بسكوي رولي ناجح من المرة الأولى على ضمانتي

[الصوامعية]

[IMG][/IMG]

السلام عليكم جميعا

اليوم جبتلكم طريقة سهلة ومجربة للبسكوي رولي ينجح من التجربة الأولى إن شاء الله بالخصوص للمبتدئات لعمرهم مدروه بمقادير هايلة بدون إطالة نخليكم مع المقادير ، طريقة التحضير والصور من مطبخ الصوامعية مصورتلكمش المراحل الأولى للتحضير الكل يعرفها فقط النتيجة النهائية نتمنى يعجبكم وتتوفقو في تحضيرو

المقاديــــــر :

- 5 حبات بيض كبار
- 6 مغارف كبار معمرين مليح فرينة
- 5 مغارف كبار سكر عادي
- قرصة ملح
- فاني

التحضيــــــر:

في صحن عريض نحط البيض + السكر +الملح +الفاني نضربهم بالباتور مليح مليح حوالي 15 دقيقة حتى يتبدل اللون نتاعو ويولي فاتح نضيفلو الفرينة بالشوي ونخلط بالمغرف بلا ما نخسرلها الهواء .
نديرها في سنيوة فيها ورق الزبدة ندخلها للفرن مدة 15 دقيقة حتى تنشف نخرجها من الفرن وندير فوقها سربيتة مشمخة أو منديا يكون الورق في الأعلى والسربيتة من الأسفل نلويها و نخليها تبرد شويا نحلها وننزعلها الورق نشمخها بسيرو ثم نديرلها كرام شانتي ثم لويتها وزوقتها من فوق بشويا شانتي وذرذرت عليها فرميسال لنحبها بزاف فالحلويات وكل وحدة والديكور نتاعها نتمنى يعجبكم وتجربوه

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

هذي القطعة مهدات لكل واحد دخل إلى موضوعي

[IMG][/IMG]

[*سماح 94*]

سلااااام عزيزتي الصوامعية جمعة مباركة لا تنسينا من الدعاء
ماشاء الله هاايل اختي والمقادير بسيطة ومظبوطة بارك الله فيك عزيزتي .........فحلة

[lilou 2010]

بارك الله فيك يا الحبيبة جزاك الله خير يا الفحلة راني اديت حقي

[lilou 2010]

عندي سوال فقط حبيبتي الصوامعية و الخميرة ما كانش و لا نسيتي تدكريها ارجو التوضيح

[دموع تائبة]

بارك الله فيك اختي
طريقتك في الشرح رائعة
ربي يحفظك يا لالات النسا

[sarah3113]

شكرا لك وبارك الله فيك

[ahlem_22]

يعطيك الصحة أختي

[الصوامعية]

المشاركة الأصلية كتبت بواسطة nokia2007dz

سلااااام عزيزتي الصوامعية جمعة مباركة لا تنسينا من الدعاء
ماشاء الله هاايل اختي والمقادير بسيطة ومظبوطة بارك الله فيك عزيزتي .........فحلة

أهلا بالغالية والعزيزة على قلبي nokia2007dz شرفتي موضوعي دائما منورتني بردودك مع الأوائل جمعة مباركة لك أيضا تقبل الله منا ومنكم صالح الأعمال سلامي للوالدة الكريمة وناس العلمة

[الصوامعية]

المشاركة الأصلية كتبت بواسطة lilou 2010

بارك الله فيك يا الحبيبة جزاك الله خير يا الفحلة راني اديت حقي

وفيك بارك الله أختي lilou 2010 بصحتك إلى خصك قوليلي مزال كاين الخير

بالنسبة لسؤلك هذا البسكوي مفيهش الخميرة فقط البيض تطلعيه مليح مع السكر

[ام خيرو]

بارك الله فيك اختي

[الصوامعية]

المشاركة الأصلية كتبت بواسطة دموع تائبة

بارك الله فيك اختي
طريقتك في الشرح رائعة
ربي يحفظك يا لالات النسا

شكرا عزيزتي دموع تائبة على الكلام الجميل ربي يحفظك

[الصوامعية]

المشاركة الأصلية كتبت بواسطة sarah3113

شكرا لك وبارك الله فيك

وفيك بارك الله أختي شكرا على المرور

[الصوامعية]

المشاركة الأصلية كتبت بواسطة ahlem_22

يعطيك الصحة أختي

العفو عزيزتي ahlem_22 نورتيني

[الصوامعية]

المشاركة الأصلية كتبت بواسطة ام خيرو

بارك الله فيك اختي

وفيك بارك الله أختي ام خيرو شكرا على المرور المشجع

[sisi 26]

روووووووووووووووووووووعة شكرا لك