♥♥واش طيبتي اليوم ؟؟؟؟؟؟؟؟؟الجزء23♥♥ - الصفحة 10

بيان 5 · 2013-08-20, 10:24

اقتباس:

المشاركة الأصلية كتبت بواسطة إلهام07

أووووووووووووووووووووو يعطيك الصحة مممممممممممممممممم
هكذا نحبك حطيلنا نذوقو ماتحشميش وماتخافيش الصحون نمسحوهم بصح كي توصل لغسيل الماعن يهربو كامل وحدة تلعبها رايحة تصلي وحدة تقولك رايحة نرقد ولادي ..................

:r olleyes:

الله يبارك فيك اختي والله راني حاسة روحي طباخة تاع الصح ههههههههههههههههههه

إلهام07 · 2013-08-20, 10:24

اقتباس:

المشاركة الأصلية كتبت بواسطة بيان 5

انا دائما ندخل نشوف واش طيبتوا غير البارح وين تشجعت نحط معاكم
على العموم انا من خنشلة عمري 25
نتمنى تقبلوني معاكم

أكيييييييييييد بطياب أو بدونو بصور أو بدونها نقبلوك مطبخنا واسع ورحب ويسع كل المحبة
حنا نقولولك أرواحي حتى لو يديك فارغين بصح انت ماديريهاش صح جيبي معاك طيابك وأرواحي :d:d:d:d

islam1aya · 2013-08-20, 10:25

اممم اختي بيان طيابك شهيوة امممم واش شهتيني في الباكور واععع

ام ريمة ان شاء الله نجرب وصفة فلة

لهومة نحط الوصفة ربما غدا اليوم عندي موضوعيين نحطهملكم ومانقدرش اكثر من موضوعييين في قسم واحدفي يوم

ساندي 28 · 2013-08-20, 10:26

ام ريمه شكرا حبيبتى ونوافقك الراي انا درت صابلي نتاع حبيبتى لايدي اورع مايكون وكي درتلو المعجون تم تم شربو ومعجبنيش ايا خممت طول في لاجولي عندي ف يالدار جربتها خليتو فتر شويه وعمرت الحبات بقى كيما هو وزادو بنه وهمه اممممممممم
هاهي الصورة نتاعو ليدي حبيبتى الف شكر يا غاليه

الهام غير احكيلي عليه انا منحبوش بزاف خخخخ

إلهام07 · 2013-08-20, 10:27

أم منيب حبيت نجرب هذي البقلاوة اللي حكينا عليها بصح ماما راهي مدايرة عليها هذي المرة حصار قاتلي لازم ديريها تحت عيني ماعجبتهاش نتاع عرس أختي اللي فات لاخاطر دارتهالنا خالتي قاتلي والو هذي المرة نديروها هنا في الدار وحدنا كيما مالفين وتعرفيها ماتقبلش تغير في الوصفات
بصح ماتخافيش عليا مازالي المقروظ والبقلاوة في عيد الأضحى بإذن الله نغفلها وندير وصفات من المنتدى

*رفيقة الدرب* · 2013-08-20, 10:27

اقتباس:

المشاركة الأصلية كتبت بواسطة أم ريمة*

سلام الوصفة درت اتاع فلة تعجبنى ومن الفوق دايما ندير لاجولى جربت المربى وسوبركرام بصح ماعجبونيش لاجولى خير

برقة بصحتك الشربة جربت قلوب الشيكولا اناعك فالعيد وخرج روعة يعطيك الصحةمن فضلك ديريلى كيفية ادراج الرابط بعد الغدا
دادووووووووووووواهلا بيك وصح عيدك راش بيك مريضة راكى حيرتينى رحتى للطبيب ؟؟

و الله ما عرفت لالا مش اعراض تاع مرض لي يحتاج لطبيب لالا
تجيني القنطة و الزعاف و نتوتر و زيد القلق و نبكي بكاء غير عادي مصحوب بالصراخ و منقدرش نتحكم فيه عمري فحياتي ولا بكيت بهد الطريقة نحس روحي رايحة نجيف بالسيف نخرج النهتة يا لطيييييييف

islam1aya · 2013-08-20, 10:29

ام منيب على سلامتك

ام نجم بصحتكم الدجاج والشكشوكة والحميس والمطلوع وقتاش درتيهم على قداش نضت ههه شاطرة

إلهام07 · 2013-08-20, 10:30

أم نجم مافهمتش على واش نحكيلك واش هو اللي ماتحبيهش

islam1aya · 2013-08-20, 10:33

اقتباس:

المشاركة الأصلية كتبت بواسطة dadou mascarienne

و الله ما عرفت لالا مش اعراض تاع مرض لي يحتاج لطبيب لالا
تجيني القنطة و الزعاف و نتوتر و زيد القلق و نبكي بكاء غير عادي مصحوب بالصراخ و منقدرش نتحكم فيه عمري فحياتي ولا بكيت بهد الطريقة نحس روحي رايحة نجيف بالسيف نخرج النهتة يا لطيييييييف

اللطف عليك حبيبتي عليك وعلى الرقية الشرعية وكثري من الصلاة وقراي القران على طول لاباس عليك

ربما الستراس والتعب والروتين والضغط هذوما كامل يلعبو دور في الجانب النفسي للشخص

إلهام07 · 2013-08-20, 10:34

وين راهي أم ماجد مالفة هي اللي تنوضكم الصباح وتفطرني أنا

إلهام07 · 2013-08-20, 10:35

وين راهي أم محمد تاج واقيلا لاهية مع القاطو كانت تحوس تشوف التشاراك كي نديرو

islam1aya · 2013-08-20, 10:39

الله يبارك دادو ولاباس عليك ان شاء الله ترتاحي عن قريب

ماتنسيناش في الصور عاجلا غير اجلا

*بيتي مملكتي* · 2013-08-20, 10:39

أهلين يالغوالي
و بالوافدات
واش راكي دادو توحشناك حنونة ربي يبعد عليك القنطة و الزعاف حنونة

أكثري الإستغفار حبيبتي وأكيد راح تزول ممكن تقلقتي بزاف

بنات راكم سيلتولي الريوق نتاعي بالخير و الخمير اللي راكم تحطو فيه

أم ريمة و أم نجمو المربي باش ما يتشربوش القاطو ديريه في كاسرول و ديريلو الملون اللي حبيتي و حطيه على النار يغلي حوالي 10 د حتان تحسيه بدا يعقد أكثر و ينشف من الماء بصح يبقى شوية سائل

ومن بعد حطيه خليه يبرد شوية و زيني بيه القاطو نتاعك راح يكون كيما لاجولي يبرق و ما يتشربوش القواطو و كي ينشف يولي يتعلك في الفم اممممممممممممم

*سماح 94* · 2013-08-20, 10:43

السلام عليكم البنات
صباح الخير عليكم كاامل
هذا عشانا البارح جاج بالكرام فراش وسلاطة ودلاع والحمد لله

وهاذي عجينة مورقة خدمتها البارح جربت تاع ام رامي جاتني هايلة ومورقة كي جربت طيبت شووية منها باش نشوفها كيفاه جات لكن للاسف بقاتلي شوووي معجنة من داخل واش تنصحوني في الطياب تاعها

*بيتي مملكتي* · 2013-08-20, 10:43

إلهام و قيلة نسيتيني