الدرس التطبيقي الرابع في دورة التطريز بالشرائط

fifiarch · 2012-04-30, 14:45

الف مرحبا وسهلا بالجميع
اليوم وبعد الانتهاء من الدرس التطبيقي الثالث واكيد بعد ما رايناه من ابداع الاخوات والتقدم الملحوظ في الاعمال
هذا تحفيز كبير لنا لمواصلة مشوار الدورة
لكن للمواصلة حبينا نديرو وقت مستقطع
يكون منو درس مصغر منو راحة لكن
العمل يبقى في اطار شرائط الساتان
لكن اليوم من غير طرز
راح نعملو باذن الله علاقة مفاتيح
نبدا على بركة الله الدرس التطبيقي الرابع
وكالعادة فتحنا موضوع جديد لتجنب ثقل الصفحات
في انتظار ان يتم التثبيت من طرف المشرفات
وحتى لا ننسى هنا روابط الدروس التطبيقية السابقة
الدرس الاول
https://www.djelfa.info/vb/showthread.php?t=894149
الدرس الثاني
https://www.djelfa.info/vb/showthread.php?t=920050
الدرس الثالث
https://www.djelfa.info/vb/showthread.php?t=936266
وهنا مواضيع اعمال الاخوات وتقييماتها
الموضوع الاول
https://www.djelfa.info/vb/showthread.php?t=919137
الموضوع الثاني
https://www.djelfa.info/vb/showthread.php?t=936252
الموضوع الثالث
والان على بركة الله نبدا مع الدرس الرابع
وعلى غير العادة الدرس راح تكون مدة التطبيق فيه اقصر لانو مايحتاجش جهد وعناء كبيرين
ويوم السبت راح يكون اخر اجل لوضع التطبيقات
على بركة الله نبدا
الدرس التطبيقي الرابع
الدرس مقدم من طرف اختنا الغالية
sondes1
الف شكر لها وجازاها الله عنا كل خير
ربنا يجعل ما افادتنا به في ميزان حسناتها
وان شاء الله زواج سعيد وربي يعاونها في تجهيزاتها للعرس
يعني استاذتنا لهذا الاسبوع ان شاء الله راح تكون اختنا سندس ربي يحفظها
بسم الله الرحمن الرحيم نبدا
هنا العلاقة لي راح نخدموها

نحتاج الى
شرائط ساتان بعرض 2 سم بلونين مختلفين
نصف متر شرائط ساتان عرض 0.6 سم بنفس الالوان السابقة
سيليكون
ابرة خيط
طرف ساتان روايال من لونين على حساب تناسق الالوان
و طرف ساتان عادي على شكل معين

طريقة عمل الوردة

نقوم بثني الشريط بعد حرق الجوانب بالطبع على شكل مثلث
ثم نثني المثلث حتى نتحصل على البرعم
نخيط البرعم جيدا
ثم نبدا بتشكيل الوردة و ذلك عن طريق لفها مع ثني اللفة على شكل مثلث
كما هو موضح

طريقة عمل الحامل

نفرد شريط الساتان " عرض 0.6 " ثم نضع عليه السيليكون
ثم نقوم بالصاق الشريط الثاني
كما هو موضح
وبعد الاتهاء نختار طول الحامل كيما حابين باه مبعد نلصقوه

طريقة عمل الاوراق

نعملوهم بنفس الطريقة نتاع بتلات الوردة لي تعلمناها في اول درس
نقص الساتان على شكل مربعات بحجم 5 سم
على حسب الالوان الي اخترتيها وعلى عدد الاوراق لي راح نخدموهم
ناخذ قطعة الساتان
و نطويها لنتحصل على مثلث ثم نطويها مرة اخرى لنحصل على مثلث اقل من الاول
نجلبة الابرة و الخيط و نخيط قاعدة المثلث و نجبد الخيط جيدا و نقوم بعقده
نقوم بالعملية لنتحصل على عدد الاوراق لي رانا حابينها
كما هو موضح

و في الاخير نلصق الوردات بالسيليكون على المعين
و نلصق الحامل لنتحصل على علاقة المفاتيح

وهنا فيديو طريقة عمل الوردة

https://www.youtube.com/watch?v=Vhn_h...hannel&list=UL

اتمنى يكون شرحي بسيط و سهل عليكم

هنا اخواتي ينتهي شرح حبيبتنا سندس الف شكر لها وجازاها الله خيرا عنا ان شاء الله تكون الامور واضحة للجميع
اتمنى لكن التوفيق
والتطبيقات توضع كاخر اجل يوم السبت المقبل ان شاء الله

هاجر 76 · 2012-04-30, 14:48

اهلين حبيبة فيفى رانى اول وحدة دخلت وردت يعطيك الصحة وربى يفرحك

ام مرية · 2012-04-30, 14:53

يعطيكم الصحة استذاتي الفضليات ربي يحفضكم ويعطيكم ما تتمناو شكرا سندس على العلاقات الجمية كنت راح ننسحب هاد الاسبوع ولكن غيرت رايي لما شفت الدرس راح نطبقو ونحطو ان شاء الله

fifiarch · 2012-04-30, 14:53

الف شكر بترا
عندي ليك طلب جيتي وجابك ربي
شفيتي على هذاك الفيديو لي عطيتيهولي فيه نفس هاذ الوردة انا عندي الفيديو وماعنديش الرابط
ممكن الرابط باه نحطو للبنات يستفادو منو

faizarbh · 2012-04-30, 14:59

مشكورة اختي فيفي و اختي سندس فيييييييييييييييييييييفييييييييييييييييييييييي هههههههههه بصح السبت راه قريييييييييييييييييييييييب بقاو 4 ايام و انا واش اندير لازملي انروح للبلاد نشري و دوكا راني نخدم يعني عندي غير الويكااااااااااااااند نشري فيه اللوازم زيديلنا شوية هيهيهيهيهيهيهيهي

fifiarch · 2012-04-30, 15:02

واش راح نقلك حبيبتي فايزة احنا حسبنا هاذو الادوات عندكم لانو سبق واستعملناهم
معليش تحطي تطبيقك متاخرة ماشي مشكل
بالتوفيق

faizarbh · 2012-04-30, 15:10

اقتباس:

المشاركة الأصلية كتبت بواسطة fifiarch

واش راح نقلك حبيبتي فايزة احنا حسبنا هاذو الادوات عندكم لانو سبق واستعملناهم
معليش تحطي تطبيقك متاخرة ماشي مشكل
بالتوفيق

راني حشمانة على روحي اختي فيفي ديجا راني مازال ما انحط التطبيق تاع الدرس الثاني اللي قتلك عليه لكن الله غالب ظرروف انا كي رحت للبلاد نشري حوست كامل على الاغقونزا و ما لقيتش جيت وصيت واحد و قتلو جيبلي قالي ايه لكن كل ما انروح عندو يقولي مازال ما زال و الله حشمت لاني عطيتلو كلمة و وصيتو هو خصوصا خفت ايذا يجيب و انا نشري حاشية عادية و يقولي انا جبتها على جالك ها راني صابرة و نستنى و بالنسبة للمخدة اختي فيفي دوك انصغر من حجمها و انعاود انحطهالك و ديريها مع تطبيقي و اسفة

fifiarch · 2012-04-30, 15:13

معليش اختي الغالية ماتحشمي ماوالو
انا كيفك نعاني غير من القضيان
الدراهم كاين مبصح مانقدرش نخرج لانهم دارنا مايحبوش
نحصل في القضيان نتاعي

sofiane2075 · 2012-04-30, 15:16

شكرا فيفي على المجهود لي تبدلي فيه يعطيك الصحة شكرا سندس العلاقة رائعة عجبتنا و راح تطبقها مريم جازاكم الله خيرا

fifiarch · 2012-04-30, 15:19

العفووو طاطا هذا واجبي لكن الصح نتعب في تنسيق الدرس ونقل الصور خاصة كي تكون الانترنتت ثقيلة

faizarbh · 2012-04-30, 15:20

راني عاودت طلعتهم اختي فيفي ديريهوملي في التطبيق و صحيتي اختي

و هذاك المشكل انا تاني نعاني منو خطرات نطلع حتى للولاية باش نقضي

fifiarch · 2012-04-30, 15:23

معليش اختي فايزة انا عدت نشري من الحاجة بالزاف كي نخرج باه ماعادش نتخص
راني اضفت تطبيقك

faizarbh · 2012-04-30, 15:26

مشكورة اختي انا تاني نبدا اندير كيما انتي

fifiarch · 2012-04-30, 15:29

العفوووووووووووووو

زهرة الهضاب 19 · 2012-04-30, 16:15

شكرا لك أختي فيفي على المجهود الكبير لي راكي تبذلي فيه معانا ....

أنا للأسف صورة العلاقة مخرجتليش ......الأولى ؟؟؟

المهم بالاك المشكل من الانترنت راهي تقطر ......

ربي يعاونكم كامل ......و ان شاء الله نشوفو ابداعاتكم عن قريب في الدرس ....