حول منحة الدكتوراه

[aymaneee]

كل ثلاثة أشهر ..3...12000)

[hakimdima]

36000 ...chaque 3mois

[madaninho]

اذا من فضلكم كم ههي منحة الدكتوراة 15000 ا 36000 او 12000؟

[jannette]

c 12000 par mois mais on nous verse 36OOO chaque 3mois(12000 par 3 mois çA FAIT " 36000)

[hamzalem]

هل المنحة تصرف على اربعة تلاثيات او ثلاثة فقط
وادا كان اربعة فمتى تاتي الرابعة

[kopd87]

12000 كل شهر، بصح يدخلوها كل 3 أشهر، يعني 36000
بصح رانا سمعنا السنة إن شاء الله راح تولي 15000 يعني 45000 كل 3 أشهر

[أبوعبد اللّه 16]

المشاركة الأصلية كتبت بواسطة ramma

السلام عليكم
ارجو منكم ان تفيدوني....فانا اعمل في ايطار anem و قد تحصلت على منحة الدكتوراه العام الماضي وانا اليوم نادمة على هذا...اشعرانني اخذت مالا حرام...فهل يجوز ان اخد هذه المنحة.....ساعذوني فانا لا اريد ان اكل مالا حرام....

المشاركة الأصلية كتبت بواسطة براءة الطفولة

حدث معي شيء غريب انه بعد ما سجلت للدكتوراه و دفعت ملف المنحة تحصلت على عقد ماقبل التشغيل وهذه السنة لا اعلم ماذا سافعل

و عليكم السلام و رحمة الله
ليكن في علمكم هدي منحة طالب الدكتوراه، سواء كان عامل و لا لالا، اي واحد مسجل في الدكتوراه يديها مع انها زوج دورو، لانها تستعمل في البحث، يستعملها في شراء كتب او cd او طبع مذكرات او اشياء اخرى يسحقها في البحث، و زيد لي خدام في شركة كي ميعطولوش المنحة، علاش? دراهمو يستعملهم في البحث، شكون هذا لي يخدم على العلام، راكم تتقاعدو برواحتيكم كي تساقسيو اذا نديوها و لا لالا، لانكم في عقد ما قبل التشغيل، و الله غير مهزلة بكل المقاييس، نورمالمو طالب الدكتوراه يدي على الاقل منحة نتاع 1000 اورو، يعني اكثر من عشر ملاين، باش يتفرغ صح للعلم، لازم يكون عندو مسكن متزوج سيارة امتيازات مثل النت مجانا، خدمات اخرى بامتيازات ... الخ.
هدا هو طالب دكتوراه، مش يسنى زوج دورو نتاع الدولة و تجيه بعد عام، الله يهديهم هدو المسؤوليين، معندوش حتى باش يشرب قهوة مع صحابو، اصلا معندوش قيمة في وسط المجتمع، 35 سنة مزال طالب دوكتوراه يحوس على عمل، و تقولولي اذا حلال ولا حرام، و الله غير نديها و متبقاش عندهم اولاد فرانسا. لوكان جات نتاعهم معليش و الله منديها، مام كي يجبوهالي منديهاش، مي كي عادت نتاع الشعب، كاين البترول نتاع الشعب، و هادو المسؤولين واش راهم يديرو شكون لي يحاسبهم، و لو كان تبانلي حاجة اخرى نزيد نديها، 200 مليار دورلار مرمية عند اليهود،ارض نتاع 2 مليون كم مربع، و مكاش الدراهم مكاش قطع الارض مكاش السكن مكاش الفيزا، وين تروح قولولي.
نزيدلكم حاجة انا خدام في شركة، و دايما كي نسجل في بداية العام في الجامعة ندير تسريح شرفي بعدم العمل، لان المدير نتاعي لا يمضي لي تصريح بالدراسة، حسادين، كيما يقوقو الله ينعل الشرف لي خلى اولادي للشر، نتاع الطكسي المخفي.
هدي هي البلاد، بلاد الجهل و الجهلاء، حاكمينها الحمير و البغال اكرمكم الله، في الدول المتقدمة كي ينوضو الطلبة، الرؤساء يباتو قاعدين يخمو، و حنا يجيبلوهم مكافحات الشغب،

انا علابالي من الناحية الشرعية لا يجوز اخذها،
بصح انا و الله غير نديها، مش مخالف للدين، و انما مخاف ليهم، اولاد ....
لا مستقبل و لا هم يحزنون، حسب الله و نعم الوكيل، و الله و الله و الله ما نسمح، نعيشو الفقر، و هوما يقسمو اموال الشعب لي ما يعياوش عليها.

مقدرتش نفرغ قلبي هنا

[madaninho]

في راي عقد ما قبل التشغيل عبارة عن تعويض عن البطالة الا ان الدولة وضعت جملة من الاجراءات البيروقراطية كالعادة من البحث عن شركة ثم طلب عمل تم ملف ثم عقد............في نظري كل شخص شاب بطال يبحث عن عمل ولا يجد يجب ان يتحصل عن منحة حتي يعمل كما هو وكذلك بالنسبة منحة الدكتوراة يحتاجها الطالب في البحث، يستعملها في شراء كتب او cd او طبع مذكرات او اشياء اخرى يسحقها في البحث فلا يعقل اذا كان له اجر ويصرفه على البحث
و اكبر ملف رأيته وكونته في حياتي هو ملف المنحة الدكتوراة هو اصلا ملف داخل محشوا بالملفات (extrait de role ) هو ملف لايعقل ايضا طالب مسجل في الدكتوراه يطلب منه extrait de role تاع الوالدين الي متي يبقي تابع لهما اذا كان مثلا ابوه لايدفع الضرائب ماذنبه+ش.باك وكل شهادات + ملف ش.عدم الانتساب الى غيرها من البيروقراطية .......ملف الفيزا اسهل واخف من هذه المنحة لهذا لم يبقي احد؟؟؟؟؟
استفيدوا من جميع المنحة وقولوا الله يخلينا بلادنا الجزائر

[amine eco]

هل يمكن وضع ملف منحة دكتوارة في سبتمبر 2015 بعد عطلة الصيف للموسم الجامعي 2014--2015 وشكرا

[اقحوانة الجزائر]

هل يحق لي اخذ المنحة مع العلم انني موظفة لكن اود اخذ عطلىة على الاستيداع بدون راتب لمواصلة الدراسة ?

[souma.ouchen]

السلام عليكم
أنا مسجلة سنة ثانية دكتوراه و لم أستفد من المنحة في العام الأول فهل يمكن أن أستفيد منها في العام الثاني إذا وضعت الملف

[amine eco]

المشاركة الأصلية كتبت بواسطة souma.ouchen

السلام عليكم
أنا مسجلة سنة ثانية دكتوراه و لم أستفد من المنحة في العام الأول فهل يمكن أن أستفيد منها في العام الثاني إذا وضعت الملف

نعم يمكنك اختي

[اميمة21]

السلام عليكم
لدي استفسار حول ملف منحة الدكتوراه
هل صحيح أن الطالبة المتزوجة تحضر كشف الراتب الذي يتقاضاه الزوج ,بدلا من الوالدين ؟؟؟؟؟
وما هو الملف المطلوب للاستفادة من المنحة بجامعة بوزريعة؟
أرجو ممن لديه معلومات أن يفيدني.
شكرا

[toutangamon]

tbahdila !!!!!
hadi minha ???

[SMBack]

بربكم ، ما هو ملف منحة طالب الدكتوراه لسنة 2014/2015 ؟ هل تم الاستغناء عن بعض الوثائق الرسمية - المعوقة ؟ هل يطلب فقط ملف يخص وضعية طالب المنحة ؟ أم يشترط وثائق - معوقة أخرى ؟ بدلا من طلب العلم تطلب الوثائق . تنتظر شهر للحصول على وثيقة واحدة . وعندما تذهب إلى المصلحة المعنية بالمنحة يقال لك : الملف ناقص ؟ ؟ ؟ لا يا جماعة الخير ، نحن ناقصون وليست الملفات ، لأن الملف من صنع الإنسان .

اذن ، ما هو ملف منحة الدكتوراه سنة أولى ، ثانية ، ثالثة ، إلى ما لا نهاية ؟