ورشة كوفرولي مزين بوحدات كروشيه .....سموا بسم الله و تفضلوا ............ - الصفحة 10

titi119 · 2013-02-11, 11:36

نستعرف بيك وفاءووووووو مرقتيش حتى خرجتيها
كخير توريلي طريقة انا راني تعدبت معاها و ندير مقايس تع اميرة

amira79 · 2013-02-11, 11:56

اقتباس:

المشاركة الأصلية كتبت بواسطة منارة الوفاء

أنا منكذبش اعليك نسيي شوية كاش مندير انجاز عظيم هههههههههههههه كلاوني يديا فالحق لازم نخنتش

وبخصوص العرس
أنا المعلم اديالي قالي لازم هاذ العام نضرب الشربة انتاع مرتي في رمضان قتلو يودي مزالني موجدتش روحي خليني بعد رمضان قالي والو قبل رمضان سي قبل رمضان
زعما خوفتو قتلو ديرلي قبل رمضان نديرلك الشربة مالحة ههههههههههههههه
أيا على الزكارة كرى لاصال 23 جوان ان شاء الله وقالي اديريها مالحة مسوسة دبري راسك المهم يسموها شربة ههههههههه
اختك راهي طيحة ونوضة على ربي ان شاء الله الي درتها درتها والي ملحقتش اعليها بعد العرس نورمال
ولعقوبة لكامل لبنات ان شاء الله

ربي يهنيك و تديريلو الشربة تاعك يا لالا و يفرح بيها ...............رانا معروضين؟

نبوغ · 2013-02-11, 12:39

السلام عليكم وكيف أحوالكم جميعا
أخت الحمد الله كثيرا شكرا لك على الشرح برغم من أني جربت ومعرفتش جبتها ولالا
أخت جيل يعطيك الصحة خرجتلك تحفة مام الكولار هايل رحت طول شريت كيفو ههههه
أختنا وفاء ربي يهنيك ويكملك يعطيك الصحة خدمتك هايلة مدابيك تورينا طريقة
أخت أميرة منسيتكش نتي كل في الكل هنا راني مابديتش قلت حتان تورينا خدمت صحبتك وشكرا لكم جميعا

amira19 · 2013-02-11, 13:22

مساء الخير عليكم يا لحراير

راني ما رحتش نخدم اليوم دارتلي la migraine مصباح و انا زامه راسي كي لعجايز " ستر ربي ما شافنيش راجلي كون راهو قالهم ميش هادي هي لي نحوس عليها راكم بدلتوهالي هههههههههههههههههههههههههههههههههههههه"""

و مازال ما صورتلكمش العفسة تاع زميلتي

وفاء انا ما خرجوليش لي فوتو تاعك ما علاباليش لاه

مادا بيك عاودي حطيهم و رانا كامل نستنناو في طريقتك يا الزينه

يا الله يا لبنات الهمه منين تحطلك وفاؤوووووووووووو a l'attaque حمرولي وجهي باه يقولو الناس اميرة بناتها شاطرات هههههههههههههه

تحياتي

zahra30 · 2013-02-11, 16:49

ربي يجيب الشفاء اختي اميرة ..... حتى انا ما خرجوليش الصور انتاع الاخت منارة الوفاء ربي اهنيها ويصلح وعقبال لعرايس اللي بقاو

amira19 · 2013-02-11, 16:57

راهي جات ضرك تعاود تحطهم الاخت زهرة

منارة الوفاء · 2013-02-11, 17:03

الصورة للي مخرجتلهمش البياسة الي خدمتها

وهاذي الأرقانزا الي جربت فيها الطريقة قبل التيل شوفو كيفاش تخرج قبل مانبدا نخدمو فيها بالكروشي

منارة الوفاء · 2013-02-11, 17:12

لاباس اعليك ان شاء الله أمورة مايكون غير الخير حبيبتي

نبوغ · 2013-02-11, 17:21

أخت أميرة طهورا إن شاء الله أخت وفاء أنقدينا بالطريقة ربي يهنيك

منارة الوفاء · 2013-02-11, 17:24

وصورة أوضح بكثيييييييييييييييييير اسكانيتها لعيونكن يا حلوات

منارة الوفاء · 2013-02-11, 17:26

لبنات اصبرو اعليا شوية راني نخدملكم فالطريقة بالصور باش تفهموا اكثر

amira19 · 2013-02-11, 17:30

شكرا حبيباتي

وفاؤوووووووووووووووووووووووووووو خرجلك هبال الله يبارك ما شاء الله عليك

في انتظار الطريقة على احر من الجمر

منارة الوفاء · 2013-02-11, 18:29

اقتباس:

المشاركة الأصلية كتبت بواسطة amira19

شكرا حبيباتي

وفاؤوووووووووووووووووووووووووووو خرجلك هبال الله يبارك ما شاء الله عليك

في انتظار الطريقة على احر من الجمر

يبارك فيك وفي ايامك ان شاء الله يالحبيبة
ان شاء الله ريحتي شوية
الطريقة راهي خرجت من الفوووووور آآآآآآآآآآآ عفوا السكاناااااااااااااااااااار

المهم المهم راهي سخونة ردوبالكم تحرقكم برك ههههههههههههههه
راني نطلع فالصور حبيبتي منطولش ان شاء الله

منارة الوفاء · 2013-02-11, 19:00

الطريقة الساهلة الماهلة لأعز حبيباتي.......

أول شي باش تسهللكم عملية قص التيل نقترح عليكم طريقتي

في كل مرة نحب نخدم فيها نقطع التيل على طوله الى شريط عرضه 23سم، الطول ميهمش يعني على حساب طول القماش
نأخذ هذاك الشريط نثنيه على 2 وبالتالي نتحصل على شريط عرضه 11.5سم ثم نزيد نطويه على 2العرض حوالي مرتين أو ثلاث يعني على حساب طول الشريط وبالتالي نتحصل على شكل مربع
نحكم هذيك القطعة باابر من عدة جوانب وحتى فالوسط باش ميزلقليش القماش ونرسم عليه دائرة قطرها 11سم
فالحقيقة أنا رسمت الدائرة بكاس بصح جاتني الوردة صغيرة املا عاودت درت قياس انتاع طبسي صغير وخرجلتي قد قد على الزهر

صورة للتوضيح

بعدها نقصو القماش على حافة الدائرة الي رسمناها نتحصلو على 8دوائر بنفس القياس يعني نضرب 8 عصافير بحجر واحد هههههههههه

شكل الدائرة الواحدة في الصورة

بعدها ناخذو ابرة وخيط ونخيطو حافة الدائرة مع ترك قياس 3مم من حافة الدائرة
ملاحظة : أنا فالصورة استعملت الخيط الأبيض باش نوضحلكم برك بصح فالحقيقة أنا نستعمل خيط السنارة لأنو شفاف وميبانش كي نخيطو التيل ونركبو العقاش يعني نخدمو براحتنا

صورة للتوضيح

بعدها نجبدو الخيط بلطف حتى يتكمش التيل ونتحصلو على رزمة
منخلوش الشكل مرزم وانما نبلطوه في يدنا يعني نرجعوه بهذا الشكل ونخلو جهة الخياطة من الفوق

اهنا نحاولو نعدلو الشكل باش يجي متجانس وندخلو لابرة من الفوق ونخرجوها من التحت في الوسط فقط ونكررو العملية 2 أو 3 مرات باش نتحصلو على الدائرة الي شفتوها فالصورة
بعدها انديرو العقاشة فوق الخياطة الي درناها ونخيطوها هي ثاني

وبالتالي نتحصلوا على هذا الشكل

وبعدها أكيد تكملوا الخدمة بالكروشي

شفتو ساهلة ماهلة كيما قلتلكم
ان شاء الله تعجبكم الطريقة وتساعدكم فالعمل

توكلن على الله وريولنا حنة يديكم هههههههههه الصح قاع فحنة اليدين ههههههههه

تحياتي للجميع

titi119 · 2013-02-11, 19:14

بشفا عليك اميرتي
صحا نوم وفاءووووو راني نصنا باحر من الجمر