خليفة يجيب على جميع أسئلتكم فيما يخّص السيراميك

[khelifa_siramica]

المشاركة الأصلية كتبت بواسطة رجاء المقدسي

السلام عليكم
بلاط منزلنا من النوع القديم و العادي ، لسنوات الثمانينات ، و لونه باهت ، هل من حل لإعطائه بريقا و لمعانا، دون تغييره.
و شكرا.

ممكن ذالك فقط بالبونساج (الة البونساج)

[السيدة كرمين]

السلام عليكم

أخ خليفة أعتقد أنك لم ترى أسئلتي
أرجوا الاجابة لو سمحت

[السيدة كرمين]

شكرا للرد و جزاك الله خيرا

[yaccine1966]

اخي خليفة اريد سؤالك عن كيفية بناء الشيميني في المطبخ وهل عندك صور تفي بالغرض وكم يترواح سعر خدمته ارجو الرد

[ام رحوبة]

السلام عليكم اولا اخي الله يبارك اعمال كلها متميزة ومتقونة الله يجازيك خير الدنيا والاخرة حبيت نسقسيك المصو اللي خدملي المطبخ خلالي البوطاجي من الداخل بلا فايونس وصعب عليا تنظيفوجبنا ماصو اخر خدملي الارضية والجوانب لكن من فوق مازال هكاك اقصد البوطاجي من الداخل هل من نصائح او افكار باش نسقمو

[nourcherif]

مشكور أخي على اضافة هذه الصفحة الرائعة

[zouhourouroud]

SVP mon frere si possible un model de cuisine de 5 m sur 4 m avec une fenetre entre salon et cuisine ( genre de séparation ) , avec le potager angle et un bar pour séparer la cuisine sur le cotre de 5 metre et merci frére.

[zouhourouroud]

Je corrige sur le cote au lieu de cotre merci et tout mes respects

[nour72]

السلام عليكم اخ خليفة اولا بارك الله فيك على هذه المعلومات القيمة وجعلها الله في ميزان حسناتك
ثانيا عندي سؤال وهو . عندي مسكن في طريق الانجاز ودرت التوالات تحت الدروج لكنه مظلم جدا وحيطان تاوعو كامل جايين لداحل
اذا كان عندك كاش طريقة باه نتخلص من هذا المشكل ....وشكرا مسبقا

[toufikctt]

أخي أشكرك على كل ما تقدمه ، و سؤالي هو : ماهي الطريقة الصحيحة في تركيب الدالدوصول بالاسمنت ؟ هل يكون الملاط جافا ثم نصب عليه اسمنت مميه ، أم يكون الاسمنت جاري (مميه) ثم نضع الدال دوصول ،
السؤال الثاني : قبل تركيب الدالدوصول : هل نبيتها في الماء كيما الفايونس ؟ أم تركبها و هي جافة ؟
الرجاع أخي أن تفيدني بالجواب الشافي و جزائك عند الله و أن امكن برابط لفديو ترى أنها هي الطريقة الصحيحة .

[khelifa_siramica]

السلام عليكم
لتركيب الدال دوسول طريقتين .
الاولى تسوي الارضية بالاسمنت تماما وتتركها تجف ثم تركب الدال دوسول بالغراء الخاص (سيمة كول)
الطريقة الثانية . اسمنت جاف ( لاشاب) تثبت عليه قطعة دال دوسول ثم تظيف سيمة وماء ماتكونش جاريا بزاف وهاذا يثبت القطعة على لاشاب .
اما عن سقيه بالماء او لا . هاذا على حساب نوعية تربة الدالدوسول منهم من تمتص الماء وغالبية الدالدوسول المستورد لا تمتص الماء لكونها صلبة
بامكانك تجريب النوعية الي عندك . صب الماء على حبة دالدوسول اذا امتصت الماء لازم تبيتو في الماء
غالبية الدالدوسول المحلي لابد ان يبيت في الماء
وشكرا

[جنى الجنتين]

السلام عليكم يا اخي الكريم بارك الله فيك ما شاء الله على خدمتك

من فضلك حبيت تسال كيفاش نرجع الدال دو صول لونو الاصلي راح نفهمك شرينا دال دو صول خاص بالحوش تاع اسبانيا من النوع لي محبب انا لي خيرته شباب بزاف

مي المشكل هو العامل كي دار السيما البيضاء خدم بالفروتوار مشي بيده تخيل انو لون االدال دو صول انحرق ولا يبان باهت وكي نسيقو يرجع لونو مي كي تنشف الارض يعاود

يبان لون باهت وش هو الحل

الله يعطيك الصحة

[khelifa_siramica]

السلام عليكم
الحقيقة انها مشكلة كبيرة
السيمة البيضاء الا يبست صعب ازالتها
حاولي ببعض المنضفات ممكن تفيد
شكرا

[saraz09]

السلام عليكم
من فضلك حبيت ندير فايونس ودال دو صول للكوزينة اجمالي مساحة الحيطان عشرين متر مربع والارضية سبعة ونص متر مربع ثمن الفايونس ودال في حدود 850 شحال يسقاملي كلش السلعة والخدمة

[khelifa_siramica]

السلام عليكم
حوالي 25 مليون فايونس +دالدوسول+ رخام+خشب
الله يكون في عونك