كي تسهروا مع نت تصرالكم ولالا

[*سندوسة*]

المشاركة الأصلية كتبت بواسطة رجائي فيك

انا يوم يكون زوجي بالبيت مانسهرش في نت نتفرجو مع بعض فيلم و لا نتبع معاه شريط علة نشيونال جيوغرافي و نهار يكون مسافر نبقى مع نت عللى خاطرش نوم يهرب مني
لكن كي ننزل ضيفة لدارنا اخواتي و اخي عزاب مبرونشين مع نت غير انا و ماما و اختي المتزوجة الاخرى نبقاو راسنا في راسها ههههههه
تبانلي هذ الظاهرة منتاشرة في كل العايلات الجزائرية خصوصا مع ايام الصيف خطرات نرقد و نخلي اخواتي عند النت حتى 3نتاع صباح و صباح يصبحو راقدين و ذيك كوزينا في حرب اهلية كلواحد واش حب ياكل واش لقى تسميه ماما السحور في ايام لفطر هههه

حنا فدار انا وخويا نسهرو فالنت انا قاع نجوع مانوضش ناكل بصح هو بالعكس انا قليل وين ناكل ديسار مانبغيش لماكلة قبل رقاد

حنا نورمال نسهرو مع النت بصح صباح مع 8 قاع نايضين ومرات نايضين وشاربين القهوة هههه
صح فالصيف تزيد هاد الظاهرة مع لحمان تحوسي تاكل حاجة باردة

النت خسرتلنا قاع طبايعنا
شكرا لمرورك اختي
نورت الموضوع

[أميرة أخلاقي]

ههههههه رانا كامل كيف كيف حنا ثاني العائلة تجتمع في المطبخ نص ليل مع اعادة العشاء ههه و في زهري انا لي نقوم بالكوزينة راكي عارفة

[imenemalak]

راني كيفك brezina الوالدين لا علاقة بالنت انا صح اسهر حتى ت 12 مي فيم يخص الماكلة هههههه لالا ماناكلش نشرب بررك .... وتاني عندي خويا كيفي ديما مبرونشي في النت ,,,,, مي اختى النت غزت بيتكم هههههه...

[Ghanouhadj]

المشاركة الأصلية كتبت بواسطة سندوسة يسمين";3993247029][B][I][FONT="Arial

عندما دخلت التكنولوجيا في حياتنا خاصة نحن الجزائريين خربطت كل امورنا واصبحنا احيانا مهملين نوعا ما

حنا فدار كل واحد وعنده لميكرو نتاعة
الوالدة تتصفح النت بحاسوب البيت وانا بالميكرو بورطابل والاخ بالايباد والوالد يشاهد التلفاز ههه ويسقسي الوالدة كانش اخبار فالنت

ويسقسي خويا كانش جديد فالفايس بوك ههه بصح انا مايسقسينيش يعرفني راني لاصقة في منتدى الجلفة هه مرات كي ماما ماتبغيش تقراله يقولي ماماك قراتلي غير العنوان كمليلي ههه اسلوب التشويق

على فكرة الوالدة عندها عضوية هنا فالمنتى بصح ماتشاركش

المهم قوانين البيت تناول وجبة العشاء مابين 8 او9

وكي تكمل سندوسة غسيل لماعين وتطلع للغرفة نتاعها وكل واحد يكون مبرونشي فالميكرو نتاعه حتى كي تلحق 11,30 ولا 12 نتاع ليل حتى نسمع كل مرة واحد يتسلل للمطبخ ههه

مرة ياكلو فالمطبخ ومرة يطلعو للاوووول

مرات الوالد كي نخرج فيه يقولي ران سهران وجعت هههه

ومرات الوالدة تنزل هي تاني الوالد كي ينزل للمطبخ يبغي مرافقة هه نظن يخاف مظلمة

ومرات اخي وهو لي يردلي المطبخ كيما مسرح الجريمة
نلقى شكارة نتاع لحليب حالها فوق البوطاجي هه وقشور الموز فوق الطابلة ومرات غطاء قارورة العصير تحت الطابة والقرعة فارغة ههه

ومرات يجي لعندي للغرفة نروحو للمطبخ نقليله البيض ونديرو لومبيونص فالكوزينة ههه نقوله نتا وجد الفرماج والكاشير والكاس نتاع العصير

وكي يكمل نقوله قعد معايا حتى نظف المطبخ مسكين يقولي نشلل معاك لماعن نقوله غير لاهيني بالهدرة

ومرات صباح نلحق على كارثة نجي ندير لقهوة نلقى جريمة واثار نتاعها وحتى سلاح الجريمة ولكن بعد التحقيق وتتبع الاثار نعرف الجاني

ونبدا في عمليةالتمشيط هه

نتوما ضرك قولولي يصرالكم هكذا انت اخي او اختي كي تسهرو مع نت تجوعو فليل وتروحو تاكلو ولالا

انتظر مغامراتكم[/FONT][/I][/B]

شكرررررررررررررررررررررررررررررر ررررررررر

[ام كمال]

السلام عليكم موضوع مميز
والله تقولى راكى تتكلمى علينا احنا تانى 4 ونفس الشى عدنا الا الام ما عنهاش حاجة بالميكرو خلاص اما الباقى نفس الشى لكن فى بيتى الخاص تانى بعد العشاء الكل مشغول بالنت وزوجى بالتلفاز لكن الاكل لا من وقت العشاء ما نزيدوش لكن عند اهلى مع اخى كارثة لكن لونبيويص روعة ربي يحفظلى اخى الغالى

[saida4O]

ههههههه والله نفس الطبع ودرك راني نكتب وانا في الكوزينة مع خويا قاعدين ناكلو و نضحكوا ناض بابا قالنا ماترقدوش و تزيدو الحس والله يا اختي حنا كامل كيفكيف غير ماتحيريش

[sidali1988]

وماذا عن صلاة الفــــجر

[كنز الكنوز]

ااااااااوه طحتي في موضوع حساس حنا في البيت 6 ... نقعدوا في السهرة حتى لل 12 الوحدة نورمال و الكوزينة ندخلها نفتح الفريجيدار نزيد الكوشة نشوف واش كاين فينالمو نشرب ماء ولا كوكا كولا و ساي مي ديك نهار رحت لبيت جدي كيما قلتي جعت رحت للكوزينة لحقني خالي زادت ماما و خالي لاخر زادت خالتي و مرت خالي عاودنا حطينا الطابلة كلاو كامل على الوحدة وسيحت على خالي التونة بايتة نغسل في القش ..بصح تما تكون المتعة ... عجبتني حكايتك تمنيت كاش نهار نجي لعندكم ياك تستقبليني ؟؟

[doua arij]

والله روعة داركم الله يبارك لومبيونس دايرة حالة حنا عندنا نظام على العشرة النوم