التحضير البسيط لرمضان و ما بعد رمضان

[ام شمسو محمد]

هذا الفيديو عجبني جدا ...تقريبا تقدري تحضري كل الاطباق الرئيسية نتاع رمضان الان


https://www.youtube.com/watch?v=Kop9LJc0wJo

[romaissa tita]

اريد مقادير راس الحانوت مضبوطة

[حياتي كلها امل]

السلام عليكم ام ضحى ياام ضحى اتحفتينا باطباقك الرائعة بوركتي
جهينة الله يعاونك مثل ماقالت ام شمسو انحسك عندك مسؤوليات كبيرة
ام شمسو انا ممن متتبعات اخت زهرة عجبتني افكارها وبساطتها
انا عن نفسي راح انجمد شوية دجاج وشوية حشيش ومعدنوس وحمص

[ام شمسو محمد]

ام هزار وفائي لمبدا عدم الاكتساب عميق ...الحق انو غالبا القليل يكفينا ...ولكن النفس البشرية تميل الى المزيد ..شوفي البلاكار نتاعي خليتها فارغة هههه و صدقيني ماخصني والو و لله الحمد ...حابة برك كيما قالت صديقتي رندا نشري كوكوت اينوكس صحية مع العلم انو عندي 4 العاديين

[ام هزار]

اتي ام شمسو عجبني بلاكارك و وفائك واضح جدا من خلال الترتيب و الاقتناء المبني على مبدا الحاجة
اما عن التجميد الصراحة ما نحبوش الا في الاطعمة اللي ما عندهاش اتصال مباشر بالبلاستيك و نحب اكلي طازج و صحي اكثر رغم كل الظروف

[rowaida18]

السلام عليكم و رحمة الله تعالى و بركاته ......يا غاليات


و مرحبا بالأحبة و بهذه القعدة الرائعة و المفعمة بالهمة و النشاط .....و الله يبارك فيكم و في كل ما قدمتو و جعله الله في ميزان حسناتكم.....

أختي أم هزاز و فيك بارك و ما شاء الله على النشاط ......و في ما يخص الشطر الثاني من الطلب سأخصص له جوابا لوحده..

أختي رندة و فيك بارك و و بارك الله فيك أنت أيضا على ما تقدمينه و ربي يقدرنا لما فيه الخير ....

أختي أم ضحى الله يبارك فيك و في يديك و نطلب من كل أخت تشوف أعمالها إلا و تباركلها.....هكذا ربي يحفظها
و نقولك ما شاء الله في الاتقان في العمل ......و أخذ فضولي حلوة الفلسطينية ممكن كي تلقاي وقت تقولينا عليها..
و جزاك الله خيرا على كل ما قدمتيه.....

أختي جهينة اليقين الله يعينك و بالعقل تلحقي .....

romaissa tita مرحبا بيك معانا و أترك هذه المهمة للمتخصصات في عمله في البيت ....أما بالنسبة لي فقد اشتريت رأس الحانوت من نوعية جيدة و يكون سعره أكثر من النوعيات العادية لاكني مجرباتو و مليح........

أختي أم شمسو ما شاء الله على البساطة و الله كل ما نقصت الوحدة الكراكيب كل ما سهل عليها الشغل و كل ما كان التنظيف أسهل....و صدقيني حاولت هذه المرة و نقصت عدد كبير من الأواني اللي كانت مضيقة عليا و لست بحاجة ليها و حررت مكان كبير في البلاكارات .......صدقيني فرحت كي شفتو فارغ...ههههههه
و بارك الله فيك في الخطة اللي وضعتيها للتحظير لرمضان و ذكرتي بيها الأخوات و جعلها الله في ميزان حسناتك ....
و فكرة التجميد تكون مساعدة للكثير من الأخوات و ذكرت أهم الأطعمة اللي يمكننا تجميدها بدون ما تفقد الكثير من طعمها في الصفحة الأولى لاكني أشاطرك الرأي في عدم تجميد المعجنات و الخظروات ....و أفضل العجن الطازج و نطيبو في الطاجين و لو في رمضان...و أحتسب الأجر......

أختي حياتي كلها أمل شوقتينا نشوفو أخت زهرة ......كي نخلص نضرب عليها طلة و نشوف الفيديو اللي حطتو أم شمسو...

[rowaida18]

عن عمرو بن عوف رضي الله عنه أنَّ النَّبي صلى الله عليه وسلم قال: ((والله ما الفقر أخشى عليكم، ولكنِّي أخشى أَنْ تُبْسَط عليكم الدُّنيا كما بُسِطَتْ على من كان قبلكم، فتَنَافَسُوها كما تَنَافَسُوها، وتهلككم كما أهلكتهم))


حديث يدخل إلى صميم القلب ........و وجب علينا أن نخشى مما يخشاه حبيبنا المصطفى صلى الله عليه و سلم علينا .........

و بما أننا نعيش في عصر وصل فيه التطّور مبلغه و من وسائل الرفاهية و التنعم ما بلغ.... حتى يكاد ينسي ذكر الله ........وجب علينا الخوف على أنفسنا من أن تأخذنا الدنيا و ننغمس فيها .........فلا نستفيق إلا و داعي الموت على رؤوسنا.......و هل لنا حينها متسع من الوقت لنستدرك أنفسنا و ننقذها؟؟؟؟؟؟؟

أخواتي الغاليات .......و الله لن ينجينا من هذا التيار الهائل و الجارف للدنيا......الذي لا يبقي أحد ..........إلا التمسك بهذا الدين و التذكر الدائم ...و المستمر بالموت ....و بالآخرة ...و أحوال أهل القبور و ما هم فيه من نعيم و عذاب .........و أهوال يوم القيامة...و ما نحن مقبلون عليه من حساب أمام الله عز و جل..............و التفقّه في العبادات كلها ......

عن النبي صلى الله عليه وسلم أن كل عمل لا يوافق الشرع مردود على صاحبه ،فقَالَ: مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ. رواه مسلم.

قال الفضيل بن عياض في تفسير العمل الحسن: أخلصه وأصوبه، فقيل له: ما أخلصه وأصوبه؟ فقال: إن العمل إذا كان خالصاً، ولم يكن صواباً لم يقبل، وإذا كان صواباً ولم يكن خالصاً لم يقبل، حتى يكون خالصاً صواباً، فالخالص ما كان لله، والصواب ما كان على السنة.

ومن هنا وجب الخوف على أنفسنا من أن تكون عباداتنا التي نقوم بها بالوراثة ليست على السنة ...و بالتالى لن تقبل......

قال الله عز و جل :قُلْ هَلْ نُنَبِّئُكُمْ بِالأَخْسَرِينَ أَعْمَالًا * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا * سورة الكهف ،103،104


و لحبي لكم أردت أن أشارككم هذا الواجب و نبدأ معا لنصحح عبادتنا ...........و نبدأ من الأساس.....من الوضوء حتى نبني أساسات عبادتنا على قواعد صحيحة وفق ما جاء في السنة.... ثم نكمل باقي العبادات الواحدة تلوى الأخرى ..........شيئا فشيئا ........و نقيمها كما جاءت في السنة النبوية حتى ننجو يوم لا ينفع لا مال و لا بنون.......و ليس شرطا أن نكملها قبل رمضان ..
بل المهم هو إخلاص النية و العزم على تصحيح العبادات من الآن.........

ألا يستحق مصيرنا الحقيقي التضحية و لو بساعة في اليوم لتصحيح عبادتنا التي هي أساس قبول الأعمال عند الله.....
ألا يستحق رضى الله عنا و هو يطّلع علينا و نحن في جهاد لتعلم أساس ديننا و يباهي بنا ملائكته ....التضحية بوقت قليل في اليوم .......
ألا يستحق منا ذالك.؟؟؟؟؟


سامحوني على الاطالة و لاكني حاولت ان أوصل لكم الفكرة بأقل الأسطر الممكنة .............

و من أرادت الإلتحاق ....بارك الله فيها .....
أختكم المحبة رويدة

[جهينة اليقين]

والله يا رويدة* راكي تفكريني في ام تينة ربي يذكرها على خير* ربي يجعل هذا المجهود في ميزان حسناتك وما ذا بنا نزيدو نثريو معلوماتنا* ونتفقهو في الدين
شكرا حبيباتي ام شمسو وام هزار وام هاجر ورويدة على المجاملة والله راني نحس روحي حماس الثلاتين وانا في الخمسين* وكيم تقول عجوزتي ربي يرحمها**
القلب شاش والركبة لاش هههه خلاص عييت* بصح راني نستمد منكم الطاقة والقوة* ربي يعيننا جميعا*

[جهينة اليقين]

الاخت الي طلبت راس الحانوت* اظنها رميصاء* احنا عندنا نوعين كاين نوع تاع الحريرة وحدو ونوع اخر تاع البركوكس والمراقي مثل الدوارة والبوزلوف* الخ*
المهم طريقتي الخاصة* كالتالي**
*عبر قصبر منقي ومرحي كاس او حسب الرغبة* يعني اكبر حصة هي القصبر* *نصف العبر زريعة البسباس* * *2 مغارف حبة حلاوة* * *2مغارف كبابة* * 2مغارفسكنجبير* * *مغرف قرفة* * *2مغارف كركم* *اذا اردتي زيدي شوي فلفل اسود انا ما نديروش نخليه وحدو* كاين الي معدتو ضعيفة*
الكروية ديريها في بلارة وحدها* يعني كل منطقة وكيفاه كاين الي يديرو الفريك مثل العاصمة* ما يديروش الكروية*
وكاين الي يديرو الحريرة* مثل اصحاب الغرب* *يزيدو الكروية* * هذا الزرارع ننقيهم ونغسلهم ونيبسهم ونرحيهم* وكاين الي يشروهم واجدين كل واحدة وظروفها* راني نعسانة* ههههه من بعد ان شاء الله نزيد لكم مقادير الحشاوش تاع الحريرة* تصبحون على خير*

[rowaida18]

[جهينة اليقين;3997849763]الاخت الي طلبت راس الحانوت* اظنها رميصاء*

حنا عندنا نوعين

كاين نوع تاع الحريرة وحدو ونوع اخر تاع البركوكس والمراقي مثل الدوارة والبوزلوف* الخ*

المهم طريقتي الخاصة* كالتالي**

*عبر قصبر منقي ومرحي كاس او حسب الرغبة* يعني اكبر حصة هي القصبر
*نصف العبر زريعة البسباس* *
*2 مغارف حبة حلاوة* *
*2مغارف كبابة*
* 2مغارفسكنجبير* *
*مغرف قرفة* *
*2مغارف كركم*
*اذا اردتي زيدي شوي فلفل اسود انا ما نديروش نخليه وحدو* كاين الي معدتو ضعيفة*

الكروية ديريها في بلارة وحدها* يعني كل منطقة وكيفاه كاين الي يديرو الفريك مثل العاصمة* ما يديروش الكروية*
وكاين الي يديرو الحريرة* مثل اصحاب الغرب* *يزيدو الكروية* * هذا الزرارع ننقيهم ونغسلهم ونيبسهم ونرحيهم* وكاين الي يشروهم واجدين كل واحدة وظروفها*

منقول من الأخت جهينة اليقين.


بارك الله فيك أختي جهينة اليقين على الوصفة و اسمحيلي راني زينتها باش تبان مليح و يستفادو منها الأخوات ....في انتظار الوصفة الثانية ((حشاوش الحريرة))

[رندة.]

مساء الخير
بارك الله فيك يا جهينة على راس الحانوت، أنا اليوم نقيّت الثوم ورحيتو كيما الطريقة هاذي.

[ام شمسو محمد]

عن أبي هريرة رضي الله عنه قال: كان رسول الله ï·؛ يُبَشِّر أصحابه بقدوم رمضان يقول: قد جاءكم شهر رمضان شهرٌ مبارك،
كتب الله عليكم صيامه،
فيه تفتح أبواب الجنة
وتغلق فيه أبواب الجحيم،
وتغل فيه الشياطين،
فيه ليلةٌ خيرٌ من ألف شهر،
من حُرِمَ خيرها فقد حُرِم.
صححه الألباني..صحيح الترغيب 1/490.

قال الحافظ ابن رجب -رحمه الله- : قال بعض العلماء:
هذا الحديث أصل في تهنئة الناس بعضهم بعضاً بشهر رمضان كيف لا يبشر المؤمن بفتح أبواب الجنان،
كيف لا يبشر المذنب بغلق أبواب النيران،
كيف لا يبشر العاقل بوقت يغل فيه الشياطين،

اهـ ��لطائف المعارف (1/158).

أحيوا سنة التبشير
والتهنئة بمجيء رمضان.
"أقول كما قال رسولنا عليه الصلاة والسلام:
"جاءكم شهر مبارك "

[ام شمسو محمد]

و انا يا رندا بديت بشوي الفلفل من اجل الحميس و صنع صوص الطماطم لمختلف الاطباق نتاع ام وليد

https://www.dztu.be/watch?v=9udl_m-s0nY

[رندة.]

يعطيك الصحة يا أم شمسو على التحضيرات الرمضانية وبالنسبة للبلاكار تاعك ماشاء الله ( فيه ما قّل ودّل)، تهنيتي من الكركبة الزايدة.

بارك الله فيك يا رويدة على التوعية إلي راكي تقدّمي فيها وربي يجازيك خير ان شاء الله، وملخّص كلامك هو في الآية الكريمة هاذي، قال الله عز و جل :قُلْ هَلْ نُنَبِّئُكُمْ بِالأَخْسَرِينَ أَعْمَالًا * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا **سورة الكهف ،103،104

[ام شمسو محمد]

فراشاااااات ...مهما كانت ظروفكم و حالة بيوتكم ما تفرطوش في زوج حوايج لانهم يصنعو الفرق
اولا تقدير الاوقات الثمينة لكل مرحلة و ماتقعديش تقولي كي تولي عندي دار او كوزينة ندير و نقضي ...كاين حوايج كي تفوت تفقد معناها كطفولة اطفالنا مثلا او كصحتك ...تمتعي و متعيهم باطيب الوجبات و امتع الاوقات و اجمل الهيئات و اهتمي بالتفاصيل و تذكري بلي الجوهر هو الصح و الباقي مظاهر عملها الوحيد هو ابهار الناس ...اذ يكفي تكوني نتي قانعة بلي عندك و عارفة قيمتو الحقيقية و الا لا فرق بين المطابخ الا بنوعية الخدمة المقدمة فيها ...شوفو هذا المطبخ ذو التصميم الراقي جدا ...هو في الحقيقة ليس اكثر من بوتاجي نتاع بيطون و ريدو و قجار ...



ثانيا النظافة و ثم النظافة و الترتيب ماتقوليش كي راهي الدار مش مخدومة ماتستاهلش نتهلى فيها ...لمستك هي اللي تمدلها الجمال الحقيقي و احساسك هو الجمال الاكيد اليكم الدليل