الدرس التطبيقي السادس في دورة التطريز بشرائط الساتان

fifiarch · 2012-05-12, 16:58

اهلا ومرحبا بيكم اخواتي
اليوم وبعد الانتهاء من الدرس التطبيقي الخامس واكيد بعد ما رايناه من ابداع الاخوات
نبدا على بركة الله الدرس التطبيقي السادس
وكالعادة فتحنا موضوع جديد لتجنب ثقل الصفحات
في انتظار ان يتم التثبيت من طرف المشرفات
وحتى لا ننسى هنا روابط الدروس التطبيقية السابقة
الدرس الاول
https://www.djelfa.info/vb/showthread.php?t=894149
الدرس الثاني
https://www.djelfa.info/vb/showthread.php?t=920050
الدرس الثالث
https://www.djelfa.info/vb/showthread.php?t=936266
الدرس الرابع
https://www.djelfa.info/vb/showthread.php?t=951524
الدرس الخامس
https://www.djelfa.info/vb/showthread.php?t=957108
وهنا مواضيع اعمال الاخوات وتقييماتها
الموضوع الاول
https://www.djelfa.info/vb/showthread.php?t=919137
الموضوع الثاني
https://www.djelfa.info/vb/showthread.php?t=936252
الموضوع الثالث
https://www.djelfa.info/vb/showthread.php?t=951522
الموضوع الرابع
https://www.djelfa.info/vb/showthread...41#post9855241
الموضوع الخامس
https://www.djelfa.info/vb/showthread.php?t=964621
والان على بركة الله نبدا مع الدرس السادس
وكالعادة مدة التطبيق اسبوعين
وسيوضع الدرس كاملا ليس كما تعودنا كل جزء في اسبوع
ذلك لانه درس مشترك مع دورة التروسو
حتى يكملو الاخوات في دورة التروسو اعمالهن

على بركة الله نبدا
الدرس التطبيقي السادس
الدرس مقدم من طرف الاخت
fifiarch

بسم الله
اولا الادوات لي نحتاجوها في هاذ الدرس
خيط الحرير لون اخضر للاغصان
دبلة نتاع نص سنتيمتر خضراء للاوراق
دبلة نتاع سنتيمتر بلونين نستعملوها للبراعم والوردة الكبيرة والورد الملتوية
دبلة اراجونزا من لونين نستعملوها للوردة
دبلة رقيقة لونها يخرج على الخدمة
نخدمو بيها العقدة الفرنسية
دبلة رقيقة صفراء نعملو بيها قلب الوردة
والتزيين كل وحدة واش تحب

هذا التطبيق لي راح نخدموه باذن الله
ومن كل الجوانب حتى تبانلكم الوردات كامل بوضوح
وفيه رشمتين واحد للوسط وزوج للجوانب
والرشمة من اختراعي
والوردات لي فيها اجتهاد لي من خلال دروس تعلمتها في الانترنت حبيت نفيدكم بيها معايا

وهنا تطبيقي لما استثمرتو في كوفرولي السموكس نتاعي

والان نبدا على بركة الله الشرح
هنا الرشمة باه تجيكم ساهلة وتنقلوها مباشرة
نتمنى انها تنال اعجابكن لاني رسمتها من راسي

ونبدا كالعادة بتطريز الاغصان
بطريقة point de tige التي تعلمناها في درس طاطا ام سفيان
هنا الفيديو عملتهولكم للافادة
https://www.youtube.com/watch?v=Pszspu5_C5Q

بعدين نطرز الاوراق بهذه الطريقة
الفيديو يشرح ذلك
https://www.youtube.com/watch?v=Tw7O_...hannel&list=UL
https://www.youtube.com/watch?v=e9yih...hannel&list=UL
حتى نتحصل على هذا الشكل

نتعلمو العقدة الفرنسية اولا لانو الفيديو السابق نهاية الغصن فيه مخدومة بالعقدة الفرنسية
شوفو الصور تفهمو الطريقة نتاعها

الان نتعلمو طريقة طرز الوردة الكبيرة
نخليكم مع الصور تشرحلكم

بعد مانكمل اول دورة نزيدو نعملو بنفس الطريقة دورة اخرى فوقها

ونعمرو قلبها بالعقدة الفرنسية

الان نتعلمو وردة الاراجونزا
ندخلو الخيط اسفل قطعة الشريط يكون طولها حوالي ستين سنتيمتر
ونبدو نشدو بالشوي حتى تتشكل ومبعدين نعملوها شكل حلقة يعني نربطو الاخير بالاول توليلنا كرية ونثبتوها في القماش
انا الحقيقة نحب هاذ الوردة
وراها تصلح غير بالاراجونزا

الان نروحو لكيفية عمل البرعم
هذا الفيديو
https://www.youtube.com/watch?v=D_6y1...hannel&list=UL
وهنا الصور تبين الطريقة

اما بالنسبة لهاذ الوردة للاسف ماكفانيش الوقت باه نخدملكم الطريقة

شوفو هاذ الفيديو فيه طريقة العمل
انا تعلمتها منو
https://www.youtube.com/watch?v=lFiCdTl76OM

بالنسبة لهاذ الوردة نخدموها بعمل العقدة الفرنسية

والوردة هاذي نخدمولها كل بتلة من البتلات بطريقة البرعم مبصح بالدبلة الرقيقة

وبهذا اخواتي نكونو كملنا الدرس السادس
نتمنى انو يكون نال اعجابكن
لانها اعمال تعلمتها وحبيت نشارككم بيها
وعندكم وقت للتطبيق مدة اسبوعين بالتوفيق للجميع

موجو جوجو · 2012-05-12, 17:03

واو الله يبارك
شابه
أستنايني حتى نتعلم شويا

موجو جوجو · 2012-05-12, 17:04

فيفي تسحقك كرونو راهي فقسم الدردشه

sofiane2075 · 2012-05-12, 17:17

مساء الخير يا اشطر استادة بارك الله فيك

يعطيك الصحة فيفي

الموضوع رائع ما شاء الله بصح نطبقوه كامل او لي دارو الكوفرولي و شكرا

fifiarch · 2012-05-12, 17:25

اكي طاطا يطبقوه كامل
لانو فيه درس طرز ونتعلمو فيه وردات جديدة

crono · 2012-05-12, 17:34

الله يبارك
شابه يعطك الصحة والصور واضحين
أنا رني عملت الكفرولي في الوسط دورك نحطهولك أرشمة حصلت فيها

فتاة مسلمة · 2012-05-12, 17:36

شكرا حبيبتي فيفي ربي يجازيك كل خير ان شاء الله
من بعد نخمم واش نديرله
بوركتي حبيبتي على الدرس المميز

sofiane2075 · 2012-05-12, 17:39

شكرا فيفي

اسمحيلي نسيت نقلك بصحتك الكوفرولي جاك روعة ما شاء الله و ان شاء الله يكون فال خير عليك و لكل البنات

faizarbh · 2012-05-12, 17:47

ما شاء الله درس في القمة اختي فيفي يعطيك الصحة
ممكن تقتارحي عليا واش انديروا اختي فيفي

sondse1 · 2012-05-12, 17:58

ماشاء الله تبارك الرحمان
استاذة و عليها لكلام

داتلي قلبي هذي الرشمة روعة

ان شاء الله نديرها ناب للصالة و لا للغرفة نتاعي على لون الصالون ماروكان باذن الله

بارك الله فيك فيفي