موضوع مميز كل وحدة تدخل و تحط سر من اسرار الطبخ ولها جزيل الشكر - الصفحة 10

kounouze78 · 2013-07-11, 11:29

تجربتي الخاصة مع العصبان انا ما نخيطوش نحكمو ب الكوردون

les cure dents

يجي الشكل شباب والطريقة جد سهلة وما تاخذش بزاف الوقت كيما الخياطة وما ينحلش كي يطيب انا جربتو في كل عيد كبير نجحتلي 100 ب100 وانصحكم بها وادعولي

تاج مسيلة · 2013-07-11, 11:34

باش ما يكحالش الزيت وكي تقلي بيه مايشربوش مثلا الفريت او البوراك ديري مع الزيت قطرات خل

تاج مسيلة · 2013-07-11, 11:43

القرنون باش ما يكحالش كي تكوني تقشري فيه وجدي الماء فيه شويه قارص وزوج مغارف ماكلة فرينة في 1 لتر و كل ما تقشري حبة تع قرنون ديري القارص لكل حبة وحطيها في الماء اللي فيه الفرينة حتى تكملي كلمل الحبات ومن بعد ديريه فوق النار اول ما يبدا يغلي برك نحيه من فوق النار وصفيه من الماء وحطيه طول في ماء بارد باش يبقى القرنون ابيض وجامي يكحالك
وقيل طولت عليكم
المهم هاذي الطرقة كي تكون عندك بزاف القرنون وحابة تكونجليه ويبقى ابيض
ان شاء الله نكون افدتكم

ssousou · 2013-07-11, 13:19

سلام عليكم عجبني موضوع بزاااف ... ويعطيكم الصحة لبنات على نصائح
عن اسراري انا باش دنجال مايجيكش مزيت كي تقليه لازم تقطعيه وتملحيه وتحطيه في سنيوة ولا وخليه ساعة ولا ساعتين اومبعد قليه راح مايجيكش مزيت بزااف .. وتانيك باش البيض يغلي بلخف ديري ملح في االماء ... كي تكون عندك طوماطيش طايبة بزاف وخايفة ادا تخسرلك قشريها وطيبيها وزيديلها الكمون وراس الحانوت والملح والحرور وشوية ملح وتانيك التوم وشوية قصبر اومبعد كي طيب ميكسيها وعمريها في بوقالات بعد ماتعمريها في بوقالة ديري فيها شوية زيت من فوق باش ماتخسرش تستعمليها في الطياب وحتى في بيتزا

amel_26 · 2013-07-15, 21:49

بارك الله فيكم ياشاطرات

zarra duff · 2013-07-18, 00:22

الله يعطيكم الصحة بارك الله فيكم

ريان 7 · 2013-08-19, 12:05

شـــــــــــــــــــــكرا جزيــــــــــــــــلا

سوسو92 · 2013-08-20, 12:29

مين ديري الطعام يفور ديري فيه حبة فلفل حار دير ريحة شابة في طعام

توتة2008 · 2013-08-22, 11:07

باش ما يلصقلكش المول جيبي الورق اللي نديروه فوق طاولات الاعراس وادهنيه بالزيت او الزبدة و ديريه في المول (في بلاصت ورق الزبدة)

الورود المنسية · 2013-08-23, 12:23

باش ميخسرش شكل نتاع المخبز ومقروض اللوز نشكلهم ونبيتهم ليلة كاملة فالثلاجة حتى لغدوة من ذاك نطيبوهم

wissal79 · 2013-08-23, 17:19

مساء الخير انا نقولكم على الزيتون الاخضر كيما تعرفو مالح وباش تستعمليه نساء اخرين يغلوه في الماء + بطاطا صغير ة
انا نقولكم ديريه في صحن مع الماء البارد والخل . واحيانا نشريو اللحم الخروف يكون قاسح كبير وميطيبش يطول اغسليه باماء والخل قبل ما طيبة انشاء الله نكون فدتكم بحاجة .

kamili1 · 2013-08-25, 12:44

بارك الله فيكم

اسمهان79 · 2013-08-25, 21:29

كي تفوري الطعام ولا اي حاجا ديما في قاع البرمة تتكون طبقة من اللكالكار بدل ما تستعملي شريط السيلان ضعي القليل من الخل ومرريه على كامل البرمة ومن بعد أغسليهل بشريط عادي تخرج روعة وسهلة في الغسيل وتبرق

شاملة لينة · 2013-08-25, 21:35

افكار مفيدة شكرا

عروبتي · 2013-08-26, 08:00

العسل لي رايحة تعسلي بيه القريويش والحنيفيات لازم يكون ثقيل باش يبقاو يتقرمشو ومايعجنوش
والمرقة البيضاء ديريلها القرفة عود وماشي بودرة باش ماتكحالش المرقة