حلوة الغربال أو السيار هااااااااايلة - الصفحة 10

الصوامعية · 2011-08-17, 17:15

اقتباس:

المشاركة الأصلية كتبت بواسطة فتاة مسلمة

بارك الله فيك
والله سهلة ومليحة

وفيكي بارك الله أختي شكرا على الرد نتمنى تجربيه للعيد .

الصوامعية · 2011-08-17, 18:00

اقتباس:

المشاركة الأصلية كتبت بواسطة el-hanouna

اختي راني جربتها وعجبتني بزاف الله يعطيك الف عافية بسح راني حابة نزيد ندير ومسحاقتو اليوم ادا كاش معندك مدال واحد اخر زيد اعطيني وساهل وميديش الوقت ومراحش ننسا هد الخير و صحا فطو رك يااختي العزيزة

[COLOR="Magenta"]شكرا على الثقة لدرتيها فيا وجربتيه.
أما فيما يخص مودال أخر ساهل و ميديش الوقت راني متفكرا هذا النوع
هي عجينة عجيبة تقدري دري بيها شعال من مودال واحد مايمرقلكش بلي هذو الانواع قاع بعجينة وحدة
المقادير :
6 حبات بيض
6 كاس أتاي سكر
6 كاس أتاي زيت
3 خمارة كميائية -فاني -zest نتاع الليمون - 2 مغارف كبار مايزينة - فرينة حتى تتلم للعجينة
التحضير: [/U]
[SIZE="4"]في صحن عريض حطي بيض + سكر + زيت +فاني + zest خلطي مليح الكل مع بعض ثم زيدي المايزينة و الخمارة و الفرينة حتى تتلم و تولي طرية خليها تريح شويا ثم شكريها كالتالي عندك 4 إختيارات النوع الآول:أصنعي العجينة كريات صغار نفس الحجم دري فيهم ثقبة في الوسط دخليهم للفرن كي يطيبو أغطسيهم في العسيلة ورمديهم في الكوكاو او.....و الثقبة عمريها بالمعجون .
النوع الثاني : حلي العجينة بالحلال قطعيها دوائر بالطابع أو الكاس دخليهم للفرن كي تطيب لسقي حبة مع حبة بالمعجون الحبة الفوقانية دريلها الطلية اللون لتحبيه
[U]النوع الثالث :أصنعي العجينة على شكل حربوش في وسطو ديري العقدة نتاع الكوكاو ثم أغلقيه مليح ثم قطعيه مقروطات دخليهم للفرن كي يطيبو عسليهم و رمديهم في نوادكوكو أو الكوكاو
النوع الرابع : أصنعيهم كريات صغار نفس الحجم أغطسيهم في بياض البيض ثم في الجلجلان او لوز إفيلي دخليهم للفرن كي يطيبو عسليهم و هوما سخونين .
نتمنى أختي نكون أفدتك وإن شاء الله يعجبوك هذو الآنواع وراني متأكدة بلي واحد مراهو رايح يمرقلك و صح فطورك و نتمنى تدعيلى أختي ربي يكملي واش راني متمنيا .