~ ~ ~طلباتكم مجابة بإذن الله ~ ~ ~

[زينب 83]

واشمن كرام حبوبة اذا ممكن الصورة

[ام سراج وملاك]

المشاركة الأصلية كتبت بواسطة nadjet boumaraf

لبنات ربي يعيشكم شكون توريلي لاكرام هديك يلي بالألوان لي يحطوها فوق لمادلان هبلتني...ربي يحفظكم

اختي انا نديرو بصح نستعمل كرام شونتي 100غ كرام شونتي + كاس حليب بارد + باط فلان ذوق فرولة نطلعهم بالبتار ومبعد نحطهم في بوش ونزين من فوق واذا حبيتي ذوق موز 100غ كرام شونتي + كاس حليب بارد + فلان ذوق فاني لاروم نتاع الموز قطرة صغيرة واذا اردت ذوق شيكولا باط فلان شيكولا مع كرام شونتي ولحليب وتقدري تعوضي لفلان بالياؤوورت عادي اي ذوق تحبيه فراز او موز او دانون شيكولا يعني تنحي لفلان وديري 100 غ كرام شونتي وتفرغي الياؤورت في الكاس والباقي كمليه حليب وطلعي بالبتار ان شاء الله تكوني فهمتني واذا قصدك حاجة اخرى حطيلنا الصورة انا هاذي هيا لكريمة لي نديرها فوق المادلان

[لميس اميرة]

المشاركة الأصلية كتبت بواسطة nadjet boumaraf

لبنات ربي يعيشكم شكون توريلي لاكرام هديك يلي بالألوان لي يحطوها فوق لمادلان هبلتني...ربي يحفظكم

السلام عليكم اختي


حبيت نجاوبك

تحكمي لابوش نتاعك ديري فيه القمع لي رح تخدمي بيه

ثم أحكمي الألوان لي حابة زوج 3 4 او حتى خمسة و جيبي بانسو يكون رقيق و ديري خطوط بالالوان من قدام القمع حتى للوسط و دخلي الكريم شونتي تكون بيضاء غير بالشوية بموس رقيق بلاما توسخيها او تقيسي الالوان الاخرى لما تضغطي رح تتحصلي على كريمة بيضاء و في وسطها خطوط ملونة





او تحطي كل لون في بوش صغير و تربطيه مليح ثم تقطعيه و تحطيه في بوش اكبر فيه القمه و تربطيهم مع بعض لما تضغطي رح يخرجلك من كل كريمة لون

[maram mery1]

السلام عليكم
اختي زينب موضوع هايل ان شاء الله كل الاخوات يفيدوا و يستفيدوا
انا ان شاء الله هاذ الاسبوع ندخل في شهري و حابة نوجد حلاواتي وحدي قلت اندير غريبة الكوكاو و مخبز تاع حرة الاغواطيو و حلوى الجنجلانية باللوزللشيف ام اماني في مول السيليكون,,,,,,,,,,,
السؤال........واش رايكم في اختياراتي؟و هل نقدر نبدا هاذ الويكاند وانكونجوليهم؟او انحطهم في الفريجيدار؟؟؟؟؟الحقيقة الكونجيلاتور تاعي صغير ما يهزش؟؟؟؟
رابط الغريبية تاع ام اماني ما لقيتوش يا ريت تعطوهولي؟؟
بالنسبة للطلية كانت ام امان في احد مواضيعها قالت انها كانت تستعمل وحدة و بدلتها لانوا الجديدة احسن و ما تيبسش.....نسيت وين قريتها؟؟؟و ياريت تعطوني الطلية الاحسن؟؟؟
سامحوني على الاسئلة الكثيرة اختكم مبتدئة لكن اتحب الطبخخخخخخخخ

[maram mery1]

المشاركة الأصلية كتبت بواسطة maram mery1

السلام عليكم
اختي زينب موضوع هايل ان شاء الله كل الاخوات يفيدوا و يستفيدوا
انا ان شاء الله هاذ الاسبوع ندخل في شهري و حابة نوجد حلاواتي وحدي قلت اندير غريبة الكوكاو و مخبز تاع حرة الاغواطيو و حلوى الجنجلانية باللوزللشيف ام اماني في مول السيليكون,,,,,,,,,,,
السؤال........واش رايكم في اختياراتي؟و هل نقدر نبدا هاذ الويكاند وانكونجوليهم؟او انحطهم في الفريجيدار؟؟؟؟؟الحقيقة الكونجيلاتور تاعي صغير ما يهزش؟؟؟؟
رابط الغريبية تاع ام اماني ما لقيتوش يا ريت تعطوهولي؟؟
بالنسبة للطلية كانت ام امان في احد مواضيعها قالت انها كانت تستعمل وحدة و بدلتها لانوا الجديدة احسن و ما تيبسش.....نسيت وين قريتها؟؟؟و ياريت تعطوني الطلية الاحسن؟؟؟
سامحوني على الاسئلة الكثيرة اختكم مبتدئة لكن اتحب الطبخخخخخخخخ

بارك الله فيك اختي ام رجا على الرد و على النصيحة راني حقا محتاجتها
و يا ريت باقي الاخولت يجاوبوني على باقي الاسئلة .....على بالي راهم بزاف اتقاسموهم بيناتكم
هيا اختي زينب .ام ياسين,,,و الكل هيا نشاط

[oum islem]

الاخت maram mery حضري حلوياتك من الان وما تخبيهاش في المجمد ما تخسرلكش لانو مش الصيف لكن المخبز نظن ييبس لو يبقى وقت طويل بدليه بنوع بالشكولا او مقروط قد ما يبقى ما يصيرلو والو فقط خبيه في مكان بارد يعني وين ما يكونش الشوفاج وطبعا مش في المطبخ وربي يسهل حملك ووضعك ويرزقك الذرية الصالحة امين

[oum radja]

المشاركة الأصلية كتبت بواسطة oum islem

الاخت maram mery حضري حلوياتك من الان وما تخبيهاش في المجمد ما تخسرلكش لانو مش الصيف لكن المخبز نظن ييبس لو يبقى وقت طويل بدليه بنوع بالشكولا او مقروط قد ما يبقى ما يصيرلو والو فقط خبيه في مكان بارد يعني وين ما يكونش الشوفاج وطبعا مش في المطبخ وربي يسهل حملك ووضعك ويرزقك الذرية الصالحة امين

هاذاك المخبز بالذات مايجيش يابس كل مايقعد يزيد يطرا خاصة اذا درات قلاصاج مليح
انا دايما ندير زوج مغارف زيت مايجيش يابس

[om kamilia]

عائشة ماعنديش علم ختي ماجربتهاش بصح انا مانستعملش بزاف القياساب عيني ميزاني رب يعاونك

[oum radja]

اختي مرام ميري بما اني جربت مخبز حرة الاغواطيات عدة مرات بغيت نعطيك نصيحة الكاس لي تعبري بيه ماديريهش كبير سيرتو الحليب على خاطر تجيك العجينة جارية وتولي تزيدي في النوادكوكو والكوكاو حتى تسماط العجينة ديري كاس متوسط ولا صغير احسن
و الطلية دايما ديري فيها مغرف زيت باش ماتجيكش يابسة
و القاطو اذا قعد في بلاصة باردة ماتخافيش عليه ماشي شرط تكونجليه وانا تبانلي كي تدخلي شهرك اخدمي القاطو تاعك على خاطر ممكن تزيدي في بداية الشهر التاسع انا هاكا كنت ندير وعمري مافسدلي القاطو تاعي
وربي يسلكك عللى خير

[maram mery1]

المشاركة الأصلية كتبت بواسطة oum radja

اختي مرام ميري بما اني جربت مخبز حرة الاغواطيات عدة مرات بغيت نعطيك نصيحة الكاس لي تعبري بيه ماديريهش كبير سيرتو الحليب على خاطر تجيك العجينة جارية وتولي تزيدي في النوادكوكو والكوكاو حتى تسماط العجينة ديري كاس متوسط ولا صغير احسن
و الطلية دايما ديري فيها مغرف زيت باش ماتجيكش يابسة
و القاطو اذا قعد في بلاصة باردة ماتخافيش عليه ماشي شرط تكونجليه وانا تبانلي كي تدخلي شهرك اخدمي القاطو تاعك على خاطر ممكن تزيدي في بداية الشهر التاسع انا هاكا كنت ندير وعمري مافسدلي القاطو تاعي
وربي يسلكك عللى خير

بارك الله فيكي اختي ام رجا على الرد
كنت حابة نصائح ف المخبز بوركتي

[om kamilia]

جزاك الله خير زنوبة موضوع رائع
والشكر لكل الاخوات رب يعطيكم ما تتمنو

[ام فراس اصيل]

اختي زينب حابة بنقسيك درت قاطو بالقلاساج عادي بصح بقالي لقلاصاج بزاف يصلح نحط في الكونجيلاتور ولا لا راني نستنى في الاجابة

[إلهام07]

المشاركة الأصلية كتبت بواسطة ام فراس اصيل

اختي زينب حابة بنقسيك درت قاطو بالقلاساج عادي بصح بقالي لقلاصاج بزاف يصلح نحط في الكونجيلاتور ولا لا راني نستنى في الاجابة

مع انو السؤال لزينب بصح نجاوبك انا ديما نخبي القلاصاج اللي يبقالي في الكونجيلاتور بالشهور وكي نحتاجو نعاود نخرجو راهو ثمثم يتنحالو التجميد واستعمليه عادي مايصرالو والو ......... موفقة

[ام فراس اصيل]

المشاركة الأصلية كتبت بواسطة إلهام07

مع انو السؤال لزينب بصح نجاوبك انا ديما نخبي القلاصاج اللي يبقالي في الكونجيلاتور بالشهور وكي نحتاجو نعاود نخرجو راهو ثمثم يتنحالو التجميد واستعمليه ادي مايصرالو والو ......... موفقة

تعيشي اختي الهام كي جاوبتيني اي وحد ا تعرف حاجة ووالفت ديرها تجاوب

[ناهدوران]

اختي زينب نشكرك و يعطيك الصحة عجبني الموضوع درك انعود انشارك وبارك الله فيك و في امتالك