الأكاديمية العسكرية شرشال( يوميات طالب)

[seosa media]

المشاركة الأصلية كتبت بواسطة nedjme54

[font="arial black"]s[/fontالسلام عليكم بارك الله فيك seosa media....عندي سوال ...انا سجلت في القواة البرية شرشال و عيطولي قالو 11 اوت تجي تفوت الكونكور و تجيب البدلة الرياضية. باه تعكب امتحان الرياضة.... ما هو امتحان الرياضة و هل يتطلب لياقة عالية؟؟

وعليكم السلام ورحمة الله تعالى وبركاته

فحص طبي ونفسي وبسيكوتقني ورياضة
الرياضة سباق 200 متر
جري مسافة 2400 متر أو تجري لمسافة 12 دقيقة ويشوفلك قداه درت الدورة .. مثلا 3 دورات
حاول تبدل مجهودك أخي
ليست بالصعبة ... بعد قبولكم راح تدخلوا في تدريبات ربما راح تكون على البعض شاقة
ولكن ليدير الرياضة نظن قادر عليها
وشاقة يعني واحد ماكانش يدير الرياضة
راح يحس بألم في رجليه ( المفاصل ) ولكن بحول الله تكون مؤقتة راح توالف إن شاء الله
ربي يوفقكم كامل
توكلوا على ربي
(:

[seosa media]

المشاركة الأصلية كتبت بواسطة حنك كسره

السلام عليكم
أخي عندي سؤال أن شاء الله نصيب الأجابة عندك
أنا كي شفت الدليل تاع الشهادات الجامعية
لقيت أذا كنت تقرا هندسة ميكانيكية لازم يكون عندك مستار 2 وعدة تخصصات أخرى حتى تلتحق بالجيش
لكن صديق لي في شرشال قالي كاين جابو غير ليسنس ودخلو
ممكن تفهمني صديقي جزاك الله كل خير

وعليكم السلام ورحمة الله تعالى وبركاته
اخي هذه هي الشروط

Conditions de recrutement
- Agé de 24 ans maximum au 31/12/2015 pour les candidats ayant le diplôme d'Ingénieur ou Master ;
- Ne pas dépasser 23 ans au 31/12/2015 (pour les licenciés système classique);
- Avoir au maximum 19ans plus les années de formation pour les médecins généralistes et les praticiens spécialistes.

[Derouaz]

المشاركة الأصلية كتبت بواسطة seosa media

وايضا القوات الجوية عندهم اختبار لاختيار اشكون ليقراو باه يوليو طيار أو تخصص اخر

هذا الاختبار وكتاه؟ ماتقولليش برك في اخر السنة في شرشال
يسما هكذاك يحشيوهالنا نجيو الباك بجيد جدا معا اللخر يبعثونا مضلليين في الجبل ولا كيفاه؟؟
لالا يا سيدي يقولونا من درك باش الواحد يدير حسابو

[seosa media]

المشاركة الأصلية كتبت بواسطة Derouaz

هذا الاختبار وكتاه؟ ماتقولليش برك في اخر السنة في شرشال
يسما هكذاك يحشيوهالنا نجيو الباك بجيد جدا معا اللخر يبعثونا مضلليين في الجبل ولا كيفاه؟؟
لالا يا سيدي يقولونا من درك باش الواحد يدير حسابو

نظن هكذا أخي

[samico1996]

خويا seosa media تنصحني بالقوات البرية ويلا مكالاه ?

[seosa media]

المشاركة الأصلية كتبت بواسطة samico1996

خويا seosa media تنصحني بالقوات البرية ويلا مكالاه ?

تجد البعض يقلك ماهيش مليحة
وتلقى البعض يقلك مليحة
كاين ليقلك تخدم في الجبل وكاين ليقلك في الصحراء
وربما هكذا النظرة لهازها البعض على القوات البرية
كل واحد وكيفاه كاتبلوا ربي
تقدر تعيش فيها أفضل من واحد أخر ( قوات جوية أو بحرية ....)
القوات البرية فيها تخصصات منبعد
لا أعرفها كلها
مدرعات، نقل ، مشاة...
أنا ننصحك تصلي صلاة الاستخارة
وقرر وروح
ننصحك حاول تتفادى كلام الناس
او كل واحد يعني بغناه
التعب أو يزول
أنت حاب تدخل أعرف بلي فيها تعب
ولكن أتأكد بلي يزول إن شاء الله
وراح تولي خدام وتخلص
بالتوفيق
أي سؤال أخر راني أهنا أخي

[samico1996]

بارك الله فيك اخي الكريم انت راك فيها !

[MEHDI MEHDI]

السلام عليكم
متى يتم الاتصال باللذين سجلوا في القوات البحرية ؟؟؟

[ماري]

المشاركة الأصلية كتبت بواسطة MEHDI MEHDI

السلام عليكم
متى يتم الاتصال باللذين سجلوا في القوات البحرية ؟؟؟

نفس الاستفسار.....

[حنك كسره]

المشاركة الأصلية كتبت بواسطة seosa media

وعليكم السلام ورحمة الله تعالى وبركاته
اخي هذه هي الشروط

conditions de recrutement
- agé de 24 ans maximum au 31/12/2015 pour les candidats ayant le diplôme d'ingénieur ou master ;
- ne pas dépasser 23 ans au 31/12/2015 (pour les licenciés système classique);
- avoir au maximum 19ans plus les années de formation pour les médecins généralistes et les praticiens spécialistes.

إيه أنا ثان شفت الشروط ودليل لكن بزاف جايبين ليسنس ل م د ودخلو دون مشاكل

[salehauressien]

اخي seosa media انا عيطولي القوات البرية يوم 9 اوت و ايلا قبلونا يحكمونا و الله اعلم
انا عقبت لفيزيت و الرياضة في مدرسة الاستعلام و الامن ( امن الجيش ) و حابها هي . بصح كون ماتصحش ندير قوات برية
خفت نروح قوات برية اومبعد يعيطولي تاع الامن و نكون دخلت و منقدرش نعاورد نخرج من قوات برية و ندخل امن
فهمني فهاد الوضعية الله يجازيك راهي تالفتلي

[seosa media]

المشاركة الأصلية كتبت بواسطة حنك كسره

إيه أنا ثان شفت الشروط ودليل لكن بزاف جايبين ليسنس ل م د ودخلو دون مشاكل

إذا أنت ليسانس حاول اخي التسجيل

[seosa media]

المشاركة الأصلية كتبت بواسطة salehauressien

اخي seosa media انا عيطولي القوات البرية يوم 9 اوت و ايلا قبلونا يحكمونا و الله اعلم
انا عقبت لفيزيت و الرياضة في مدرسة الاستعلام و الامن ( امن الجيش ) و حابها هي . بصح كون ماتصحش ندير قوات برية
خفت نروح قوات برية اومبعد يعيطولي تاع الامن و نكون دخلت و منقدرش نعاورد نخرج من قوات برية و ندخل امن
فهمني فهاد الوضعية الله يجازيك راهي تالفتلي

أهلا أخي أنا سقسيت واحد وجاوبني بلي يقدر الطالب يدخل مع القوات البرية ومنبعد ينسحب ( يديزيستي ) ....يعني تولي مع أمن الجيش...ربما فيها مغامرة
... انتظر ل 7 أو أوت ربما يتصلوا بيكم ...إن شاء الله فيها خير
سلاح أمن الجيش ( الديسياسة) عام تكوين عسكري قاعدي مشترك في ملحقة عبان بشرشال ومنبعد كي يفض العام تولوا للأكاديمية العسكرية بشرشال
والله أعلم

[islamnd]

بارك الله فيك اخي الكريم انت راك فيها !

[Abdzno]

اخى ادا سجلت فى عدة مدارس واتصلت بيك وحدة قلتلهم نعم باش تروح معاهم وبعدها اتصلت مدرسة اخرى ونتا راك حابها
واش دير ؟ تعاود تعيط للمدرسة الاولى تقلولهم بطلت ؟