخليط جاري ماتخافيش ضيفيلو اللحم تاعك وحطيه في الثلاجة حتان يبرد مليح ويتماسك ومايش راح يتماسك بزاف ماتخلعيش كي يبرد حطي مقدار ثلاث مغارف من الحشو ولفي البوراكة تاعك وحطيها طيب وضرك كي طيب تحكم روحها لاكرام فراش ويصبح هكذا والله بنة هايلة وتغييير مممممم وماتنسايش القارص رووووعة مع لاكرام فراش

عطرالذهب · 2013-12-03, 08:46

صباح الخير حبيباتي
بسملة ما شاء الله كوزينتكم رائعة وماكولاتكم تشهي ما خليتيلنا ما نحطو الله يبارك ومبروك على خوك المزيود وربي يحفضلك هاذوك لعرايس يهبلو ما شاء الله لعقوبة كي يفرحك ربي بخوهم راهي فرحة ما بعدها فرحة وسقسي لمجرب
انا ليامات هاذو مشغولة مع امتحانات بناتي ربي يوفقهم و عندي شوي ميناج اسمحولي
بسملة تسالي حاجة حلوة نحطهالك في كوزينتك ولو انها سكر زيادة بابداعات الفحلات

أم محمد تاج · 2013-12-03, 08:50

حقة جبتلكم البوتي فوور روووووعة هاي ليكم الوصفة
هي كيعاد باتيسري مدت كونتيتي كبيرة
400 غ فرينة
200 غ سكر قلاصي
500 غ مارقارين طرية
50 غ مايزينة
10 غ خميرة كيميائية
وفاني وسوريز كونفي
خلطو كيما العادة وطيبوه كيما العادة وزينوه بنص حبة سوريز كونفي من الفوق

zahra30 · 2013-12-03, 09:08

صباح الخيير عليكم كامل اللي حاضرين واللي راح يلحقو امبعد وان شاء الله تكونو كامل بخييير
ما شاء الله على طياباتكم وحلوياتكم وربي يبارك فيها وكل وحدة باسمها
الاسبوع هذا راهو انتاع لولاد ربي يوفقهم جميعا واتهلاو في اولادكم مليح مليييح
حقى جربت العجينة انتاع ام راضية خرجت ما شاء الله مورقة ومقرمشة بصح الشكل اللي اخرجلي فنيييييعة حاشى الرزق مافهمت فيها واااااالو
حاجة البنة رووووعة على هذيك كلاوهم سينو ؟؟؟؟؟؟؟؟؟؟؟
وهذي في خاطر طووووومة تفكرتها كي درتهم خخخخخخ
ايمانووووو مبروووك التثبيت تستاهلي

اقتباس:

المشاركة الأصلية كتبت بواسطة رياحين الجزائر

لبنات حبيباتي اللي دارت بريوش ام اماني ممكن المنقادير بالمغرف ولا كاس لانو ماعنديش ميزان على قول اخت انسيت اسمها عاونو خوكم هههههه

اختي رياحين شوفي في الوصفة تلقايها في الصفحة الثانية جابلي ربي

اقتباس:

المشاركة الأصلية كتبت بواسطة ام اياد 2013

صباح الخيرات عليكم راكم فووور بزاف ربي يبارك فيكم انا جديدة معاكم انشاله تقبلوني هههههه

مرحبااااا بيك حنونة ومرحبا بالحامل والمحموووووول ههههههه

اقتباس:

المشاركة الأصلية كتبت بواسطة ام زكريا2

ماشاء الله زهرة خاصة الطمينة ممممممممممممممم

شكراااااا ام زاكوووووو ربي يخليك حبيبتي

اقتباس:

المشاركة الأصلية كتبت بواسطة أم ماجد

ربي يحفظ ويصوووون وموااااح وبصحتك ياعمري مواااااح
ام ماجد واش بيك ماعدتش كيما بكري ؟ ولا خلاصولك ليبيل في الماتش خخخخخخ

اقتباس:

المشاركة الأصلية كتبت بواسطة بريق الامل&

هاهو جا التشيز كيك قلت بلاك تاع دادو ما يكفيش ورانا بزاف بسلامتنا هههههههههه

زدتلو شوية جوز للبسكويت ممممممممم

ما شاء الله بروووقة تطبيقاتك ممتازة تزيدي في الاساس بصحتكم

اقتباس:

المشاركة الأصلية كتبت بواسطة ام ساجد

الله يبارك ماشاء الله عليكم بسملة كلشي حطة

مبروك البيبي وربي يحفظ ولعقوبة ليك اختي

بعد هاذ الخير وش من طياب راح نحطوه هههههههههه بصحتكم ونعمة دايمة

هذا باروك الكوزينة

ام ساجد بصحتكم
صدقي ولا ما تصدقيش والله غييير نوحشتك هههههه ما فهمتش ما عدتيش تدخلي كيما بكري ان شاء الله تكوني بخيييير موااااح

أم محمد تاج · 2013-12-03, 08:51

أم نور وجمان يعطيك الربح صباحووووو والله ماشفتك حنونتي وراني رايحة نعاود نراجع والقراتان عجبكم؟؟؟؟ بصحتكم حنونة

إلهام07 · 2013-12-03, 09:22

صباح الخير عليكم

فايزة44 ماشاء الله حلزياتك روووووووعة فنانة فنانة تقول نتاع مجلة ربي يحفظك من عينيا

سيد علي يعطيك الصحة سخفتيني بالكيك نتاع الميرانق نحب الميرانق بزاف ممممممممممممم

أم زكرياء يطيك الصحة قداش وأنا نقول نجرب حلوة النيستلي نتاع ام اماني بصح عندي مول قلوب كيما انت
نموت على حلويات النيستلي مممممم راني هزيت حقي

زهرة يعطيك الصحة مانحبش الطمينة راني ديت صحن الكعيكعات

مممممممممم لموسة نموت على الرولي خرجلك 444444خاصة مع الكاراميل ممممممم قوليلي واش من وصفة طبقتي ؟

حنان كل شيء بالطبع يعطيك الصحة القريوش خرجلك والنقاش راكي تهليتي فيه بصحتكم

أم ساجد التحلية "جنان " أقرايها بلمصري واش هي ؟

مممممممممم دادو التشيز كيك عشقي الأبدي في الحلويات خسارة ماخليتيليش وعععععععععععع

السلفية الصغيرة اختي أطباقك روعة قوليلي كيفاش درتي هذوك العجيجات المقليين ؟ وربي يشافيك الأرنوب نتاعك

بروقة مممممممممممم تهبل التيز كيك بصح فاش ماتفكرتينيش حتى بعضة

طزكيو بصحتكم الجاج
بص اللي عجبني أكث التوست خرجلك وصفة جديدة وغريبة بصح له ماتحطيش وصفاتك في مواضيع باش مايتودرولناش ونلقاوهم بسهولة؟

حنان البريوش خرجلك يهبل بصح سخفوني لي كروكات يهبلو نموت عليهم باينين بنان كي عادو بالكامومبير مممم

سعاد التارت تهبل تهبل الله يبارك عليك راكي فنانة فيهم قداش استعملتي شانتيي؟
ديما كي ندير تاتر إما ماتكفينيش أو تبقى بزاف بالزايد

فاتي بصحتكم الحساء بصح هاني الباتيسري مممممممممم يم يم وين راهو حقي ؟

أختي عاشقة الجنة بصحتكم اعطيني شوية من هذاك القاطو نموت عليه
الصابلي نتاع الزيت ماتبسيهش بالفرينة وحذاري يطيب بسرعة واخيرا خبيه في علبة مغلقة يرجع طري

المبتدئة بصحتكم المعجنات نموت على العجين المورق ممممممم بصح من داخل هايلة وفارغة وطيابة مليح ماشي معجنة
كانعرف غير أنا اللي تبانلي بالعجين المورق كي نديروه في المجمد مابقاش بنفس الجودة نتاع الجديد وانت واش رايك ؟
حقة تبانلي ماغلقتيش مليح الجوانب وراهي تنتفختتحل بصح مليحة يعطيك الصحة

ممممممممممم ام نجم البطبوطة هههههههههههههه
نموت على العجين وين كان هههههههههه جربتو مرة من موقع مغربي بصح جاني معجن ماعجبنيش كيفاش درتيه ؟

أم إياد أهلا بيك وسطنا

أم محمد تاج ضحكتيني قتلك لازم مقلاة ماتلصقش بصح مليح اللي رجعتيهم بان كيك كون انا تعرفي نقلق بزاف نرميه مانقدرش نبقى نشوف معاه
بصحتكم البوراك خرج انا حابة نجرب بوراك البيشاميل والدجاج سخفانا عليه وعمري ماذقتو ههههههههههههه

أم ياسين الزهراء · 2013-12-03, 08:55

صباح الانوار

ام محمد هدا وين فقتي بالبوراك والكريم فراش راحت عليك هداك اختصاصي وانا نستعمل تاع باتنة هايلة بصحتك

بروقة هبلني الشيز كيك يعطيك الصحة ومازلت نستنى في ردك على الدنتال نهبلك ولا ماتعرفنيش ههههههههههه

ودوقى للتقرعيج

بسملى كوزينتك بابك روعة الله يبارك يجعلها للأفراح يارب

اولا واش دير مشينة تاع الغسيل فوق البوتاجي وشكون اللي رفدها اكيد رافع الاثقال ههههههههههههههههههه

دار بابك ماعندهمش بيترا ههههههههههههههههههههههه

شكون المسكينة اللي غسلت المواعن ييييييييييييييييييييييييييي بزاف هدوك خدمتي في الاعراس هههههههههههههههه

وفي الاخير الله يحفظ الدرية ويجعلها صالحة وربي يخليلك باباك ويفرح بوالد ولادو

أم محمد تاج · 2013-12-03, 08:56

صباحوووووووووووو عطورة ونهارك مبروووك نشالله
أم ياسوو راهي من وراء الكواليييس هههههه هي والجماعة

Oum yousra · 2013-12-03, 11:51

صباح الخير إليكم جميعا البارح مادخلتش اليوم جيت لقيتكم خرجتو من كوزينة و دخلتم في وحدة ربي إنشاء الله تكون مربوحة علينا و مليانة بالحب و الأخوة بسملة كوزينتكم تهبل والمولود الجديد الله يبارك ربي يصونو انا اليوم زدت عاودت المحاجب بغاوهم الأولاد . . . و هادا بقالي شويا عجين درتو مسمن ماتضحكوش اعليه

Oum yousra · 2013-12-03, 11:53

أهنأ راهم في المقلة يطيبو

أم ياسين الزهراء · 2013-12-03, 08:57

غدايا سباقيتي والسردين بالتتبيلة اشفاي الهام مدام سردينة البارح بقول اليوم عجائن وسردين وغدوة الله اعلم

والحلو مازال ماقررتش

أم ياسين الزهراء · 2013-12-03, 08:58

اهلا ام محمد واش راكي صايمة

<نَجْمَاتْ> · 2013-12-03, 09:00

صباح الخير ام ياسين انا غدايا شطيطحة مخ وبطاطا مقلية والحمد لله

أم محمد تاج · 2013-12-03, 09:02

أم ياسووو مازالني صايمة حتى لنهار لخميس ونخلص